இந்தியாவின் முறைசாரா துறை (informal sector) சுருங்கி வருகிறதா? -ஆசீர்வாத் திவேதி, அத்விதியா மிஸ்ரா

 2015-16 மற்றும் 2021-22-க்கு இடையில் உற்பத்தி, மதிப்புக் கூட்டல் (value added) மற்றும் வேலைவாய்ப்பில் (employment) முறைசாரா துறையின் பங்கு குறைந்துள்ளது.


முறைசாராத் துறை என்பது இந்தியப் பொருளாதாரத்தின் ஒரு முக்கிய அம்சமாகும். இதில், சுமார் 89 சதவீத பணியாளர்கள் முறைசாரா வேலைவாய்ப்பில் ஈடுபட்டுள்ளனர். கடந்த பத்தாண்டுகளில், முறைப்படுத்தலை ஊக்குவிக்க அரசாங்கம் பல முயற்சிகளைத் தொடங்கியுள்ளது. இதில் முக்கிய நடவடிக்கைகளில் சரக்கு மற்றும் சேவை வரியை (Goods and Services Tax (GST)) செயல்படுத்துதல், டிஜிட்டல் கட்டணங்களை விரிவுபடுத்துதல் மற்றும் நிதி உள்ளடக்கிய திட்டங்களை அறிமுகப்படுத்துதல் ஆகியவை அடங்கும். இந்த முயற்சிகள் வரி முறைக்குள் அதிகமான வணிகங்களைக் கொண்டுவருவதை நோக்கமாகக் கொண்டுள்ளன.


தொழிலாளர்களுக்கு, இ-ஷ்ரம் போர்டல் (E-Shram portal), பிரதான் மந்திரி ரோஜ்கர் ப்ரோட்சஹன் யோஜனா (Pradhan Mantri Rojgar Protsahan Yojana (PMRPY)), மற்றும் ஊழியர் வருங்கால வைப்பு நிதி அமைப்பு (Employees Provident Fund Organisation (EPFO)) மற்றும் ஊழியர்களின் மாநில காப்பீட்டுக் கழகம் (Employees' State Insurance Corporation(ESIC)) சேர்க்கைக்கான பொது மன்னிப்பு திட்டங்கள் (amnesty schemes) போன்ற முயற்சிகள் சமூக பாதுகாப்பு நிலையை நீட்டிக்க முயன்றன. 2020-ல் அறிமுகப்படுத்தப்பட்ட தொழிலாளர் குறியீடுகளில் கிக் மற்றும் நடைபாதைத் தொழிலாளர்கள் (gig and platform workers) உட்பட முறைசாரா தொழிலாளர்களுக்கான ஏற்பாடுகளும் அடங்கும். இருப்பினும், இந்த முயற்சிகளின் முடிவுகள் இன்னும் தெளிவாக இல்லை.


ஒருங்கிணைந்த சந்தையை உருவாக்கவும், நடுத்தர காலத்தில் வரி இணக்கத்தை மேம்படுத்தவும் GST வடிவமைக்கப்பட்டது. இருப்பினும், இது சிறு மற்றும் முறைசாரா வணிகங்களை விகிதாசாரமற்ற முறையில் பாதித்துள்ளது. இது இணக்கச் செலவுகளையும் அதிகரித்துள்ளது மற்றும் குறுகிய காலத்தில் மதிப்புச் சங்கிலிகளை சீர்குலைத்துள்ளது.


இதேபோல், பணமதிப்பிழப்பு நடவடிக்கை டிஜிட்டல் பரிவர்த்தனைகள் மற்றும் முறையான நிதி சேர்க்கையை அதிகரித்தது. இருப்பினும், இது கடுமையான குறுகியகால பணப்புழக்க சிக்கல்களை ஏற்படுத்தியது. குறிப்பாக, பணத்தைச் சார்ந்த சிறு வணிகங்கள் மற்றும் தொழிலாளர்களுக்கு மட்டும். கோவிட் 19-ன் பொருளாதார ஏற்றத்தாழ்வுகள் இந்த சவால்களை இன்னும் மோசமாக்கின.


இந்தப் போக்குகள் முறைசாரா உற்பத்தித் துறையில் உள்ள சவால்களைக் காட்டுகின்றன. முறைசாரா தொழிலாளர்கள் மற்றும் வணிகங்கள் பாதுகாப்பான பொருளாதார கட்டமைப்புகளின் ஒரு பகுதியாக மாற உதவுவதற்குப் பதிலாக, புதிய விதிமுறைகள் அவர்களை மேலும் பின்னுக்குத் தள்ளக்கூடும். இந்த சூழலில், கடந்த பத்தாண்டுகாலத்தில் இந்தியாவின் முறைசாரா துறை எவ்வாறு வளர்ச்சியடைந்துள்ளது என்பதை ஆராய்வது முக்கியமானது.


உற்பத்தித் துறை, பகுப்பாய்வு செய்யப்பட்டது


பல ஆதாரங்களில் இருந்து தரவைப் பயன்படுத்தி இந்தியாவின் முறைசாரா உற்பத்தித் துறையை பகுப்பாய்வு செய்யப்படுகிறது. இதில் இணைக்கப்படாத வேளாண்மை சாரா நிறுவனங்கள் (கட்டுமானம் தவிர்த்து) மீதான தேசிய மாதிரி கணக்கெடுப்பின் (NSS) 67-வது (2010-11) மற்றும் 73-வது (2015-16) சுற்றுகள் அடங்கும். இணைக்கப்படாத துறை நிறுவனங்களின் வருடாந்திர கணக்கெடுப்பு (Annual Survey of Unincorporated Sector Enterprises (ASUSE)) 2021-22 மற்றும் வருடாந்திர தொழில்துறை கணக்கெடுப்பின் (Annual Survey of Industries (ASI)) மூன்று சுற்றுகளிலிருந்தும் தரவையும் பயன்படுத்தப்படுகிறது.


தற்போதுள்ள, பகுப்பாய்வு வெளியீடு (output), மதிப்பு கூட்டல் (value added) மற்றும் வேலைவாய்ப்பு (employment) ஆகிய மூன்று முக்கிய பகுதிகளில் கவனம் செலுத்துகிறது. காலப்போக்கில் முறைசாரா உற்பத்தித் துறையில் கட்டமைப்பு மாற்றங்கள் மற்றும் போக்குகள் தொடர்பாக ஆய்வு நடத்தப்படும்.


2010-11 மற்றும் 2015-16-க்கு இடையில், உற்பத்தியில் முறைசாரா துறையின் பங்கு மற்றும் மொத்த மதிப்பு கூட்டுதல் (GVA) இரண்டும் அதிகரித்ததைக் காண்கிறோம். மேலும், உற்பத்தியில் வளர்ச்சி மிகவும் குறிப்பிடத்தக்கதாக இருந்தது. இருப்பினும், 2015-16 மற்றும் 2021-22-க்கு இடையில், போக்குகள் சிறிது வேறுபடுகின்றன. 2015-16-க்குப் பிறகு வெளியீட்டுப் பங்கு வெகுவாகக் குறைந்தது. இது, கிட்டத்தட்ட அதன் 2010-11 நிலைக்குத் திரும்பியது. அதே நேரத்தில், GVA பங்கு இந்தக் காலகட்டம் முழுவதும் படிப்படியாகச் சரிவைச் சந்தித்தது.


மாறுபட்ட சரிவு விகிதங்கள் இருந்தபோதிலும், இரண்டு குறிகாட்டிகளும் உற்பத்தியில் முறைசாரா துறையின் பங்கில் ஒட்டுமொத்தமாக குறைந்து வருவதை பிரதிபலிக்கின்றன. 2010–11ல் 78 சதவீதமாக இருந்த முறைசாரா துறையின் பங்கு 2021–22ல் 68 சதவீதமாக சரிந்த நிலையில், முறைசாரா துறையின் பங்கு 22 சதவீதத்தில் இருந்து 32 சதவீதமாக உயர்ந்துள்ளது. இதன் முதல் பார்வையில், முறையானத்துறை வேலைவாய்ப்பில் 10 சதவிகிதம் உயர்வு என்பது அதிகரித்த முறைப்படுத்தலைக் குறிப்பதாகத் தோன்றுகிறது. ஆனால், ஒப்பந்தத் தொழிலாளர்களை பணியமர்த்துவதன் மூலம் ஏறக்குறைய பாதி அதிகரிப்பு (சுமார் 5 சதவிகிதம்) ஒப்பந்தக்காரர்கள் மூலம் முறைசாரா நிறுவனங்களால் பணியமர்த்தப்பட்டதன் காரணமாக உள்ளது என்பதைக் கவனத்தில் கொள்ள வேண்டும்.


வீட்டு நிறுவனங்கள்


முறைசாரா துறை நிறுவனங்கள் இரண்டு வகைகளாகப் பிரிக்கப்பட்டுள்ளன. முதலாவது, தனிநபர்கள் அல்லது பணியமர்த்தப்பட்ட தொழிலாளர்கள் இல்லாமல் வீடுகளால் நடத்தப்படும் சொந்தக் கணக்கு உற்பத்தி நிறுவனங்கள் (Own Account Manufacturing Enterprises (OAME)) ஆகும். இரண்டாவது வகை, குறைந்தபட்சம் ஒரு தொழிலாளியையாவது வழக்கமான அடிப்படையில் பணியமர்த்தும் நிறுவனங்கள் ஆகும். 2010-11 ஆம் ஆண்டில், முறைசாரா துறையில் உற்பத்தி மற்றும் மொத்த மதிப்பு கூட்டப்பட்ட (GVA) நிறுவனங்களே பெரும்பாலானவை. அவை உற்பத்தியில் 79% மற்றும் GVA-ல் 64% பங்களித்தன. 2021-22 வாக்கில், இந்தப் பங்குகள் உற்பத்திக்கு 65% ஆகவும், GVA-க்கு 59% ஆகவும் குறைந்தன.


இந்த நிறுவனங்களில் வேலைவாய்ப்பும் குறைந்தது. இது 2010-11ஆம் ஆண்டில் 40% ஆக இருந்து 2021-22ஆம் ஆண்டில் 32% ஆக குறைந்தது. இது முறைசாரா துறைக்குள் ஒரு மாற்றத்தைக் காட்டுகிறது. பொதுவாக குறைந்த உற்பத்தித்திறன், சொத்து-ஏழை மற்றும் வீடு சார்ந்த OAMEகள், நிறுவனங்களின் பங்கு குறைந்ததால் மிகவும் பொதுவானதாகிவிட்டிருக்கலாம்.


எனவே, நம் கண்டுபிடிப்புகள் இந்தியாவில் முறைசாரா தன்மையின் நுணுக்கமான பார்வையை முன்வைக்கின்றன. உற்பத்தி, மதிப்பு கூட்டல் மற்றும் வேலைவாய்ப்பு ஆகியவற்றில் முறைசாரா துறையின் பங்கு குறைந்துள்ள நிலையில், முறையான துறைக்குள் ஒப்பந்தத் தொழிலாளர்களின் அதிகரிப்பு, முறைசாரா நிறுவனங்களுக்குள் முறைசாரா வேலைவாய்ப்பை நோக்கிய சிக்கலான மாற்றத்தைக் குறிக்கிறது. கூடுதலாக, OAMEகளின் வளர்ந்து வரும் பங்கு வலுவான வேலைவாய்ப்பு சவால்களை பரிந்துரைக்கிறது. ஏனெனில், பல தனிநபர்கள் வாய்ப்பைவிட உயிர்வாழும் தேவைக்காக பொருளாதார நடவடிக்கைகளில் ஈடுபடலாம். முறைசாரா துறையின் அதிக உற்பத்திப் பகுதியின் பங்கு, அதாவது நிறுவனங்களின் பங்கு குறைந்துள்ளது. அதாவது அவை இறுதியாக முறையான துறையின் ஒரு பகுதியாக மாறிவிட்டன அல்லது சாதரணமாக இல்லாமல் போய்விட்டன என்பதைக் குறிக்கலாம்.


முறைசாரா தன்மையைக் (informality) குறைப்பதற்கான கொள்கை முயற்சிகள் இப்போது சொந்தக் கணக்கு உற்பத்தி நிறுவனங்களில் (OAME) அதிக நிலையான மற்றும் இலாபகரமான அலகுகளாக மாறுவதற்கு வசதியாக நேரடியாக கவனம் செலுத்த வேண்டும். உற்பத்திக்கான போட்டித்தன்மையை மேம்படுத்த, தரக் கட்டுப்பாடு, பேக்கேஜிங், பிராண்டிங் மற்றும் சந்தைப்படுத்தல் ஆகியவற்றில் திறன் மேம்பாடு போன்ற இலக்குக்கான தலையீடுகள் இதற்குத் தேவை. கடன், வணிகப் பயிற்சி மற்றும் சந்தை இணைப்புகளுக்கான அணுகலை விரிவுபடுத்துவது அவர்களின் உற்பத்தித்திறன் மற்றும் நீண்டகால நிலைத்தன்மையை மேலும் மேம்படுத்தலாம்.


உற்பத்தியில் தொழிலாளர்கள்-தீவிர வளர்ச்சியை வளர்ப்பது சொந்தக் கணக்கு உற்பத்தி நிறுவனங்களில் (OAME) உள்ளவர்களுக்கு பாதுகாப்பான வேலைகளை வழங்க முடியும். இது முறைசாரா வேலைகளை நம்பியிருப்பதையும் குறைக்கலாம். இருப்பினும், முறைசாரா நிறுவனங்களின் முயற்சிகள் வெறும் நிறுவனங்களுக்கு அப்பால் செல்ல வேண்டும். தொழிலாளர்கள் பாதுகாப்புகளையும் பெற வேண்டும். வரி மற்றும் ஒழுங்குமுறை கட்டமைப்புகளில் நிறுவனங்களை ஒருங்கிணைப்பது தானாகவே தொழிலாளர்களின் நிலைமைகளை மேம்படுத்தாது. முறையான துறையில் அதிகரித்து வரும் முறைசாரா வேலைகளில் இருந்து இது தெளிவாகிறது. கூடுதல் தொழிலாளர் பாதுகாப்புகள் இல்லாமல், முறைப்படுத்தல் வணிகங்களுக்கு உதவக்கூடும். ஆனால், தொழிலாளர்களை பாதிக்கப்படக்கூடியவர்களாக மாற்றும்.


திவேதி மற்றும் மிஸ்ரா பொருளாதாரத்தில் உதவிப் பேராசிரியர்களாக உள்ளனர். திவேதி மேலாண்மை ஆய்வுகள் பீடத்திலும், மிஸ்ரா டெல்லி பல்கலைக்கழகத்தின் இந்து கல்லூரியிலும் கற்பிக்கிறார்.


Original article:
Share:

இரஷ்யாவுடனான உறவுகளை மறுசீரமைத்தல்

 விளாடிமிர் புதினின் இந்திய வருகைக்கான ஏற்பாடுகள் நடந்து வருவதாக லாவ்ரோவ் அறிவித்தார். இரு நாடுகளுக்கும் இடையே உறவுகளைப் புதுப்பித்து வர்த்தகத்தை அதிகரிக்க வேண்டியதன் அவசியத்தை அவர் மேலும் வலியுறுத்தினார்.


இரஷ்ய வெளியுறவுத்துறை அமைச்சர் செர்ஜி லாவ்ரோவ் சமீபத்தில் மாஸ்கோவில் அதிபர் விளாடிமிர் புதினின் இந்திய வருகைக்கான ஏற்பாடுகள் நடந்து வருவதாகக் கூறினார். இது, கிட்டத்தட்ட இரண்டு ஆண்டுகளுக்குப் பிறகு இந்த முக்கியமான பயணத்தை மாஸ்கோ முன்னெடுக்க திட்டமிட்டுள்ளது என்பதைக் குறிக்கிறது. உக்ரைன் போர் தொடங்கியதிலிருந்து புதின் இந்தியாவுக்கு வரவில்லை. அதே நேரத்தில், பிரதமர் நரேந்திர மோடி கடந்த ஆண்டு இரண்டு முறை ரஷ்யாவுக்கு பயணம் மேற்கொண்டார்.


இரு நாடுகளுக்கும் இடையிலான வலுவான உறவுகள் (குறிப்பாக வர்த்தகத்தில்) குறித்து லாவ்ரோவ் சாதகமாகப் பேசினார். நாடுகளின் சண்டையை நிறுத்துவதற்கான தொடர்ச்சியான முயற்சிகளின்போது ரஷ்யா-உக்ரைன் மோதல் குறித்த இந்தியாவின் நிலைப்பாட்டையும் அவர் பாராட்டினார்.


இருப்பினும், விளாடிமிர் புதின் எப்போது இந்தியாவுக்குச் செல்ல திட்டமிட்டுள்ளார் என்பது இன்னும் தெளிவாகத் தெரியவில்லை. 2025-ம் ஆண்டின் முதல் பாதியில் இந்த பயணம் நடைபெறுவது சாத்தியமில்லை என்று தெரிகிறது.


சமீப காலங்களில், இரஷ்ய மற்ற மூத்த அதிகாரிகளால், விளாடிமிர் புதினின் வருகையின் அறிகுறிகளை வழங்கியுள்ளன. இது, இந்தியாவுடனான உறவைப் புதுப்பிக்க வேண்டும் என்ற கருத்துடன் வளர்ந்து வரும் உணர்தலுடன் இந்த முடிவு இணைக்கப்பட்டுள்ளது. நீண்ட காலமாக இந்தியாவுக்கு ஒரு இராஜதந்திர ரீதியில் நட்பு நாடாகவும் இராணுவ வன்பொருள் (military hardware) விநியோகராகவும் மாஸ்கோவின் பங்கின் உத்வேகத்தால் இணைந்துள்ளது. ரஷ்யாவின் எரிசக்தியை இந்தியா பெருமளவில் வாங்கியதன் பின்னணியில், வர்த்தகம் ஆண்டுக்கு 60 பில்லியன் டாலர்களாக உயர்ந்துள்ளது. ஆனால், இந்தியாவின் ஏற்றுமதிகள் சுமார் 5 பில்லியன் டாலர்களாக குறைந்துள்ளதால், பின்தங்கிய நிலையில் உள்ளது. இரு தரப்பினரும் இப்போது மாறிவரும் புவிசார் அரசியல் சூழ்நிலைக்கு ஒரு கட்டமைப்பைக் கொண்டு வர வேண்டும். இது இராஜதந்திர ரீதியில் நட்பு நாடுகளை வலுப்படுத்த உதவுகிறது. அதே நேரத்தில், வர்த்தக உறவை மேலும் பரந்த அடிப்படையிலான மற்றும் மாறுபட்டதாக மாற்றுகிறது. இதில் இந்திய பொருட்களுக்கான அதிக சந்தை அணுகல் அடங்கும். வரவிருக்கும் ஆண்டுகளில் ரஷ்யா ஒரு பாதுகாப்பு விநியோகராக ஒரு முக்கிய இடத்தைத் தக்க வைத்துக் கொள்ளும் அதே வேளையில், இந்தியாவுடனான அதன் பாதுகாப்பு மற்றும் தொழில்நுட்ப ஒத்துழைப்பு, இந்தத் துறையில் இந்தியா-அமெரிக்க ஒத்துழைப்பு பெற்றதைப் போன்ற பலத்தைக் கொண்டிருக்கவில்லை.


அமெரிக்காவில் டொனால்ட் டிரம்ப் நிர்வாகத்தின் கணிக்க முடியாத கொள்கைகளால் ஏற்படும் நிச்சயமற்ற தன்மை, ரஷ்யா போன்ற நீண்டகால நட்பு நாடுகள் மற்றும் ஐரோப்பா மற்றும் ஆசியாவில் உள்ள புதிய கூட்டணி நாடுகளுடன் இந்தியா தனது உறவுகளை வலுப்படுத்த மற்றொரு காரணமாகும். டிரம்பின் முடிவுகளால் ஏற்படும் மாற்றங்கள் எதிர்வரும் காலத்திற்கு தொடர வாய்ப்புள்ளது. இந்தியா தனது சொந்த நிலையை வலுப்படுத்த மற்ற பிராந்தியங்களில் கவனம் செலுத்த வேண்டியதன் அவசியத்தை இது எடுத்துக்காட்டுகிறது.


கடந்த இருபதாண்டுகளாக அமெரிக்காவுடன் வலுவான பாதுகாப்பு மற்றும் வர்த்தக உறவுகளை கட்டியெழுப்புவதோடு, இரஷ்யாவுடனான தனது உறவை இந்தியா வெற்றிகரமாக நிர்வகித்து வருகிறது. அமெரிக்காவும் ரஷ்யாவும் வரலாற்று ரீதியாக உலக அரசியலில் வெவ்வேறு பக்கங்களைப் பிரதிநிதித்துவப்படுத்தியுள்ளன. இருப்பினும், பனிப்போரின் பதட்டங்கள் முடிந்துவிட்டதாகத் தெரிகிறது.


சமீபத்திய ஆண்டுகளில், உலகம் பல துருவங்களாக மாறியுள்ளது. இது இந்தியாவுக்கு பயனளிக்கிறது. வாஷிங்டன், மாஸ்கோ, ஐரோப்பிய ஒன்றியம் (EU) மற்றும் பெய்ஜிங் போன்ற நாடுகள் அனைத்தும் இந்தியாவுடன் நெருக்கமான உறவுகளை நாடுகின்றன. உலகளாவிய மாற்றத்தின் காலங்களில், இந்த உறவுகளை சமநிலைப்படுத்துவது முக்கியம். இது உலக விவகாரங்களில் பெரிய பங்கை வகிக்க இந்தியாவுக்கு அதிக இடத்தை அளிக்கிறது.


இந்தியா உக்ரைன் நெருக்கடியை புத்திசாலித்தனமாகக் கையாண்டுள்ளது. இது இரஷ்யாவின் படையெடுப்பை ஆதரிக்க மறுத்துவிட்டது. ஆனால், மாஸ்கோவுடன் வர்த்தகத்தைத் தொடர்ந்தது. சமீபத்தில், மோதல் நிலைப்பாட்டை எடுப்பதற்குப் பதிலாக அமெரிக்காவுடன் வரிகள் குறித்து பேச்சுவார்த்தை நடத்த இந்தியா தயாராக உள்ளது. இந்த அணுகுமுறைகள் உலக அரசியலில் தற்போதைய சவால்களை இந்தியா மிகவும் திறம்பட கையாள உதவும்.


கடந்த ஆண்டு, உண்மையான கட்டுப்பாட்டுக் கோட்டில் (Line of Actual Control) இராணுவ வீரர்களை திரும்பப் பெறுவது தொடர்பான ஒப்பந்தத்திற்குப் பிறகு இந்தியா சீனாவுடனான உறவுகளை இயல்பாக்கத் தொடங்கியுள்ளது. இருப்பினும், மாஸ்கோ பெய்ஜிங்கிற்கு மிக அருகில் சென்றுவிடாமல் பார்த்துக் கொள்ள வேண்டும். விளாடிமிர் புதினின் வருகைக்குத் தயாராக போதுமான நேரம் இருப்பதால், இந்தியாவும் ரஷ்யாவும் தெளிவான இலக்குகளை நிர்ணயிப்பதிலும் வலுவான எதிர்கால கூட்டாண்மையை உருவாக்குவதிலும் கவனம் செலுத்த வேண்டும்.


Original article:
Share:

நீதிபதிகளின் சொத்துக்களை வெளியிடுவதற்கான விதிகள் மற்றும் நடைமுறைகள் என்ன? -ஷ்யாம்லால் யாதவ்

 நீதிபதிகள் மற்ற பொது ஊழியர்களைப் போலல்லாமல், சொத்துக்கள் தொடர்பான தகவலைப் பகிரங்கப்படுத்த வேண்டிய கட்டாயம் இல்லை. இது  பெரும்பாலான வழக்குகளில், அவர்கள் அதை வெளியிட வேண்டாம் என்று தேர்வு செய்துள்ளனர்.


டெல்லி உயர் நீதிமன்ற நீதிபதி யஷ்வந்த் வர்மாவின் வீட்டில் ஏராளமான பணக்கட்டுகள் கண்டுபிடிக்கப்பட்டது. இது, இந்தியாவின் உயர் நீதித்துறையில் ஊழல் குறித்த கவலைகளை எழுப்பியுள்ளது.


நீதிபதிகள் தங்கள் சொத்துக்கள் (assets) மற்றும் பொறுப்புகளை (liabilities) பகிரங்கமாக பொதுமக்கள் மத்தியில் வெளியிட வேண்டும் என்ற கோரிக்கையை  இந்த பிரச்சனையை வலுப்படுத்தியுள்ளது. மற்ற பொது ஊழியர்கள் இந்தத் தகவலைப் பகிர்ந்து கொள்ள வேண்டும். ஆனால், நீதிபதிகள் அவ்வாறு செய்ய வேண்டிய அவசியமில்லை. பெரும்பாலான வழக்குகளில், நீதிபதி அவர்கள் அதை வெளியிட வேண்டாம் என்று தேர்வு செய்துள்ளனர்.


உச்சநீதிமன்றத்தின் நிலைப்பாடு என்ன?


1997-ம் ஆண்டு, உச்சநீதிமன்றம் இந்திய தலைமை நீதிபதி ஜே.எஸ். வர்மா தலைமையில் ஒரு கூட்டத்தை நடத்தியது. இந்தக் கூட்டத்தில், நீதிபதிகளின் சொத்து தொடர்பான அறிவிப்புகள் குறித்து நீதிமன்றம் ஒரு தீர்மானத்தை நிறைவேற்றியது.


இதில், ஒவ்வொரு நீதிபதியும் தங்களுக்குச் சொந்தமான அனைத்து சொத்துக்களையும் அறிவிக்க வேண்டும் என்று தீர்மானம் குறிப்பிட்டது. இதில் ரியல் எஸ்டேட் மற்றும் அவர்களின் பெயரில் முதலீடுகள் தொடர்பான சொத்துகள் அடங்கும். அவர்களின் வாழ்க்கைத் துணைவர்கள் அல்லது அவர்களைச் சார்ந்திருப்பவர்கள் வைத்திருக்கும் சொத்துக்களும் இதில் அடங்கும். இருப்பினும், நீதிபதிகள் இந்தத் தகவலை பொதுமக்களுடன் அல்ல, தலைமை நீதிபதியுடன் மட்டுமே பகிர்ந்து கொள்ள வேண்டியிருந்தது.


பின்னர், செப்டம்பர் 8, 2009 அன்று, உச்சநீதிமன்றத்தின் முழு அமர்வு மற்றொரு முடிவை எடுத்தது. நீதிபதிகளின் சொத்து விவரங்களை நீதிமன்றத்தின் இணையதளத்தில் வெளியிட அவர்கள் ஒப்புக்கொண்டனர். இருப்பினும், இது முற்றிலும் ”தன்னார்வ அடிப்படையிலானது” என்று அவர்கள் தெளிவுபடுத்தினர். இந்த அறிவிப்புகள் நவம்பர் 2009-ல் உச்சநீதிமன்ற இணையதளத்தில் வெளியிடப்பட்டன. அதன்பிறகு, சில உயர் நீதிமன்றங்களும் இதை பின்பற்றத்  தொடங்கின.


ஆனால், உச்சநீதிமன்ற வலைத்தளம் 2018 முதல் புதுப்பிக்கப்படவில்லை. உண்மையில், தற்போதைய நீதிபதிகள் சமர்ப்பித்த சொத்து அறிவிப்புகளை வலைத்தளமானது வெளியிடவில்லை. அதற்கு பதிலாக, தலைமை நீதிபதியிடம் தங்கள் சொத்து அறிவிப்புகளை சமர்ப்பித்த 28 நீதிபதிகள் (33 பேரில்) மட்டுமே பட்டியலிடப்பட்டுள்ளது. முன்னாள் நீதிபதிகளின் அறிவிப்புகளையும் வலைத்தளத்திலிருந்து நீக்கப்பட்டுள்ளன.


உச்ச நீதிமன்றத்தின் 2019 தீர்ப்பை மீறி இது தொடர்கிறது. நீதிபதிகளின் தனிப்பட்ட சொத்துக்கள் மற்றும் பொறுப்புகள் "தனிப்பட்ட தகவல்" (personal information) என்று கருதப்படுவதில்லை என்று நீதிமன்றம் கூறியது. இந்த தீர்ப்பு ஜனவரி 2009-ல் தொடங்கிய ஒரு வழக்கிலிருந்து வந்தது. அந்த நேரத்தில், தகவல் அறியும் உரிமை (Right to Information (RTI)) சட்டத்தின் கீழ் ஒரு கோரிக்கையை RTI ஆர்வலர் சுபாஷ் சந்திர அகர்வால் தாக்கல் செய்தார். 1997-ம் ஆண்டு தீர்மானத்தின்படி, உச்சநீதிமன்ற நீதிபதிகள் தங்கள் சொத்துக்களை தலைமை நீதிபதியிடம் அறிவித்தார்களா என்பதை அவர் உறுதிப்படுத்த விரும்பினார்.


உயர் நீதிமன்றங்களில் நிலைமை


இந்த ஆண்டு மார்ச் 1-ம் தேதி நிலவரப்படி, அனைத்து உயர் நீதிமன்றங்களிலும் 770 நீதிபதிகள் உள்ளனர். இவற்றில், டெல்லி, பஞ்சாப் & ஹரியானா, இமாச்சலப் பிரதேசம், சென்னை, சத்தீஸ்கர், கேரளா மற்றும் கர்நாடகா ஆகிய ஏழு உயர் நீதிமன்றங்களைச் சேர்ந்த 97 நீதிபதிகள் மட்டுமே தங்கள் சொத்துக்கள் மற்றும் பொறுப்புகளை பகிரங்கமாக அறிவித்துள்ளனர். இதன் பொருள், அனைத்து உயர் நீதிமன்ற நீதிபதிகளில் 13%-க்கும் குறைவானவர்கள் தங்கள் சொத்து விவரங்களை பகிரங்கப்படுத்தியுள்ளனர்.


நாட்டில் உள்ள பெரும்பாலான உயர் நீதிமன்றங்கள் தங்கள் நீதிபதிகளின் சொத்துக்கள் மற்றும் பொறுப்புகளை பகிரங்கமாக வெளியிடுவதை எதிர்க்கின்றன.


உத்தரகாண்ட் உயர் நீதிமன்றம் 2012-ல் "தகவல் அறியும் உரிமைச் சட்டத்தின் கீழ், நீதிபதிகள் தங்கள் சொத்துக்களை வெளியிடுவதை எதிர்த்து வலுவாக ஆட்சேபனை தெரிவிக்கிறார்கள்" என்று ஒரு தீர்மானத்தை நிறைவேற்றியது.


அலகாபாத் உயர் நீதிமன்ற நீதிபதிகளின் சொத்துக்கள் மற்றும் பொறுப்புகள் பற்றிய தகவல்களைக் கோரி இந்தியன் எக்ஸ்பிரஸ் முன்னதாக ஒரு தகவல் அறியும் உரிமைச் சட்ட விண்ணப்பத்தை தாக்கல் செய்திருந்தது. நீதிமன்றமானது, இத்தகைய தகவல்கள் தகவல் அறியும் உரிமைச் சட்டத்தின் கீழ் வராது என்று அது கூறி அந்த விண்ணப்பக் கோரிக்கையை நிராகரித்தது.


இந்த செய்தித்தாள் ராஜஸ்தான், மும்பை, குஜராத், ஆந்திரப் பிரதேசம், தெலுங்கானா, கெளஹாத்தி மற்றும் சிக்கிம் உயர் நீதிமன்றங்கள் உட்பட பல உயர் நீதிமன்றங்களிடமிருந்து அதன் தகவல் அறியும் உரிமைச் சட்ட விண்ணப்பங்களுக்கு இதேபோன்ற பதில்களைப் பெற்றது.


இந்த சூழ்நிலையைக் கருத்தில் கொண்டு, உச்ச நீதிமன்றம் மற்றும் உயர் நீதிமன்றங்களின் நீதிபதிகளின் சொத்துக்கள் மற்றும் பொறுப்புகளை கட்டாயமாக வெளியிடுவதை உறுதி செய்வதற்கான சட்டம் அறிமுகப்படுத்தப்பட வேண்டும் என்று 2023-ம் ஆண்டில் நாடாளுமன்றக் குழு, பொது குறைகள் மற்றும் சட்டம் மற்றும் நீதித்துறை குழு பரிந்துரைத்தது. ஆனால் இந்தப் பரிந்துரையில் இன்னும் எந்த முன்னேற்றமும் இல்லை.


பல பொது ஊழியர்களைப் போலல்லாமல்


நீதிபதிகளைப் போலல்லாமல், பொது ஊழியர்கள் பெரும்பாலும் தங்கள் சொத்துக்களை அறிவிக்க வேண்டிய கட்டாயத்தில் உள்ளனர். மேலும், இந்தத் தகவல் பெரும்பாலும் சாதாரண குடிமக்களுக்கு எளிதாக அணுகக்கூடியதாக உள்ளது.


2005-ம் ஆண்டு நிறைவேற்றப்பட்ட தகவல் அறியும் உரிமைச் சட்டம் (RTI) அரசாங்கத்தில் வெளிப்படைத்தன்மை மற்றும் பொறுப்புணர்வை ஊக்குவிப்பதில் முக்கியப் பங்கு வகித்துள்ளது.


உதாரணமாக, தகவல் அறியும் உரிமைச் சட்டம் அரசு அதிகாரிகள் தங்கள் சொத்துக்களை ஆண்டுதோறும் அந்தந்த தகுதிநிலைக்கு ஏற்றாற்போல் கட்டுப்பாட்டு அதிகாரிகளிடம் (controlling authorities) அறிவிக்க கட்டாயப்படுத்தியுள்ளது. பெரும்பாலான சந்தர்ப்பங்களில், இந்தத் தகவல் பொதுமக்களுக்குக் கிடைக்கிறது.


குஜராத், கேரளா மற்றும் மத்தியப் பிரதேசம் போன்ற பல மாநிலங்கள், மாநில அளவிலான அதிகாரிகள் தங்கள் சொத்துக்களை அறிவிக்க வேண்டும் என்ற கடுமையான விதிகளைக் கொண்டுள்ளன. இந்த அறிவிப்புகளை பெரும்பாலும் பொதுத் தளத்தில் காணலாம் அல்லது RTI விண்ணப்பங்கள் மூலம் அணுகலாம்.


ஐக்கிய முற்போக்கு கூட்டணி-2 அரசாங்கத்தில் (2009-14) தொடங்கி, பிரதமர் உட்பட மத்திய அமைச்சர்கள் அனைவரும் தங்கள் சொத்து விவரங்களை பிரதமர் அலுவலகத்தில் சமர்ப்பிப்பது வழக்கமாகிவிட்டது. இந்த அறிவிப்புகளை இப்போது பிரதமர் அலுவலகத்தின் இணையதளத்தில் அணுகலாம். பல மாநில அரசுகளும் இதைச் செய்யத் தொடங்கியுள்ளன.


நாடாளுமன்ற உறுப்பினர்கள் தங்கள் சொத்து அறிவிப்புகளை வெவ்வேறு அதிகாரிகளிடம் சமர்ப்பிக்கிறார்கள். மக்களவை நாடாளுமன்ற உறுப்பினர்கள் அவற்றை சபாநாயகரிடம் சமர்ப்பிக்கிறார்கள். அதே நேரத்தில், மாநிலங்களை நாடாளுமன்ற உறுப்பினர்கள் அவற்றை அவைத் தலைவரிடம் சமர்ப்பிக்கிறார்கள். இந்த அறிவிப்புகள் பகிரங்கப்படுத்தப்படுவதில்லை. ஆனால், அவற்றை பொதுவாக ஆர்.டி.ஐ விண்ணப்பங்கள் மூலம் அணுகலாம். பெரும்பாலான மாநிலங்களிலும் இதே விதி பொருந்தும்.


மேலும், நாடாளுமன்றம் அல்லது எந்த மாநில சட்டமன்றம் அல்லது கவுன்சிலுக்குத் தேர்தலில் போட்டியிடும் எவரும் வேட்புமனு தாக்கல் செய்யும் செயல்முறையின் ஒரு பகுதியாக தங்கள் சொத்துக்கள் மற்றும் பொறுப்புகளை பகிரங்கமாக அறிவிக்க வேண்டும். இந்த செயல்முறை 2002-ம் ஆண்டு உச்சநீதிமன்றத்தால் கட்டாயமாக்கப்பட்ட உத்தரவின் விளைவாக நிறுவப்பட்டது. எந்தவொரு பொது ஊழியரும் செய்ய வேண்டிய மிக விரிவான அறிவிப்புகள் இவை. மேலும், ஒரு சிறிய தவறுகூட ஒரு வேட்பாளரின் வேட்புமனு நிராகரிக்கப்படுவதற்கு வழிவகுக்கும்.


Original article:
Share:

இந்திய தொழில்நுட்பக் கழகத்தில் பயின்றோர்க்கு வேலை வாய்ப்பு விகிதங்கள் குறைவதற்கு என்ன காரணிகள் பங்களிக்கக்கூடும்? -பிரியா குமாரி சுக்லா

 தற்போதைய செய்தி: நாட்டின் 23 இந்திய தொழில்நுட்ப கழகத்தில் பாதிக்கும் மேற்பட்டவற்றில், 2021-22ஆம் ஆண்டை விட 2023-24ஆம் ஆண்டில் இளங்கலை தொழில்நுட்ப மாணவர்களுக்கான வேலைவாய்ப்புகள் 10 சதவீத புள்ளிகளுக்கு மேல் குறைந்துவிட்டன. இது ஒன்றிய அரசின் முதல் தரவுகளை வெளிப்படுத்துகிறது.


முக்கிய அம்சங்கள்:


• 2023-24ஆம் ஆண்டில் வாரணாசியில் உள்ள IIT (BHU) தவிர, 23 IIT-களில் 22-ல் வேலைவாய்ப்புகள் 2021-22 உடன் ஒப்பிடும்போது குறைந்துள்ளதாக நாடாளுமன்றக் குழுவுடன் பகிர்ந்து கொள்ளப்பட்ட அரசாங்கத் தரவுகள் தெரிவிக்கின்றன.


• நாடாளுமன்ற உறுப்பினர் திக்விஜய் சிங் தலைமையிலான குழு, 2021-22 மற்றும் 2023-24-க்கு இடையில் இந்திய தொழில்நுட்ப கழகங்களில் வேலைவாய்ப்புகளில் சரிவு ஏற்பட்டுள்ளதாக குறிப்பிட்டது.


• பழைய இந்திய தொழில்நுட்ப கழகங்களில் இளங்கலை தொழில்நுட்ப வேலைவாய்ப்புகளில் குறிப்பிடத்தக்க சரிவைக் கண்டன:


• IIT- மெட்ராஸ்: 85.71% → 73.29% 12 சதவீத புள்ளிகள் சரிவு ஏற்பட்டுள்ளது


• IIT-பம்பாய்: 96.11% → 83.39% 13 புள்ளிகள் சரிவு ஏற்பட்டுள்ளது


• IIT-கான்பூர்: 93.63% → 82.48% 11 புள்ளிகள் சரிவு

ஏற்பட்டுள்ளது.


• IIT- டெல்லி: 87.69% → 72.81% 15 புள்ளிகள் சரிவு ஏற்பட்டுள்ளது.


• 2021-22-ஆம் ஆண்டில், வேலைவாய்ப்பு விகிதங்கள் 83.15% வாரணாசியில் உள்ளன இந்திய தொழில்நுட்ப கழகம் முதல் 98.65% (ஐஐடி கோவா) வரை இருந்தன, 14 90% க்கும் அதிகமான வேலைவாய்ப்புகளைப் பெற்றன.


• 2023-24ஆம் ஆண்டில், IIT ஜோத்பூர், பாட்னா மற்றும் கோவா மட்டுமே 90%-க்கும் மேற்பட்ட இந்திய தொழில் நுட்ப கழங்கங்கள் அதிகமான வேலைவாய்ப்புகளைக் கொண்டிருந்தன, IIT ஜோத்பூர் 92.98% (அதிகபட்சம்) மற்றும் IIT தார்வாட் 65.56% (குறைந்தபட்சம்) ஆகும்.


• IIT தார்வாட் மிகப்பெரிய சரிவைக் கண்டது (90.20% → 65.56%, 25 புள்ளிகள் சரிவு), அதைத் தொடர்ந்து ஐஐடி ஜம்மு (92% → 70%).


• IIT கரக்பூர் 86.79%-லிருந்து 83.91% (2.88 புள்ளிகள் சரிவு) ஆக மிகக் குறைந்த சரிவைக் கண்டது.


உங்களுக்குத் தெரியுமா?


• குழுவின் அறிக்கை NIT-களிலும் இதே போன்ற போக்கைக் காட்டியது. மேலும் 2022-23 மற்றும் 2023-24 ஆண்டுகளுக்கு இடையில் ஒவ்வொரு மாணவருக்கும் கிடைத்த சராசரி நிதித் தொகுப்பில் சரிவு ஏற்பட்டது. ஆனால், அதற்கான தரவுகள் சேர்க்கப்படவில்லை.


• IIT-கள் பதிவு செய்ய மறுத்த போதிலும், வேலைவாய்ப்பு செயல்முறையில் ஈடுபட்ட மாணவர்களும் ஆசிரியர்களும் இந்த வீழ்ச்சிக்கு பல காரணங்களைக் கூறினர்: 2022-ல் கொரோனா தாக்கத்திற்குப் பிறகு வேலைக்கு எடுத்ததன் விளைவுகள், தொழில்நுட்பம் மற்றும் மென்பொருள் போன்ற முக்கியத் துறைகளில் மந்தநிலை மற்றும் மாணவர் எண்ணிக்கை அதிகரித்ததே இதற்கு காரணமாகும்.


• IIT கரக்பூரில் வேலைவாய்ப்புடன் தொடர்புடைய மற்றொரு நபர், மாணவர் எண்ணிக்கை அதிகரிப்பை ஒரு காரணமாகச் சுட்டிக்காட்டினார். IIT கரக்பூரில், வேலைவாய்ப்புக்காகப் பதிவு செய்யும் மாணவர்களின் எண்ணிக்கை 2018-19-ல் 1,757-லிருந்து 2023-24ல் 2,668 ஆக அதிகரித்துள்ளது, அதே காலகட்டத்தில் வேலைவாய்ப்பு பெற்றவர்களின் எண்ணிக்கை 1,375-லிருந்து 1,662 ஆக உயர்ந்துள்ளது.


• IIT பாம்பேயில் வேலைவாய்ப்பு சதவீதம் 2022-23ல் 82.16%-லிருந்து 2023-24ல் 74.53% ஆகக் குறைந்தாலும், இந்தத் தரவிலிருந்து மட்டும் முடிவுகளைப் பெறுவது தவறாக இருக்கும் என்று ஒரு அதிகாரி கூறினார். ஏனெனில் இது வளாகத்தில் நடைபெறும் வேலைவாய்ப்புகளை மட்டுமே காட்டுகிறது. வேறு எந்த பாதைகளையும் காட்டவில்லை. "வேலைவாய்ப்பு பெறவில்லை” என்று காட்டப்படும் பல மாணவர்கள் உயர்கல்வி அல்லது வளாகத்திற்கு வெளியே வேலைவாய்ப்பு அல்லது தொழில்முனைவு போன்ற பாதைகளைத் தேர்ந்தெடுக்கின்றனர். வெளியேறும் கணக்கெடுப்புடன் ஒப்பிடாமல் இந்தச் சரிவு உண்மையான பிரதிபலிப்பை வழங்காது" என்று அந்த அதிகாரி கூறினார்.


• புதிதாக அறிமுகப்படுத்தப்பட்ட வெளியேறும் கணக்கெடுப்பின்படி, 2018 முதல் 2022 வரை, 57.1% மாணவர்கள் வளாக வேலைவாய்ப்புகள் மூலம் வேலை பெற்றுள்ளனர். 10.3% பேர் சுயமாக வேலைகளை தேர்ந்தெடுத்துள்ளனர். 1.6% பேர் புத்தொழில் நிறுவனங்களைத் தொடங்கியுள்ளனர். 8.3% பேர் அரசு வேலைகளில் சேர்ந்துள்ளனர். 6.1% பேர் இன்னும் வேலை தேடிக்கொண்டிருக்கின்றனர் மற்றும் 12% பேர் இந்தியாவில் அல்லது வெளிநாட்டில் உயர்கல்வி பயின்று வருகின்றனர்.


Original article:
Share:

மியான்மர் ஏன் அடிக்கடி நிலநடுக்கங்களால் பாதிக்கப்படுகிறது?

 அண்டை நாடான தாய்லாந்தும் பாதிக்கப்பட்டது: தலைநகர் பாங்காக்கில் கட்டுமானத்தில் இருந்த ஒரு வானளாவிய கட்டிடம் இடிந்து விழுந்து 9 பேர் உயிரிழந்துள்ளனர். வடகிழக்கு இந்தியாவின் சில பகுதிகளிலும் நிலநடுக்கம் உணரப்பட்டது. இருப்பினும் உயிரிழப்புகள் அல்லது சொத்துக்களுக்கு குறிப்பிடத்தக்க சேதம் ஏற்பட்டதாக தகவல்கள் இல்லை.


வெள்ளிக்கிழமை மத்திய மியான்மரை 7.7 ரிக்டர் அளவிலான சக்திவாய்ந்த நிலநடுக்கம் தாக்கியதோடு குறைந்தது ஆறு பின்னதிர்வுகள் ஏற்பட்டன. இதனால் நாட்டின் இரண்டாவது பெரிய நகரமான மாண்டலேயில் கட்டிடங்கள் இடிந்து விழுந்தன. 144 பேர் உயிரிழந்துள்ளனர்.


சுமார் 1.5 மில்லியன் மக்கள் வசிக்கும் மாண்டலே நகரத்திலிருந்து 17.2 கி.மீ தொலைவில் இந்த நிலநடுக்கத்தின் மையம் இருந்தது. இது 10 கி.மீ ஆழத்தில் ஏற்பட்ட ஆழமற்ற நிலநடுக்கம் என்றும், கடந்த இரண்டு ஆண்டுகளில் உலகில் ஏற்பட்ட மிக வலிமையானது என்றும் USGS தெரிவித்துள்ளது.


நிலநடுக்கத்திற்கு என்ன காரணம்?


பூமியின் வெளிப்புற பாறை அடுக்கு, லித்தோஸ்பியர் (lithosphere) என்று அழைக்கப்படுகிறது. இது டெக்டோனிக் தட்டுகளால் ஆனது. இந்த தட்டுகள் கோடிக்கணக்கான ஆண்டுகளாக மெதுவாக நகர்ந்து வருகின்றன. அவற்றின் தொடர்புகள் பூமியின் பல புவியியல் அம்சங்களுக்கு காரணமாகின்றன.


இரண்டு டெக்டோனிக் தட்டுகள் திடீரென ஒன்றையொன்று கடந்து மோதும் போது பூகம்பங்கள் ஏற்படுகின்றன. இது நில அதிர்வு அலைகளின் வடிவத்தில் சேமிக்கப்பட்ட "மீள் திரிபு" (elastic strain) ஆற்றலை வெளியிடுகிறது. இதனால் நில பகுதி குலுங்குகிறது.


மியான்மர் நிலநடுக்கம் இந்திய மற்றும் யூரேசிய தட்டுகளுக்கு இடையேயான கிடைநகர்வுப் பிளவு (strike slip faulting) காரணமாக ஏற்பட்டதாக USGS தெரிவித்துள்ளது. தட்டுகள் ஒன்றுக்கொன்று எதிராக பக்கவாட்டாக நகர்ந்தன.


மத்திய மியான்மர் வழியாக வடக்கிலிருந்து தெற்காக ஓடும் மற்றும் அடிக்கடி நிலநடுக்கங்களுக்கு பெயர் பெற்ற சகாயிங் ஃபால்ட்டில் இந்த நிலநடுக்கம் ஏற்பட்டது. இரண்டு பாறைத் தொகுதிகளுக்கு இடையில் ஒரு விரிசல் ஏற்படுவதே பிளவு (fault) ஆகும். இது அவற்றை நகர்த்த அனுமதிக்கிறது. சில நேரங்களில் பூகம்பங்களை ஏற்படுத்துகிறது.


இந்தியத் தட்டுக்கும் (மேற்கு) யூரேசியத் தட்டுக்கும் (கிழக்கு) இடையிலான எல்லையாக சாகைங் பிளவு (Sagaing fault) உள்ளது. யூரேசிய தட்டுடன் ஒப்பிடும்போது இந்திய தட்டு பிளவுப் பாதையில் வடக்கு நோக்கி நகர்கிறது என்று லண்டன் பல்கலைக்கழக கல்லூரியின் புவி இயற்பியல் மற்றும் காலநிலை ஆபத்துகளின் எமரிட்டஸ் பேராசிரியர் பில் மெக்குயர் தி கார்டியனிடம் தெரிவித்தார்.


மியான்மரில் அடிக்கடி எவ்வளவு நிலநடுக்கங்கள் ஏற்படுகின்றன?


மியான்மர் பெரும்பாலும் சாகைங் பிளவு (Sagaing fault) காரணமாக நிலநடுக்கங்களை சந்திக்கிறது. 1900-ஆம் ஆண்டு முதல், 7 ரிக்டர் அளவைவிட வலுவான ஆறு நிலநடுக்கங்கள் இந்தப் பிளவு அருகே ஏற்பட்டுள்ளன என்று USGS தெரிவித்துள்ளது.


1990 ஜனவரியில், 7 ரிக்டர் அளவைக் கொண்டு 32 கட்டிடங்கள் இடிந்து விழுந்தன. பிப்ரவரி 1912-ல், வெள்ளிக்கிழமை நிலநடுக்க மையப்பகுதிக்கு சற்று தெற்கே 7.9 ரிக்டர் அளவிலான நிலநடுக்கம் ஏற்பட்டது. 2016-ஆம் ஆண்டு இதே பகுதியில் 6.9 ரிக்டர் அளவிலான நிலநடுக்கம் ஏற்பட்டது.


கடந்த 100 ஆண்டுகளில், மியான்மரில் 6 அல்லது அதற்கு மேற்பட்ட ரிக்டர் அளவு கொண்ட 14 நிலநடுக்கங்கள் ஏற்பட்டுள்ளன. இருப்பினும், இப்பகுதியில் ஏற்பட்ட மிக மோசமான நிலநடுக்கங்களில் ஒன்று 1839-ல் நிகழ்ந்தது. வெள்ளிக்கிழமை ஏற்பட்ட நிலநடுக்கத்துடன் ஒப்பிடுகையில் இது மிக நெருக்கமானதாக இருக்கலாம் என்று ஆராய்ச்சியாளர் இயன் வாட்கின்சன் கூறுகிறார். 1839-ஆம் ஆண்டு ஏற்பட்ட நிலநடுக்கம் 8.3 ரிக்டர் அளவுகோலில் பதிவானதாகவும், சுமார் 300-400 பேர் உயிரிழந்துள்ளதாகவும் மதிப்பிடப்பட்டுள்ளது.


Original article:
Share:

கிராமப்புற வேலையின்மையைக் குறைப்பதில் மகாத்மா காந்தி தேசிய ஊரக வேலை உறுதித் திட்டத்தின் (MGNREGS) பங்கு. -பிரியா குமாரி சுக்லா

 தற்போதைய செய்தி : 2025-26 நிதியாண்டில் மகாத்மா காந்தி தேசிய ஊரக வேலை உறுதித் திட்டத்தின் (Mahatma Gandhi National Rural Employment Guarantee Scheme (MGNREGS)) ஊதியத்தை ஒன்றிய அரசு 2-7% வரை உயர்த்தியுள்ளது.


முக்கிய அம்சங்கள்:


• கிராமப்புற வேலை உறுதித் திட்டங்களை நிர்வகிக்கும் கிராமப்புற மேம்பாட்டு அமைச்சகம் (Ministry of Rural Development (MoRD)), 2025-26 நிதியாண்டிற்கான MGNREGS திட்டத்திற்கான ஊதியத்தை திருத்தி அறிக்கையை வியாழக்கிழமை வெளியிட்டது.


• NREGS ஊதியம் ₹7 அதிகரித்து ₹26 ஆக உள்ளது. ஆந்திரா, அருணாச்சலப் பிரதேசம், அசாம், நாகாலாந்து மற்றும் தெலுங்கானா ஆகிய ஐந்து மாநிலங்கள் ₹7 உயர்வைப் பெற்றன. ஹரியானாவில் அதிகபட்சமாக ₹26 உயர்வு காணப்பட்டது. 2025-26ஆம் ஆண்டில் ஒரு நாளைக்கு ₹374-லிருந்து ₹400-ஆக ஊதியம் உயர்த்தப்பட்டது. எந்தவொரு மாநிலத்திலும் தேசிய ஊரக வேலைவாய்ப்பு உறுதித் திட்ட ஊதியம் ஒரு நாளைக்கு ரூ.400 வழங்குவது இதுவே முதல் முறை.


•கிராமப்புறங்களில் பணவீக்கத்தை அளவிடும் விவசாயத் தொழிலாளர்களுக்கான நுகர்வோர் விலைக் குறியீடு (Consumer Price Index for Agricultural Labourers (CPI-AL)) அடிப்படையில் MGNREGS ஊதியங்கள் நிர்ணயிக்கப்படுகின்றன.


• 2024-25-ஆம் நிதியாண்டில் கோவா அதன் முந்தைய ஆண்டு 2022-23 ஊதிய விகிதத்தைவிட அதிகபட்சமாக 10.56% உயர்வைக் கண்டது.  உத்தரப்பிரதேசம் மற்றும் உத்தரகாண்ட் மாநிலங்கள் மிகக் குறைந்த 3.04% பதிவாகியுள்ளன.



உங்களுக்குத் தெரியுமா?


• மகாத்மா காந்தி தேசிய ஊரக வேலை உறுதித் திட்டத்தின் (Mahatma Gandhi National Rural Employment Guarantee Scheme (MGNREGS)) கீழ், கிராமப்புற குடும்பங்கள் தங்கள் வயது வந்த உறுப்பினர்கள் உடலுழைப்பு வேலைகளைச் செய்தால், வருடத்திற்கு குறைந்தது 100 நாட்கள் ஊதியத்துடன் கூடிய வேலையைப் பெறலாம்.


• MGNREGS-ன் பிரிவு 3 (1) ஒரு நிதியாண்டில் ஒரு கிராமப்புற குடும்பத்திற்கு 100 நாட்களுக்கு குறையாத வேலை வழங்கினாலும், மாநிலம் அல்லது யூனியன் பிரதேசம் குறிப்பாகக் கோராத வரையில் MGNREGS மென்பொருள் ஒரு குடும்பத்திற்கு 100 நாட்களுக்கு மேல் வேலைக்கான தரவு உள்ளீடுகளை அனுமதிக்காததால், அது நடைமுறை உச்ச வரம்பாக மாறியுள்ளது.


• சில சந்தர்ப்பங்களில், அரசாங்கம் 50 கூடுதல் நாட்கள் வேலை வழங்குகிறது. மொத்த வேலை 150 நாட்களாக அதிகரிக்கிறது. உதாரணமாக, வனப்பகுதியில் உள்ள ஒவ்வொரு பட்டியல் பழங்குடி குடும்பமும் MGNREGS-ன் கீழ் 150 நாட்கள் வேலை பெற உரிமை உண்டு. அத்தகைய குடும்பங்களுக்கு வன உரிமைச் சட்டம், 2016-ன் கீழ் வழங்கப்பட்ட நில உரிமைகளைத் தவிர வேறு எந்த தனியார் சொத்தும் இல்லை.


• தவிர, MGNREGA-ன் பிரிவு 3(4)-ன் கீழ், உள்துறை அமைச்சகத்தால் அறிவிக்கப்பட்டபடி, வறட்சி அல்லது இயற்கை பேரழிவுகளால் பாதிக்கப்பட்ட கிராமப்புறங்களில் அரசாங்கம் 50 கூடுதல் நாட்கள் வேலை வழங்க முடியும்.


Original article:
Share:

தற்போதைய புவிசார் அரசியல் சூழ்நிலையின் பின்னணியில் ரஷ்ய அதிபர் விளாடிமிர் புடினின் வரவிருக்கும் இந்திய பயணம் குறித்து . . . -பிரியா குமாரி சுக்லா

 தற்போதைய செய்தி:


உக்ரைன் நெருக்கடியில் இந்திய அரசாங்கமும் பிரதமர் நரேந்திர மோடியும் சமச்சீர் அணுகுமுறையைக் கடைப்பிடித்ததற்காக ரஷ்ய வெளியுறவு அமைச்சர் செர்ஜி லாவ்ரோவ் பாராட்டினார். பேச்சுவார்த்தை மூலம் இந்தப் பிரச்சினையைத் தீர்ப்பதற்கு இந்தியா தொடர்ந்து ஆதரவளித்து வருவதாக அவர் கூறினார். ரஷ்ய அதிபர் விளாடிமிர் புடின் இந்த ஆண்டு இந்தியாவுக்கு வருகை தருவார் என்பதையும், அதற்கான ஏற்பாடுகள் நடந்து வருவதாகவும் லாவ்ரோவ் உறுதிப்படுத்தினார்.


முக்கிய அம்சங்கள்:


  • பிப்ரவரி 2022ஆம் ஆண்டில் ரஷ்யா உக்ரைனை ஆக்கிரமித்த பிறகு புடின் முதல் முறையாக இந்தியாவுக்கு வருகை தர உள்ளார். ரஷ்யாவிற்கும் உக்ரைனுக்கும் இடையிலான போரை நிறுத்த அமெரிக்க ஜனாதிபதி டொனால்ட் டிரம்ப் முயற்சிகளுக்கு தலைமை தாங்கும் வேளையில் இந்த வருகை அறிவிக்கப்பட்டுள்ளது. குவாட் தலைவர்களின் உச்சிமாநாட்டிற்காக டிரம்ப் இந்த ஆண்டு இறுதியில் இந்தியாவுக்கு வருவார் என்று எதிர்பார்க்கப்படுகிறது.


  • மாஸ்கோவில் நடைபெற்ற ‘ரஷ்யாவும் இந்தியாவும்: புதிய இருதரப்பு நிகழ்ச்சி நிரலை நோக்கி ஒன்றிணைதல்’ (‘Russia and India: Together Towards a New Bilateral Agenda’) மாநாட்டில் காணொளி உரையில் லாவ்ரோவ் கூறியதாவது:


“கடந்த ஆண்டு மீண்டும் தேர்ந்தெடுக்கப்பட்ட பிறகு, பிரதமர் மோடியின் முதல் வெளிநாட்டு பயணம் ரஷ்யாவிற்குத்தான் என்பது குறிப்பிடத்தக்கது.  இந்தமுறை ரஷ்ய அதிபர் புடின் இந்திய அரசாங்கத்தின் அழைப்பை ஏற்றுக்கொண்டுள்ளார், மேலும், அவரது இந்திய வருகைக்கான ஏற்பாடுகள் நடந்து வருகின்றன.”


உங்களுக்குத்  தெரியுமா?:


  • பிப்ரவரி 2022ஆம் ஆண்டில் ரஷ்யா உக்ரைனை ஆக்கிரமித்தது. இது இந்தியாவிற்கு ராஜதந்திர சவாலை உருவாக்கியது. இருப்பினும், ரஷ்யா மற்றும் உக்ரைன் ஆகிய இரு நாடுகளுடனும் இந்தியா தொடர்ந்து தொடர்புகளை வைத்திருக்கிறது. இரு தரப்பினரும் நேரடி பேச்சுவார்த்தை நடத்தி நெருக்கடிக்கு தீர்வு காண வேண்டும் என்று வலியுறுத்தியுள்ளது.


  • கடந்த ஆண்டு ஜூலை மாதம், புடினின் அன்பான வரவேற்பு மற்றும் விருந்தோம்பலுக்கு மோடி நன்றி தெரிவித்தார்.  மேலும், 2025ஆம் ஆண்டு 23வது இந்தியா-ரஷ்யா ஆண்டு உச்சி மாநாட்டிற்காக இந்தியாவுக்கு வருமாறும் மோடி அவரை அழைத்ததாக வெளியுறவு அமைச்சகம் தெரிவித்துள்ளது.


  • கடந்த ஆகஸ்ட் மாதம் பிரதமர் மோடி கியேவுக்குச் சென்று உக்ரைன் அதிபர் வோலோடிமிர் ஜெலென்ஸ்கியைச் சந்தித்தார். நெருக்கடிக்குத் தீர்வு காண புடினுடன் பேசுமாறு ஜெலென்ஸ்கியிடம் அவர் கேட்டுக் கொண்டார்.


  • கசானில் நடந்த பிரிக்ஸ் உச்சி மாநாட்டிற்காக அக்டோபரில் அவர் மீண்டும் ரஷ்யாவிற்கு பயணம் செய்தார். மே மாதம் ரஷ்யாவின் வெற்றி தின கொண்டாட்டங்களுக்கும் அவர் அழைக்கப்பட்டுள்ளார். இருப்பினும், அவர் மாஸ்கோவிற்கு வருவாரா என்பதை டெல்லி அதிகாரப்பூர்வமாக உறுதிப்படுத்தவில்லை.


Original article:
Share:

சமமான விநியோகம் : சரக்கு மற்றும் சேவை வரி மற்றும் நாடாளுமன்ற பொதுக் கணக்குக் குழு அறிக்கை குறித்து . . .

 சரக்கு மற்றும் சேவை வரி சீர்திருத்தங்களுக்கான பொதுக் கணக்குக் குழுவின் (Public Accounts Committee (PAC)) பரிந்துரைகள் மாநிலங்களைப் பாதிக்கும்.


பொதுக் கணக்குக் குழு : 1919-ஆம் ஆண்டு இந்திய அரசுச் சட்டத்தில் முதன்முதலில் குறிப்பிடப்பட்ட பின்னர், 1921-ஆம் ஆண்டு பொதுக் கணக்குக் குழு அறிமுகப்படுத்தப்பட்டது. இது மான்ட்ஃபோர்டு சீர்திருத்தங்கள் என்றும் அழைக்கப்படுகிறது. பொதுக் கணக்குக் குழு  மக்களவை விதிகளின் விதி 308-ன் கீழ் ஒவ்வொரு ஆண்டும் உருவாக்கப்படுகிறது. மக்களவை சபாநாயகர் அதன் தலைவரை நியமிக்கிறார்.


நாடாளுமன்றத்தின் பொதுக் கணக்குக் குழுவின் 19-வது அறிக்கை, வரி இணக்கத்தை எளிமைப்படுத்தவும் மேம்படுத்தவும் ஜூலை 2017-ல் அறிமுகப்படுத்தப்பட்ட சரக்கு மற்றும் சேவை வரி முறையை கடுமையாக விமர்சிக்கிறது. COVID-19 தொற்றுநோய்க்கு முன்பு, 2018-ஆம் நிதியாண்டில் மற்றும் 2020-ஆம் நிதியாண்டிற்கு இடையில் மறைமுக வரி வருவாய் 2% குறைந்துள்ளதாக அறிக்கை சுட்டிக்காட்டுகிறது. மாநிலங்களின் இழப்பீட்டு நிதி ஆறு ஆண்டுகளுக்கும் மேலாக தணிக்கை செய்யப்படவில்லை அல்லது இறுதி செய்யப்படவில்லை என்பது ஒரு முக்கியப் பிரச்சினையாகும். இது ஒருங்கிணைந்த மற்றும் கூட்டாட்சி இரண்டையும் உள்ளடக்கியதாக இருக்க வேண்டிய சரக்கு மற்றும் சேவை வரி அமைப்பை பலவீனப்படுத்தியுள்ளது. சரக்கு மற்றும் சேவை வரி தொடங்கியதிலிருந்து, வருவாய் இழப்புகளுக்கு சான்றிதழ் அளித்து, மாநிலங்களுக்கு இழப்பீடு வழங்குவதில் தாமதம் ஏற்பட்டுள்ளதால், தலைமை கணக்குத் தணிக்கையாளருக்கு (Comptroller and Auditor General (CAG)) இழப்பீட்டு நிதி விவரங்களை ஒன்றிய அரசு வழங்கவில்லை என்று பொதுக் கணக்குக் குழு சுட்டிக்காட்டுகிறது. வருவாய் ஈட்டும் முக்கிய மாநிலங்கள், தங்கள் நிதிக் கட்டுப்பாட்டைக் குறைத்து, வரி வசூலைக் குறைத்ததற்காக சரக்கு மற்றும் சேவை வரியை விமர்சித்துள்ளன. பொருட்கள் தயாரிக்கப்படும் அடிப்படையில், நுகர்வுப் புள்ளியில் சரக்கு மற்றும் சேவை வரி விதிக்கப்படுகிறது. இது உற்பத்தியை அதிகம் கொண்ட மாநிலங்களை மோசமாக பாதிக்கிறது.


இந்தப் பிரச்சினையைத் தீர்க்க, சரக்கு மற்றும் சேவை வரி (மாநிலங்களுக்கான இழப்பீடு சட்டம், 2017) ஒரு இழப்பீட்டு நிதியை உருவாக்கியது. இது 2016-ஆம் நிதியாண்டின் வருவாயின் அடிப்படையில், ஐந்து ஆண்டுகளுக்கு (2017 முதல் 2022 வரை) மாநிலங்களுக்கு 14% ஆண்டு வருவாய் அதிகரிப்பை உறுதி செய்தது. இருப்பினும், பல மாநிலங்கள் நிதி பெறாதது அல்லது கடுமையான தாமதங்கள் ஏற்பட்டுள்ளதாக தெரிவித்துள்ளன. அவை நிர்வாகத்தை கடுமையாக பாதித்துள்ளதாக அவர்கள் கூறுகின்றனர். ஒன்றிய அரசின் அலட்சிய அணுகுமுறையே இதற்குக் காரணம் என்று பொதுக் கணக்குக் குழுவின் கூறுகிறது. ஒரு குறிப்பிடத்தக்க எடுத்துக்காட்டில், பொதுக் கணக்குக் குழுவின் 10,667 வழக்குகளின் மாதிரியில் 2,447 முரண்பாடுகளை ரூ32,577.73 கோடி மதிப்புடையது. மேற்கோள் காட்டி நிதி அமைச்சகத்தின் தணிக்கை அணுகுமுறையை "அலட்சியமானது" (lackadaisical) என்று விமர்சித்தது. நிலுவையில் உள்ள வழக்குகள் குறித்த வழக்கமான தணிக்கைகள் மற்றும் புதுப்பிப்புகளுக்காக தலைமை கணக்குத் தணிக்கையாளர் உடன் இணைந்து ஒரு அமைப்பை உருவாக்க பொதுக் கணக்குக் குழு பரிந்துரைத்துள்ளது. "GST 2.0"-ஐ உருவாக்க முழுமையான மதிப்பாய்வையும் இது பரிந்துரைக்கிறது. புதிய பரிந்துரை, மொத்த சரக்கு மற்றும் சேவை வரி வருவாயில் 50%-க்குப் பதிலாக, 70% முதல் 80% வரை மாநிலங்களுக்கு மிகப் பெரிய பங்கை வழங்க பரிந்துரைக்கிறது.


Original article:
Share:

இந்தியாவின் புவிசார் அரசியல் பார்வை பெரியதாக இருக்க வேண்டும் -டி.எஸ். திருமூர்த்தி

 ‘டிரம்பியன்’ (‘Trumpian’) கொள்கைகளால் செல்வாக்கு செலுத்தப்படும் உலகில், இந்தியா பொருளாதார வளர்ச்சியையும், உலக அரசியலையும் தனித்தனி செய்தியாக  பார்க்கக்கூடாது.


இந்த மாத தொடக்கத்தில், உக்ரைன் மற்றும் ரஷ்யா இடையேயான போரை முடிவுக்குக் கொண்டுவர முயற்சித்ததற்காக பிரதமர் நரேந்திர மோடி உள்ளிட்ட உலகத் தலைவர்களுக்கு ரஷ்ய அதிபர் விளாடிமிர் புடின் நன்றி தெரிவித்தார். இது பல இந்தியர்களை மகிழ்ச்சியடையச் செய்தது.


ஆனால், கருத்தில் கொள்ள வேண்டிய ஒரு கேள்வி உள்ளது. பிராந்திய மற்றும் உலகளாவிய மோதல்களில் இந்தியா ஏன் அதிக தீவிரமான அரசியல் பங்கை எடுக்கவில்லை?


இது ஆச்சரியமளிக்கிறது. ஏனென்றால், இந்தியத் தலைவர்கள் பிராந்திய மோதல்களில் வலுவான நடவடிக்கைகளை எடுத்துள்ளனர். 1971ஆம் ஆண்டில், வங்கதேசத்தில் நடந்த இனப்படுகொலையை நிறுத்த இந்தியா உதவியது மற்றும் ஒரு புதிய தேசத்தை உருவாக்குவதை ஆதரித்தது. 1988ஆம் ஆண்டில், மாலத்தீவு அதிபரை ஆயுதமேந்திய கூலிப்படையினரின் தாக்குதல் முயற்சியை இந்தியா தடுத்தது. 2009ஆம் ஆண்டில், இலங்கையில் தமிழீழ விடுதலைப் புலிகளை தோற்கடிக்க இந்தியா உதவியது. சமீப காலமாக, இந்தியா இந்தப் பகுதியில் கடற்கொள்ளையர்களை எதிர்த்துப் போராடி வருகிறது.


உலக நலனுக்கு இந்தியா பல வழிகளில் தீவிரமாக பங்களித்துள்ளது. கோவிட்-19 காலத்தில் ‘தடுப்பூசி மைத்ரி’ (‘Vaccine Maitri’) முயற்சி மூலம் உலகிற்கு உதவியது. சர்வதேச சூரிய சக்தி கூட்டணியை உருவாக்குவதன் மூலம் வலுவான காலநிலை நடவடிக்கையை எடுத்தது. அதன் டிஜிட்டல் பொது உள்கட்டமைப்பையும் மற்ற நாடுகளுடன் பகிர்ந்து கொண்டது. கூடுதலாக, இயற்கை பேரிடர்களின் போது மற்ற நாடுகளைவிட முதலில் செயல்பட்டது இந்தியாதான்.


ஒரு தயக்கம்


கடந்த 20 ஆண்டுகளில், இந்தியா பொருளாதார வளர்ச்சியில் கவனம் செலுத்தி வருகிறது. ஐக்கிய முற்போக்குக் கூட்டணி மற்றும் தேசிய ஜனநாயகக் கூட்டணி அரசாங்கங்கள் இரண்டும் இதை ஆதரித்தன. இதன் விளைவாக, இந்தியா இப்போது உலகின் ஐந்தாவது பெரிய பொருளாதாரமாக உள்ளது. இப்போது நாம் இந்த நிலையை அடைந்துவிட்டதால், உலகளாவிய அல்லது பிராந்திய மோதல்களில் ஈடுபடுவது நமது வளர்ச்சியை மெதுவாக்கும் என்று நினைக்கிறது.


மற்ற நாடுகளுடனான தனது வலுவான உறவுகளுக்கு தீங்கு விளைவிக்க விரும்பாததால், பிராந்திய மோதல்களில் ஈடுபட இந்தியா தயங்கக்கூடும். மேற்கு ஆசியா போன்ற பிராந்தியங்களில் உள்ள முக்கிய நாடுகளால் இதுபோன்ற மோதல்கள் கையாளப்பட வேண்டும் என்றும் அது நம்பலாம். அங்கு இந்தியா முக்கியமான நலன்களைக் கொண்டுள்ளது. அதனால், வளைகுடா நாடுகளின் வழியைப் பின்பற்ற விரும்புகிறது. இந்தக் காரணங்கள் அர்த்தமுள்ளதாக இருக்கின்றன. இருப்பினும், உலக ஒழுங்கு மாறி வருவதாலும், இந்தியா உலகளாவிய லட்சியங்களைக் கொண்டிருப்பதாலும், ஒரு பரந்த புவிசார் அரசியல் பார்வை அதன் பொருளாதார இலக்குகளைத் தடுக்காமல் ஆதரிக்கக்கூடும்.


புதிதாக சுதந்திரம் பெற்ற நாடுகள் தங்கள் குரலைக் கண்டறிய உதவுவதற்காக, இந்தியா ஒரு காலத்தில் அணிசேரா இயக்கத்தை வழிநடத்தியது. இன்று, முக்கிய நாடுகளுடன் வலுவான உறவுகளை உருவாக்கவும், உலகளாவிய பதட்டங்களை நிர்வகிக்கவும் இந்தியா பல-சீரமைப்பு கொள்கையைப் பின்பற்றுகிறது. இருப்பினும், அணிசேரா கொள்கை உலகளாவிய தெற்கை ஆதரிப்பதில் கவனம் செலுத்தியது, அதே நேரத்தில் பல-சீரமைப்பு முக்கியமாக இந்தியாவின் நலன்களுக்கு சேவை செய்கிறது.


எவ்வாறாயினும், ஒரு நாடு ஐந்தாவது பெரிய பொருளாதார நாடாக மாறி, தன்னை ஒரு வலுவான ஜனநாயகம் என்று அழைத்துக் கொண்டு, ஐக்கிய நாடுகள் பாதுகாப்பு கவுன்சிலில் (United Nations Security Council (UNSC)) நிரந்தர இடத்தைப் பெற முயற்சிக்கும்போது, மற்ற நாடுகள் அதிகமாக எதிர்பார்க்கிறது.  இந்தியாவும் உலகில் ஒரு முக்கிய நாடாக இருக்க விரும்புகிறது. எனவே, அது ஒரு நிலைப்பாட்டை எடுக்கவோ அல்லது பார்வையாளராகவோ இருக்க விரும்பவில்லை. UNSC முடிவுகள் அதன் ஈடுபாடு இல்லாமல் நம்பகத்தன்மையைக் கொண்டிருக்கவில்லை என்று இந்தியா வாதிட்டால், அதே நிலை UNSCக்கு வெளியே எடுக்கப்படும் முடிவுகளுக்கும் பொருந்த வேண்டும்.


அதிபர் புதினின் அறிக்கை இந்தியப் பிரதமருக்கு தனது நன்றியைத் தெரிவிக்கிறது. கடந்த ஆண்டு, ரஷ்யாவிற்கு பயணம் செய்தபோது, ​​உக்ரைன் போர் நடந்து கொண்டிருந்த போதிலும், பிரதமர் மோடி ஒரு வலுவான அறிக்கையை வெளியிட்டார். ரஷ்யாவிற்கு எதிராக வாக்களிக்க வேண்டும் என்ற கடுமையான அழுத்தம் இருந்தபோதிலும், போர் குறித்த ஐ.நா. பாதுகாப்பு கவுன்சிலில் வாக்களிப்பதை இந்தியா தவிர்த்துள்ளது. இந்த முடிவு பல வளரும் நாடுகளை மிகவும் நடுநிலையான நிலைப்பாட்டை எடுக்க வழிவகுத்தது.


இது "இது போருக்கான நேரம் அல்ல" (“not an era of war”) என்றும் பிரதமர் மோடி ரஷ்ய அதிபரிடம் கூறினார். மேலும், அணு ஆயுதங்களைப் பயன்படுத்த வேண்டாம் என்று அவரை வலியுறுத்தினார். இருப்பினும், புதினின் அறிக்கை இந்தியா ஒரு பெரிய பங்கை ஏற்க நுட்பமாக ஊக்குவிக்கிறது என்று குறிப்பிட்டுள்ளது. ரஷ்யா மற்றும் உக்ரைன் ஆகிய இரு நாடுகளுடனும் நம்பகத்தன்மையுடன் பேசக்கூடிய சில நாடுகளில் இந்தியாவும் ஒன்றாகும். அதற்கு மேல் அவையில் இடம் கிடைக்க வேண்டாமா?



உலகளாவிய மீட்டமைப்பு உள்ளது


இந்தியா உலகளாவிய எதிர்பார்ப்புகளை பூர்த்தி செய்யாவிட்டால், அது துருக்கி, சவுதி அரேபியா அல்லது கத்தார் போன்ற நாடுகளிடம் செல்வாக்கை இழக்கிறது. ஐரோப்பா, மேற்கு ஆசியா, ஆப்பிரிக்கா மற்றும் தென் சீனக் கடல் போன்ற நாடுகளில் மோதல்களைத் தீர்ப்பதில் இந்த நாடுகள் முன்னணியில் உள்ளன. இவை இந்தியாவிற்கு முக்கியமான பகுதிகள் ஆகும்.


உதாரணமாக:


  • 2022ஆம் ஆண்டில், உக்ரைனும் ரஷ்யாவும் துருக்கியில் அமைதிப் பேச்சுவார்த்தைகளை நடத்தின.


  • சமீபத்தில், சவுதி அரேபியாவின் பல-சீரமைப்பு உத்தியுடன் இணைந்து, அமெரிக்கா ரஷ்யா மற்றும் உக்ரைனுடன் சவுதி அரேபியாவில் தனித்தனி பேச்சுவார்த்தைகளை நடத்தியது.


  • கிழக்கு காங்கோவில் போர்நிறுத்தம் குறித்து பேச்சுவார்த்தை நடத்த ருவாண்டா மற்றும் காங்கோ ஜனநாயகக் குடியரசுத் தலைவர்களுக்கு இடையே கத்தார் ஒரு சந்திப்பை நடத்தியது.


புவிசார் அரசியல் செல்வாக்கு மதிப்புமிக்கது. மேலும், எதிர்கால டிரம்ப் நிர்வாகம் இதை முன்பை விட அதிகமாக அங்கீகரிக்கக்கூடும். முன்னதாக, ஆப்கானிஸ்தான் குறித்த ட்ரோயிகா பிளஸ் (Troika Plus) பேச்சுவார்த்தைகளின் போதும், வங்கதேசம் பற்றிய விவாதங்களிலும், இந்தியா இந்தியாவின் சொந்த நிலையில் இருந்தாலும், அதன் இராஜதந்திர நட்பு நாடான அமெரிக்காவால் ஓரங்கட்டப்பட்டது.






மாற்றம் மற்றும் சீர்திருத்தத்திற்கான நேரம்


இந்தியாவிற்கு பிராந்தியக் கொள்கைகள் தேவை. ஏனெனில், அதன் அணுகுமுறை வெவ்வேறு நாடுகளுடன் இருதரப்பு உறவுகளைப் பேணுவதைத் தாண்டிச் செல்ல வேண்டும்.


உதாரணமாக:


  • இந்தியா மத்திய ஆசிய நாடுகளுடன் வலுவான உறவுகளை உருவாக்கியுள்ளது. ஆனால், ஒரு முக்கிய பிராந்தியக் குழுவான ஷாங்காய் ஒத்துழைப்பு அமைப்பில் (SCO) அதன் பங்கைக் குறைத்துள்ளது.


  • குறிப்பாக, இந்தியா பிராந்திய விரிவான பொருளாதாரக் கூட்டாண்மையில் (RCEP) சேர மறுத்த பிறகு கிழக்கு ஆசியாவிற்கும் அதிக கவனம் தேவை உருவாகியுள்ளது.


  • இப்போது சவால்களை எதிர்கொள்ளும் ஐரோப்பாவில் கவனம் செலுத்த சரியான நேரம்.


இந்தியா மேலும் எடுக்க வேண்டிய நடவடிக்கைகள்:


  • அதன் போட்டித்தன்மையை அதிகரிக்க உள் பொருளாதார சீர்திருத்தங்களை மேற்கொள்ள வேண்டும்.


  • அடுத்த அமெரிக்க நிர்வாகத்துடன் உறவுகளை வலுப்படுத்தக்கூடிய வர்த்தக ஒப்பந்தத்திற்கான அமெரிக்காவின் எதிர்பார்ப்புகளை பூர்த்தி செய்ய வேண்டும்.


இருப்பினும், உலகளாவிய மோதல்களில் தீவிரமாக இருப்பது என்பது இந்தியா ஒரு நடுநிலையராகச் செயல்பட வேண்டும். அதற்கு பதிலாக, உலகளாவிய அமைதி மற்றும் பாதுகாப்பில் இந்தியா ஒரு பங்கை வகிக்க தனது விருப்பத்தைக் காட்ட வேண்டும்.  அமெரிக்கா போன்ற பிற நாடுகள் இந்தியாவை அழைக்கும் வரை காத்திருப்பது புத்திசாலித்தனமாகத் தோன்றலாம். ஆனால், இந்தியா அதன் தயார்நிலையை தெளிவாகக் காட்டினால் மட்டுமே அவர்கள் அவ்வாறு செய்வார்கள்.


உதாரணமாக, சுதந்திரம் அடைந்த நான்கு ஆண்டுகளுக்குப் பிறகு, 1951-52ஆம் ஆண்டு ஐ.நா. பாதுகாப்பு கவுன்சிலில் கொரியப் போரில் இந்தியா முக்கியப் பங்கு வகித்தது.  இருப்பினும், அது ஒரு நடுநிலையராக இருக்கவில்லை. ஏழை நாடாக இருந்தபோதிலும், இந்தியா அதன் முயற்சிகளுக்காக அங்கீகரிக்கப்பட்டு நடுநிலை நாடுகள் திருப்பி அனுப்பும் ஆணையத்தின் தலைவராக நியமிக்கப்பட்டது. சமீபத்தில், ஐ.நா. பாதுகாப்பு கவுன்சிலில் (2021-22) இருந்த காலத்தில், இந்தியா பல்வேறு கண்ணோட்டங்களுக்கு இடையே ஒரு பாலமாக செயல்பட்டது.


எனவே, ஒரு ‘ட்ரம்பியன்’ உலகில், பழைய மற்றும் புதிய பெரிய சக்திகளுக்கு ஆதரவாக உலக ஒழுங்கு வடிவம் பெறுவதால், புவிசார் அரசியல் பதட்டங்கள் அதிகரிக்கும் நிலையில், பொருளாதார வளர்ச்சியையும் அரசியலையும் தனித்தனியாக நாம் பார்க்கக்கூடாது. அதற்கு பதிலாக, சிறந்த நன்மைகளைப் பெற இந்தியா பல சீரமைப்பு உத்தியைப் பின்பற்ற வேண்டும்.  டிரம்ப் 2.0 காலகட்டத்தை இந்தியா பயன்படுத்திக் கொண்டு தனது நிலையை வலுப்படுத்தவும், மாறிவரும் உலக ஒழுங்கை வடிவமைப்பதில் முக்கியப் பங்கு வகிக்கவும் வேண்டும்.


டி.எஸ். திருமூர்த்தி ஐக்கிய நாடுகள் சபைக்கான இந்தியாவின் தூதர்/நிரந்தர பிரதிநிதி மற்றும் ஆகஸ்ட் 2021ஆம் ஆண்டுக்கான ஐநா பாதுகாப்பு கவுன்சிலின் தலைவராக இருந்தார்.


Original article:

Share: