இந்தியா-கனடா உறவின் நிலை என்ன? -குஷ்பூ குமாரி

 முக்கிய அம்சங்கள்:

— ஞாயிற்றுக்கிழமை இரவு புது டெல்லியை அடைந்த கனடாவின் வெளியுறவு அமைச்சர் அனிதா ஆனந்த், திங்கட்கிழமை வெளியுறவு அமைச்சர் எஸ். ஜெய்சங்கருடன் பேச்சுவார்த்தை நடத்தி, இரவு மும்பைக்குச் செல்வதற்கு முன்பு பிரதமர் நரேந்திர மோடியைச் சந்தித்தார்.

— புது டெல்லி மற்றும் ஒட்டாவா பல நடவடிக்கைகளில் உடன்பட்டன. இதில் இருதரப்பு வர்த்தகம் மற்றும் முதலீடு குறித்த அமைச்சர்கள் அளவிலான விவாதங்களைத் தொடங்குதல், 2026ஆம் ஆண்டின் தொடக்கத்தில் இந்தியா-கனடா தலைமை நிர்வாக அதிகாரிகள் மன்றத்தை மீண்டும் தொடங்குதல், எரிசக்தி உரையாடலை மீண்டும் தொடங்குதல், பொது அணுசக்தி ஒத்துழைப்பு குறித்த விவாதங்கள் மற்றும் உயர்கல்வியில் இணைந்து பணியாற்ற ஒரு குழுவை அமைத்தல் போன்ற பணிகள் போன்றவை அடங்கும்.

— இரண்டு ஆண்டுகளுக்கு பிறகு கனடா வெளியுறவு அமைச்சர் ஒருவர் இந்தியாவுக்கு வருகை தருவது இதுவே முதல் முறை. 2023ஆம் ஆண்டில், கனடாவில் காலிஸ்தான் ஆதரவாளர் ஹர்தீப் சிங் நிஜ்ஜார் கொல்லப்பட்டதில் இந்திய முகவர்கள் ஈடுபட்டதாக கனடா பிரதமர் ஜஸ்டின் ட்ரூடோ குற்றம் சாட்டியதைத் தொடர்ந்து, இந்தியாவிற்கும் கனடாவிற்கும் இடையிலான உறவில் இடைவெளி ஏற்பட்டது. இதை இந்தியா கடுமையாக மறுத்தது. இது பொய்யானது மற்றும் அரசியல் நோக்கம் கொண்டது என்று கூறியது. இதன் விளைவாக, இரு நாடுகளும் தங்கள் இராஜதந்திர உறவுகளை குறைத்துக் கொண்டன.

— ஒட்டாவாவில் பாதுகாப்பு மாற்றத்தைத் தொடர்ந்து, ஜூன் மாதம் கனனாஸ்கிஸில் நடந்த G7 தலைவர்கள் உச்சிமாநாட்டின் போது பிரதமர் மார்க் கார்னி பிரதமர் மோடியைச் சந்தித்தார். மேலும், இரு தலைவர்களும் தங்கள் அதிகாரிகளிடம் உறவுகளை சரி செய்யுமாறு கேட்டுக்கொண்டனர்.

— இரு நாடுகளிலிருந்தும் முன்னணி வணிக நிர்வாகிகளை ஒன்றிணைத்து உறுதியான தன்மையை அடையாளம் காணும் கனடா-இந்தியா தலைமை நிர்வாக அதிகாரி மன்றத்தை மீண்டும் தொடங்குவது குறித்தும் அவர்கள் பேசினார்.

— எரிசக்தியைப் பொறுத்தவரை, கனடா-இந்தியா அமைச்சகத்தின் எரிசக்தி உரையாடலை (Canada-India Ministerial Energy Dialogue (CIMED)) மீண்டும் நிறுவவும், திரவமாக்கப்பட்ட இயற்கை எரிவாயு & திரவமாக்கப்பட்ட பெட்ரோலிய எரிவையுவிற்கான இருவழி வர்த்தகத்தை ஊக்குவிக்கவும், எண்ணெய் மற்றும் எரிவாயு ஆய்வு மற்றும் உற்பத்தித் துறையில் முதலீடு செய்யவும் அவர்கள் ஒப்புக்கொண்டதாக கூட்டு அறிக்கை தெரிவித்தது.

— கனடாவின் சுரங்க நிபுணத்துவம் இந்தியாவிற்கு எரிசக்தி பாதுகாப்பிற்குத் தேவையான முக்கியமான தனிமங்களை எவ்வாறு வழங்க முடியும் என்பதை அடையாளம் காண அரசாங்கம், தொழில்துறை மற்றும் நிபுணர்களிடையே உரையாடலை ஊக்குவிக்க முடிவு செய்தனர்.

— 2026ஆம் ஆண்டு  மார்ச் மாதத்தில் டொரண்டோவில் நடைபெறும்  Prospectors and Developers Association Conference மாநாட்டின் போது, முதல் முக்கிய தனிமங்கள் ஆண்டு உரையாடலை (Critical Minerals Annual Dialogue) நடத்த இரு நாடுகளும் முடிவுசெய்தன.

— செயற்கை நுண்ணறிவு மற்றும் டிஜிட்டல் உள்கட்டமைப்பு உள்ளிட்ட அறிவியல் மற்றும் தொழில்நுட்பத்தில் புதிய எல்லைகள் குறித்து, கூட்டு அறிவியல் மற்றும் தொழில்நுட்ப ஒத்துழைப்புக் குழுவை மீண்டும் தொடங்க அவர்கள் முடிவு செய்தனர்.

உங்களுக்குத் தெரியுமா:

—உலகின் மிகப்பெரிய இந்திய சமூகங்களில் ஒன்றான கனடாவில், 1.6 மில்லியன் இந்திய வம்சாவளி மக்கள் வசிக்கின்றனர். கனடாவின் மக்கள் தொகையில் அவர்கள் 3%-க்கும் அதிகமானோர் உள்ளனர். கனடாவில் 700,000 வெளிநாட்டு இந்தியர்களும் உள்ளனர். 2022ஆம் ஆண்டில் 230,000 இந்திய மாணவர்களுடன், கனடாவிற்கு மாணவர்களை அனுப்பும் நாடுகளில் இந்தியா முதலிடத்தில் உள்ளது.

— 2021-22 ஆம் ஆண்டில் கனடாவுடனான இந்தியாவின் மொத்த வர்த்தகம் $11.68 பில்லியனாக இருந்தது. இது இருக்கக்கூடியதை விட மிகக் குறைவு. இருப்பினும், இந்தியாவின் மொத்த பருப்பு இறக்குமதியில் 30% கனடாவிலிருந்து வருகிறது. இது இந்தப் பிரிவில் குறிப்பிடத்தக்க பங்கைக் காட்டுகிறது.

— 2021 கனடா மக்கள் தொகை கணக்கெடுப்பின்படி, சீக்கியர்கள் கனடாவின் மக்கள்தொகையில் 2.1 சதவீதமாக உள்ளனர். மேலும், அவர்கள் நாட்டின் வேகமாக வளர்ந்து வரும் மதக்குழுவினர்களாக உள்ளனர். இந்தியாவிற்குப் பிறகு, உலகிலேயே அதிக சீக்கியர்கள் வசிக்கும் நாடக கனடா உள்ளது.

Original article:

What is the status of the India-Canada relationship? -Khushboo Kumari

Read More →

இந்தியாவின் முன்மொழியப்பட்ட ஆளில்லா விமானச் சட்டம் (Drone Law) தொழில்துறையின் வளர்ச்சியை முடக்கும் அபாயத்தை ஏற்படுத்தியுள்ளது. -அமன் தனேஜா மற்றும் அனிருத் ரஸ்தோகி

 இது 2021ஆம் ஆண்டு ஆளில்லா விமான விதிகளை (Drone Rules) மாற்றியமைக்கிறது. இது அதிகப்படியான அதிகாரத்துவ நடைமுறைகளைக் (red tape) குறைத்தல் மற்றும் புதுமைகளை ஊக்குவித்தல் (inviting innovation) போன்றவற்றில் இந்தியாவின் தீவிரத்தன்மையைக் குறிக்கிறது.

இந்தியாவின் ஆளில்லா விமானங்களை ஒழுங்குபடுத்துவது ஒரு கணிக்க முடியாதவையாகும். அவை மிகவும் எச்சரிக்கையாக இருப்பதற்கும் திருத்தங்களைச் செய்வதற்கும் இடையில் மாறிவிட்டன. 2014 ஆம் ஆண்டில், விதிகள் இயற்றப்படும் வரை பொதுமக்கள் ஆளில்லா விமான பயன்பாடு முற்றிலும் தடைசெய்யப்பட்டது. 2018-ல் பின்பற்றப்பட்ட சிவில் விமானப் போக்குவரத்துத் தேவைகள் No Permission, No Takeoff (NPNT) என்ற முறையை அறிமுகப்படுத்தியது. இது நம்பிக்கைக்குரியதாகத் தோன்றியது. ஆனால், தேவையான டிஜிட்டல் உள்கட்டமைப்பு சாத்தியமில்லாததால் தோல்வியடைந்தது. 2021 ஆம் ஆண்டின் தொடக்கத்தில், ஆளில்லா விமான அமைப்பு விதிகளில் சில சிக்கல்கள் இருந்தன. ஆனால், அந்த ஆண்டின் பிற்பகுதியில், அரசாங்கம் ஆளில்லா விமான விதிகளை அறிமுகப்படுத்தியது. இந்த விதிகள் உரிமத்தை எளிதாக்கின, பரிசோதனையை ஊக்குவித்தன, மேலும் துறையை மேம்படுத்தும் ஒரு கட்டமைப்பாக வரவேற்கப்பட்டன. இப்போது, ​​பத்தாண்டுகாலத்திற்குப் பிறகு, வரைவு சிவில் ஆளில்லா விமானம் (மேம்பாடு மற்றும் ஒழுங்குமுறை) மசோதா-2025 (Draft Civil Drone (Promotion & Regulation) Bill), இந்தப் பயணத்தின் சமீபத்திய கட்டமைப்பாகும். இருப்பினும், கடந்த கால முன்னேற்றத்தை உருவாக்குவதற்குப் பதிலாக, அது கடுமையான விதிமுறைகளை மீண்டும் கொண்டு வரக்கூடும்.

பரிந்துரைக்கப்பட்ட விதிகளிலிருந்து தனித்த சட்டத்திற்கு மாறுவது இந்தத் துறைக்கு உறுதிப்பாட்டை அளிக்கும் என்று ஒருவர் எதிர்பார்க்கலாம். அதற்கு பதிலாக, இது கடுமையான தண்டனைகளைக் கொண்டுவருகிறது. இது ஆராய்ச்சி மற்றும் மேம்பாட்டு (R&D) விருப்பங்களை நீக்குகிறது. மேலும், பெரும்பாலான விவரங்களை பரிந்துரைக்கப்பட்ட சட்டத்திற்கு உட்படுத்துகிறது. இந்த அணுகுமுறை வளர்ச்சியை விரைவுபடுத்தாது. மாறாக, இது தொழில்துறையை மெதுவாக்கலாம். பிரதமர் மோடியால் ஊக்குவிக்கப்பட்ட இலக்காக, ஆளில்லா விமானத் தொழில்நுட்பங்களுக்கான உலகளாவிய மையமாக இந்தியா மாற விரும்பினால், இந்த அணுகுமுறையை மறுபரிசீலனை செய்ய வேண்டும்.

இந்தியாவின் ஆளில்லா விமானச் சுற்றுச்சூழல் அமைப்பு தனித்துவமானது. ஆனால், ஆற்றல் நிறைந்தது. ஆளில்லா வான்வழி வாகனங்கள் உழவர்களுக்கு பயிர் சுழற்சிகளை மேம்படுத்தவும், தொலைதூரப் பகுதிகளுக்கு தடுப்பூசிகளை வழங்கவும், உள்கட்டமைப்பு திட்டங்களை ஆதரிக்கவும் எவ்வாறு உதவும் என்பதை புத்தொழில் நிறுவனங்கள் ஏற்கனவே நிரூபித்துள்ளன. SVAMITVA திட்டத்தின் கீழ் வரைபடம் செய்வதற்கும், பேரிடர் மேலாண்மைக்கும் அரசாங்கமே ஆளில்லா விமானங்களைப் பயன்படுத்தியுள்ளது. 

உலகெங்கிலும் உள்ள நாடுகள், வணிக ரீதியான ஆளில்லா விமானங்கள் பயன்பாட்டிற்கான திறவுகோலாகக் கருதப்படும், beyond-visual-line-of-sight (BVLOS) முறையை செயல்படுத்துவதில் ஈடுபட்டுள்ளன. இதில் இந்தியா பின்தங்கியிருக்க முடியாது. தெளிவான மற்றும் புதுமைக்கு ஏற்ற விதிகளைக் கொண்டிருப்பது ஒரு கொள்கை இலக்கு மட்டுமல்ல. அது ஒரு பொருளாதார மற்றும் இராஜதந்திர தேவையும் ஏற்பட்டுள்ளது.

இருப்பினும், வரைவு மசோதா மூன்று முக்கிய கவலைகளை எழுப்புகிறது. முதலாவதாக, இது குற்றமயமாக்கலில் அதிக கவனம் செலுத்துகிறது. பல வகையான மீறல்களுக்கு சிறைத்தண்டனைகளை இது முன்மொழிகிறது. தவறுகளைத் தடுக்க தண்டனை முக்கியம் என்றாலும், சிறிய தவறுகளுக்கு குற்றவியல் தண்டனைகளைப் பயன்படுத்துவது விகிதாசாரத்தின் கருத்துக்கு எதிரானது. சிறிய தவறுகளுக்கு வணிக உரிமையாளர்களை சிறைத்தண்டனை விதிப்பதாக அச்சுறுத்துவது வளர்ந்து வரும் துறையில் புதுமைகளைத் தடுக்கலாம்.

ஆளில்லா விமானங்களைத்  தேட, பறிமுதல் செய்ய மற்றும் பறிமுதல் செய்ய இந்த மசோதா காவல்துறைக்கு பரந்த அதிகாரங்களை வழங்குகிறது. ஆளில்லா விமானங்கள் விலை உயர்ந்தவை மற்றும் உருவாகும் தாமதங்கள் சில செயல்பாடுகளுக்கு தீங்கு விளைவிக்கும் என்பதால், திடீரென பறிமுதல் செய்வதற்கான வாய்ப்பு அதிக ஆபத்தை உருவாக்குகிறது. சிறிய விதி மீறல்களுக்கு தங்கள் ஆளில்லா விமானங்களை எடுத்துச் செல்ல முடியுமா என்று திட்டமிடுவது புத்தொழில் நிறுவனங்கள் மற்றும் சேவை வழங்குநர்களுக்கு கடினமாக இருக்கும்.

ஆளில்லா விமானங்கள் தீங்கு விளைவிக்கும் அல்லது பாதுகாப்புக்கு அச்சுறுத்தும் நோக்கங்களுக்காகப் பயன்படுத்தப்படும்போது இத்தகைய அதிகாரங்கள் தேவைப்படலாம். ஆனால், அவற்றை எல்லா நிகழ்வுகளிலும் பயன்படுத்துவது அமலாக்கத்தை நிச்சயமற்றதாகவும் நியாயமற்றதாகவும் மாற்றக்கூடும்.

இரண்டாவதாக, இந்த மசோதா அனுமதி வழங்கல், உரிமம் வழங்குதல் மற்றும் தரநிலைகள் போன்ற முக்கியமான விவரங்களை பின்னர் உருவாக்கப்படும் சட்டத்தின் முடிவிற்கு விட்டுவிடுகிறது. முக்கிய விதிகள் இன்னும் முழுமையடையாததால், இது ஆளில்லா விமானத் துறையை நிச்சயமற்றதாக வைத்திருக்கிறது. இதன் மூலம் இந்தச் சட்டம் உண்மையான தெளிவைக் கொண்டுவருவதற்கான வாய்ப்பை இழக்கிறது.

மூன்றாவதாக, வரைவு முக்கியமாக புதுமைகளை ஊக்குவிப்பதற்குப் பதிலாக கட்டுப்பாடுகளில் கவனம் செலுத்துகிறது. இது போதுமான ஆதரவான கட்டமைப்புகளை வழங்கவில்லை. ஆளில்லா விமானம் தொழில்நுட்பத்தை உருவாக்குவதற்கு அவசியமான சோதனை beyond-visual-line-of-sight (BVLOS) திட்டங்களை உருவாக்குவதற்கான உண்மையான முயற்சியோ அல்லது சிறப்பு அனுமதிகளோ இல்லை.

 பல வருட முன்னோடி திட்டங்கள் மற்றும் ஆலோசனைகளுக்குப் பிறகும், ஆளில்லா விமானம் தொழில்நுட்பத்தை முழுமையாகப் பயன்படுத்துவதற்குத் தேவையான முக்கிய படியான BVLOS செயல்பாடுகளைத் தொடங்குவதில் இந்தியா இன்னும் உண்மையான முன்னேற்றத்தை அடையவில்லை. நீண்டகால நலனை வழங்க வேண்டிய புதிய சட்டம், இந்தப் பகுதியில் அதிக முன்னேற்றத்தை ஏற்படுத்தத் தவறியது என்பது ஏமாற்றமளிக்கிறது.

இந்த மசோதாவின் ஒட்டுமொத்த விளைவு, ஆளில்லா விமானங்களை இயக்குபவர்களுக்கு குழப்பமானதாகவும், நிச்சயமற்றதாகவும் உள்ளது. சிறிய தவறுகள் கூட குற்றவியல் குற்றச்சாட்டுகளுக்கு வழிவகுக்கும் என்பதால், முதலீட்டாளர்கள் தொடக்க நிறுவனங்களுக்கு நிதியளிப்பதைத் தவிர்க்கலாம். ஒழுங்குமுறை ஆணையத்தின் அணுகுமுறைகள் முதலில் தடைசெய்து பின்னர் தெளிவுபடுத்துவதாக இருந்தால், தொழில்முனைவோர் பரிசோதனை செய்யத் தயங்குவார்கள். 

2021ஆம் ஆண்டின் ஆளில்லா விமானங்களின் விதிகளுடன் ஒப்பிடும்போது இது ஒரு பின்தங்கிய படியாகும். இது இந்தியாவின் அதிகாரத்துவ நடைமுறைகளைக் (red tape) ஆதரிப்பதற்கான முயற்சியைக் காட்டியது. இதற்கு நேர்மாறாக, புதிய வரைவு மசோதா, விதிகளைப் பின்பற்றுவது வாய்ப்புகளைக் கண்டறிவதை விட கடினமான இடமாக இந்தியாவின் பழைய பிம்பத்தை மீண்டும் கொண்டுவருகிறது.

இந்த மசோதாவை மேம்படுத்த இன்னும் நேரம் இருக்கிறது. விதிகளை சட்டமாக மாற்றுவது அதிக நிச்சயமற்ற தன்மையை உருவாக்கக்கூடாது. சட்டம் அதன் ஒழுங்குமுறை கட்டமைப்பில் புதுமைகளை தெளிவாக ஆதரிக்க வேண்டும். செயல்பாட்டு விவரங்களை பரிந்துரைக்கப்பட்ட சட்டத்திற்கு விட்டுவிடலாம். ஆனால், அதே நேரத்தில் பங்குதாரர்களிடமிருந்து அர்த்தமுள்ள கருத்துகளை செயல்படுத்த அவை ஒரே நேரத்தில் வெளியிடப்பட வேண்டும். செயல்படுத்துவதற்கான அமைப்பு விகிதாசாரமாக இருக்க வேண்டும். ஆளில்லா விமானங்களின் தீங்கிழைக்கும் பயன்பாடு, மோசமான நோக்கங்களுடன் ஆளில்லா விமானங்களைப் பயன்படுத்துதல், தேசிய பாதுகாப்புக்கு அச்சுறுத்தல் அல்லது கவனக்குறைவாகப் பறப்பதன் மூலம் உடல் ரீதியான தீங்கு விளைவித்தல் போன்ற மிகக் கடுமையான குற்றங்களுக்கு மட்டுமே சிறைத்தண்டனை வழங்கப்பட வேண்டும். 

மேலும், எதிர்பாராத சிறிய தவறுகளுக்கு, சிவில் நடவடிக்கைகள் மற்றும் பண அபராதங்கள் சிறந்த வழிகள் ஆகும். இந்த அணுகுமுறை, நேர்மையான தவறுகள் நியாயமற்ற தண்டனைக்கு வழிவகுக்காது என்பதை ஆளில்லா விமான இயக்குபவர்களுக்கு உறுதியளிக்கும்.

சட்டம் எதிர்கால நடைமுறைகளையும் மையமாகக் கொண்டிருக்க வேண்டும். ஒழுங்குமுறை அதிகாரிகளுக்கும் பயனுள்ளதாக இருக்கும். அவை பாதுகாப்பு, நம்பகத்தன்மை மற்றும் இடர் மேலாண்மை குறித்த நிஜ உலகத் தரவை வழங்குகின்றன. இந்தத் தரவு கொள்கை வகுப்பாளர்களை, கருத்தாக்கங்களுக்குப் பதிலாக ஆதாரங்களின் அடிப்படையில் விதிகளை உருவாக்க அனுமதிக்கிறது. கட்டுப்படுத்தப்பட்ட நிலைமைகளில் ஆளில்லா விமானங்கள் எவ்வாறு செயல்படுகின்றன என்பதைக் கவனிப்பதன் மூலம், ஒழுங்குமுறை அதிகாரிகள் சூழ்நிலைக்கு ஏற்ற விதிகளை உருவாக்க முடியும். 

அவர்கள் முழுமையான தடைகளை நம்பியிருக்க வேண்டியதில்லை. சிங்கப்பூர் மற்றும் இங்கிலாந்து போன்ற நாடுகள் ஏற்கனவே Sandboxes கட்டமைப்புகள் எவ்வாறு ஒழுங்குமுறை அதிகாருகளுக்கு அபாயங்களை நிர்வகிக்க அனுமதிக்கும் என்பதை ஏற்கனவே நிரூபித்துள்ளன. அதிநவீன UAV பயன்பாடுகளுக்கான சோதனைக் களமாக தன்னை நிலைநிறுத்திக் கொள்ளும் இந்த வாய்ப்பை இந்தியா தவறவிடக் கூடாது.

இந்தியாவிற்கு திறமை, மூலதனம் மற்றும் உலகளாவிய ஆளில்லா விமான தலைவராக மாறுவதற்கான கோரிக்கை உள்ளது. இருப்பினும், தெளிவற்ற விதிமுறைகள் மற்றும் கடுமையான அமலாக்கம் இந்த நோக்கத்தை நிறுத்தக்கூடும்.  சிவில் ஆளில்லா விமான (மேம்பாடு மற்றும் ஒழுங்குமுறை) மசோதா-2025 (Civil Drone (Promotion & Regulation) Bill), தற்போது ஆதரவை விட ஒழுங்குமுறையில் அதிக கவனம் செலுத்துகிறது. தெளிவு, சமநிலை மற்றும் புதுமையுடன் மறுவடிவமைப்பு செய்யப்பட்டால், அது ஒரு சிறந்த ஆளில்லா விமான சுற்றுச்சூழல் அமைப்பின் அடித்தளமாக மாறும். கொள்கை வகுப்பாளர்கள் தொழில்துறையை கட்டுப்படுத்துவார்களா அல்லது வளர உதவுவார்களா என்பது முக்கிய கேள்வியாக உள்ளது.

தனேஜா ஒரு பங்குதாரர், ரஸ்தோகி சட்டம் மற்றும் கொள்கை நிறுவனமான Ikigai Law அமைப்பில் நிர்வாக பங்குதாரர் ஆவார்.

Original article:

India’s proposed Drone Law risks clipping the industry’s wings. -Aman Taneja and Anirudh Rastogi

Read More →

லடாக்கில் அரசாங்கத்தின் நடவடிக்கைகளிலிருந்து ஒரு எச்சரிக்கைக் கதை. - நஜீப் ஜங்

 நாடுகள், அந்நிய ஆக்கிரமிப்பால் மட்டுமே வீழ்ச்சியடைவதில்லை. அதிருப்தி மற்றும் அவநம்பிக்கையின் கீழ் ஒற்றுமையின் பிணைப்புகள் உடைக்கப்படும்போது அவை உள்ளிருந்து சிதைகின்றன. இந்நிலைமையை அமைதிப்படுத்த மத்திய அரசு விரைவாக செயல்பட வேண்டும். மேலும், சோனம் வாங்சுக் விடுவிக்கப்பட வேண்டும். அவருடன் மற்றும் பிற அரசியல் தலைவர்களுடன் பேச்சுவார்த்தை நடத்தப்பட வேண்டும்.

அந்நிய ஆக்கிரமிப்புகளால் மட்டும் நாடுகள் வீழ்ச்சியடைவதில்லை, ஒற்றுமையின் பிணைப்புகள் அதிருப்தி மற்றும் அவநம்பிக்கையின் கீழ் உடைந்து போகும்போது அவை உள்ளிருந்து சிதைகின்றன. அரசியல் நலன்களாலும் வாக்குரிமையின் ஈர்ப்பால் இயக்கப்படும் தேசிய அரசாங்கங்கள், ஒரு நாட்டை ஒன்றிணைக்கும் முக்கிய முறைகளை அடிக்கடி புறக்கணிக்கின்றன என்பது துயரமானது. இந்தியா இன்று இதுபோன்ற பல சவால்களை எதிர்கொள்கிறது. வெளிப்படையான பெரும்பான்மைவாத செயல்திட்டங்கள் சிறுபான்மையினரின் நம்பிக்கையை அசைக்கத் தொடங்கியுள்ளது. மணிப்பூரில், பல நூற்றாண்டுகளாக ஒன்றாக வாழ்ந்த பழங்குடி சமூகங்கள், கட்சி சார்பு மற்றும் மோசமான நிர்வாகத்தின் காரணமாக ஒருவருக்கொருவர் எதிராகத் திரும்பியுள்ளன. காஷ்மீரில் ஏற்பட்ட துயரம் நீண்ட காலமாக நினைவில் இருக்கும். தென்னிந்தியாவின் பல பகுதிகள் வடக்கின் ஆதிக்கம் என்று அவர்கள் நினைப்பதை அவநம்பிக்கையுடன் பார்க்கின்றன.

லடாக் இப்போது இந்தக் கதையின் ஒரு பகுதியாகும். இது கிழக்கில் திபெத்துடனும் மேற்கில் பாகிஸ்தானுடனும் எல்லைகளைப் பகிர்ந்து கொள்கிறது. இது மத்திய ஆசியா, திபெத் மற்றும் இந்திய துணைக் கண்டத்திற்கும் இடையே ஒரு முக்கிய இணைப்பாக அமைகிறது. கடந்த காலத்தில், இது வர்த்தகத்திற்கான ஒரு முக்கிய மையமாக இருந்தது. பல நூற்றாண்டுகளாக, லடாக் மக்கள் கடுமையான துறவற ஒழுக்கத்தை சுற்றுச்சூழல் அறிவுடன் இணைத்து உயிர் பிழைத்தனர். அவர்கள் நல்லிணக்கத்துடன் வாழ்ந்தனர், விவசாயம் செய்தனர், விலங்குகளை வளர்த்தனர், நெசவு மற்றும் தங்கா ஓவியங்கள் போன்ற பாரம்பரிய கைவினைகளை உருவாக்கினர்.

இன்று, அவர்களின் நிலைமை அரசியலமைப்புச் சிக்கலுக்கு அப்பாற்பட்டது. இது உள்ளூர் பிரதிநிதித்துவம் இல்லாமல் ஆட்சி செய்வது பற்றிய எச்சரிக்கையாகும். லடாக்கில் நிலம், நீர் மின்சாரம் மற்றும் சுரங்கம் பற்றிய முடிவுகள் பெரும்பாலும் உள்ளூர் மக்களிடம் ஆலோசனை கேட்காமல் டெல்லியிலோ அல்லது பிற நிறுவனங்கள் மூலம் எடுக்கப்படுகின்றன. இந்த நிறுவனங்கள் ஜார்க்கண்ட், பீகார் மற்றும் சத்தீஸ்கர் போன்ற இந்தியாவின் பிற பகுதிகளில் இயற்கை மற்றும் உள்ளூர் சமூகங்களுக்கு தீங்கு விளைவிப்பதில் மோசமான பதிவையும் கொண்டுள்ளன.

டாக்கில் ஏற்பட்ட அமைதியின்மை திடீரென ஏற்படவில்லை. ஆகஸ்ட் 2019-ல் 370வது பிரிவு ரத்து செய்யப்பட்டபோது அது தொடங்கியது. இதன் மூலம் ஜம்மு காஷ்மீர் மாநிலத்தை ஜம்மு & காஷ்மீர் மற்றும் லடாக் என இரண்டு ஒன்றியப் பிரதேசங்களாகப் பிரித்து, 370வது பிரிவு ரத்து செய்யப்பட்டது. பல லடாக்கியர்கள் லடாக் பகுதியை ஸ்ரீநகரின் நிர்வாகக் கட்டுப்பாட்டிலிருந்து பிரிக்க நீண்ட காலமாக விரும்பினர். இந்த மாற்றத்திற்கான அவர்களின் ஆரம்ப எதிர்வினை எச்சரிக்கையான நம்பிக்கையாக இருந்தது. ஒன்றியப் பிரதேசங்களின்  தரநிலை என்பது மத்திய அரசை நேரடியாக அணுகுவதையும், நிர்வாகத்தில் தங்களுக்கு அதிக பங்களிப்பை வழங்கும் என்று அவர்கள் நம்பினர். இந்த நடவடிக்கையை ஆதரித்தவர்களில் சோனம் வாங்சும் ஒருவர் ஆவார். அவர் இப்போது மதிப்பிழந்து சிறையில் அடைக்கப்பட்டுள்ளார்.

ஆறு ஆண்டுகளுக்குப் பிறகும், லடாக் ஏமாற்றமடைந்துள்ளது. மாநில அந்தஸ்தை மீட்டெடுப்பது அல்லது குறைந்தபட்சம் பழங்குடிப் பகுதிகளுக்கு தன்னாட்சி அதிகாரங்களை வழங்கும் அரசியலமைப்பின் ஆறாவது அட்டவணையின் கீழ் அதைச் சேர்ப்பது என்ற வாக்குறுதி இன்னும் தொலைவில் உள்ளது.  இந்த இடைவெளி கோபத்தை உருவாக்குகிறது.

செப்டம்பர் மாத இறுதியில் நடந்த வன்முறையில் நான்கு பேர் கொல்லப்பட்டனர் மற்றும் 12 பேர் காயமடைந்தனர். அதைத் தொடர்ந்து வாங்சுக் கைது செய்யப்பட்டார். இது பல சிக்கல்களை உருவாக்கியுள்ளது. அவர் மீது தேசிய பாதுகாப்புச் சட்டத்தின் கீழ் எடுக்கப்பட்டுள்ளது. அவரது தன்னார்வ தொண்டு நிறுவனத்தின் FCRA கணக்கு ரத்து செய்யப்பட்டுள்ளது. மேலும், பாகிஸ்தானுக்குச் சென்றதற்காக அவர் "தேச விரோதி" (anti-national) என்று முத்திரை குத்தப்பட்டுள்ளார். இந்தக் குற்றச்சாட்டுகளின் நம்பகத்தன்மையை நீதிமன்றங்களே முடிவு செய்ய வேண்டும் என்றாலும், நாட்டில் உள்ள மக்களுக்கு அவை குறித்து சிறிதும் சந்தேகமில்லை. அவரது தன்னார்வ தொண்டு நிறுவனம் பல ஆண்டுகளாக நல்ல பணிகளைச் செய்துள்ளது. அது அவருக்கு மகசேசே விருது உட்பட சர்வதேச அங்கீகாரத்தைப் பெற்றதுள்ளது. சுற்றுச்சூழல் மாநாட்டிற்காக அவர் பாகிஸ்தானுக்கு பயணம் மேற்கொண்டது, நன்கு ஆவணப்படுத்தப்பட்டுள்ளது.

ஊரடங்கு உத்தரவு, இணையத் தடைகள் மற்றும் தடுப்பு கைதுகள் மூலம் உள்ளூர் அரசாங்கம் போராட்டத்திற்கு பதிலளித்தது. அரசியல் உரையாடல் இல்லாதபோது இந்த நடவடிக்கைகள் வழக்கமானவை. லெப்டினன்ட் கவர்னரின் வெளிப்படையான கருத்துக்கள் குழப்பத்தையும் நிலைமையை மோசமாகக் கையாளுவதையும் காட்டுகின்றன.

லடாக்கில் அமைதியின்மை ஒரு ஆபத்தான புதிய பரிமாணத்தைக் கொண்டுள்ளது. சீனா, 2020-ல் கால்வான் மோதலில் இருந்து, கிழக்கு லடாக்கில் உள்ள எல்லக் கட்டுப்பாட்டுக் கோடு (Line of Actual Control) இந்தியாவின் எல்லைகளில் மிகவும் இராணுவமயமாக்கப்பட்ட மண்டலங்களில் ஒன்றாக உள்ளது. இந்தியா இராணுவ வீரர்களின் எண்ணிக்கைகளை அதிகப்படுத்தியுள்ளது. இது, புதிய சாலைகள் மற்றும் விமான ஓடுபாதைகளை அமைத்துள்ளது மற்றும் முன்னோக்கி நிலைகளை (forward positions) வலுப்படுத்தியுள்ளது. இந்திய இராணுவத்தின் தயார்நிலையானது அபாரமானது. இருப்பினும், வழக்கமாக இப்பகுதியில் இந்தியாவுக்கு உதவிய அரசியல் அமைதி பலவீனமடைந்து வருகிறது. சீனா இந்த நிலைமையை கவனித்துக் கொண்டிருக்கிறது என்பதில் சந்தேகமில்லை, இந்தப் பிராந்தியத்திலோ அல்லது அது உரிமை கோரும் மற்ற எல்லைப் பகுதிகளிலோ இப்போது அது என்ன நகர்வுகளைச் செய்யக்கூடும் என்பதை யாராலும் கணிக்க முடியாது. மேலும், இந்த உள்நாட்டு அமைதியின்மை உள்ளூர் மக்களுக்கும் பாதுகாப்புப் படையினருக்கும் இடையே மேலும் பதற்றத்தை உருவாக்கக்கூடும். நாம் புரிந்து கொள்ள வேண்டியது என்னவென்றால், தேசிய பாதுகாப்பு வீரர்கள், பதுங்கு குழிகள் அல்லது உள்கட்டமைப்பிற்காக செலவிடப்படும் பணத்தை மட்டும் சார்ந்தது அல்ல. இது மக்களுக்கும் அவர்களின் அரசாங்கத்திற்கும் இடையிலான நம்பிக்கையைப் பொறுத்தது. இந்தியாவின் சில பகுதிகளில் பாதுகாப்பு மற்றும் புலனாய்வு அமைப்புகள் நம்பகமான தகவல்களைப் பெறுவது கடினமாக இருப்பதை இது தெளிவாகக் காட்டுகிறது.

எனவே, இந்த நிலைமையை தணிக்க மத்திய அரசு உடனடியாக நடவடிக்கை எடுக்க வேண்டியது அவசியம். வாங்சுக் விடுவிக்கப்பட வேண்டும். மேலும் அவருடனும் லே உச்ச அமைப்பு (Leh Apex Body) மற்றும் கார்கில் ஜனநாயகக் கூட்டணி (Kargil Democratic Alliance) போன்ற பிற அரசியல் தலைவர்களுடனும் உரையாடல் நடத்தப்பட வேண்டும். 6-வது அட்டவணையை அறிமுகப்படுத்த இன்னும் நேரம் வரவில்லை என்று அரசாங்கம் நம்பினால், அது இன்னும் நிலம், வேலைவாய்ப்புகள் மற்றும் உள்ளூர் நிர்வாகத்திற்கான சட்டப் பாதுகாப்புகள் இருப்பதை உறுதி செய்ய வேண்டும்.

தவறான தகவல்களை மறுக்கும் அதே வேளையில், லடாக்கிய அடையாளத்திற்கான (Ladakhi identity) மரியாதை, நியாயமான குறைகளை அங்கீகரித்தல் மற்றும் அரசியல் தீர்வுக்கான தெளிவான வழிமுறைகளை ஒருங்கிணைக்கும் ஒரு நிலையை ஒன்றிய அரசு வெளிப்படுத்த வேண்டும். அதே நேரத்தில், நாட்டின் எல்லைகளுக்கு வெளியே இருந்து உள்நாட்டு அமைதியின்மையை சுரண்டுவதை நடுநிலையாக்க சர்வதேச தலைவர்களுக்கு விளக்கமளிக்கப்பட வேண்டும்.

லடாக் மக்கள் கிளர்ச்சியாளர்கள் அல்ல, அவர்களுடன் இணைந்து பணியாற்றுவது பலவீனத்தின் அறிகுறியல்ல; அது அரசியல் திறமை. கடுமையான மற்றும் குளிர்ச்சியான உயரமான பகுதிகளில், நமது வீரர்கள் கடுமையான சூழ்நிலைகளில் போராடி நம்மைப் பாதுகாக்கும் இடங்களில், இந்தியா என்ற எண்ணம் மீண்டும் சோதிக்கப்படுகிறது. இங்கு அமைதி நிலவுவது குடியரசின் உணர்வை மீண்டும் உறுதிப்படுத்தும்.

எழுத்தாளர் ஓய்வு பெற்ற அரசு ஊழியர், ஜாமியா மில்லியா இஸ்லாமியாவின் முன்னாள் துணைவேந்தர் மற்றும் டெல்லியின் முன்னாள் லெப்டினன்ட் கவர்னர். தற்போது ஆசியாவின் மேம்பட்ட ஆய்வு நிறுவனத்தின் தலைவராக உள்ளார்.

Original article:

In government’s actions in Ladakh, a cautionary tale. -Najeeb Jung

Read More →

இந்தியா மற்றும் சீனா மீது டிரம்ப் ஏன் வரிகளை விதித்தார்? - குஷ்பு குமாரி

 முக்கிய அம்சங்கள் :

அமெரிக்காவில் உள்ள சீனத் தூதரகம், வர்த்தகப் போரில் சீனாவின் நிலைப்பாடு தெளிவாக உள்ளது என்று கூறி, வரி அச்சுறுத்தல்களுக்கு பதிலளித்தது. சீனா அதை விரும்பவில்லை. மேலும்,  வரி அச்சுறுத்தல்களுக்கு பயப்படவில்லை என்றது.

டிரம்பின் இத்தகைய அணுகுமுறை சீனாவுடனான எதிர்கால மோதல்களை தடுக்காது.  இதேபோன்ற நிலைமை இந்தியாவுடனும் உள்ளது. டிரம்ப் பலமுறை, இந்தியாவைப் போலவே பிரதமர் நரேந்திர மோடி தனது "நண்பர்" என்று அழைத்த போதிலும், அமெரிக்கா இந்தியப் பொருட்களுக்கு 50% வரிகளை நிர்ணயித்துள்ளது.

அமெரிக்காவின் வலுவான கோரிக்கைகளை எதிர்கொண்டு, சீர்திருத்தங்களை அறிமுகப்படுத்த இந்தியா அதிக விருப்பத்தைக் காட்டியுள்ளது.  நிதி ஆயோக் தலைமை நிர்வாக அதிகாரி பி.வி.ஆர். சுப்பிரமணியம் GST விகித மறுசீரமைப்புக்குப் பிறகு, புதிய சீர்திருத்தங்கள் அறிமுகப்படுத்தப்படலாம் என்றும், ஆசிய நாடுகளுடன் வர்த்தகத்தில் இந்தியா கவனம் செலுத்த வேண்டும் என்றும் கூறினார்.

மாறிவரும் வர்த்தக நிலைகளுடன், சீனாவுடனான பதட்டங்களையும் இந்தியா கவனமாகக் குறைத்து வருகிறது. ஐந்து ஆண்டுகளுக்குப் பிறகு இந்தியா-சீனா நேரடி விமானங்கள் மீண்டும் தொடங்கப்பட்டுள்ளன. மேலும், சீன முதலீடுகளையும் அமைச்சகங்கள் பரிசீலித்து வருகின்றன.

வர்த்தக சமநிலையின்மை சரிசெய்வதற்காக இந்தியா மற்றும் சீனா மீது அமெரிக்கா வரிவிதிப்புகளை விதித்துள்ளது. ஆனால், கடந்த வாரம் வெளியிடப்பட்ட உலக வர்த்தக அமைப்பு (World Trade Organization (WTO)) அறிக்கை, இத்தகைய சமநிலையின்மைகள் பிரச்சனைக்குரியவை அல்ல என்பது மட்டுமல்லாமல், அவை திறந்த பொருளாதாரத்தின் (open economy) இயல்பான அம்சமாகும்.

உலக வர்த்தக அமைப்பின் வர்த்தகக் கண்ணோட்ட அறிக்கையானது, துறைசார் சமநிலையின்மை நிபுணத்துவத்தால் ஏற்படுவதாகக் கூறியது. எடுத்துக்காட்டாக, சேவைகள் வலுவான ஒரு நாட்டில் சேவைகளில் உபரி இருக்கலாம். ஆனால், அமெரிக்காவுடனான இந்தியாவின் வர்த்தகத்தைப் போல பொருட்களில் பற்றாக்குறையையும் ஏற்படுத்தக்கூடும். 

இந்தியா அமெரிக்காவிற்கு இறக்குமதி செய்வதை விட அதிகமான பொருட்களை ஏற்றுமதி செய்கிறது, ஆனால் அமெரிக்கா இந்தியாவுடனான சேவை வர்த்தகத்தில் உபரியைக் கொண்டுள்ளது. இதைப் புறக்கணித்து, டிரம்ப் 25% பரஸ்பர வரிகளை விதித்து, ரஷ்ய எண்ணெய் இறக்குமதிக்கு மேலும் 25% வரியைச் சேர்த்து இந்தியாவின் நிலைமையை மோசமாக்கினார்.

உலக வர்த்தக அமைப்பு (WTO) அறிக்கையானது, வர்த்தகக் கொள்கை ஒட்டுமொத்த வர்த்தக ஏற்றத்தாழ்வுகளைப் பாதிக்கலாம், ஆனால் பொருளாதார காரணிகள் பொதுவாக மிகப் பெரிய தாக்கத்தை ஏற்படுத்துகின்றன என்று கூறியது.

ரஷ்யாவிலிருந்து எண்ணெய் இறக்குமதி செய்ததற்காகவும், பொருட்கள் வர்த்தக உபரியைக் கொண்டிருப்பதற்காகவும் அமெரிக்காவால் இந்தியா நியாயமற்ற முறையில் தண்டிக்கப்படுகிறது. இது உலக வர்த்தக அமைப்பு (WTO) அறிக்கையின்படி இயற்கையானது. இதற்கிடையில், அமெரிக்காவின் அழுத்தத்தைக் கையாள சீனா சிறப்பாகத் தயாராக இருப்பதாகத் தெரிகிறது.

அமெரிக்காவிற்கான சீனாவின் நிகர ஏற்றுமதி குறைந்துள்ளது. ஆனால், அமெரிக்க வரிகளுக்குப் பிறகு உலகின் மற்ற நாடுகளுக்கு, குறிப்பாக ஆசியான் நாடுகளுக்கு (ASEAN countries) அதன் ஏற்றுமதி அதிகரித்துள்ளது.

முக்கியமான கனிமங்கள் மீதான சமீபத்திய கட்டுப்பாடுகள் கவனமாக திட்டமிடப்பட்ட உத்தியின் ஒரு பகுதியாக இருக்கலாம். ஜப்பானை தளமாகக் கொண்ட MUFG ஆராய்ச்சியின் அறிக்கை, சீனாவின் இந்த ஏற்றுமதி கட்டுப்பாட்டு நடவடிக்கைகள் எவ்வளவு விரிவானவை என்பதைக் கருத்தில் கொண்டு, அவை நீண்ட காலமாக திட்டமிடப்பட்டிருக்கலாம் என்று கூறுகிறது.

முக்கியமான கனிமங்களைப் பொறுத்த வரை, இந்தியாவும் அவற்றைப் பாதுகாப்பதற்கான நடவடிக்கைகளை எடுக்கத் தொடங்கியுள்ளது. இருப்பினும், இந்த முயற்சிகள் பலனளிக்க பல ஆண்டுகள் ஆகலாம்.  உள்நாட்டிலும், வெளிநாட்டிலும் இந்தியாவிற்கு முக்கியமான கனிம வளங்களைப் பாதுகாப்பதற்காக முக்கியமான கனிமங்களின் தேசிய இயக்கத்தை (National Critical Minerals Mission) அமைப்பதாக அரசாங்கம் கடந்த ஆண்டு அறிவித்தது.

உங்களுக்குத் தெரியுமா? : 

முக்கியமான கனிமங்களின் தேசிய இயக்கம் (NCMM) இந்தியாவிலும் அதன் கடல் கடந்த பகுதிகளிலும் முக்கியமான கனிமங்களை ஆராய்வதைத் தீவிரப்படுத்துவதை நோக்கமாகக் கொண்டுள்ளது. முக்கியமான கனிம சுரங்கத் திட்டங்களுக்கு விரைவான ஒழுங்குமுறை ஒப்புதல் செயல்முறையை உருவாக்குவதையும் இது நோக்கமாகக் கொண்டுள்ளது.

இந்திய பொதுத்துறை நிறுவனங்கள் மற்றும் தனியார் துறை நிறுவனங்களை வெளிநாடுகளில் முக்கியமான கனிம சொத்துக்களை வாங்க ஊக்குவிப்பதும், வளம் நிறைந்த நாடுகளுடன் வர்த்தகத்தை மேம்படுத்துவதும் இதன் நோக்கமாகும். கூடுதலாக, இந்தியாவிற்குள் முக்கியமான கனிமங்களின் இருப்பை உருவாக்குவதையும் இது முன்மொழிகிறது.

உள்நாட்டு மற்றும் வெளிநாட்டு மூலங்களிலிருந்து கனிமங்கள் கிடைப்பதை உறுதி செய்வதற்காக ஒரு தொழில்நுட்ப, ஒழுங்குமுறை மற்றும் நிதி சுற்றுச்சூழல் அமைப்பை உருவாக்குவதன் மூலம் இந்தியாவின் முக்கியமான கனிம மதிப்பு சங்கிலியை (minerals value chain) வலுப்படுத்துவதை நோக்கமாகக் கொண்டுள்ளது. தூய்மையான எரிசக்தி மற்றும் மின்னணுவியல் முதல் பாதுகாப்பு மற்றும் வேளாண்மை வரை இராஜதந்திர துறைகளில் பயன்படுத்தப்படும் மூலப்பொருட்களுக்கான அணுகலை அதிகரிக்க இந்த திட்டம் அமைக்கப்பட்டுள்ளது.

2024-ம் ஆண்டில் எரிசக்தி பொருளாதாரம் மற்றும் நிதி பகுப்பாய்வு நிறுவனம் (Institute for Energy Economics and Financial Analysis (IEEFA)) வெளியிட்ட ஒரு அறிக்கையின்படி, 2030-ம் ஆண்டுக்குள் இந்தியாவின் முக்கியமான கனிமங்களுக்கான தேவை இரட்டிப்பாகும் என்று எதிர்பார்க்கப்படுகிறது. அதே நேரத்தில், உள்நாட்டு சுரங்க நடவடிக்கைகள் உற்பத்தியைத் தொடங்க பத்து ஆண்டுகளுக்கு மேல் ஆகலாம்.

Original article:

Why has Trump imposed tariffs on India and China? -Khushboo Kumari

Read More →

பிரதம மந்திரி கிசான் திட்டம் (PM-Kisan) என்பது என்ன? - குஷ்பூ குமாரி

 முக்கிய அம்சங்கள் :

மத்திய வேளாண்மை மற்றும் உழவர்கள் நல அமைச்சகத்தின் முழுமையான ஆய்வுக்குப் பிறகு, ஒன்றிய அரசு இந்தப் பெயர்களை மாநிலங்கள் மற்றும் யூனியன் பிரதேசங்களுடன் பகிர்ந்து கொண்டுள்ளது.

திட்டத்தின் ஆதாரங்களின்படி, கணவன்-மனைவி இருவரும் PM-கிசான் தவணைகளைப் பெற்றதாக குறிப்பிடப்படும் 29.13 லட்சம் பயனாளிகளை அமைச்சகம் அடையாளம் கண்டுள்ளது. இவற்றில், 19.4 லட்சம் பயனாளிகளின் சரிபார்ப்பு நிறைவடைந்துள்ளது. அவர்களில் 18.23 லட்சம் பேர் (94 சதவீதம்) கணவன்-மனைவி என உறுதிப்படுத்தப்பட்டு, அக்டோபர் 13, 2025 வரை "தகுதியற்ற" (ineligible) பயனாளிகளாக அறிவிக்கப்பட்டுள்ளனர் என்று தெரிவிக்கப்பட்டுள்ளது.

PM-Kisan திட்டம், உழவர்களின் குடும்பத்தின் நிதித் தேவைகளைப் பூர்த்தி செய்வதை நோக்கமாகக் கொண்டுள்ளது. இத்திட்டத்தின் கீழ், ஒன்றிய அரசு ஒவ்வொரு ஆண்டும் 6,000 ரூபாயை மூன்று சம தவணைகளில் தகுதியான உழவர்களின் வங்கிக் கணக்குகளில் நேரடிப் பலன் பரிமாற்றம் (Direct Benefit Transfer) மூலம் செலுத்தப்படுகிறது.

இதன் செயல்பாட்டு வழிகாட்டுதல்கள், ஒர் உழவரின் குடும்பத்தை, கணவன், மனைவி மற்றும் மைனர் குழந்தைகளை உள்ளடக்கிய ஒரு குடும்பமாக வரையறுக்கின்றன. இந்த குடும்பம் சம்பந்தப்பட்ட மாநிலம் அல்லது ஒன்றியப் பிரதேசத்தின் நிலப் பதிவுகளின்படி சாகுபடி செய்யக்கூடிய நிலத்தை வைத்திருக்க வேண்டும்.

PM-Kisan திட்டத்தின் செயல்பாட்டு வழிகாட்டுதல்களின்படி, ஓர் உறுப்பினர் மட்டுமே PM-Kisan திட்டத்தின் பலனைப் பெற முடியும் என்று குறிப்பிடுகிறது.

ஒரே குடும்பத்தைச் சேர்ந்த  குழந்தைகள் மற்றும் பிற குடும்ப உறுப்பினர்கள் இந்தத் திட்டப்பலன்களைப் பெற்றதாக சுமார் 1.76 லட்சம் பயனார்களை அமைச்சகம் அடையாளம் கண்டுள்ளதாக தெரிவித்துள்ளன.

சமீபத்திய ஆண்டுகளில், திட்டத்தின் பலன்கள் சரியான நபர்களைச் சென்றடைவதை உறுதிசெய்ய மத்திய அரசு பல நடவடிக்கைகளை எடுத்துள்ளது. உதாரணமாக, ஜனவரி 1 முதல், புதிய PM-Kisan பயனாளிகளைச் சேர்ப்பதற்கு உழவர் அடையாள அட்டையை மத்திய அரசு கட்டாயமாக்கியது.

உங்களுக்குத் தெரியுமா? 

PM-Kisan திட்டம் 2019ஆம் ஆண்டு மக்களவைத் தேர்தலுக்கு முன்பு பிப்ரவரி 24, 2019 அன்று தொடங்கப்பட்டது. PM-Kisan என்பது மத்திய அரசின் 100% நிதியுதவியுடன் கூடிய மத்தியத் திட்டமாகும். இந்த நிதி நேரடியாக பயனாளிகளின் வங்கிக் கணக்குகளுக்கு மாற்றப்படும்.

பிரதமர் நரேந்திர மோடி PM-KISAN திட்டத்தின் 20-வது தவணையை வாரணாசியில் இருந்து ஆகஸ்ட் 2, 2025 அன்று வெளியிட்டார். இந்த 20வது சுற்றில், PM-Kisan தொகை நாடு முழுவதும் 9.7 கோடிக்கும் அதிகமான உழவர்களுக்கு மாற்றப்பட்டது.

பிரதம மந்திரி தன் தானிய கிரிஷி யோஜனா (PM Dhan Dhaanya Krishi Yojana (PMDDKY)) மற்றும் பருப்பு வகைகளில் தன்னிறைவு இந்தியா திட்டம் (Mission for Aatmanirbharta) போன்ற வேளாண் திட்டங்களை  மொத்தம் 35,440 கோடி ரூபாய் செலவில், பிரதமர் நரேந்திர மோடியால் 11 அக்டோபர் 2025 அன்று தொடங்கப்பட்டது.

பிரதம மந்திரி தன் தானிய கிரிஷி திட்டமானது (PMDDKY), நாட்டின் மிகவும் வளர்ச்சியடையாத 112 மாவட்டங்களில் 2018 ஜனவரியில் பிரதமர் நரேந்திர மோடியால் தொடங்கப்பட்ட ஆர்வமுள்ள மாவட்டங்கள் திட்டத்தின் (Aspirational Districts Programme (ADP)) மாதிரியில் வடிவமைக்கப்பட்டுள்ளது. இந்த மாவட்டங்களை விரைவாகவும் திறம்படவும் மாற்றுவதே இதன் குறிக்கோள்.

பருப்பு வகைகளுக்கான இந்த திட்டத்திற்கு ₹11,440 கோடி செலவாகும். இது 2025-26 நிதியாண்டு முதல் 2030-31 நிதியாண்டு வரை செயல்படுத்தப்படும். மேலும், 2030-31ஆம் ஆண்டுக்குள் பருப்பு வகைகளின் உற்பத்தி பரப்பளவை 310 லட்சம் ஹெக்டேராக விரிவுபடுத்துதல், உற்பத்தி திறனை 350 லட்சம் டன்களாக அதிகரித்தல் மற்றும் மகசூலை ஹெக்டேருக்கு 1130 கிலோவாக உயர்த்துவதை நோக்கமாகக் கொண்டுள்ளது.

Original article:

What is the PM-Kisan scheme? -Khushboo Kumari

Read More →

பேரிடர் மேலாண்மைக்கு தொழில்நுட்பத்தை எவ்வாறு பயன்படுத்துவது? -அபினவ் ராய்

 காலநிலை மாற்றம் கணிக்க முடியாத மற்றும் தீவிர மழைப்பொழிவு நிகழ்வுகளுக்கு வழிவகுக்கும் நிலையில், தொலையுணர்தல் (Remote Sensing (RS)) மற்றும் புவியியல் தகவல் அமைப்புகள் (Geographic Information Systems (GIS)) போன்ற தொழில்நுட்பங்கள் அதன் தாக்கத்தை நிர்வகிக்கவும் குறைக்கவும் எவ்வாறு உதவும்?

கடந்த சில ஆண்டுகளாக, அடிக்கடி ஏற்படும் மற்றும் கடுமையான வெள்ளம், நிலச்சரிவுகள், மேகவெடிப்புகள் மற்றும் மண்சரிவுகள் போன்ற தீவிர வானிலை நிகழ்வுகளின் தாக்கம் மற்றும் தீவிரத்தன்மைக்கு இந்தியா அதிகளவு பாதிப்பை எதிர்கொண்டுள்ளது. இந்த பேரிடர்கள் உயிர் இழப்புகள் மற்றும் வாழ்வாதாரங்களை இழக்க செய்கின்றன. மேலும், உள்கட்டமைப்பை சேதப்படுத்துகின்றன. சுற்றுச்சூழலையும் மற்றும் பொது சுகாதாரத்தையும் பாதிக்கின்றன.    

காலநிலை மாற்றம் குறித்த அரசுகளுக்கிடையேயான குழுவானது தனது 6-வது மதிப்பீட்டு அறிக்கையில் (sixth Assessment Report (AR6)) அடுத்து வரவிருக்கும் ஆண்டுகளில், தீவிரமான கோடை பருவமழை, அதிக மழைப்பொழிவு நிகழ்வுகள், வெள்ளப் பெருக்கு மற்றும் கடுமையான வெப்ப அலைகளை இந்தியா சந்திக்கும் என்று கணித்துள்ளது. 

அறிவியல் மற்றும் சுற்றுச்சூழல் மையத்தின் (Centre for Science and Environment (CSE)) அறிக்கை ஏற்கனவே ஒரு குழப்பமான போக்கை வெளிப்படுத்தியுள்ளது. இந்தியா 2024-ல் 322 நாட்கள், 2023-ல் 318 நாட்கள் மற்றும் 2022-ல் 314 நாட்களில் என தீவிர நிகழ்வுகளை எதிர்கொண்டது. இந்த தீவிர நிகழ்வுகளில் கனமழை, வெள்ளம், நிலச்சரிவு, வெப்பம் மற்றும் குளிர் அலைகள், சூறாவளிகள் மற்றும் மின்னல் ஆகியவை அடங்கும்.

இந்திய வானிலை ஆய்வு மையத்தின் (India Meteorological Department (IMD)) கூற்றுப்படி, ஜூன்-செப்டம்பர் பருவமழைக் காலத்தில் குறைந்தது 1,528 பேர் உயிரிழந்துள்ளனர். இதில் மத்தியப் பிரதேசம், இமாச்சலப் பிரதேசம் மற்றும் மகாராஷ்டிரா ஆகியவை மிக மோசமாகப் பாதிக்கப்பட்ட மாநிலங்களாகும். 2024-ம் ஆண்டில் மட்டும், 3,472 பேர் உயிரிழந்தனர், 67,399 கால்நடைகளும் உயிரிழந்தன மற்றும் 4.07 மில்லியன் ஹெக்டேர் பயிர் செய்யப்பட்ட நிலங்கள் பாதிப்புகளை சந்தித்தன. மேலும், தீவிர வானிலை நிகழ்வுகள் காரணமாக 2.9 லட்சம் வீடுகள் சேதமடைந்தன.

இந்த தீவிர வானிலை நிகழ்வுகளும் அவற்றின் தாக்கமும் இந்தியாவின் காலநிலை மீள்தன்மையின் அவசியத்தை எடுத்துக்காட்டுகின்றன. குறிப்பாக, தொலையுணர்தல் (Remote Sensing (RS)) மற்றும் புவியியல் தகவல் அமைப்புகள் (Geographic Information Systems (GIS)) போன்ற நவீன தொழில்நுட்பங்கள் முக்கிய பங்கு வகிக்கின்றன. இது போன்ற தொழில்நுட்பங்கள் பேரிடர்களை திறம்பட நிர்வகிப்பதற்கும், மாறிவரும் நிலைமைகளுக்கு ஏற்ப மாற்றுவதற்கும், அத்தகைய நிகழ்வுகளின் தாக்கத்தைக் குறைப்பதற்கு முக்கியமானதாக உள்ளன.

காலநிலை மாற்றத்திற்கான அரசுகளுக்கிடையேயான குழு (Intergovernmental Panel on Climate Change (IPCC)) தீவிர வானிலை நிகழ்வுகளை 'ஒரு குறிப்பிட்ட இடத்தில் மற்றும் வருடத்தின் எந்த நேரத்திலும் நடக்கும் அரிதாக நிகழ்வு' (an event that is rare at a particular place and time of year) என வரையறுக்கிறது. இந்த தீவிர நிகழ்வுகளின் பரவல் அதிர்ச்சியூட்டுவதாக உள்ளது. இந்த ஆண்டு மழைக்காலம் வயநாடு நிலச்சரிவு, இமாச்சலப் பிரதேசம் மற்றும் ஜம்முவில் திடீர் வெள்ளம் மற்றும் உத்தரகாண்ட் மாநிலம் தாராலியில் மேக வெடிப்புகள் மற்றும் மண்சரிவு போன்ற பேரிடர் நிகழ்வுகளால் பல உயிர் இழப்புகள் ஏற்பட்டுள்ளன. பஞ்சாப், பீகார் மற்றும் அசாம் போன்ற மாநிலங்கள் கடுமையான வெள்ளத்தை சந்தித்தன. அதே நேரத்தில் மும்பை, டெல்லி மற்றும் பெங்களூரு போன்ற நகரங்களில் அதிக அளவு தண்ணீர் தேங்கி நின்றதால் (waterlogging) பாதிப்புகளை சந்தித்தன.

வரலாற்று ரீதியாக, வறட்சியால் வகைப்படுத்தப்படும் மராத்வாடா பகுதி, இந்த ஆண்டு ஜூன் மற்றும் செப்டம்பர் மாதங்களுக்கு இடையில் அதன் வழக்கமான பருவமழையில் 128 சதவீதத்தைப் பெற்றது. கனமழையால் உயிர் சேதம், பயிர்கள், வாழ்வாதாரம் பாதிக்கப்பட்டுள்ளது. இதற்கிடையில், வெப்ப அலைகளின் தீவிரம் மற்றும் அதன் தாக்கம் தொடர்ந்து அதிகரித்து வருகிறது. குறிப்பாக, வடக்கு சமவெளிகள் மற்றும் மத்திய இந்தியாவை உள்ளடக்கிய வெப்ப மைய மண்டலம் (heat core zone) முழுவதும் இதன் தாக்கம் அதிகரித்தது. நிலப்பரப்பு சார்ந்த பரவலில் உள்ள இந்த பன்முகத்தன்மை உள்ளூர் நில அமைப்புகள், வானிலை முறைகள் மற்றும் உலகளாவிய காலநிலை காரணிகளுக்கு இடையேயான சிக்கலான தொடர்புகள் காரணமாக மழையின் சீரற்ற விநியோகம் ஏற்படுகிறது.

இந்தியாவின் வேளாண் உற்பத்தி, மேற்பரப்பு மற்றும் நிலத்தடி நீர் இருப்புக்களை நிரப்புதல் மற்றும் நீர் மின் உற்பத்திக்கு நல்ல பருவமழை மிக முக்கியமானது. இந்தியாவின் மொத்த மழைப்பொழிவில் 75 சதவீதம் பருவமழை காலத்தில் (ஜூன்-செப்டம்பர்) வருகிறது. இருப்பினும், கடந்த சில ஆண்டுகளில், நாட்டின் பெரும்பாலான பகுதிகளில் மழைப்பொழிவு சீரற்றதாகவும், தீவிரமாகவும், கணிக்க முடியாததாகவும் மாறியுள்ளது.

காலநிலை மாற்றம் மற்றும் புவி வெப்பமடைதல் ஆகியவை இத்தகைய ஒழுங்கற்ற மற்றும் தீவிர மழைப்பொழிவுக்கு முக்கிய காரணங்களாகும். இதன் விளைவாக அடிக்கடி, கடுமையான வெள்ளம் மற்றும் பிற பேரிடர்களுக்கு வழிவகுக்கும். திட்டமிடப்படாத நகரமயமாக்கல், காடழிப்பு, உள்ளூர் நிலப்பரப்பு, பலவீனமான உள்கட்டமைப்பு மற்றும் சில சமூகங்களின் மோசமான சமூக-பொருளாதார நிலைமைகள் காரணமாக இந்த நிகழ்வுகளின் பாதகமான தாக்கம் மேலும் அதிகரிக்கும்.

திடீர் வெள்ளம், நிலச்சரிவுகள் சாலைகள் மற்றும் நீர் மின்சாரம் போன்றவை பொது உள்கட்டமைப்புகளில் பல ஆண்டுகளாக முதலீடுகளை அழித்து வருகின்றன. உயிர் மற்றும் சொத்து இழப்புகளை தாண்டி, இந்த பேரிடர்கள் பாதிக்கப்பட்ட சமூகங்களில் உளவியல் ரீதியில் தாக்கத்தை ஏற்படுத்துகின்றன. இந்த உளவியல் தாக்கம் கொள்கை விவாதங்களில் புறக்கணிக்கப்படுகிறது. மேலும், அதிகரித்து வரும் வெப்பநிலை மற்றும் வெப்ப அலை போன்ற நிலைமைகள் தொழிலாளர் உற்பத்தித்திறனை நேரடியாக பாதிக்கின்றன மற்றும் ஆற்றல் தேவைகளை அதிகரிக்கின்றன. அதிகரித்து வரும் வெப்பநிலை காரணமாக நமது சுகாதார அமைப்புக்கு கூடுதல் கவனம் தேவைப்படுகிறது.

ஆனால், இந்த தீவிர நிகழ்வுகளை கண்காணித்து குறைப்பதில் பல சவால்கள் உள்ளன. மாநிலங்கள் மற்றும் யூனியன் பிரதேசங்கள் முழுவதும் இந்த நிகழ்வுகளைப் புகாரளிப்பதற்கான சீரற்ற தரநிலைகள், முழுமையற்ற தகவல்கள் மற்றும் சேதங்களின் முழுமையற்ற மதிப்பீடு ஆகியவை இதில் அடங்கும். இதன் விளைவாக, காலநிலை நிகழ்வுகளின் உண்மையான தாக்கம் பெரும்பாலும் குறைவாகவே அறிக்கை செய்யப்படுகிறது.

மேலும், இமயமலைப் பகுதிகளில் வானிலை கண்காணிப்பு நிலையங்களின் போதுமான எண்ணிக்கை மற்றும் ஆராய்ச்சியாளர்களுக்கு உயர் தெளிவுத்திறன் கொண்ட செயற்கைக்கோள் தரவு குறைவாக இருப்பது துல்லியமான பேரிடர் மதிப்பீடு மற்றும் நிலைப்பரப்பு சார்ந்த பாதுகாப்புத் தன்மையை தடுக்கிறது.

முதலில், தீவிர நிகழ்வுகள் மற்றும் அவற்றின் தாக்கம் பற்றிய சுருக்கமான இடம்சார்ந்த கண்ணோட்டத்தைப் பார்ப்போம்.

இத்தகைய தீர்வுகளை நிவர்த்தி செய்வதற்கு முன், தீவிர நிகழ்வுகளின் பரவல் மற்றும் அவற்றின் விளைவுகளைப் புரிந்துகொள்வது முக்கியம். இந்த சூழ்நிலையில், தொலையுணர்தல் (RS) மற்றும் புவியியல் தகவல் அமைப்புகள் (GIS) போன்ற நவீன தொழில்நுட்பங்களைப் பயன்படுத்துவது பயனுள்ள பேரிடர் மேலாண்மைக்கு மிக முக்கியமானதாகிறது.

தொலையுணர்தல் (Remote Sensing (RS))

தொலையுணர்தல் என்பது பூமியின் மேற்பரப்பைப் பற்றிய தகவல்களை நேரடியாக சேகரிக்கும் ஒரு முறையாகும்.  இது பொதுவாக செயற்கைக்கோள்கள் (satellites), ஆளில்லா விமானங்கள் (drones) அல்லது விமானம்-சார்ந்த உணர்விகள் (aircraft-based sensors) மூலம் பெறுவதற்கான செயல்முறையாகும். முழுமையான பூஜ்ஜிய அளவை விட (-273 டிகிரி செல்சியஸ்) அதிக வெப்பநிலை கொண்ட அனைத்துப் பொருட்களும் தொடர்ந்து கதிர்வீச்சைக் கொண்டிருப்பதால், இந்த செயல்முறை மின்காந்த கதிர்வீச்சின் கொள்கைகளின் அடிப்படையில் செயல்படுகிறது. 

தொலையுணர்தல் மூலம், பல்வேறு அலைக்கற்றை பட்டைகளில் (different spectral bands), வெப்பம் (thermal), அகச்சிவப்பு (infrared) மற்றும் நுண்ணலை வரம்புகளில் (microwave ranges) அறியக்கூடிய வெவ்வேறு நிறமாலை பட்டைகளில் தரவைச் சேகரிக்க முடியும்

புவியியல் தகவல் அமைப்புகள் (Geographic Information Systems (GIS))

Landsat  என்பது பூமியை படம் பிடிக்கும் செயற்கைக்கோள்களின் தொடர் ஆகும். LISS  என்பது  ரேகை படங்கள் மற்றும் தானாக ஸ்கேன் செய்யும் உணரி (Linear Imaging and Self-Scanning Sensor)

இவை கணினி அடிப்படையிலான அமைப்புகள், அவை இடம்சார்ந்த தரவை ஒழுங்கமைக்கவும், சேமிக்கவும், விளக்கவும் மற்றும் பகுப்பாய்வு செய்யவும் உதவுகின்றன. Landsat மற்றும் LISS செயற்கைக்கோள்கள் போன்ற தொலைநிலை உணர்திறன் செயற்கைக்கோள்களின் வரலாற்றுத் தரவுகள் புவியியல் தகவல் அமைப்புகளுடன் (GIS) ஒருங்கிணைக்கப்பட்டு, காலப்போக்கில் சுற்றுச்சூழல் மாற்றங்களைக் கண்காணிக்கவும், நிலப் பயன்பாடு மற்றும் நிலப்பரப்பு மாற்றங்களின் போக்குகள் மற்றும் வடிவங்களை அடையாளம் காணவும், இது முன்கணிப்பு மாதிரியாக்கத்திற்கும் (predictive modelling) முக்கியமானது. 

இந்த தொழில்நுட்பங்கள் பல்வேறு பயன்பாடுகளைக் கொண்டிருக்கின்றன. இதில் ஆபத்து ஏற்படக்கூடிய தன்மை மற்றும் பாதிப்பு மண்டல வரைபடமாக்கல், வெப்ப முரண்பாடுகளைக் கண்டறிதல், வெள்ள அளவு மதிப்பிடுவதற்கு, காட்டுத் தீ, பயிர்களின் வளர்ச்சி, கிரையோஸ்பியர் கண்காணிப்பு மற்றும் நகர்ப்புற விரிவாக்கம் போன்றவை அடங்கும்.

நவீன பேரிடர் மேலாண்மை உத்திகள்

தொலையுணர்தல் (RS) மற்றும் புவியியல் தகவல் அமைப்புகள் (GIS) ஆகியவை நவீன பேரிடர் மேலாண்மையின் கண்கள் மற்றும் மூளையைப் போல இணைந்து செயல்படுகின்றன. அவர்கள், நிகழ்நேர இருப்பிட அடிப்படையிலான தகவல்களை வழங்குகின்றன. இது பேரிடர்களைக் கண்காணிக்க மிகவும் பயனுள்ளதாக இருக்கும். தொலையுணர்தல் (RS) தொழில்நுட்பத்தின் ஒரு பகுதியாக இருக்கும் ஆளில்லா விமானங்கள், குறிப்பிட்ட பகுதிகளின் விரிவான இடம்சார்ந்த தகவல்களைப் பிடிக்க உதவுகின்றன.

Mission Mausam :  மௌசம் திட்டம் என்பது "வானிலைக்குத் தயாரான மற்றும் காலநிலைக்கு ஏற்ற முறையில்" இந்தியாவை உருவாக்குவதற்காக இந்திய புவி அறிவியல் அமைச்சகத்தால் (MoES) தொடங்கப்பட்ட ஒரு திட்டமாகும்.

மிஷன் மௌசம் (Mission Mausam) போன்ற முன்முயற்சிகள் அடுத்த தலைமுறையான மேம்பட்ட ரேடார்கள் மற்றும் செயற்கைக்கோள் அமைப்புகளை புவியியல் தகவல் அமைப்புகள் (GIS)-அடிப்படையிலான தானியங்கு முடிவு ஆதரவு அமைப்புடன் நிகழ்நேர தரவைப் பகிர்ந்து கொள்வதை நோக்கமாகக் கொண்டுள்ளன. இந்த ஒருங்கிணைப்பு சுற்றுச்சூழல் தரவுகளுக்கான அணுகலை அதிகரிக்கும் மற்றும் பேரிடர் தணிப்புக்கான ஆதார அடிப்படையிலான கொள்கைகள் மற்றும் திட்டங்களை உருவாக்க அரசாங்கங்களுக்கு உதவும்.

சமீபத்தில், NASA மற்றும் ISRO இணைந்து NISAR செயற்கைக்கோளை விண்ணில் செலுத்தியது. இது உலகம் முழுவதும் இலவச தரவுகளை வழங்கும். NISAR இன் ரேடார் பூமியில் உள்ள கிட்டத்தட்ட அனைத்து நிலம் மற்றும் பனி மேற்பரப்புகளையும் ஒவ்வொரு 12 நாட்களுக்கும் இரண்டு முறை கண்காணிக்கும். இதில் ஒரு சென்டிமீட்டர் வரை சிறிய இயக்கங்களைக் கண்டறிய முடியும். இது இயற்கை பேரிடர்கள் குறித்த முன்னறிவிப்பையும், காலநிலை மாற்ற விளைவுகளைக் கண்காணிப்பதையும் பெரிதும் மேம்படுத்தும்.

காலநிலை தாங்கும் தன்மையை உருவாக்குதல்

இத்தகைய தீவிர நிகழ்வுகளின் தொடர்ச்சியான தன்மை இருந்தபோதிலும், தற்போதைய கொள்கையின் பதில் பெரும்பாலும் எதிர்வினையாகவே உள்ளது. இதனால், பேரிடர்கள் ஏற்பட்ட பின்னரே நாம் செயல்படுகிறோம். எனவே, இந்த அணுகுமுறையை மாற்ற வேண்டிய அவசியம் உள்ளது. பேரிடருக்குப் பிறகு பதிலளிப்பதை விட, அபாயங்களைக் குறைத்தல், தயார்நிலையை மேம்படுத்துதல் மற்றும் சமூக மீள்தன்மையை உருவாக்குதல் ஆகியவற்றில் நாம் கவனம் செலுத்த வேண்டும். இது பேரிடர் அபாயக் குறைப்புக்கான செண்டாய் கட்டமைப்புடன் (Sendai Framework) (2015-2030) இணைகிறது. இது "பேரிடர்களை நிர்வகிப்பதில் இருந்து பேரிடர் அபாயங்களை நிர்வகிப்பதற்கான மாற்றத்தை" ஊக்குவிக்கிறது.

மேலும், சிறந்த முன்-எச்சரிக்கை அமைப்புகள் மற்றும் நிகழ்நேர கண்காணிப்பு ஆகியவற்றிற்காக அதிக இடம்சார்ந்த தெளிவுத்திறன் மற்றும் அடிக்கடி மறுபரிசீலனை செய்யும் திறன் கொண்ட அதிக செயற்கைக்கோள்களின் தேவை உள்ளது.  தற்போது, ​​இந்த தீவிர நிகழ்வுகளின் தரவு சிதறிக்கிடக்கிறது மற்றும் முழுமையடையாது. இது ஒரு ஒருங்கிணைந்த தரவு கட்டமைப்பின் அவசியத்தை அடிக்கோடிட்டுக் காட்டுகிறது.

இந்த பேரிடர்கள் பெரும்பாலும் நிர்வாக எல்லைகளைக் கடக்கின்றன. எனவே, கொள்கைகள் வரையறுக்கப்பட்ட பகுதிகளை விட பெரிய புவியியல் பகுதிகளில் கவனம் செலுத்த வேண்டும். காலநிலை மாற்றத்தின் எதிர்மறை விளைவுகளைக கையாளவும், அவற்றைக் குறைக்கவும், இந்தியாவிற்கு ஒரு விரிவான மற்றும்  அனைத்தையும் உள்ளடக்கிய திட்டம் தேவை. இந்தத் திட்டம் அனைத்து பிராந்தியங்களையும் துறைகளையும் உள்ளடக்கியதாக இருக்க வேண்டும். தொலையுணர்தல் (RS), புவியியல் தகவல் அமைப்புகள் (GIS) மற்றும் செயற்கை நுண்ணறிவு (AI) போன்ற தொழில்நுட்பங்களின் பயன்பாடு இந்த செயல்பாட்டில் முக்கிய பங்கு வகிக்க முடியும்.

இந்த தொழில்நுட்பங்களை முழுமையாக ஒருங்கிணைப்பதன் மூலம், இந்தியா வலுவான மீள்தன்மையை உருவாக்க முடியும். இந்த மீள்தன்மை அதன் மக்களையும் பொருளாதாரத்தையும் காலநிலை மாற்றத்தின் வளர்ந்து வரும் சவால்களிலிருந்து பாதுகாக்க உதவும்.

Original article:

How to harness technology for effective disaster management?. -Abhinav Rai

Read More →

ககன்யானின் முக்கிய அவசரகால வெளியேறும் அமைப்பு எவ்வாறு செயல்படுகிறது? -S. உன்னிகிருஷ்ணன் நாயர்

 மனித விண்வெளி பயணங்களுக்கு ஒர் அவசரகால வெளியேறும் அமைப்பு (Crew Escape System (CES)) ஏன் அவசியம்? இஸ்ரோ அதன் அவசரகால வெளியேறும் அமைப்பை எவ்வாறு சோதித்துள்ளது?

தற்போதைய செய்தி: 

ககன்யான் திட்டமானது, இந்திய விண்வெளி வீரர்களை பூமியிலிருந்து 400 கி.மீ உயரத்தில், HLVM3 எனப்படும் சிறப்பு ராக்கெட்டைப் பயன்படுத்தி பாதுகாப்பாக விண்வெளிக்கு அனுப்ப திட்டமிட்டுள்ளது. அவர்களை பாதுகாப்பாக மீண்டும் கொண்டு வருவதும் இதில் அடங்கும். மனித விண்வெளி பயணங்களில், பயண வெற்றியை விட வீரர்களின் பாதுகாப்பு மிகவும் முக்கியமானது. ஏவுதளம், ஏற்றம், சுற்றுப்பாதை மற்றும் இறங்குதல் போன்ற அனைத்து கட்டங்களிலும் பாதுகாப்பை கவனத்தில் கொள்வது மிகவும் முக்கியம்.

அவசரகால வெளியேறும் அமைப்பு (Crew Escape System (CES)) என்றால் என்ன?

ககன்யான் திட்டத்தின் வளிமண்டல கட்டத்தின் ஆரம்ப பகுதியில், அவசரகால வெளியேறும் அமைப்பு (CES) எனப்படும் ஒரு சிறப்பு அமைப்பு பயன்படுத்தப்படுகிறது. தவறு ஏதேனும் நடந்தால் விண்வெளி வீரர்களைப் பாதுகாப்பாக வைத்திருக்க இந்த அமைப்பு உள்ளது. அவசரகால வெளியேறும் அமைப்பு, செயலிழந்த ஏவுகணை வாகனத்திலிருந்து, குழுவினருடன் சேர்ந்து, குழு தொகுதியை விரைவாகப் பிரித்து, மிகக் குறைந்த நேரத்தில் பாதுகாப்பான தூரத்திற்கு நகர்த்துவதற்காக வடிவமைக்கப்பட்டுள்ளது. இது மிகக் குறைந்த நேரத்தில் அவர்களை பாதுகாப்பான தூரத்திற்கு நகர்த்துகிறது. வளிமண்டலத்தில் ராக்கெட் பறக்கும்போது, ​​அது மிகவும் ஆபத்தான கட்டத்தைக் கடந்து செல்கிறது. 

இந்த நேரத்தில், அது ஒலியின் வேகத்தை விட ஐந்து மடங்கு வேகத்தை அதிகரிக்கிறது மற்றும் அதிக அழுத்தத்தை எதிர்கொள்கிறது. HLVM3 ராக்கெட் இரண்டு வலுவான திட-எரிபொருள் பூஸ்டர்களை (S200) உயர்த்துகிறது.  இந்த திரவ அல்லது கிரையோஜெனிக் என்ஜின்களைப் போல் இல்லாமல், திட மோட்டார்களை ஒரு முறை இயக்கியவுடன் மீண்டும் அதை அணைக்க முடியாது. அவசரகால வெளியேறும் அமைப்பு என்பது ராக்கெட்டின் முன்புறத்தில் வைக்கப்பட்டுள்ள வேகமாக செயல்படும் அமைப்பாகும். மேலும், இது பல சிறப்பு-நோக்க திட மோட்டார்களுடன் உள்ளது. இது அதிக சக்தியையும் வேகத்தையும் உற்பத்தி செய்ய உதவுகிறது. இதனால் அவசரகாலத்தில் வீரர்கள் விரைவாக தப்பிக்க முடியும்.

ககன்யான் திட்டத்தில், அவசரகால வெளியேறும் அமைப்பு (Crew Escape System (CES)) ஈர்ப்பு விசையை விட 10 மடங்கு வலிமையான சக்தியை உருவாக்க முடியும். இது மிகவும் வலிமையானது. ஆனால், ஒரு ஆரோக்கியமான நபர் சரியான முறையில் அமர்ந்தால் தொட்டிலில் இருக்கும் குழந்தையைப் போல, இருக்கைக்கு எதிராக முதுகை வைத்து, மார்பில் அழுத்தம் கொடுத்து உட்காரும் போது இந்த வலுவான சக்தியை சில வினாடிகள் மட்டுமே கையாள முடியும். ராக்கெட்டுகள் விமானங்களை விட மிகவும் சிக்கலானவை மற்றும் குறைவான நம்பகத்தன்மை கொண்டவை. ஆனால், அவசரகால வெளியேறும் அமைப்பு (Crew Escape System (CES)) அதன் நிரூபிக்கப்பட்ட வடிவமைப்பு, பாதுகாப்பு அமைப்புகள் மற்றும் வலுவான பணி திட்டமிடல் காரணமாக குழுவினர் உயிர்வாழ்வதற்கான வாய்ப்புகளை அதிகரிக்கிறது.

வெவ்வேறு வகைகள் என்னென்ன?

அவசரகால வெளியேறும் அமைப்பு (Crew Escape System (CES)), பிரித்தெடுக்கும் விதத்தின் அடிப்படையில் இரண்டு வகைகளாக வகைப்படுத்தப்பட்டுள்ளது: 

1. இழுப்பான் வகை (puller type) - ககன்யானில் பயன்படுத்தப்படுகிறது. அங்கு அவசரகால வெளியேறும் அமைப்பை ஏவுகனை வாகனத்திலிருந்து விலக்குகிறது.

2. வெளியேற்றும் வகை (pusher type) - SpaceX இன் Falcon 9 போன்ற வாகனங்களில் பயன்படுத்தப்படுகிறது. அங்கு சிறிய சக்திவாய்ந்த திரவ எரிபொருள் இயந்திரங்களைப் பயன்படுத்தி தள்ளப்படுகிறது.

செப்டம்பர் 1983-ல், இரண்டு சோவியத் விண்வெளி வீரர்கள் Soyuz ராக்கெட் புறப்படுவதற்கு சிறிது நேரத்திற்கு முன்னர் ஏவுதளத்தில் தீப்பிடித்தபோது பாதுகாப்பாகத் தப்பினர். இதுவே, ராக்கெட்டு ஏவப்படுவதற்கு முன்பு, குழுவினருடன் கூடிய அவசரகால வெளியேறும் அமைப்பு செயல்படுத்தப்பட்ட முதல் மற்றும் கடைசி முறையாகும்.

அவசரகால வெளியேறும் அமைப்பு (CES) பழுதடைந்த ராக்கெட்டிலிருந்து குழு தொகுதியை பாதுகாப்பான தூரத்திற்கு நகர்த்தியவுடன், அவை வெளியிடப்பட்டு, ஒரு பாராசூட் அமைப்பு மூலம் படிப்படியாக மெதுவாக்கப்படுகிறது. அது குழுவினருக்கு எந்தத் தீங்கும் ஏற்படாமல் கடலில் தரையிறங்குகிறது. ஆனால் சோவியத் யூனியனின் முதல் மனித விண்வெளிப் பயணத்தின் போது, Yuri Gagarin தோராயமாக 7 கிமீ உயரத்தில் Vostok தொகுதியிலிருந்து வெளியேறி, பாராசூட்டில் இருந்து பாதுகாப்பாக தரையில் குதித்தார்.

ஒருங்கிணைந்த வாகன சுகாதார மேலாண்மை அமைப்பு (Integrated Vehicle Health Management system (IVHM)) உணர்விகள் (sensors), மின்னணுவியல் மற்றும் மென்பொருளால் ஆனது.  ஏதேனும் சிக்கல் இருந்தால், அவசரகால வெளியேறும் அமைப்பை (CES) எப்போது பயன்படுத்த வேண்டும் என்பதை தீர்மானிக்க இது உதவுகிறது. இது ராக்கெட்டின் முக்கியமான பகுதிகளையும் குழுவினரின் ஆரோக்கியத்தையும் எப்போதும் கண்காணிக்கிறது. இந்தத் தகவலைப் பயன்படுத்தி, இது ஏதேனும் சிக்கல்களை விரைவாகக் கண்டறிந்து, தவறான எச்சரிக்கைகளைத் தவிர்த்து, குழுவினரைப் பாதுகாப்பாக வைத்திருக்க அவசரகால வெளியேறும் அமைப்வை முன்கூட்டியே செயல்படுத்துகிறது.

இது சோதிக்கப்பட்டதா?

அவசரகால வெளியேறும் அமைப்பை (CES) (Crew Escape System (CES)) சரிபார்க்க Vikas இயந்திரம் மூலம் இயக்கப்படும் செலவு குறைந்த, ஒற்றை-நிலை சோதனை (single-stage test) வாகனத்தை இந்திய விண்வெளி ஆராய்ச்சி கழகம் (Indian Space Research Organisation (ISRO)) உருவாக்கியுள்ளது. முதல் வெற்றிகரமான சோதனை அக்டோபர் 2023-ல் நடந்தது. மேலும், சோதனை வாகனம் ஒலி வேகத்தை அடையும் போது அவசரகால வெளியேறும் அமைப்பு எவ்வாறு செயல்படுகிறது என்பதை சரிபார்க்க இந்திய விண்வெளி ஆராய்ச்சி கழகம் மேலும் சோதனை விமானங்களைத் திட்டமிட்டுள்ளது. ககன்யான் பணிக்கு இத்தகைய வெளியேறும் அமைப்பு மிகவும் முக்கியமானது மற்றும் விண்வெளி வீரர்களின் பாதுகாப்பில் இந்திய விண்வெளி ஆராய்ச்சி கழகம் எவ்வளவு தீவிரமாக இருக்கிறது என்பதைக் காட்டுகிறது. மேம்பட்ட தொழில்நுட்பம், கவனமாக சோதனை செய்தல் மற்றும் ஒருங்கிணைந்த வாகன சுகாதார மேலாண்மை அமைப்பு (Integrated Vehicle Health Management system (IVHM)) போன்ற வலுவான அமைப்புகளுடன், எதிர்பாராத சவால்களை எதிர்கொண்டாலும், இந்தியாவின் முதல் மனித விண்வெளிப் பயணமானது, அதன் வீரர்கள் பாதுகாப்பாகத் திரும்புவதற்கு முன்னுரிமை அளிக்கும் என்பதை அவசரகால வெளியேறும் அமைப்பு உறுதி செய்கிறது.

உன்னிகிருஷ்ணன் நாயர் எஸ். முன்னாள் இயக்குனர், VSSC; நிறுவன இயக்குனர், HSFC; மற்றும் சுற்றுப்பாதை மறு நுழைவு மற்றும் மனித விண்வெளிப் பயண தொழில்நுட்பங்களில் நிபுணர் ஆவார்.

Original article:

How does Gaganyaan’s vital crew escape system work? -Unnikrishnan Nair S.

Read More →