டிஜிட்டல் கைதைத் தவிர்த்தல் - சாகர் விஷ்னோய் சுபம் சிங்

 தகவலறிந்து இருங்கள். தனிப்பட்ட தகவல்களை யாரிடமும் பகிர வேண்டாம்.


பிரதமர் நரேந்திர மோடி தனது மன் கி பாத் வானொலி நிகழ்ச்சியில் புதிய இணையவழி மோசடி குறித்து குடிமக்களுக்கு எச்சரிக்கை விடுத்திருந்தார். இது "டிஜிட்டல் கைது" (digital arrest) என்று அழைக்கப்படுகிறது. இந்த ஊழலில், மோசடி செய்பவர்கள் தங்களை சட்ட அமலாக்க அல்லது அரசாங்க அதிகாரிகளாக ஆள்மாறாட்டம் செய்து தனிநபர்களை பயமுறுத்தி பணம் பறிக்கிறார்கள்.


2023-ம் ஆண்டின், முதல் காலாண்டில் டிஜிட்டல் கைது மோசடிகளால் மட்டும் இந்திய குடிமக்கள் ₹120.3 கோடியை இழந்துள்ளதாக உள்துறை அமைச்சகத்தின் (Ministry of Home Affairs (MHA)) சமீபத்திய தகவல்கள் தெரிவிக்கின்றன. இந்திய இணைய குற்ற ஒருங்கிணைப்பு மையத்தில் (Indian Cybercrime Coordination Centre) I4C ஆவணத்தில் சமர்ப்பிக்கப்பட்ட இணைய மோசடிகளில் இது தொடர்பான மோசடிகளும் அடங்கும். இது இணைய குற்றவியல் புகார்களைக் கையாளும் பொறுப்பு இந்த மையத்திற்கு உண்டு. மொத்தத்தில், 2023-ம் ஆண்டின் தொடக்கத்தில் இணைய மோசடிகள் ₹1,776 கோடியாக இருந்தது. இவற்றில், 46 சதவீத வழக்குகள் மியான்மர், லாவோஸ் மற்றும் கம்போடியாவில் நடந்ததாகக் கூறப்படுகிறது.


தேசிய இணைய குற்றவியல் அறிக்கையிடல் தளமானது (National Cybercrime Reporting Portal (NCRP)), இதன் அறிக்கையில் இணையகுற்றவியல் புகார்கள் அதிகரித்துள்ளதாக குறிப்பிட்டுள்ளது. 2023-ம் ஆண்டு, முதல் நான்கு மாதங்களில், 740,000 புகார்கள் வந்துள்ளன. இது 2021-ம் ஆண்டில் பதிவு செய்யப்பட்ட 4,52,000 புகார்களை விட குறிப்பிடத்தக்க உயர்வாகும்.


இது எப்படி வேலை செய்கிறது?


டிஜிட்டல் கைது மோசடியில், மோசடி செய்பவர்கள் ஒரு போலியான காட்சியை உருவாக்குகிறார்கள். அதாவது, பணமோசடி, போதைப்பொருள் கடத்தல் அல்லது இதுபோன்ற குற்றங்களை அவர்கள் குறிப்பிடலாம். மோசடி செய்பவர்கள் கைது செய்யப்படுவார்கள் என்று பாதிக்கப்பட்டவரை எச்சரிக்கின்றனர். சில சந்தர்ப்பங்களில், பாதிக்கப்பட்டவரின் நண்பர் அல்லது குடும்ப உறுப்பினர் குற்றச் செயலில் ஈடுபட்டதாக அவர்கள் கூறுகின்றனர்.


மோசடி செய்பவர்கள் சீருடை அணிந்த நிலையில், சட்ட அமலாக்க அதிகாரி போல் ஆள்மாறாட்டம் செய்து வீடியோ அழைப்புகளை மேற்கொள்ளலாம். பாதிக்கப்பட்டவரை "வழக்கு" என்று குறிப்பிட்டு, இதை மூடுவதற்கு ஈடாக அவர்கள் பணம் செலுத்த வேண்டும். இணையகுற்றவாளிகள் பயன்படுத்தும் நிலையான முறையாக இது மாறிவிட்டது.


I4C-ன் படி, டிஜிட்டல் கைது மோசடிகள் பொதுவாக ஒரு திட்டமிட்ட வரிசையைப் பின்பற்றுகின்றன.


முதலில், அவர்கள் பாதிக்கப்பட்டவரை அடையாளம் காண்கிறார்கள். அவர்கள் தங்கள் மோசடியை மேலும் உறுதிப்படுத்த தனிப்பட்ட தகவல்களை சேகரிக்கின்றனர்.


ஆள்மாறாட்டம் : மோசடி செய்பவர்கள் காவல்துறை, சிபிஐ அல்லது பிற முகமைகளின் அதிகாரிகளாக ஆள்மாறாட்டம் செய்கிறார்கள். அவர்கள் போலி சீருடைகளை அணியலாம் அல்லது பயத்தை உருவாக்க அரங்கேற்றப்பட்ட பின்னணியைப் பயன்படுத்தலாம்.


அழுத்தத்தைப் பயன்படுத்துதல் : கைது செய்யப்படுவதைத் தவிர்க்க, பாதிக்கப்பட்டவர் விரைவாகச் செயல்படுமாறு வலியுறுத்தப்படுகிறது. வழக்கை "மூட" பணம் கேட்கப்படுகிறது.


இத்தகைய மோசடிகளுக்கு எதிரான சிறந்த பாதுகாப்புக்கான விழிப்புணர்வு அவசியம். சட்ட அமலாக்க அதிகாரிகள் அல்லது அரசாங்க அதிகாரிகளிடமிருந்து எதிர்பாராத ஆடியோ அல்லது வீடியோ அழைப்புகள் குறித்து எச்சரிக்கையாக இருக்கவும். அழைப்பு மோசடியானது என நீங்கள் சந்தேகித்தால் உடனடியாக இணைப்பைத் துண்டிக்கவும். தெரியாத எண்களில் இருந்து வீடியோ அழைப்புகளைத் தவிர்க்கவும்.


உங்கள் நெட்வொர்க்கில் உள்ள மற்றவர்களை குறிவைப்பதில் மோசடி செய்பவர்களுக்கு உதவக்கூடிய தனிப்பட்ட விவரங்களைப் பகிர்வதைத் தவிர்க்கவும். எந்தவொரு சந்தர்ப்பத்திலும், கூறப்படும் வழக்கைத் தீர்ப்பதற்கு பணத்தை மாற்ற வேண்டாம். அதற்குப் பதிலாக, அதிகாரப்பூர்வ உதவிக்கரம் எண்களில் (official helplines) உள்ளூர் காவலைத் தொடர்பு கொள்ளவும், தேவைப்பட்டால், உங்கள் வங்கிக் கணக்குகளைத் தற்காலிகமாகத் தடுக்கவும்.


அறிக்கையிடுவதற்கு ஸ்கிரீன்ஷாட்கள் அல்லது அழைப்புக்கான பதிவுகள் போன்ற எந்தவொரு ஆதாரத்தையும் வைத்திருங்கள். உங்களிடம் உள்ள அனைத்து விவரங்களுடன் உங்கள் அருகிலுள்ள காவல் நிலையத்திற்குச் செல்வதே சிறந்த நடவடிக்கையாகும்.


மோசடிகளைத் தவிர்க்க இந்திய கணினி அவசரநிலைப் பதில் குழு (Indian Computer Emergency Response Team (CERT-In)) குறிப்பிட்ட ஆலோசனைகளை வழங்கியுள்ளது. முதலில், நிறுவனத்தை நேரடியாகத் தொடர்புகொள்வதன் மூலம், அரசாங்க நிறுவனத்தைச் சேர்ந்ததாகக் கூறும் எந்தவொரு அழைப்பாளரின் அடையாளத்தையும் உறுதிப்படுத்தவும். இரண்டாவதாக, தெரியாத அழைப்பாளர்களுடன் அல்லது ஆன்லைனில் தனிப்பட்ட அல்லது நிதி விவரங்களைப் பகிர்வதைத் தவிர்க்கவும். மூன்றாவதாக, அழுத்தத்தின் கீழ் ஒருபோதும் பணத்தை மாற்ற வேண்டாம். நான்காவதாக, மரியாதைக்குரிய முகமைகள் உடனடியாக பணம் கேட்காது. இறுதியாக, சந்தேகம் இருந்தால், 1930 என்ற தேசிய சைபர்-செக்யூரிட்டி ஹெல்ப்லைனுக்கு அல்லது சைபர் கிரைம் இணையதளம் மூலம் சம்பவங்களைப் புகாரளிக்கவும்.


நீங்கள் மோசடி செய்யப்பட்டுள்ளீர்கள் என நீங்கள் சந்தேகித்தால், உடனடியாக உங்கள் வங்கியைத் தொடர்புகொண்டு, மறுபரிசீலனை சாத்தியமா என்பதைப் பார்க்கவும். மேலும், இழப்புகளைத் தடுக்க தற்காலிக கணக்கை முடக்கவும்.


உங்கள் உள்ளூர் இணையகுற்றவியல் துறை மற்றும் தேசிய இணையகுற்றவியல் அறிக்கையிடல் தளத்தில் (National Cybercrime Reporting Portal (NCRP)) முறையான அறிக்கையைச் சமர்ப்பிக்கவும், மோசடிக்கான ஏதேனும் ஆதாரங்களை வழங்கவும்.


டிஜிட்டல் மோசடிகளின் இந்த யுகத்தில் தகவல் மற்றும் விழிப்புடன் இருப்பது அவசியம். ஏனெனில், மோசடி செய்பவர்கள் சந்தேகத்திற்கு இடமில்லாது நபர்களை ஏமாற்றுவதற்கு தொடர்ந்து புதிய முறைகளை வகுக்கிறார்கள்.


சாகர் ஃபியூச்சர் ஷிப்ட் லேப்ஸின் இணை நிறுவனர், மற்றும் ஷுபம் ஒரு எத்திகல் ஹேக்கிங் நிபுணர் ஆவார்.




Original article:

Share:

பாரிஸ் உடன்படிக்கையின் முக்கிய இலக்குகளை காலநிலை பொறுப்புகள் தொடர்ந்து தவறவிடுகின்றன: NDC தொகுப்பு அறிக்கை -தன்னு ஜெயின்

 சமீபத்திய தொகுப்பு அறிக்கை காலநிலை நடவடிக்கை இன்னும் போதுமானதாக இல்லை என்பதைக் காட்டுகிறது. பாரிஸ் ஒப்பந்த இலக்குகளை எட்டுவதற்கு உமிழ்வு குறைப்பு நடவடிக்கை இல்லை .


சமீபத்திய தேசிய தீர்மானிக்கப்பட்ட பங்களிப்புகளின் (Nationally Determined Contributions (NDC)) தொகுப்பு அறிக்கை ஒரு தெளிவான யதார்த்தத்தை வெளிப்படுத்துகிறது. உலகெங்கிலும் உள்ள நாடுகளின் அதிகமான பங்கேற்பு மற்றும் மேம்பட்ட அர்ப்பணிப்புகள் இருந்தபோதிலும், பாரிஸ் ஒப்பந்தத்தின் வெப்பநிலை இலக்குகளில் இருந்து விலகி சென்றது.


தேசிய அளவில் தீர்மானிக்கப்பட்ட பங்களிப்புகள் (NDC) என்பது பாரீஸ் உடன்படிக்கைக்கு ஏற்ப உலக நாடுகளால் ஒவ்வொரு ஐந்து வருடங்களுக்கும் புதுப்பிக்கப்படும் தேசிய காலநிலை செயல் திட்டங்கள் ஆகும். இது உலகளாவிய வெப்பநிலை உயர்வை 2°C க்கும் குறைவாகவும் 1.5°C ஆகவும் கட்டுப்படுத்த முயல்கிறது.


195 நாடுகள் NDC செயல்பாட்டில் ஈடுபட்டிருந்தாலும், 168 சமீபத்திய NDCகள் உலகளாவிய உமிழ்வுகளில் 95% உள்ளடக்கியிருந்தாலும், அவை காலநிலை நடவடிக்கையின் அவசியத்தில் சர்வதேச ஒருமித்த கருத்தை பரிந்துரைக்கிறது.  இது அர்ப்பணிப்புகளுக்கும் தேவையான நடவடிக்கைகளுக்கும் இடையில் ஒரு சிக்கலான இடைவெளியை மறைக்கிறது. அனைத்து காலநிலை உறுதிமொழிகளும் முழுமையாக நிறைவேற்றப்பட்டாலும், உலக வெப்பநிலை 2.1-2.8°C வரை உயரும் என எதிர்பார்க்கப்படுகிறது. இது பாரிஸ் ஒப்பந்தத்தின் இலக்கான 1.5 டிகிரி செல்சியஸ் அளவை விட அதிகமாகும்.


தற்போதைய திட்டங்கள் முழுமையாக செயல்படுத்தப்பட்டால், 2030-ஆம் ஆண்டில் 51.5 ஜிகா டன்கள் கார்பன்-டை-ஆக்ஸ்டைடு (CO2) உமிழ்வை சந்திக்க நேரிடும். இது 2019-ஆம் ஆண்டை விட 2.6% மட்டுமே குறைவாக உள்ளது.  இந்த அளவுகளில் பசுமை இல்ல வாயு மாசுபாடு விதிவிலக்கு இல்லாமல் ஒவ்வொரு நாட்டிலும் உள்ள மக்களுக்கும் மற்றும் பொருளாதாரத்திற்கும் கடுமையான பாதிப்பை ஏற்படுத்தும்.


மீதமுள்ள கார்பன் பட்ஜெட்டை (carbon budget) எவ்வளவு விரைவாகப் பயன்படுத்துகிறோம் என்பது மிகவும் கவலைக்குரிய பிரச்சினை. தற்போதைய NDCகள் 2030-ஆம் ஆண்டிற்குள் 1.5°Cக்கான நிதியை பட்ஜெட்டில் 86% செலவழிக்கும்.  இது தோராயமாக 70 பில்லியன் டன்  கார்பனை (CO2)  மட்டுமே மிச்சப்படுத்துகிறது. இது இன்னும் இரண்டு வருட உமிழ்வு குறைப்பு நடவடிக்கைக்கு மட்டமே பயன்படும். 


காலநிலை இலக்குகளுக்கும் அவற்றை அடைவதற்கான திறனுக்கும் இடையே ஒரு பெரிய இடைவெளியை அறிக்கை காட்டுகிறது. 91% நாடுகள் காலநிலை நடவடிக்கைகளை செயல்படுத்துவதற்கான தங்கள் திட்டங்களைப் பகிர்ந்து கொண்டாலும், 69% நாடுகள் வெற்றி பெற சர்வதேச ஆதரவு தேவை என்று கூறியுள்ளன. வெளிப்புற உதவியை நம்பியிருப்பது இந்த உலகளாவிய காலநிலை எதிர்வினையை பலவீனமாக்குகிறது. இந்த இலக்குகள் நிதி உதவி, தொழில்நுட்ப பகிர்வு மற்றும் உள்ளூர் திறன்களை வளர்ப்பதற்கான ஆதரவு ஆகியவற்றைச் சார்ந்துள்ளது.


தேசியக் கொள்கைகளில் காலநிலை இலக்குகள் அதிகரித்து வருவது ஒரு நேர்மறையான நிலையாக உள்ளது. ஏறக்குறைய பாதி (48%) நாடுகள் தங்கள் காலநிலை இலக்குகளை சட்டங்கள், ஒழுங்குமுறைகள் மற்றும் திட்டங்களில் சேர்த்துள்ளன. காலநிலை இலக்குகளை சர்வதேச கடமைகளாக பார்ப்பதில் இருந்து தேசிய வளர்ச்சியின் முக்கிய அங்கமாக மாற்றுவதை இது காட்டுகிறது. கூடுதலாக, 66% நாடுகள் தங்களின் காலநிலைக் கொள்கைகளை அவற்றின் வளர்ச்சி முன்னுரிமைகளுடன் சீரமைத்து, காலநிலை நடவடிக்கையை ஒருங்கிணைப்பதில் அதிக முன்னேற்றத்தைக் காட்டுகின்றன.


இருப்பினும், இந்த ஒருங்கிணைப்பு சவால்களை எதிர்கொள்கிறது. மேம்படுத்தப்பட்ட பங்குதாரர் ஆலோசனை, பாலின-உணர்திறன் அணுகுமுறைகள் மற்றும் பழங்குடி மக்களின் உரிமைகளை அங்கீகரிப்பது ஆகியவை பல்வேறு சமூக மற்றும் பொருளாதார சூழல்களில் காலநிலை கொள்கைகளை செயல்படுத்துவதில் உள்ள சிக்கலை காட்டுகிறது. இந்த  அறிக்கையின் முக்கியத்துவம், வெற்றிகரமான காலநிலை நடவடிக்கைக்கு தொழில்நுட்ப தீர்வுகள் மட்டும் தேவைப்படாமல்,  சமூக சமத்துவம் மற்றும் உள்ளடக்கிய ஆளுகை ஆகியவற்றில் இன்னும் தேவையான கவனம் செலுத்த வேண்டும் என்று அறிவுறுத்துகிறது.


பொறுப்புகளின் துறைசார் விநியோகம் வாய்ப்புகள் மற்றும் சவால்கள் இரண்டையும் வெளிப்படுத்துகிறது. ஆற்றல் பகிர்வு (95%), விவசாயம் மற்றும் வனவியல் (89%) மற்றும் போக்குவரத்து (87%) ஆகியவற்றில் வலுவான கவனம் செலுத்துவது முக்கிய உமிழ்வு ஆதாரங்களுடன் ஒத்துப்போகிறது.  எவ்வாறாயினும், இந்தத் துறைகளில் உள்ள உறுதிப்பாடுகளின் மாறுபட்ட நிலை மற்றும் தனித்தன்மை ஆகியவை நாடுகளிடையே சீரற்ற திறன் மற்றும் முன்னுரிமையை பரிந்துரைக்கின்றன.


குறிப்பிட்ட, செலவு குறைந்த தணிப்பு விருப்பங்களை அடையாளம் காண்பது நடவடிக்கைக்கான நடைமுறை கட்டமைப்பை வழங்குகிறது. இருப்பினும், தொழில்துறை ஆற்றல் திறன் (30%) மற்றும் ஃபுளூரின் வாயு (fluorinated gas) உமிழ்வைக் குறைத்தல் (26%) போன்ற சில உயர்-சாத்தியமான விருப்பங்களுக்கு ஒப்பீட்டளவில் சில நாடுகள் உறுதியளித்துள்ளன என்பது, தவறவிட்ட வாய்ப்புகள் மற்றும் மேம்பட்ட நடவடிக்கைக்கான சாத்தியமான பகுதிகளைக் குறிக்கிறது.


தொகுப்பு அறிக்கை (synthesis report) உலகளாவிய காலநிலை நடவடிக்கையின் கலவையான படத்தை வழங்குகிறது. பங்கேற்பு மற்றும் அதிகரித்துவரும் கொள்கை ஒருங்கிணைப்பு ஆகியவை முன்னேற்றத்தை வெளிப்படுத்தும் அதே வேளையில், உமிழ்வு குறைப்பு, செயல்படுத்தும் திறன் மற்றும் ஆதரவு வழிமுறைகள் ஆகியவற்றில் உள்ள கணிசமான இடைவெளிகள் தற்போதைய அணுகுமுறைகள் போதுமானதாக இருக்காது என்று கூறுகின்றன.


மூன்று முக்கிய பகுதிகளுக்கு உடனடி கவனம் தேவை என்பதை குறிப்பிட்டுள்ளது. முதலாவதாக, கார்பன் வரவுசெலவுத் திட்டத்தின் விரைவான குறைப்பு, தற்போதுள்ள கடமைகளை விரைவாக செயல்படுத்துவதையும் எதிர்கால NDC புதுப்பிப்புகளில் மேம்பட்ட லட்சியத்தையும் கோருகிறது. இரண்டாவதாக, சர்வதேச சமூகம் ஆதரவு இடைவெளியை நிவர்த்தி செய்ய வேண்டும்.  இறுதியாக, நிதி மற்றும் தொழில்நுட்ப பரிமாற்றத்தில் நிபந்தனைக்குட்பட்ட உறுதிமொழிகளை செயல்படுத்த காலநிலை நடவடிக்கையை பரந்த வளர்ச்சி நோக்கங்களுடன் ஒருங்கிணைந்த முன்னேற்றம் மற்றும் சமூக அனுமதியை வலுப்படுத்தல் வேண்டும்.


அடுத்த சில வருடங்கள் முக்கியமானதாக இருக்கும். தற்போதைய NDCகள் 2030-ஆம் ஆண்டுக்குள் 1.5°C-க்கு மீதமுள்ள கார்பன் பட்ஜெட்டில் பெரும்பாலானவற்றைப் பயன்படுத்த திட்டமிட்டுள்ள நிலையில், உலகளாவிய நிலை இதை மாற்றியமைக்கும் செயலை எதிர்கொள்கிறது.


பாரிஸ் உடன்படிக்கை இலக்குகளை அடைவதற்கான பாதை, தொழில்நுட்ப ரீதியாக சாத்தியமானதாகவே உள்ளது. ஆனால், உலகளாவிய சமூகத்தின் ஈடு இணையற்ற ஒத்துழைப்பும் அர்ப்பணிப்பும் தேவைப்படுகிறது.




தன்னு ஜெயின் இந்துஸ்தான் டைம்ஸ் தலைமை உள்ளடக்க தயாரிப்பாளர் (content producer). உலகெங்கிலும் உள்ள காலநிலை செய்திகளின் ஒரு பகுதியைத் தேர்ந்தெடுத்து, இணைக்கப்பட்ட அறிக்கைகள், ஆராய்ச்சி மற்றும் நிபுணர்களின் பேச்சைப் பயன்படுத்தி அதன் தாக்கத்தை பகுப்பாய்வு செய்கிறார்.




Original article:

Share:

CoP29 மாநாட்டில், உலகளாவிய தெற்கு மற்றும் வடக்கு காலநிலை நிதியில் முரணான நிலைப்பாட்டை கைவிட வேண்டும் -ஆர்த்தி கோஸ்லா

 இது பேச்சுவார்த்தைக்கான கூர்மையான தளங்களில் ஒன்றாகும். வரையறையின்படி, எல்லா பக்கங்களிலும் சலுகைகள் தேவை. உலகளாவிய தெற்கில் இருந்து இன்னும் கொஞ்சம் பெருந்தன்மை இருந்தால், பாகு சந்திப்பை பெரிய வெற்றியாக மாற்ற முடியும்.


உலகளாவிய தெற்கிற்கான சிறந்த காலநிலை நிதிகளைப் பாதுகாப்பது CoP29 மாநாட்டின் முக்கிய இலக்காக மாறியுள்ளது. இது முக்கியமானது, ஏனெனில் வளரும் நாடுகளில் காலநிலை மாற்றத்தால் மிகவும் பாதிக்கப்பட்டுள்ள பல பகுதிகள் உள்ளன. எனினும், உலகளாவிய  தெற்கு மற்றும் உலகளாவிய  வடக்கு விவாதத்தை எதிரிகளாக அணுகக்கூடாது.


உலகளாவிய  தெற்கின்  நிதித் தேவைகள் 2009-ஆம் ஆண்டில் வழங்கப்பட்ட வருடத்திற்கு 100 பில்லியன் டாலர்களுடன் ஒப்பிடுகையில், இன்று ஒரு வருடத்திற்கு 1 டிரில்லியன் டாலருக்கும் அதிகமாக உயர்ந்துள்ளது. இருப்பினும், 2022-ஆம் ஆண்டில் தான் முதல் முறையாக நிதியுதவி 100 பில்லியன் டாலரைத் தாண்டியதாக குறிப்புகள் தெரிவிக்கின்றன. அப்படியிருந்தும், அதில் பாதிக்கும் மேற்பட்டவை ஏற்கனவே போராடிவரும் நாடுகளுக்கு கடனாக வழங்கப்படுவதாக தெரிவிக்கப்பட்டுள்ளது. 


எனவே நிதியின் அளவு அல்லது அவற்றின் விநியோக முறை நம்பிக்கையை ஏற்படுத்தவில்லை. உலகின் மிக ஏழ்மையான சில தெற்கு நாடுகள் தங்கள் வரவுசெலவுத் திட்டத்தில் 40 சதவீதத்தை கடன் சேவைக்காக மட்டுமே செலவிடுவதாகத் தெரிவிக்கப்பட்டுள்ளது. இந்த நேரத்தில், ஒவ்வொரு டாலரையும் காலநிலை எதிர்ப்புத் திறன் கொண்ட நகரங்களை உருவாக்க செலவு செய்திட  வேண்டும். 


சலுகை நிதி (concessional finance) கிடைக்காதது இந்த சிக்கலை மோசமாக்குகிறது. ஜெர்மனி போன்ற நாடுகளில், பயன்பாட்டு அளவிலான சோலார் போன்ற அத்தியாவசிய உள்கட்டமைப்புகளில் முதலீடு செய்வதற்கான மூலதனச் செலவு, இந்தியாவைவிட மூன்று முதல் நான்கு மடங்கு குறைவாக உள்ளது. துணை-சஹாரா ஆப்பிரிக்கா போன்ற பாரம்பரியமாக ஆபத்தான சந்தைகளில் நிலைமை இன்னும் மோசமாக உள்ளது. 


ஆனால், பிரச்சனை என்னவென்றால், காலநிலை தாக்கங்கள் உலகளாவிய தெற்கில் விவசாயம் மற்றும் காப்பீடு போன்ற முக்கியமான துறைகளை அச்சுறுத்தவில்லை. பணக்கார நாடுகளும் எதிர்பாராத காட்டுத்தீ, கனமழை மற்றும் வெப்ப அலைகளை எதிர்கொள்கின்றன. வளரும் நாடுகளுக்குக் கடன் கொடுப்பதன் மூலம் அவர்களின் முதலீட்டாளர்கள் ஏன் அதிகம் தயங்குகிறார்கள் என்பதை இது எளிதாகப் புரிந்துகொள்ள உதவுகிறது.


இது அதிருப்திக்கு வழிவகுத்தது. ஏனெனில், காலநிலை நிதிக்கு நெருக்கடிக்கு பொறுப்பானவர்கள் அதிக பங்களிப்பு செய்ய வேண்டும். எவ்வாறாயினும், ஐநாவின் புதிய கூட்டு அளவிடப்பட்ட இலக்கு முயற்சிகள் (Collective Quantified Goal attempts),  அதிக உமிழ்வுகள் மற்றும் பொருளாதார திறன்களைக் கொண்ட நாடுகள் உலகளாவிய காலநிலை நிதிகளுக்கு பங்களிக்க வேண்டும் என்று பரிந்துரைக்கிறது.  


சீனா மற்றும் இந்தியா ஆகிய இரு நாடுகளிலிருந்தும் எதிர்ப்பு உடனடியாக எழுந்துள்ளது. ஏனெனில், இரண்டும் முக்கிய பொருளாதார நாடுகள் ஆகும். கடந்தகால தவறுகளை சரிசெய்வதற்காக அவர்களின் வளர்ச்சியை குறைக்க முடியாது என்று அவர்கள் வாதிடுகின்றனர். பிரிக்ஸ் கூட்டமைப்பும் இதேபோன்ற இடஒதுக்கீடுகளுக்கு குரல் கொடுக்க வாய்ப்புள்ளது.  அதே நேரத்தில், இந்த முக்கிய பொருளாதார நாடுகள் தேர்ந்தெடுக்கும் பாதைகள் உலகின் கார்பன் பட்ஜெட்டில் முக்கியமாக இருக்கலாம்.


பணவியல் அமைப்பு லாபத்தை ஊக்குவிக்கிறது. எனவே, உலகளாவிய தெற்கு நாடுகள் அதிக வருமானத்தை எளிதாக்குவதே அதன் முதல் வழி. உதாரணமாக, ஒரு தனியார் முதலீட்டாளர் இந்தியாவில் ஒரு பெரிய உள்கட்டமைப்பு திட்டத்தில் 12-13 சதவீத வருடாந்திர வருமானத்தை எதிர்பார்க்கிறார் என்றால், அதை 8-10 ஆண்டுகள் முறியடிக்க வேண்டும் என்றால், அதை 17-18 சதவீதமாக உயர்த்துவது காலத்தின் தேவையாக இருக்கலாம். அதே காலகட்டத்தில். இது முதலீட்டாளருக்கு விரைவாக நிதியைத் திரும்பப் பெறவும், அதிக லாபத்தை ஈட்டவும், அதே பணத்தை மிக விரைவாக மறு முதலீட்டுக்குக் கிடைக்கச் செய்யவும் உதவும். 


தீவிர வரிச் சலுகைகள், புதுமையான வருவாய் பகிர்வு வழிமுறைகள் அல்லது லாபம் தரக்கூடிய மூலதன துறைகளுக்கு பசுமை ஹைட்ரஜன் அல்லது மின்மயமாக்கப்பட்ட பொதுப் போக்குவரத்திற்கு அதிக மானியங்கள் போன்றவற்றின் மூலம் நடைமுறைப்படுத்தலாம். அந்நிய முதலீட்டாளர்களுக்கு இந்தியாவின் ஈர்ப்பை, பரஸ்பர அடிப்படைக் கொள்கையுடன் உயர்த்துவதே இதன் முக்கிய நோக்கம். இந்தியாவின் வருவாயை இது எவ்வாறு பாதிக்கும் என்று சந்தேகிப்பவர்களுக்கு, ஒவ்வொரு திட்டத்திலிருந்தும் குறைந்த வருவாயை ஈடுசெய்வதைவிட அதிக அளவு முதலீடுகள் தேவையை பூர்த்தி செய்வதாக இருக்கும். 


இரண்டாவதாக, காலநிலை நிதியை கடன்களாகவோ அல்லது மானியங்களாகவோ பயன்படுத்தாமல், பொது மற்றும் பெரிய தனியார் கடன் வழங்குவோருக்கு ஒரு முதுகெலும்பாகப் பயன்படுத்துவது ஆராயப்படலாம். சூரிய, காற்று, காற்று-சூரிய கலப்பினம் மற்றும் நீர்மின் திட்டங்கள் இந்தியாவில் முக்கிய நிலையை அனுபவிக்கின்றன. இருப்பினும், சில சமயங்களில் அவற்றின் வெளியீடு குறைவாகவே இருக்கும், மேலும் சில கடன் வழங்குபவர்கள் அவற்றை ஆபத்தானதாகக் கருதலாம். 


இந்த திட்டங்களுக்கு சர்வதேச காலநிலை நிதிகளை பின்தங்கிய நிலையில் வைத்திருப்பது கடன் வழங்குவோரின் கவலைகளை எளிதாக்கும் மற்றும் அதிக சலுகை நிதியுதவி வாய்ப்புகளை உருவாக்கும். இந்த அணுகுமுறை நாட்டில் புதுப்பிக்கத்தக்க ஆற்றல் வளர்ச்சியை ஆதரிக்கும் கொள்கை சூழல் உள்ளது என்று கருதுகிறது. இந்த விஷயத்தில் இந்தியா மிகவும் முற்போக்கான நாடுகளில் ஒன்றாகும், எனவே இந்த அணுகுமுறையை அங்கு வெற்றிகரமாகப் பயன்படுத்துவது, உலகளாவிய தெற்கின் மற்ற பகுதிகளுக்கு ஒரு சிறந்த எடுத்துக்காட்டு.


CoP என்பது பேச்சுவார்த்தைக்கான கூர்மையான தளங்களில் ஒன்றாகும்.  வரையறையின்படி, எல்லா பக்கங்களிலும் சலுகைகள் தேவை. உலகளாவிய தெற்கில் இருந்து இன்னும் கொஞ்சம் பெருந்தன்மை இருந்தால், பாகு சந்திப்பை பெரிய வெற்றியாக மாற்ற முடியும்.




Original article:

Share:

இந்திய சூரிய ஆற்றல் கூட்டமைப்பு - நிதேந்திர பால் சிங்

 தற்போது இந்தியாவின் சூரிய ஆற்றல் எவ்வளவு?


முக்கிய அம்சங்கள் :


1. சர்வதேச சூரிய ஆற்றல் கூட்டமைப்பு (International Solar Alliance(ISA)) ஒரு ஆதரவாளராக அல்லது அதிக அதிகாரமானதாகக் கருதப்பட்டது. இது சூரிய ஆற்றலைப் பயன்படுத்துவதில் நிதி, தொழில்நுட்பம், ஒழுங்குமுறை அல்லது பிற தடைகளை கடக்க இந்த கூட்டமைப்பு நாடுகளுக்கு உதவும்.


2. சூரிய ஆற்றலின் வளர்ச்சி அபரிமிதமானது. எனினும், சர்வதேச சூரிய ஆற்றல் கூட்டமைப்பு (ISA) பல திட்டங்களை செயல்படுத்தவில்லை என்பது குறிப்பிடத்தக்கது. கடந்த ஐந்து ஆண்டுகளில், சூரிய ஆற்றலின் உலகளாவிய அளவில் நிறுவப்பட்ட ஆற்றலின் திறன் ஆண்டுதோறும் 20%-க்கும் அதிகமாக அதிகரித்துள்ளது. சர்வதேச சூரிய ஆற்றல் கூட்டமைப்பின், உலக சூரிய சந்தை அறிக்கை 2024-ன் படி, கடந்த ஆண்டு, இது 30% அதிகமாக அதிகரித்துள்ளது.


3. இந்த நிறுவனங்களில் பெரும்பாலான அமைப்பு ஒரு சில நாடுகளில் நடைபெறுவதாகவும், சீனாவின் பங்கு அதிகமாக இருப்பதாகவும் சர்வதேச சூரிய ஆற்றல் கூட்டமைப்பின் (ISA) இயக்குநர் ஜெனரல் அஜய் மாத்தூர் சுட்டிக்காட்டினார். 2023-ம் ஆண்டில் சேர்க்கப்பட்ட 345 ஜிகாவாட் சூரிய ஆற்றலில், 216 ஜிகாவாட் அல்லது 62% க்கும் அதிகமானது சீனாவில் மட்டும் உற்பத்தியாக்கப்பட்டது.


4. வளர்ந்த நாடுகள், சீனா மற்றும் இந்தியா போன்ற பெரிய வளர்ந்து வரும் நாடுகள் அனைத்து சூரிய ஆற்றல் முதலீடுகளில் 80%-க்கும் அதிகமாக பெறுகின்றன.


5. இந்த நாடுகளில் பல பெரிய அளவிலான மின் திட்டங்கள், குறிப்பாக சூரிய ஒளி திட்டங்கள், ஒரு புதிய தொழில்நுட்பத்தில் முன் அனுபவம் இல்லை. எனவே சில நாடுகளில், உள்ளூர் உற்பத்தியாளர்கள் இல்லை என்பதால், சர்வதேச நிறுவனங்களின் மீது முதலீடு செய்ய வேண்டும். இருப்பினும், சர்வதேச முதலீட்டாளர்கள் கொள்கை நிலைத்தன்மை மற்றும் ஒரு நல்ல ஒழுங்குமுறை கட்டமைப்பை நாடுகின்றனர்.


6. சர்வதேச சூரிய ஆற்றல் கூட்டமைப்பானது (ISA) அரசாங்கங்கள் மற்றும் உள்ளூர் நிறுவனங்களுடன் இணைந்து ஒழுங்குமுறை கட்டமைப்புகள், வரைவு மின்சாரம் கொள்முதல் ஒப்பந்தங்கள் மற்றும் பணியாளர்களைப் பயிற்றுவித்து, உருவாக்கி வருகின்றன.





தெரிந்த தகவல்கள் பற்றி : 


1. சூரிய ஆற்றல் உலகளாவிய ஆற்றல் மாற்றத்தின் மிக முக்கியமான ஆதாரமாகும். பருவநிலை மாற்றத்தின் சவாலை எதிர்கொள்ள இந்த மாற்றம் முக்கியமானது. சூரிய ஆற்றலானது, வேகமாக வளர்ந்து வரும் புதுப்பிக்கத்தக்க ஆற்றல் மூலமாகும். இருப்பினும், இது இடைவிடாமல் செயல்பட்டு இருப்பதற்கான வரம்பைக் கொண்டுள்ளது.


2.  உலகின் பெரும்பாலான பகுதிகளில், சூரியன் பிரகாசிக்கும் போது சூரிய ஆற்றல் இப்போது மலிவான மின்சார ஆதாரமாக உள்ளது. சூரிய ஆற்றலின் நிறுவப்பட்ட திறன் வெவ்வேறு சூழ்நிலைகளில் 3 முதல் 15 மடங்கு வரை வளரும் என்று எதிர்பார்க்கப்படுகிறது. இந்த வளர்ச்சியானது 2050-ம் ஆண்டுக்குள் உலகளாவிய நிகர பூஜ்ஜியத்தை அடைவதை நோக்கமாகக் கொண்டுள்ளது.


3.  உலகளாவிய சூரிய ஆற்றல் ஒளிமின்னழுத்தத் திறன் (photovoltaic capacity) செயல்பாடுகளில் சுமார் 43% சீனாவில் உள்ளது. முதல் பத்து சந்தை நிலவரங்கள் நிறுவப்பட்ட திறனில் 95%-க்கும் அதிகமானவை. ஏறக்குறைய 745 மில்லியன் மக்களில் கிட்டத்தட்ட 80% பேர் மின்சாரம் இல்லாமல் வசிக்கும் ஆப்பிரிக்கா, புதிய உருவாக்கத்தில் சேர்த்தலுக்கு  2%-க்கும் குறைவான பங்களிப்பை வழங்குகிறது.


4. சர்வதேச சூரிய ஆற்றல் கூட்டமைப்பானது (ISA) இந்தியாவிற்கான மிகப் பெரிய உத்தியின் நோக்கத்திற்காக உருவாக்கப்பட்டது. இது உலகளாவிய தெற்கில், குறிப்பாக ஆப்பிரிக்க நாடுகளுக்கு இந்தியாவின் செல்வாக்கின் குறிப்பிடத்தக்க அம்சமாகும்.




Original article:

Share:

ராண்ட்ஜென் தற்செயலாக எக்ஸ்-கதிர்களைக் கண்டுபிடித்து உலகை மாற்றியது எப்படி? -அர்ஜுன் சென்குப்தா

 வில்ஹெல்ம் ராண்ட்ஜெனின் கண்டுபிடிப்பு 1901-ஆம் ஆண்டில் இயற்பியலுக்கான முதல் நோபல் பரிசைப் பெற்றது. மேலும், மருத்துவத் துறையில் என்றென்றும் புரட்சியை ஏற்படுத்தியது.


நவம்பர் 8, 1895 மாலையன்று, வில்ஹெம் கான்ராட் ராண்ட்ஜென் ஜெர்மனியில் உள்ள வூர்ஸ்பர்க் பல்கலைக்கழகத்தில் தனது ஆய்வகத்தில் பணிபுரிந்தபோது ஒரு அசாதாரணமான கண்டுபிடிப்பை நிகழ்த்தினார்.


கேத்தோடு கதிர் குழாய்கள் எவ்வாறு ஒளியை வெளியிடுகின்றன என்பதை ஆய்வு செய்து கொண்டிருந்தார். திடீரென்று, ஒளிரும் திரையைக் கவனித்தார். கேத்தோடு கதிர்களால் பாதிக்கப்படாத வகையில், குழாயிலிருந்து திரை வெகு தொலைவில் இருந்தது. ராண்ட்ஜென் ஆர்வமாகி அடுத்த ஆறு வாரங்களை தனது ஆய்வகத்தில் கழித்தார். திரை ஒளிர்வதற்கு என்ன காரணம் என்பதை அவர் புரிந்து கொள்ள விரும்பினார். அவரது கண்டுபிடிப்பு இறுதியில் உலகை மாற்றும் அளவுக்கு ஆராய்ச்சிக்கு உட்படுத்தினார்.


ஊடுருவக்கூடிய கதிர்கள் (Penetrative rays)


கண்ணாடி வெற்றிடக் குழாயில் கேத்தோடு கதிர்களின் தாக்கம், புகைப்படத் தகடுகளில் பதிவுசெய்யக்கூடிய அசாதாரண ஊடுருவல் சக்தியுடன் கூடிய "புதிய வகையான கண்ணுக்குத் தெரியாத கதிர்களை" உருவாக்குகிறது என்று ராண்ட்ஜென் கண்டறிந்தார். கேத்தோடு கதிர் குழாய்க்கும் திரைக்கும் இடையில் காகிதம், அட்டை, மரம், தாமிரம் மற்றும் அலுமினியம் போன்ற பல்வேறு பொருட்களை வைத்தார். மேலும், இந்த கண்ணுக்கு தெரியாத கதிர்கள் வெவ்வேறு அளவுகளில் இருந்தாலும், பின்னால் திரைக்கு வருவதைக் கவனித்தார்.


இந்தக் கதிர்கள் உலோகத்தின் வழியாகச் செல்ல முடியுமா, சதைக்கு என்ன நடக்கும்? கிறிஸ்மஸுக்கு மூன்று நாட்களுக்கு முன்பு, ராண்ட்ஜென் தனது கண்டுபிடிப்பின் மிகவும் பிரபலமான பயன்பாட்டைக் குறிக்கும் ஒரு பரிசோதனையை செய்தார். அவர் தனது மனைவியை ஆய்வகத்திற்கு அழைத்தார். அதன்பிறகு, அவர் மனைவியின் கையில் எலும்புகள் மற்றும் விரலில் மோதிரத்தைக் காட்டும் ஒரு புகைப்படத்தை வெளிப்படுத்தினார்.


கிறிஸ்மஸ் பண்டிகையையொட்டி, "புதிய வகையான கதிர்களில்" (On a new kind of rays) என்ற தலைப்பில் பத்து பக்க கட்டுரையை எழுதினார். இது டிசம்பர் 28 அன்று வூர்ஸ்பர்க் பிசிகல்-மெடிக்கல் சொசைட்டியின் செயல்முறைகளால் ஏற்றுக்கொள்ளப்பட்டது. கட்டுரையில், அவர் தனது கண்டுபிடிப்புக்கு "எக்ஸ்-ரேடியேஷன்" (அல்லது சுருக்கமாக எக்ஸ்ரே) என்று பெயரிட்டார். இது தெரியாத ஒன்றைக் குறிக்க 'எக்ஸ்' என்ற வார்த்தையைப் பயன்படுத்தினார்.


ஒரு உலகளாவிய உணர்வு


ஜனவரி 5 அன்று, இவரின் கண்டுபிடிப்பை விவரிக்கும் ஒரு கட்டுரையானது ஆஸ்திரியாவின் முன்னணி நாளிதழான Die Presse-ன் முதல் பக்கத்தில் "ஒரு பரபரப்பான கண்டுபிடிப்பு" என்ற தலைப்பில் வெளியிடப்பட்டது. அது மேலும் கூறியதாவது, "நமது கற்பனைகளை சுதந்திரமாக இயங்க அனுமதித்தால், எண்ணற்ற நோய்களைக் கண்டறிவதற்கு இது அளவிட முடியாத உதவியாக இருக்கும்" என்று குறிப்பிட்டிருந்தார்.


பிரிட்டிஷ் பத்திரிகைகள் ஒரு நாள் கழித்து இவரின் கண்டுபிடிப்பை எடுத்துரைத்தன. வார இறுதியில், ராண்ட்ஜென் உலகளாவிய பிரபலமாக ஆனார். ஜனவரி 13 அன்று, கைசரால் அவருக்கு பிரஷியன் ஆர்டர் ஆஃப் தி கிரவுன் (Prussian Order of the Crown), இரண்டாம் வகுப்பு விருது வழங்கப்பட்டது.


ஜனவரி 16 அன்று, தி நியூயார்க் டைம்ஸின் முதல் பக்கத்தில் அவரது பெயர் வெளிவந்தது. அந்த ஆண்டின் பிற்பகுதியில் இடைக்குறியீடு கைவிடப்பட்டது. "கண்ணுக்குத் தெரியாததை எப்படி புகைப்படம் எடுப்பது என்று கூறப்படும் கண்டுபிடிப்பு குறித்து அரச குடும்பத்திற்கு விளக்கமான விரிவுரையை வழங்குவதற்காக பேரரசர் வில்லியம் பேராசிரியர் ராண்ட்ஜென் உடன் வூர்ஸ்பர்க்கிலிருந்து போட்ஸ்டாமிற்கு விரைந்தார்" என்று கட்டுரை குறிப்பிடுகிறது.


ராண்ட்ஜெனின் கண்டுபிடிப்பு உலகம் முழுவதும் உள்ள மருத்துவர்களை உற்சாகப்படுத்தியது. அவர்கள் விரைவாக நோயறிதலுக்கு எக்ஸ்-கதிர்களைப் பயன்படுத்தத் தொடங்கினர். பிப்ரவரி 14, 1896-ம் ஆண்டில், பிரிட்டிஷ் மருத்துவர் மேஜர் ஜான் ஹால்-எட்வர்ட்ஸ் அறுவை சிகிச்சைக்கு வழிகாட்டுவதற்கு எக்ஸ்-கதிர்களைப் பயன்படுத்திய முதல் மருத்துவரானார். 1896-ம் ஆண்டு கோடையில், பிரிட்டிஷ் இராணுவம் அதன் நிவாரணப் பயணத்தைத் தொடங்கியது. அவர்கள் இரண்டு எக்ஸ்ரே இயந்திரங்களை எகிப்துக்கு கொண்டு வந்தனர். இந்த இயந்திரங்கள் புல்லட் காயங்களைக் கண்டறியவும், எலும்பு முறிவுகளைக் கண்டறியவும் பயன்படுத்தப்பட்டன.


இந்த கண்டுபிடிப்பு வைரலாக பரவியது. உலகளவில் வதந்திகள் மற்றும் பயத்தை தூண்டுபவர்களின் கவனத்தை ஈர்த்தது.  1896-ம் ஆண்டு, Photography இதழில் வில்ஹெல்மினா என்ற எழுத்தாளர் "X-actly So!" என்ற தலைப்பில் ஒரு கவிதை எழுதினார். இந்த கவிதையில், "அவை பார்க்கும் என்று நான் கேள்விப்படுகிறேன். மேலங்கி மற்றும் மேலாடையின் வழியே, மற்றும் தங்கவும் செய்யும். இந்த குறும்பு, குறும்பு, ராண்ட்ஜென் கதிர்கள்" என்று இவரின் கவிதையில் குறிப்பிட்டிருந்தது.


லண்டன் நிறுவனம் ஒன்று எலக்ட்ரிகல் வேர்ல்ட் இதழில் “எக்ஸ்-ரே ஊடுருவாத உள்ளாடைகள், குறிப்பாக உணர்திறன் கொண்ட பெண்களுக்கு” ​​என்று விளம்பரம் செய்தது. இதற்கிடையில், நியூயார்க்கில் உள்ள அக்கறையுள்ள குடிமக்கள் குழு, ஓபரா கண்ணாடிகளில் எக்ஸ்-கதிர்களைப் பயன்படுத்துவதைத் தடைசெய்ய ஒரு சட்டத்தை இயற்றுவது குறித்து பரிசீலித்தது.


ராண்ட்ஜென் பாரம்பரியம்


ராண்ட்ஜென் கதிர்கள் உலகை மாற்றியது. மருத்துவர்கள் உடனடியாக அதை எடுத்துக் கொண்டனர். விரைவில் எக்ஸ்ரே இயந்திரங்கள் எல்லா இடங்களிலும் செயல்படத் தொடங்கின. 1930கள் மற்றும் 1940களில், அவை எங்கும் பரவியிருந்தன. ஐரோப்பாவில் உள்ள சில காலணி கடைகள் வாடிக்கையாளர்களுக்கு அவர்களின் கால்களின் எலும்புகளைப் பார்ப்பதற்கு இலவச எக்ஸ்ரேக்களையும் வழங்கியது .


இந்த நேரத்தில், எக்ஸ்-கதிர்களின் சாத்தியமான பக்க விளைவுகள் பற்றி சிறிதும் கவலைப்படவில்லை. ஏனென்றால், அவர்களின் கண்டுபிடிப்புக்குப் பிறகும், எக்ஸ்-கதிர்கள் குறிப்பாக நன்கு புரிந்து கொள்ளப்படவில்லை.


1912-13 ஆம் ஆண்டில் இயற்பியலாளர் மாக்ஸ் வான் லாவ், எக்ஸ்-கதிர்கள் காணக்கூடிய ஒளியைப் போலவே படிகங்களால் வேறுபடுகின்றன என்பதைக் காட்டினார். இந்த கண்டுபிடிப்புக்காக இயற்பியலுக்கான நோபல் பரிசு பெற்றார். பின்னர், அவரது மாணவர்கள் எக்ஸ்-கதிர்கள் என்பது புலப்படும் ஒளியை விட அதிக அதிர்வெண் கொண்ட ஒரு வகையான மின்காந்த கதிர்வீச்சு என்பதை உறுதிப்படுத்தினர்.


பத்தொன்பதாம் நூற்றாண்டின் இறுதியில் எக்ஸ்-கதிர்களின் தீங்கு விளைவிக்கும் விளைவுகள் பற்றிய ஆரம்பத்தில் அறிக்கைகள் வெளியிட்டன. இருப்பினும், விஞ்ஞானிகள் எக்ஸ்-கதிர்களில் இருந்து கதிர்வீச்சு வெளிப்பாட்டின் அபாயங்களை முழுமையாகப் புரிந்துகொண்டு அவற்றைக் குறைப்பதற்கான வழிகளைக் கண்டறிய பல காலங்கள் ஆனது.


இன்று, எக்ஸ்-கதிர்கள் நோயறிதலுக்கான மருத்துவத்தின் அடிப்படை ஆதாரமாகும். எக்ஸ்-கதிர்களின் கண்டுபிடிப்பு கதிரியக்கவியல் துறையை உருவாக்க வழிவகுத்தது. இது, பல இமேஜிங் நுட்பங்களை உருவாக்க அனுமதித்தது. காந்த அதிர்வு இமேஜிங் (magnetic resonance imaging (MRI)), கம்ப்யூட்டட் டோமோகிராபி (computed tomography (CT)), அல்ட்ராசவுண்ட் மற்றும் எக்கோ கார்டியோகிராபி (ultrasound, and echocardiography) ஆகியவை இதில் அடங்கும். இந்த நுட்பங்கள் அனைத்தும் நவீன மருத்துவர்களுக்கு இன்றியமையாத கருவிகளாக உள்ளன.




Original article:

Share:

அலிகார் முஸ்லிம் பல்கலைக்கழகத்தின் (AMU) சிறுபான்மையினர் அந்தஸ்து வழக்கில் உச்சநீதிமன்றம் என்ன தீர்ப்பு வழங்கியது? -அஜோய் சின்ஹா ​​கற்பூரம்

 அரசியலமைப்புப் பிரிவு-30-ன் கீழ் சிறப்புப் பாதுகாப்பை உறுதி செய்யும் கல்வி நிறுவனத்தின் 'சிறுபான்மையினர் தன்மையை' தீர்மானிக்க 'முழுமையான மற்றும் யதார்த்தமான' ஆய்வை உச்சநீதிமன்றம் வகுத்துள்ளது.


உச்சநீதிமன்றத்தின் ஏழு நீதிபதிகள் கொண்ட அமர்வானது, வெள்ளிக்கிழமை 4-3 பெரும்பான்மை தீர்ப்பில் ஒரு கல்வி நிறுவனத்தின் "சிறுபான்மை தன்மையை" (minority character) தீர்மானிக்க "முழுமையான மற்றும் யதார்த்தமான" ஆய்வுக்கு உட்படுத்தியது. ஆனால், அலிகார் முஸ்லிம் பல்கலைக்கழகம் (Aligarh Muslim University(AMU)) மீதான உண்மை நிலவரத்தை அறிய ஒரு சிறிய அமர்விற்கு விடப்பட்டது. 


எவ்வாறாயினும், அலிகார் முஸ்லிம் பல்கலைக்கழகம் (Aligarh Muslim University(AMU)) அதன் சிறுபான்மை கல்வி நிறுவன அந்தஸ்தைப் பெறுவதற்கு இந்தத் தீர்ப்பு அடிப்படையில் வழி வகுத்துள்ளது.


வழக்கின் பின்னணி


1967-ம் ஆண்டில் உச்சநீதிமன்றம் ”எஸ். அஜீஸ் பாஷா vs இந்திய ஒன்றியம்” (S.Azeez Basha vs Union of India) வழக்கில், அலிகார் முஸ்லிம் பல்கலைக்கழகம் (AMU) முஸ்லிம் சிறுபான்மையினரால் நிறுவப்படவில்லை அல்லது நிர்வகிக்கப்படவில்லை என்று நீதிமன்றம் கூறியது. மாறாக, ஒன்றிய சட்டமன்றத்தின் சட்டத்தின் மூலம் AMU நடைமுறைக்கு வந்தது. இதன் காரணமாக, அரசியலமைப்பின் 30வது பிரிவின் கீழ் AMU ஒரு சிறுபான்மை நிறுவனமாக தகுதி பெறவில்லை என்று நீதிமன்றம் முடிவு செய்தது.


1981-ம் ஆண்டில், அரசாங்கம் 1920-ம் ஆண்டின் அலிகார் முஸ்லிம் பல்கலைக்கழகச் (AMU) சட்டத்தில் திருத்தம் மேற்கொண்டது. இந்தத் திருத்தம் முஸ்லிம் சமூகத்தால் நிறுவப்பட்ட நிறுவனம் என்று கூறப்பட்டது. இந்தியாவில் முஸ்லிம்களின் கலாச்சார மற்றும் கல்விக்கான முன்னேற்றத்தை மேம்படுத்துவதே இந்த பல்கலைக்கழகத்தின் நோக்கமாக இருந்தது.


2005-ம் ஆண்டில், அலிகார் முஸ்லிம் பல்கலைக்கழகம் (AMU) தனது முதுகலை மருத்துவத் திட்டங்களில் முஸ்லீம்களுக்கு 50% இடஒதுக்கீட்டை அறிமுகப்படுத்தியது. 2006-ம் ஆண்டில் அலகாபாத் உயர்நீதிமன்றம் இந்த இட ஒதுக்கீட்டை ரத்து செய்தது. மேலும், MU தொடர்பான 1981-ம் ஆண்டு மேற்கொள்ளப்பட்ட திருத்தத்தையும் இந்த நீதிமன்றம் ரத்து செய்தது. அஜீஸ் பாஷா வழக்கின் அடிப்படையில் AMU ஒரு சிறுபான்மை நிறுவனமாக கருதப்படவில்லை என்பது நீதிமன்றத்தின் நியாயமான பதிலாக இருந்தது.


இந்த தீர்ப்பை எதிர்த்து உச்சநீதிமன்றத்தில் வழக்கு தொடரப்பட்டது. 2019-ம் ஆண்டில், இந்த வழக்கானது மேலும் விசாரணைக்காக ஏழு நீதிபதிகள் கொண்ட அமர்வுக்கு மாற்றப்பட்டது.


சிறுபான்மை கல்வி நிறுவனங்களுக்கான (MEIs) பாதுகாப்பு 


சட்டப்பிரிவு 30(1)-ன் கீழ், அனைத்து சிறுபான்மையினருக்கும் தாங்கள் விரும்பும் கல்வி நிறுவனங்களை நிறுவவும், நிர்வகிக்கவும் உரிமை உண்டு. மேலும், சட்டப்பிரிவு 15(5) சிறுபான்மை கல்வி நிறுவனங்களுக்கு (minority educational institutions (MEI)) பட்டியலிடப்பட்ட வகுப்பினர் (SCs) மற்றும் பட்டியலிடப்பட்ட பழங்குடியினர் (STs) இட ஒதுக்கீடு வழங்குவதில் இருந்து விலக்கு அளிக்கிறது.


சிறுபான்மை அந்தஸ்து இந்த கல்வி நிறுவனங்களின் தினசரி நிர்வாகத்தின் மீது அதிக கட்டுப்பாட்டை அனுமதிக்கிறது. இதில், சிறுபான்மை மாணவர்களுக்கு 50% இடங்களை ஒதுக்கி, மாணவர் சேர்க்கையை அவர்கள் முடிவு செய்யலாம். மேலும், ஆசிரியர் மற்றும் ஆசிரியர் அல்லாத பணியாளர்களை பணியமர்த்துவதில் அவர்கள் அனுமதியைக் கொண்டுள்ளனர்.


சிறுபான்மைத் தன்மை


இந்திய தலைமை நீதிபதி டி.ஒய்.சந்திரசூட் உடன் நீதிபதிகள் சஞ்சீவ் கண்ணா, ஜே பி பர்திவாலா மற்றும் மனோஜ் மிஸ்ரா ஆகியோர் பெரும்பான்மைத் தீர்ப்பை வழங்கினர். இந்த முடிவில், அவர்கள் அரசியலமைப்புப் பிரிவு 30(1)-ன் கீழ் சிறுபான்மை நிறுவனங்களின் "முக்கிய அத்தியாவசியங்கள்" (core essentials)  தொடர்பான கோட்பாடுகளை கோடிட்டுக் காட்டியுள்ளனர்.


ஒரு சிறுபான்மை நிறுவனத்தை நிறுவுவதன் முக்கிய நோக்கம் மொழி மற்றும் கலாச்சாரத்தைப் பாதுகாப்பதாக இருக்க வேண்டும் என்றாலும், அது மட்டுமே நோக்கமாக இருக்க வேண்டியதில்லை. மாறாக, சிறுபான்மையினர் அல்லாத பின்னணியில் உள்ள மாணவர்களை அனுமதித்தால் சிறுபான்மை நிறுவனம் அதன் சிறுபான்மைத் தன்மையை இழக்காது.


ஒரு சிறுபான்மை நிறுவனம் அதன் சிறுபான்மை தன்மையை இழக்காமல் மதச்சார்பற்ற கல்வியை வழங்க முடியும்.


ஒரு சிறுபான்மை நிறுவனம் அரசாங்க உதவியைப் பெற்றால், எந்த மாணவரையும் மதம்சார்ந்த போதனையில் பங்கேற்க கட்டாயப்படுத்த முடியாது. கல்வி நிறுவனம் முழுமையாக அரசால் பராமரிக்கப்பட்டால், அது மத போதனைகளை வழங்க முடியாது. இந்த கட்டுப்பாடுகள் இருந்தபோதிலும், நிறுவனம் இன்னும் சிறுபான்மை நிறுவனமாக அங்கீகரிக்கப்பட்டுள்ளது.


உச்சநீதிமன்றத்தால் அமைக்கப்பட்ட ஆய்வு


ஒரு நிறுவனம் உண்மையில் சிறுபான்மை தன்மையைக் கொண்டிருக்கிறதா என்பதைத் தீர்மானிக்க, அது "முழு ஆய்வுக்கு உட்படுத்தி" அது எவ்வாறு நிறுவப்பட்டது என்பதைப் பார்க்க வேண்டும் என்று நீதிமன்றம் கூறியது. இதைச் செய்ய, நீதிமன்றம் சில அளவுகோல்களை அல்லது "குறியீடுகளை" அமைத்து, இவை இரண்டு-அடுக்கு ஆய்வின் ஒரு பகுதியாக கருதப்பட வேண்டும்.


நிறுவன அமைப்பு : சோதனையின் முதல் அம்சம் சிறுபான்மை நிறுவனத்தின் தோற்றம், அதன் நோக்கம் மற்றும் நிறுவனம் தொடர்பான ஆய்வு எவ்வாறு செயல்படுத்தப்பட்டது என்பதை ஆராய்கிறது.


கல்வி நிறுவன அமைப்பின் பின்னணியில் இருந்தவர்களை அடையாளம் காண நீதிமன்றங்கள் ஆய்வின் மூலம் முதல் கட்டத்தை கண்டறிய வேண்டும். இதை நிரூபிக்க, சமூக உறுப்பினர்கள் அல்லது அரசாங்க அதிகாரிகளுடன் கடிதங்கள் மற்றும் தபால்கள் போன்ற பல்வேறு ஆதாரங்களைக் கருத்தில் கொள்ளலாம். நீதிமன்றத்தின்படி, சிறுபான்மை சமூகத்தைச் சேர்ந்த ஒருவரை அல்லது அதிலிருந்து ஒரு குழுவை இணைக்க வேண்டும்.


நிறுவனத்தை நிறுவுவதன் நோக்கம் முக்கியமாக சிறுபான்மை சமூகத்தின் நலனுக்காக இருக்க வேண்டும். அது மட்டுமே நோக்கமாக இருக்க வேண்டிய அவசியமில்லை. அந்த நேரத்தில், கடிதங்கள் அல்லது பேச்சுவார்த்தைகளை ஆராயவும் நீதிமன்றம் பரிந்துரைத்தது. இந்த ஆவணங்கள் நிறுவனத்தை உருவாக்குவதன் "அவசியம்" மற்றும் சமூகங்கள் எதிர்கொள்ளும் "கல்விக்கான சிரமங்களை" அங்கீகரிப்பதை விளக்கலாம்.


அடுத்த கட்டமாக, நீதிமன்றத்தின் படி, "ஆய்வு" செயல்படுத்தப்பட்டது. கல்வி நிறுவனத்திற்கு நிதி வழங்கியது யார்? நிலம் எவ்வாறு கையகப்படுத்தப்பட்டது அல்லது தானமாக வழங்கப்பட்டதா? தேவையான அனுமதிகளைப் பெற்று கட்டுமானம் மற்றும் உள்கட்டமைப்பை நிர்வகித்தவர் யார்?


அலிகார் முஸ்லிம் பல்கலைக்கழகம் (AMU) பழைய மாணவர்களின் முன்னாள் மாணவர் சங்கம், எழுத்துப்பூர்வ ஆவணங்களில், சர் சையத் அஹ்மத் கான் "முஸ்லீம் சமூகம் புறக்கணிக்கப்பட்டதாகவும், பின்தங்கியதாகவும் இருப்பதைக் கண்டறிந்த பிறகு" முஸ்லீம் சமூகத்திற்கு ஆதரவாக AMU நிறுவப்பட்டது என்று கூறியது. 1870-ம் ஆண்டுகளில், முகமது ஆங்கிலோ-ஓரியண்டல் (Muhammadan Anglo-Oriental (MAO)) கல்லூரி அறக்கட்டளை குழு நிதி சேகரிக்கத் தொடங்கியது. இதன் அடிப்படையில், MAO கல்லூரி நிறுவப்பட்டது. முஸ்லீம் பல்கலைக்கழக சங்கம் 1911-ம் ஆண்டில் நிறுவப்பட்ட பின்னர், அரசாங்கத்துடனான "நீண்ட ஒப்பந்தங்கள்" (long negotiations) மூலம் அலிகார் முஸ்லிம் பல்கலைக்கழகச் சட்டம் 1920-ன் அடிப்படையில், முகமது ஆங்கிலோ-ஓரியண்டல் (MAO) கல்லூரி உச்சக்கட்டத்தை அடைந்தது, என்று முன்னாள் மாணவர் சங்கம் சமர்ப்பித்த ஆவணங்களில் குறிப்பிட்டிருந்தது.


எவ்வாறாயினும், முகமது ஆங்கிலோ-ஓரியண்டல் (MAO) உருவாக்கத்தின் பின்னணியில் ஒரு "முதன்மை" நோக்கம் "மேற்கத்திய நாடுகளின் கலைகள் மற்றும் அறிவியலை மேம்படுத்துவது ஆகும். ஆனால், இவை மத ஆய்வுக்கு மட்டுமல்ல" என்று மையம் வாதிட்டது. மேலும், இந்த ஆய்வில் MAO-ஐ நிறுவுவதற்கு "வாழ்க்கையின் அனைத்து தரப்பு மக்களும்" பங்களித்ததாக அது வாதிட்டது. 1911-ம் ஆண்டில் அலிகாரில் ஒரு பல்கலைக்கழகம் என்ற யோசனை முன்வைக்கப்பட்டபோதும், ஏகாதிபத்திய அரசாங்கம் அவர்கள் கட்டுப்பாட்டை தக்கவைத்துக் கொள்ளும் என்பதில் தெளிவாக இருந்ததாக மையம் குறிப்பிட்டிருந்தது.


நிர்வாகம் : ஒரு கல்வி நிறுவனத்தின் நிர்வாகத்தை சிறுபான்மை சமூகத்தினர் கையாள வேண்டிய அவசியம் இல்லை என்று நீதிமன்றம் கூறியது. இது போன்ற, ஒரு நிறுவனத்திற்கான "தேர்வு" (choice) என்பது ஒரு முக்கிய அங்கமாக இருந்தது. மேலும், சிறுபான்மை சமூகத்தைச் சேர்ந்த நபர்களை தினசரி நிர்வாகத்திற்கு நியமிப்பது "நிர்ப்பந்தம்" இல்லை.


ஒரு கல்வி நிறுவனத்தின் சிறுபான்மை தன்மையை "உறுதிப்படுத்துகிறதா" என்பதை ஆய்வு செய்வதன் மூலம் நீதிமன்றங்கள் நிர்வாக அமைப்பை அறிய முடியும் என்று பெரும்பான்மையினர் கருதுகின்றனர். கல்வி நிர்வாகம் "சிறுபான்மையினரின் நலன்களைப் பாதுகாத்து மேம்படுத்துவதாக" தெரியவில்லை என்றால், சிறுபான்மை சமூகத்தின் நலனுக்காக ஒரு கல்வி நிறுவனத்தை நிறுவுவது நோக்கம் அல்ல என்பதை நியாயமாக ஊகிக்க முடியும்.


அரசியலமைப்பு நடைமுறைக்கு வருவதற்கு முன்பு நிறுவப்பட்ட கல்வி நிறுவனங்கள் (AMU போன்றவை), அரசியலமைப்பு தொடங்கப்பட்ட ஜனவரி 26, 1950 அன்று கல்வி நிர்வாகம் எவ்வாறு செயல்பட்டது என்பதை நீதிமன்றங்கள் ஆராய வேண்டும் என்று பெரும்பான்மையானவர்களின் கருத்தாக உள்ளது. மேலும், கல்வி நிறுவனர்களிடமிருந்து கட்டுப்பாட்டை மேற்கொள்ள ஏதேனும் ஒழுங்குமுறை நடவடிக்கைகள் பயன்படுத்தப்பட்டதா என்பதையும் அவர்கள் கருத்தில் கொள்ள வேண்டும்.


1950-ம் ஆண்டு வரை நிர்வாகத்தின் மீதான இறுதி அதிகாரம் முஸ்லீம் சமூகத்திடமே இருந்தது என்றும், 'நிர்வாகம்' (AMU-ன் உச்ச நிர்வாகக் குழு) முழுவதுமாக முஸ்லீம்களைக் கொண்டது என்றும் மனுதாரர்கள் வாதிட்டனர்.


எவ்வாறாயினும், அலிகார் முஸ்லிம் பல்கலைக்கழகச் (AMU) சட்டத்தின் பிரிவு 13 மற்றும் 14 ஆனது அதிகாரிகளுக்கு "மேலதிக அதிகாரத்தை" (overriding authority) வழங்குவதாக ஒன்றிய அரசு வாதிட்டது. அதாவது, அலிகார் முஸ்லிம் பல்கலைக்கழகம் (AMU) மீதான அரசாங்கத்தின் கட்டுப்பாடு முகமது ஆங்கிலோ-ஓரியண்டல் (MAO) கல்லூரி மீதான அதன் கட்டுப்பாட்டை விட அதிகமாக இருந்தது.


அலிகார் முஸ்லிம் பல்கலைக்கழகச் (AMU) சட்டம் 1951-ம் ஆண்டில் திருத்தப்பட்டது என்றும் அந்த வழக்கில் சமர்பிக்கப்பட்டது. இந்த திருத்தம் கட்டாய மதக் கல்வி மற்றும் பல்கலைக்கழகத்தின் நீதிமன்றத்தில் அனைத்து முஸ்லிம் பிரதிநிதித்துவத்தையும் நீக்கியது. அலிகார் முஸ்லீம் பல்கலைக்கழக சட்டம்-1920, அரசியலமைப்பு விதிகளுக்கு இணங்க இது செய்யப்பட்டது.


அலிகார் முஸ்லிம் பல்கலைக்கழகத்தின் (AMU) வரலாற்றில் முக்கிய தேதிகள், சட்ட வழக்கு : 


1877 : சையத் அஹ்மத் கான் முஹம்மது ஆங்கிலோ-ஓரியண்டல் (MAO) கல்லூரியை முஸ்லிம்களை மேம்படுத்துவதற்காக நிறுவினார்.


1920 : AMU சட்டம் இயற்றப்பட்ட பிறகு முஹம்மது ஆங்கிலோ-ஓரியண்டல் (MAO) கல்லூரி அலிகார் முஸ்லிம் பல்கலைக்கழகமாக (AMU) ஆனது.


1950 : நாடாளுமன்றம் AMU-ஐ தேசிய முக்கியத்துவம் வாய்ந்த நிறுவனமாக அறிவித்தது.


1951 : AMU சட்டம் திருத்தப்பட்டது. அந்த நேரத்தில் முஸ்லீம் அல்லாதவர்கள் AMU நிர்வாக மற்றும் அதன் உச்சபட்ச ஆளும் குழு உறுப்பினர்களாக இருக்க அனுமதிக்கிறார்கள். 

1965 : மற்றொரு திருத்தம் AMUவின் நிர்வாகக் குழுவின் அதிகாரங்களை விரிவுபடுத்தியது. பல்கலைக்கழக நிர்வாகம் இனி உச்ச நிர்வாகக் குழு அல்ல.


1967 : திருத்தங்களுக்கு சவால் விடும் உச்சநீதிமன்ற விதிகள், AMU ஐ சிறுபான்மை நிறுவனமாக வகைப்படுத்த முடியாது என்று கூறுகிறார் (அஜீஸ் பாஷா வழக்கு).


1981 : இந்திரா காந்தியின் அரசாங்கம் AMU சட்டத்தில் திருத்தம் மேற்கொண்டது. AMU முஸ்லிம்களின் கல்வி, கலாச்சார முன்னேற்றத்திற்காக நிறுவப்பட்டது என்று அறிவித்தது.


2005 : முதுநிலை மருத்துவப் படிப்புகளில் முஸ்லீம் மாணவர்களுக்கு 50% இடஒதுக்கீட்டை AMU அறிமுகப்படுத்தியது.


2006 : அலகாபாத் உயர்நீதிமன்றம் கொள்கை மற்றும் 1981-ம் ஆண்டு திருத்தத்தை இரத்து செய்தது. ஐக்கிய முற்போக்குக் கூட்டணி (UPA) அரசாங்கமும், AMUவும் இந்தத் தீர்ப்பை எதிர்த்து உச்ச நீதிமன்றத்தை நாடின.


2016 : ஒன்றிய அரசு மேல்முறையீட்டில் இருந்து விலகியது. UPA அரசின் நிலைப்பாடு “எஸ்சி/எஸ்டி/ஓபிசி/ஈடபிள்யூஎஸ்களுக்கான இடஒதுக்கீடு என்ற பொதுக் கொள்கைக்கு எதிரானது. மேலும், இது மத்தியப் பல்கலைக்கழகங்களுக்குப் பொருந்தும்” என்று கூறியது.


2019 : மூன்று நீதிபதிகள் கொண்ட உச்சநீதிமன்ற அமர்வு, இந்த வழக்கை ஏழு நீதிபதிகள் கொண்ட அமர்வுக்கு மாற்றியது.




Original article:

Share: