இந்த திட்டம் முதன்முதலில் ஒரு பத்தாண்டிற்கு முன்பு முன்வைக்கப்பட்டது. இந்த திட்டத்திற்கு பாஜக தொடர்ந்து எதிர்ப்பு தெரிவித்து வருகிறது. இந்த வாரம் மறுசீரமைப்பு மசோதா (reorganisation Bill) தாக்கல் செய்யப்பட்டபோது கர்நாடக சட்டமன்றத்தில் எதிர்ப்புகள் எழுந்தன.
பரந்த பெங்களூரு நகர்ப்புற உள்ளாட்சி அமைப்பை (Greater Bengaluru urban local body) பல சிறிய அமைப்புகளாக உடைப்பதற்கான சட்ட முன்மொழிவானது, சனிக்கிழமையன்று இந்த நகரைச் சேர்ந்த அனைத்து சட்டமன்ற உறுப்பினர்களின் கூட்டத்தில் விவாதிக்கப்படும் என்று குறிப்பிடப்பட்டது.
பரந்த பெங்களூரு ஆளுகை மசோதா (Greater Bengaluru Governance Bill), 2024 செவ்வாய்க்கிழமை ஜூலை 23 அன்று, கர்நாடக சட்டமன்றத்தில் தாக்கல் செய்யப்பட்ட பின்னர், பாஜக சட்டமன்ற உறுப்பினர்கள் எதிர்ப்பு தெரிவித்தனர். பரந்த பெங்களூர் மாநகராட்சியை (Bruhat Bengaluru Mahanagara Palike (BBMP)) மறுசீரமைக்கும் திட்டம் நகரத்தின் நலன்களுக்கு எதிரானது என்று கூறினார்.
இந்த மசோதா ஜூலை 27-ம் தேதி விவாதிக்கப்படும் என்று துணை முதல்வரும் பெங்களூரு மேம்பாட்டு அமைச்சருமான டி.கே.சிவகுமார் கூறினார். இது, ஜூலை 26 வெள்ளிக்கிழமை அன்று முடிவடையும் சட்டமன்றத்தின் தற்போதைய கூட்டத்தொடரில் இது எடுத்துக் கொள்ளப்படாது என்று பரிந்துரைத்தார்.
இந்த மசோதாவானது, சட்டசபையில் விவாதத்திற்கு எடுத்துக் கொள்ளப்படுவதற்கு முன்பு அனைத்து கட்சிகளையும் சேர்ந்த நாடளுமன்ற உறுப்பினர்கள் அடங்கிய துணைக் குழுவால் ஆராயப்படும் என்று அதிகாரப்பூர்வ வட்டாரங்கள் தெரிவித்தன.
2012-ம் ஆண்டில் டெல்லி மாநகராட்சியை (Municipal Corporation of Delhi (MCD)) மூன்றாகப் பிரிக்கும் சோதனை வெற்றி பெறவில்லை என்பதையும், 2022-ல் குடிமை அமைப்பு மீண்டும் ஒன்றிணைக்கப்பட்டது என்பதையும் குறிப்பிடுவது பொருத்தமானது.
பரந்த பெங்களூரு ஆளுகை மசோதா (Greater Bengaluru Governance Bill) என்றால் என்ன?
சித்தராமையா முதல்வராக இருந்தபோது 2014 நவம்பரில் உருவாக்கப்பட்ட பரந்த பெங்களூர் மாநகராட்சி (BBMP) மறுசீரமைப்புக் குழுவால் இந்த மசோதா வரைவு செய்யப்பட்டது. இந்த குழு தனது அறிக்கையை 2015-ல் சமர்ப்பித்த பிறகு, பரந்த பெங்களூர் மாநகராட்சியை (BBMP) சிறிய நிறுவனங்களாகப் பிரிக்க அரசாங்கம் ஒரு மசோதாவைக் கொண்டு வந்தது. ஆனால், பாஜக எதிர்ப்பு தெரிவித்ததை அடுத்து அந்த திட்டத்தை கிடப்பில் போட வேண்டிய கட்டாயம் ஏற்பட்டது.
2018-ம் ஆண்டில், இந்த குழு பரந்த பெங்களூரு ஆளுகை மசோதாவின் (Greater Bengaluru Governance Bill) வரைவை அரசாங்கத்திடம் சமர்ப்பித்தது. சித்தராமையா மீண்டும் ஆட்சிக்கு வந்த பிறகு, ஓய்வு பெற்ற ஐ.ஏ.எஸ் அதிகாரி பி.எஸ்.பாட்டீல் தலைமையில் ஜூன் 2023-ல் குழு மீண்டும் கூட்டப்பட்டது. ஜூன் 2024-ல், முதல்வர் தலைமையில் நடந்த கூட்டத்தில் பெங்களூரைச் சேர்ந்த சட்டமன்ற உறுப்பினர்களுக்கு இந்த குழு ஒரு தெளிவான விளக்க உரையை வழங்கியது.
ஜூலை 15-ம் தேதி சட்டமன்றத்தின் மழைக்கால கூட்டத்தொடர் தொடங்குவதற்கு ஒரு வாரத்திற்கு முன்பு, இந்த குழு மசோதாவின் திருத்தப்பட்ட வரைவை சிவகுமாரிடம் சமர்ப்பித்தது.
இந்த மசோதா முன்மொழிந்தது என்ன?
பரந்த பெங்களூரு பகுதியில் (Greater Bengaluru Area) உள்ள மாநகராட்சிகளின் எண்ணிக்கை "பத்தைத் தாண்டக்கூடாது" என்று இந்த மசோதா கூறுகிறது. இந்த முன்மொழியப்பட்ட சட்டத்தில் குறிப்பிடப்பட்டுள்ள அளவுகோல்களின் அடிப்படையில் பெரிய பெங்களூர் மாநகராட்சி (BBMP) ஐந்து அலகுகளாகப் பிரிக்கப்படும் என்று அதிகாரப்பூர்வ வட்டாரங்கள் தெரிவித்தன.
நிர்வாகக் கட்டமைப்பு மூன்று நிலைகளைக் கொண்டிருக்கும். மேலும், பரந்த பெங்களூரு ஆணையம் (Greater Bengaluru Authority (GBA)) முதலிடத்தில் இருக்கும். பெருநிறுவனங்கள் பரந்த பெங்களூரு ஆணையத்துக்கு (GBA) கீழேயும், வார்டு கமிட்டிகள் மாநகராட்சிகளுக்கு கீழே இருக்கும்.
முதல்வர் தலைமையிலான பரந்த பெங்களூரு ஆணையத்தில் (GBA) பெங்களூரு வளர்ச்சி (Bengalurue Development), உள்துறை மற்றும் நகர்ப்புற மேம்பாட்டு அமைச்சர்கள் (Ministers for Home, and Urban Development), நகர சட்டமன்ற உறுப்பினர்கள் (city MLAs) மற்றும் பெங்களூரு மேம்பாட்டு ஆணையம் (Bangalore Development Authority (BDA)), பெங்களூரு நீர் வழங்கல் மற்றும் கழிவுநீர் வாரியம் (Bangalore Water Supply and Sewerage Board (BWSSB)) மற்றும் பெங்களூரு பெருநகர போக்குவரத்துக் கழகம் (Bengaluru Metropolitan Transport Corporation (BMTC)) போன்ற அமைப்புகளின் தலைவர்கள் உட்பட 21 உறுப்பினர்கள் இருப்பார்கள்.
இந்த மசோதா ஒரு நகர கழகத்திற்கான அளவுகோல்களை குறிப்பிடுகிறது. முதலாவதாக, நகரத்தில் 1 மில்லியன் (10 லட்சம்) அல்லது அதற்கு மேற்பட்ட மக்கள் தொகை இருக்க வேண்டும். இரண்டாவதாக, மக்கள் தொகை அடர்த்தி ஒரு சதுர கிலோமீட்டருக்கு 5,000 பேருக்கு மேல் இருக்க வேண்டும். மூன்றாவதாக, ஒவ்வொரு ஆண்டும் நகரம் குறைந்தபட்சம் ரூ.300 கோடி வருவாய் ஈட்ட வேண்டும். கடைசியாக, மொத்த வேலைவாய்ப்பில் 50%-க்கும் அதிகமானோர் விவசாயம் அல்லாத நடவடிக்கைகளில் இருக்க வேண்டும்.
ஆணையத்தின் கீழ் முன்மொழியப்பட்ட நகர கழகங்களில் உள்ளூர் பகுதிகளை சேர்க்கலாம். எந்தெந்த பகுதி எந்த மாநகராட்சியின் கீழ் வரும் என்பதை முடிவு செய்யும் அதிகாரம் அரசுக்கு உள்ளது. இருப்பினும், உள்ளூர் பகுதி என்றால் என்ன என்பதை மசோதா வரையறுக்கவில்லை.
ஒவ்வொரு மாநகராட்சியிலும் வார்டுகளின் எண்ணிக்கை இருநூறுக்கு மிகாமலும் ஐம்பதுக்குக் குறையாமலும் இருக்க வேண்டும் என்று இந்த மசோதா கூறுகிறது. தற்போது பிரிக்கப்படாத, பரந்த பெங்களூர் மாநகராட்சியில் (BBMP) தற்போது 198 வார்டுகள் உள்ளன.
தேர்ந்தெடுக்கப்பட்ட பிரதிநிதிகள் தவிர, 10% கவுன்சிலர்களை அரசாங்கம் நியமிக்கும். நகராட்சி நிர்வாகம், சுகாதாரம், நகரத் திட்டமிடல் அல்லது கல்வி ஆகியவற்றில் சிறப்பு அறிவும் அனுபவமும் உள்ளவர்களிடமிருந்து இந்தப் பரிந்துரைக்கப்பட்டவர்கள் தேர்ந்தெடுக்கப்படுவார்கள். அவர்கள் சமூக சேவையாளர்களாகவும் இருக்கலாம். நியமன கவுன்சிலர்களுக்கு மாநகராட்சி கூட்டங்களில் வாக்களிக்கும் உரிமை கிடையாது.
மாநகராட்சிகள் என்ன வரி விதிக்கலாம்?
இந்த மசோதா நகர நிறுவனங்களுக்கு பல்வேறு வரிகள், செஸ்கள் மற்றும் கடமைகளை வசூலிக்க அனுமதிக்கிறது. மேலும், இந்த மசோதா பின்வருவனவற்றை குறிப்பிடுகிறது. நிலம் மற்றும் கட்டிடங்கள் மீதான சொத்து வரி, சொத்து வரியிலிருந்து விலக்கு அளிக்கப்பட்ட சொத்துகளுக்கான சேவைக் கட்டணம், விளம்பரங்களுக்கான கட்டணம், தொழில்கள், வர்த்தகங்கள், அழைப்புகள் மற்றும் வேலைவாய்ப்புகள் மீதான வரி, திடக்கழிவு மேலாண்மை செஸ் வரி, உள்கட்டமைப்பு தொடர்பான செஸ் வரி, நகர்ப்புற நில போக்குவரத்து மீதான செஸ், பரந்த பெங்களூரு ஆணையத்தின் செஸ் அசையாச் சொத்தை மாற்றுவதற்கான கூடுதல் முத்திரை வரி ஆகியவற்றை குறிப்பிடுகிறது.
வருவாய் ஒரு முக்கிய காரணியாகும். எந்தவொரு பரந்த நகர்ப்புற குழுமத்தின் வளர்ச்சியும் சீரற்றதாக உள்ளது. மேலும், டெல்லியில் டெல்லி மாநகராட்சியை (MCD) பிரிக்கும் முயற்சி தோல்வியுற்றதற்கான முக்கிய காரணங்களில் ஒன்று, தெற்கு டெல்லி மாநகராட்சியிடம் (MCD) ஏராளமான பணம் இருந்தது, இதற்கு மாறாக, வடக்கு மற்றும் கிழக்கு மாநகராட்சிகள் நிதி ரீதியாக மோசமாக சிரமப்பட்டன.
எனவே இந்த மசோதா மீதான பாஜகவின் விமர்சனம் மற்றும் அரசாங்கத்தின் பதில் என்ன?
இந்த மசோதா அறிவியலுக்கு புறம்பானது என்று பாஜக கூறுகிறது. எதிர்க்கட்சித் தலைவர் ஆர்.அசோக், "இந்த மசோதா நிறைவேற்றப்பட்டால் பெங்களூருவில் இருந்து கன்னடம் காணாமல் போய்விடும்" என்றும், "கன்னட ஆதரவு குழுக்கள் இந்த சட்டத்தை எதிர்க்கின்றன" என்றும் குற்றம் சாட்டினார். பெங்களூருவின் நிறுவனர் கெம்ப கவுடா, நகரத்தை சிறிய பகுதிகளாகப் பிரிக்கும் முயற்சியை "பழிப்பர்" (curse) என்று பாஜக தலைவர் கூறினார்.
மற்றொரு மூத்த தலைவரும், ராஜாஜிநகர் சட்டமன்ற உறுப்பினருமான எஸ்.சுரேஷ்குமார், மசோதாவை ஆய்வு செய்ய பெங்களூரு நகர சட்டமன்ற உறுப்பினர்கள் அடங்கிய குழுவை அரசாங்கம் நியமிக்க வேண்டும் என்று கோரினார்.
இந்த மசோதாவுக்கு தலைமை தாங்கிய துணை முதல்வர் சிவக்குமார், சட்டம் தேவை என்று விளக்கமளித்தார். பெங்களூருவில் தற்போதுள்ள முறையை மாற்ற முடியாது என்றார். நகரம் திட்டமிடப்படாத வகையில் வளர்ந்து கொண்டிருந்தது. அதை அரசாங்கத்தால் கட்டுப்படுத்த முடியவில்லை.
கர்நாடகாவுக்கு வெளியில் இருந்து அதிக அளவில் மக்கள் வருவது நகரத்தின் வளர்ச்சியைத் தூண்டுகிறது என்று சிவகுமார் கூறினார். பெங்களூருவின் மக்கள் தொகை 20 ஆண்டுகளில் 70 லட்சத்தில் இருந்து 1.4 கோடியாக அதிகரித்துள்ளது.
மசோதா குறித்த விரிவான விவாதம் ஜூலை 27-ம் தேதி நடைபெறும் என்றும், "மசோதாவை உடனடியாக நிறைவேற்ற அவர் கோரவில்லை" என்றும் சிவகுமார் கூறினார்.