இந்தியாவில் பிரதான் மந்திரி உஜ்வாலா யோஜனா (PMUY) திட்டத்தின் செலவு-செயல்திறன் பகுப்பாய்வு

 இந்தியாவின் 80 மில்லியன் ஏழை கிராமப்புற குடும்பங்களுக்கு சமையல் எரிவாயு வழங்குவதற்காக 2016-ல் தொடங்கப்பட்ட பிரதான் மந்திரி உஜ்வாலா யோஜனா (Pradhan Mantri Ujjwala Yojana (PMUY)) திட்டத்தை இது பகுப்பாய்வு செய்கிறது. இது, பாரம்பரிய பொருளாதார நடவடிக்கைகளுக்கு அப்பால் இந்த திட்டத்தை பகுப்பாய்வு செய்வதற்கும், மக்களின் ஒட்டுமொத்த வாழ்க்கைத் தரத்தில் முன்னேற்றங்களை உள்ளடக்கிய கவனத்தை விரிவுபடுத்துவதற்கும் இது நல்வாழ்விற்கான பகுப்பாய்வு கட்டமைப்பைப் பயன்படுத்துகிறது. நிலக்கரி மற்றும் விறகு போன்ற மாசுபடுத்தும் எரிபொருட்களைப் பயன்படுத்தும் வழக்கமான சமையல் முறைகளைச் சார்ந்திருப்பதைக் குறைப்பதற்கும், பரவலாக ஏற்றுக்கொள்ளப்பட்ட சமூக விதிமுறைகள் காரணமாக, சமையலறையில் அதிக நேரம் செலவிடும் பெண்களின் அதிக வேலைப்பளுவைக் குறைப்பதற்கும் இந்த புதிய கொள்கை முயற்சி உருவாக்கப்பட்டது. இது, WELLBY (நல்வாழ்வு-ஆண்டுகள் : Wellbeing-Years) கணக்கீடுகள் மூலம் PMUY-ன் செலவு-செயல்திறனை (cost-effectiveness) சுருக்கமாக மதிப்பிடுகிறது. இது கொள்கை வகுப்பாளர்களுக்கான நல்வாழ்வு சார்ந்த திட்டமிடல் கட்டமைப்பிற்கான (well-being-driven planning framework) சாத்தியமான தரப்படுத்தலைக் காட்டுகிறது.

நிலக்கரி மற்றும் விறகு போன்ற மாசுபடுத்தும் எரிபொருட்களை நம்பியிருக்கும் கிராமப்புற குடும்பங்களுக்கு சுத்தமான சமையல் எரிபொருளை வழங்கவும், கூடுதல் வேலைவாய்ப்பை உருவாக்கவும், புதைபடிவ எரிபொருள் பயன்பாட்டைக் குறைக்கவும் இந்திய அரசு 2016-ம் ஆண்டில் PMUY-ஐ (பிரதமரின் முதன்மைத் திட்டம்) தொடங்கியது. கிராமப்புற பெண்களின் ஆரோக்கியத்தை மேம்படுத்தவும், அவர்களின் அதிகாரமளிப்பை மேம்படுத்தவும் 2020-ம் ஆண்டுக்குள் 80 மில்லியன் குடும்பங்களுக்கு இலவச எரிவாயு இணைப்புகளை வழங்குவதே இந்த திட்டத்தின் நோக்கமாகும். இந்தத் திட்டம் தொடங்குவதற்கு முன்பு, இந்தியாவின் மக்கள் தொகையில் சுமார் 22% சுமார் 270 மில்லியன் மக்கள்  வறுமைக் கோட்டிற்குக் கீழே வாழ்ந்தனர். அவர்களில் சுமார் 80% பேர் கிராமப்புறங்களில் இருந்தனர். அங்கு சமையல் நிலக்கரி, விறகு மற்றும் மாட்டு சாணத்தை நம்பியிருந்தது. இந்தத் திட்டம் தொடங்கப்பட்ட நேரத்தில், உலக சராசரியான 38% உடன் ஒப்பிடும்போது, இந்த 64% மக்கள் சுத்தமான சமையல் ஆதாரங்களை அணுகவில்லை. பெண்கள் விறகு சேகரிக்க நீண்டதூரம் நடந்து சென்று, பின்னர் புகை நிறைந்த சமையலறைகளில் மணிக்கணக்கில் செலவிடுவார்கள். இதனால் அவர்கள் சுகாதார அபாயங்கள், தீ விபத்துகள் மற்றும் எரிவாயு இணைப்புகளின் கட்டுப்படியாகாத செலவு காரணமாக மோசமான வாழ்க்கைத் தரத்தை எதிர்கொள்ள நேரிடும்.

இந்தத் திட்டத்தின் கீழ், வீட்டில் உள்ள ஒரு பெண்ணின் (adult woman) பெயரில் எரிவாயு இணைப்பு வழங்கப்பட்டது. இது பெண்களை மையமாகக் கொண்ட மற்றும் உள்ளடக்கிய அணுகுமுறையை உறுதி செய்தது. இந்தத் திட்டம் பெட்ரோலியம் மற்றும் இயற்கை எரிவாயு அமைச்சகத்தால் செயல்படுத்தப்பட்டது. எண்ணெய் சந்தைப்படுத்தல் நிறுவனங்கள் ஆரம்ப இணைப்பிற்குப் பிறகு அடுப்புகள் மற்றும் எரிவாயு நிரப்புதல்களை வாங்குவதற்கு வட்டியில்லா கடன்களை வழங்க வேண்டும் என்று கட்டளையிட்டன. முழு நிர்வாகச் செலவையும் அரசாங்கமே ஏற்றுக்கொண்டது. மாநில அளவிலான கண்காணிப்புடன் திறம்பட செயல்படுத்தப்படுவதை உறுதி செய்தது. இதற்கு ஆரம்பகால பட்ஜெட் ₹80,000 கோடி ஒதுக்கப்பட்டது. மேலும், அடுப்புகள் மற்றும் சிலிண்டர்களைப் பாதுகாப்பாகக் கையாள்வதில் விழிப்புணர்வை ஏற்படுத்தவும் பெண்களுக்கு பயிற்சி அளிக்கவும் தகவல்முகாம்கள் (Information camps) ஏற்பாடு செய்யப்பட்டன.

Original article:

Cost-effectiveness analysis of the Pradhan Mantri Ujjwala Yojana (PMUY) in India

Read More →

பிராந்திய விரிவான பொருளாதாரக் கூட்டாண்மை (RCEP) என்றால் என்ன? -ரோஷ்னி யாதவ்

 முக்கிய அம்சங்கள் :

RCEP ஒப்பந்தத்திற்கான ஏற்பாடுகள் மற்றும் ஒப்பந்தத்திலிருந்து இந்தியா கடைசி நிமிடத்தில் கைவிடுவது ஆகியவை முழு வட்டத்திற்குள் வருவதாகத் தெரிகிறது. இந்தியா-அமெரிக்க வர்த்தக பேச்சுவார்த்தைகள் 50 சதவீத சுங்க வரியின் விளைவாக சிரமங்களை எதிர்கொள்கின்றன. இதில், பால் மற்றும் விவசாயத் துறைகள் மற்றும் மரபணு மாற்றப்பட்ட பயிர்களின் (GM crops) பிரச்சினையும் சில கருத்து வேறுபாட்டின் முக்கிய அம்சமாகும். இந்த வேறுபாட்டின் பிரச்சனையின் விளைவாக சமரசம் செய்யமாட்டேன் என்று இந்தியா உறுதியாக உள்ளது. ஏனெனில், அவ்வாறு செய்வதற்கான அரசியல் செலவு அதிகமாக இருக்கும்.

ஒப்பந்தத்திற்கான பேச்சுவார்த்தைகள் ஆக்கப்பூர்வமாக இருந்தபோதும், ஜூன் மாதம் இறுதிக்குள் இந்தியாவில் ஒரு ஒப்பந்தம் நெருக்கமாக இருப்பதாக தெளிவான உணர்வு இருந்தபோதிலும், அதன்பிறகு ஒப்பந்தத்திற்கான நிகழ்வுகள் சரிவைச் சந்தித்தன. தி இந்தியன் எக்ஸ்பிரஸ் அறிக்கையின்படி, "இராஜதந்திர மற்றும் வர்த்தகம் அல்லாத பிரச்சனைகள்" (Diplomatic and non-trade issues) இந்த ஒப்பந்தத்தை திறம்பட முடக்கியுள்ளன.

இதற்கிடையில், அமெரிக்க அதிபர் டொனால்ட் டிரம்ப் இந்தியா மீது அழுத்தத்தை அதிகரித்துள்ளார். முக்கிய வரிவிதிப்பு ஒப்பந்தத்தைப் (headline tariff deal) பெறுவதற்கு முதன்மையான பல நாடுகள் செய்ததைப்போல், விட்டுக்கொடுக்காமல், இந்தியா தனது நிலைப்பாட்டில் உறுதியாக இருப்பதால் இது முக்கியமானதாகப் பார்க்கப்படுகிறது. வாஷிங்டன் டிசி-யில் ஏற்பட்ட  ஏமாற்றத்தால் பேச்சுவார்த்தையில் முன்னேற்றம் இல்லா பங்கைக் கொண்டிருந்தது. டிரம்ப் கூறிய சில கூற்றுகளை இந்தியா நிராகரித்தது, இருநாட்டு இராஜதந்திர பிரச்சினைகளின் உறவுகளில் சரிவுக்கு பங்களித்தன.

இப்போது இந்தியாவின் ஏற்றுமதிகளுக்கு அமெரிக்காவில் 50 சதவீத வரி விதிக்கப்பட்டிருப்பது உண்மையாகி, குறைந்தபட்சம் இன்றைய நிலவரப்படி, இந்த வரியின் தாக்கத்தின் உண்மையான செலவை இந்தியாவின் பார்வையில் கணிக்க முடியும். இதுவரையிலான நிச்சயமற்ற தன்மை, வரிகளை விட பெரிய பிரச்சனையாக இருந்தது. போட்டித்தன்மையை இழப்பதை விட, இந்த உயர்ந்த வரிகள் இந்தியாவை சீனாவுக்கு மாற்றாக ஒரு சாத்தியமான மாற்று வழியாக நிலைநிறுத்துவதை பாதிக்கலாம், இது ஏற்கனவே புது தில்லியை மொபைல் கைபேசிகள் போன்ற உயர் மதிப்பு இணைப்பில் போட்டி பங்களிப்பாளராக உருவாக்க உதவியுள்ளது.

இந்தியா மீது அதிக வரிகளை விதிப்பது என்பது டிரம்பின் பேச்சுவார்த்தை திட்டங்களில் ஒன்றாகும். இது தொடர்ந்து ஒரு முறையைப் பின்பற்றி வருகிறது. இதற்கான மறுபக்கத்தை சாதகப்படுத்த ஒரு பெரிய வரிவிதிப்பு எண்ணை அறிமுகப்படுத்தி, பேச்சுவார்த்தையின் மூலம் செல்வாக்கு பெற அழுத்தத்தைப் பயன்படுத்துகிறார். 

தெளிவாக, முந்தைய பேச்சுவார்த்தைகளை தொடரும் அதே வேளையில், வரிவிதிப்பின் தாக்கத்தை சமாளிக்க இந்தியாவால் ஒரு முடிவு எடுக்கப்பட்டுள்ளது.  மேலும், இந்த இரண்டாம் நிலை வரிவிதிப்புகள், உக்ரைன் போருக்கு நிதியளிக்கும் ரஷ்ய எண்ணெய் கொள்முதல் என்ற கருத்துடன் அதிகாரப்பூர்வமாக இணைக்கப்படும் அதே வேளையில், ரஷ்யாவை குறைவாகவும், இந்தியாவை அதிகமாகவும் இலக்காகக் கொண்டதாகத் தெரிகிறது.

இந்தியா மீதான தாக்கத்தைப் பொறுத்தவரை, அமெரிக்கா இந்தியாவின் மிகப்பெரிய ஏற்றுமதி சந்தையாக இருக்கும் போது, மருந்துகள் மற்றும் மின்னணு பொருட்கள் போன்ற துறைகள் உட்பட இந்திய ஏற்றுமதியில் கிட்டத்தட்ட நான்கில் ஒரு பகுதியானது, அமெரிக்காவிற்குள் நுழையும்போது சலுகை வரி தாக்கத்தை (concessional duty impact) ஏற்படுத்துகிறது.

விவசாய வர்த்தகம் மற்றும் பால் உற்பத்தியில் இந்தியாவின் கடுமையான வரம்புகளைக் கருத்தில் கொண்டு, இந்தியா அதற்கு ஈடாக ஏதாவது வழங்கத் தயாராக இருந்தது. ஜப்பான் அரிசி மீதான சலுகைகளை வழங்குவதன் மூலம் இதேபோன்ற ஒன்றைச் செய்திருந்தது, அதே நேரத்தில் அதன் ஆட்டோமொபைல் துறைக்கு நல்ல ஒப்பந்தத்தைப் பெற்றது. பெரிய, அதிக மதிப்புள்ள கொள்முதல்களில் சலுகைகளை வழங்க இந்தியா தயாராக இருப்பதாகக் காட்டியது. இந்த கொள்முதல்களை அதன் கட்டண நிர்ணய தொகுப்பின் ஒரு பகுதியாக அமெரிக்கா விரும்பியது. மேலும், பாதுகாப்பு உபகரணங்கள், இயற்கை எரிவாயு இறக்குமதி மற்றும் அணு உலைகள் ஆகிய மூன்று முக்கிய பெரிய பொருட்களை அமெரிக்காவிடமிருந்து வாங்கத் தயாராக இருப்பதாக இந்தியா கூறியுள்ளது. 

ஆட்டோமொபைல்கள் போன்ற குறிப்பிட்ட துறைகளில், கடந்த வாரம் கையொப்பமிடப்பட்ட UK வர்த்தக ஒப்பந்தத்தில் செய்ததைப் போலவே, பல ஆண்டுகளாக அந்தத் துறையில் சந்தைக்கான அணுகலை படிப்படியாகத் திறக்கும் ஒரு ஒதுக்கீட்டு முறைக்கு இந்தியா தனது வெளிப்படைத்தன்மையைத் (openness) தெரிவித்துள்ளது.

உங்களுக்கு தெரியுமா? 

அமெரிக்க ஜனாதிபதி டொனால்ட் ட்ரம்ப் இந்தியாவின் மீதான வரி விதிப்பை 50 சதவீதமாக இரட்டிப்பாக்கியிருக்கலாம், ஆனால் இந்தியா இதனால் பதற்றமடையவோ அல்லது அதிகமாக கவலைப்படவோ இல்லை; மாறாக, அரசாங்கம் அடுத்த சில வாரங்களுக்கு அல்லது அதற்கு மேலும் பொறுமையாக காத்திருக்கத் தயாராக இருப்பதாகத் தெரிகிறது — அவரது அதிகரிக்கும் எரிச்சலை அமைதியாக இருந்து கையாள முடிவு செய்துள்ளது.

அதே நேரத்தில், ட்ரம்ப் இந்தியாவை ரஷ்யாவுடன் வர்த்தகம் செய்யக் கூடாது அல்லது பிரிக்ஸ் (BRICS) அமைப்பிலிருந்து விலக வேண்டும் என்று கூற முடியாது என்று தெளிவான முடிவு எடுத்துள்ளது.

Original article:

What is Regional Comprehensive Economic Partnership (RCEP)? -Roshni Yadav

Read More →

மேக வெடிப்புகளுக்கும் திடீர் வெள்ளப்பெருக்குகளுக்கும் என்ன தொடர்பு? -குஷ்பூ குமாரி

 முக்கிய அம்சங்கள்:

• கனமழையால் நிலச்சரிவுகள் அல்லது மண்சரிவுகள் ஏற்பட்டு, ஏராளமான குப்பைகள் ஆறுகள் அல்லது ஓடைகளில் தள்ளப்படும்போது திடீர் வெள்ளப்பெருக்குகள் பொதுவாக நிகழ்கின்றன. இந்த வேகமாக நகரும் நீர் மற்றும் குப்பைகள் கட்டிடங்கள், தாவரங்கள் மற்றும் சாலைகளை அழிக்கக்கூடும்.

• ஆனால், தாராலிக்கு அருகிலுள்ள Kheer Ganga-வில் திடீர் வெள்ளப்பெருக்குக்கு ஏற்பட என்ன காரணம் என்பது இன்னும் தெளிவாகத் தெரியவில்லை.

• பழமையான பனிப்பாறை நிபுணர் ஒருவர், மேல்நோக்கி உருவாகியிருக்கக்கூடிய பனிப்பாறை ஏரியில் உடைப்பு ஏற்படுவதற்கான சாத்தியக்கூறுகளை பரிந்துரைத்துள்ளார். பனிப்பாறை பனி உடைப்புகள் திடீர் வெள்ளத்தைத் அதிகரிக்க செய்யும் என்றாலும், அத்தகைய நிகழ்வு ஏற்படுவது இந்த விஷயத்தில் இன்னும் உறுதிப்படுத்தப்படவில்லை.

• கனமழை, நிலச்சரிவுகள் மற்றும் திடீர் வெள்ளம் எப்போதும் ஒன்றாக நடப்பதில்லை.

• அனைத்து மேக வெடிப்பு (cloudburst) போன்ற நிகழ்வுகளும் திடீர் வெள்ளம் அல்லது பேரழிவை ஏற்படுத்துவதில்லை. மேலும், அனைத்து திடீர் வெள்ள பெருக்குகளும் கடுமையான மழையால் அதிகரிப்பதும் இல்லை.

• வெள்ளப்பெருக்கு போன்ற நிலை உருவாக, பல காரணிகள் ஒன்றிணைய வேண்டும். பெரும்பாலான சந்தர்ப்பங்களில், கனமழைக்குப் பிறகு நிலச்சரிவு அல்லது சேறு புரள்வது ஆறுகளில் வெள்ளப்பெருக்குக்கு வழிவகுக்கிறது. ஆனால், மிக அதிகமான மழைப்பொழிவு எப்போதும் நிலச்சரிவை ஏற்படுத்துவதில்லை – மேலும், நிலச்சரிவு ஏற்பட்டாலும், அந்த இடிபாடுகள் எப்போதும் ஆறு அல்லது நீரோடையில் சென்று சேருவதில்லை.

• மேலும், இது நிகழும் இடம் எப்போதும் குவிந்திருக்கும் பொருளின் வலிமையான கீழ்நோக்கிய பயணத்தை எளிதாக்கும் அளவுக்கு செங்குத்தான சரிவில் இருக்க வேண்டிய அவசியமில்லை.

• மீண்டும், புயல் மழை வெள்ளத்தை ஏற்படுத்துவதற்கு நிலச்சரிவு அவசியமில்லை. சில சமயங்களில், மிக அதிகமான மழை மட்டுமே இதற்கு காரணமாக இருக்கலாம்.

• சில நேரங்களில், பனியாற்றின் ஒரு பகுதி உடைந்து ஆற்றில் விழுந்தால், புயல் மழை வெள்ளம் ஏற்படலாம். உதாரணமாக, 2021ஆம் ஆண்டு உத்தரகாண்டின் சமோலி மாவட்டத்தில், பனி உடைந்ததை அடுத்து ரிஷிகங்கா மற்றும் தவுலிகங்கா ஆறுகளில் திடீரென 3-4 மில்லியன் கன மீட்டர் நீர் வெளியேறியது.

• சில சமயங்களில், குறைந்த தீவிரமான மழை கூட புயல் மழை வெள்ளத்தைத் தூண்டலாம். இது, அந்தப் பகுதி ஏற்கனவே மிகவும் பலவீனமாக இருந்தால், அல்லது மலைப்பகுதிகளில் அரிப்பு ஏற்பட்டு, மண் நீரை உறிஞ்ச முடியாத அளவுக்கு நனைந்திருந்தால் நிகழலாம்.

• இத்தகைய சூழ்நிலைகளில், சிறிய அளவு மழை கூட நிலச்சரிவு அல்லது புயல் மழை வெள்ளத்தைத் தூண்டலாம்.

• தராலி நிகழ்வு, இத்தகைய நிகழ்வுகளுக்கு முன்கூட்டிய எச்சரிக்கை அமைப்புகளை உருவாக்குவதில் உள்ள சிரமங்களை விளக்குகிறது.

• கனமழை நிகழ்வுகளை பல நாட்களுக்கு முன்பே நம்பகத்தன்மையுடன் கணிக்க முடியும், மேலும் நிலச்சரிவுகளை கணிக்கும் முயற்சிகள் தொடர்ந்து முன்னேறி வருகின்றன, ஆனால் இத்தகைய நிகழ்வுகள் புயல் மழை வெள்ளத்தில் முடிவடையுமா என்பதைக் கணிப்பது மிகவும் கடினமாக உள்ளது.

• ஆனால், சில தணிப்பு நடவடிக்கைகளை நிச்சயமாக எடுக்கலாம். இதில், ஆற்றங்கரைகளுக்கு அருகில் கட்டுமானப் பணிகளைத் தவிர்ப்பது, கிராமங்கள் மற்றும் மக்களை ஆறுகளிலிருந்து சற்று தொலைவில் மாற்றுவது, மற்றும் பெரிய பாறைகள் மற்றும் கட்டுமானக் கழிவுகளை ஆறுகளில் எளிதில் அடித்துச் செல்லப்படாத வகையில் சேமித்து அகற்றுவது ஆகியவை அடங்கும்.

உங்களுக்குத் தெரியுமா:

• மேக வெடிப்பு (cloudburst) வானிலை அறிவியலில் ஒரு குறிப்பிட்ட வரையறையைக் கொண்டுள்ளது. ஒரு சிறிய பகுதி, தோராயமாக 10 கிமீ x 10 கிமீ அளவுள்ள இடத்தில், ஒரு மணி நேரத்தில் குறைந்தது 100 மிமீ மழை பெய்தால், அதை இந்திய வானிலை ஆய்வு மையம் ஒரு தீவிர மழைப்பொழிவு நிகழ்வை மேக வெடிப்பு என்று வகைப்படுத்துகிறது.

• அதன் வரையறையின்படி, மேக வெடிப்பு என்பது ஒரு செறிவூட்டப்பட்ட, உள்ளூர்மயமாக்கப்பட்ட நிகழ்வாகும். இந்த காரணத்திற்காக, அந்த சிறிய பகுதியில் மழையை அளவிடும் சாதனங்கள் இல்லாவிட்டால், மேக வெடிப்பு சில நேரங்களில் பதிவு செய்யப்படாமல் போகலாம்.

• மேக வெடிப்பு நிகழ்வின்போது மிக அதிக தீவிரம் கொண்ட மழைப்பொழிவு நிலச்சரிவுக்கான வாய்ப்புகளை அதிகரிக்கிறது. மேக வெடிப்பு போன்ற நிகழ்வுகள், அதன் வரையறையின் குறிப்பிட்ட சொற்களில் அவை மேக வெடிப்பாக தகுதி பெறாவிட்டாலும், பெரும்பாலும் மலைபிரதேசம் அதிகம் உள்ள மாநிலங்களில் திடீர் வெள்ளத்திற்கு காரணமாகின்றன. இமாச்சலப் பிரதேசத்தில் சமீபத்திய சம்பவங்களில் பல மேக வெடிப்பு போன்ற நிகழ்வுகளால் ஏற்பட்டன.

• ஆனால் மீண்டும், உத்தரகாசியைப் பொறுத்தவரை, தொலைதூர இடங்களில்கூட இதுபோன்ற ஒரு நிகழ்வு நடந்ததற்கான எந்த அறிகுறியும் இல்லை.

• இமயமலைகள் பலவீனமான பாறைகளைக் கொண்ட இளமையான மலைகளாகும். எனவே, ஆரவல்லிகள் போன்ற பழைய மலைகளுடன் ஒப்பிடும்போது அவற்றில் நிலச்சரிவுகள் அல்லது திடீர் வெள்ளப்பெருக்கு ஏற்படுவதற்கான வாய்ப்புகள் அதிகம்.

• இமயமலையும் நிலநடுக்கத்திற்கு ஆளாகும் தன்மை கொண்டது. தொடர்ச்சியான நில அதிர்வு செயல்பாடுகள், அதிக மழை பெய்யும் பட்சத்தில் இப்பகுதியை மேலும் பாதிக்கக்கூடியதாக ஆக்குகின்றன. பெரிய அளவிலான கட்டுமான நடவடிக்கைகள் மற்றும் அதிக அளவிலான வாகனப் போக்குவரத்தும் இதற்கு பங்களிக்கும் காரணிகளாகும்.

• தேசிய பேரிடர் மேலாண்மை ஆணையத்தின் (National Disaster Management Authority (NDMA)) கூற்றுப்படி, இந்து குஷ் இமயமலையின் பெரும்பாலான பகுதிகளில் நிகழும் காலநிலை மாற்றத்தின் விளைவாக பனிப்பாறைகள் பின்வாங்குவது ஏராளமான புதிய பனிப்பாறை ஏரிகளை உருவாக்கியுள்ளது, இதன் உடைப்புகள் பனிப்பாறை ஏரி வெடிப்பு வெள்ளங்களை (Glacial Lake Outburst Floods (GLOFs)) ஏற்படுத்தும்.

• ஒரு பனிப்பாறை அல்லது பலவீனமான இயற்கை அணையால் தடுத்து நிறுத்தப்பட்ட ஒரு பெரிய அளவிலான நீர் திடீரென உடைந்து வெளியேறும்போது பனிப்பாறை ஏரி வெடிப்பு வெள்ளம் (GLOF) ஏற்படுகிறது. பனிப்பாறைகள் உருகும்போது, பனி, மணல் மற்றும் பாறைகளால் ஆன இந்த இயற்கை அணைகளுக்குப் பின்னால் உள்ள ஏரிகளில் தண்ணீர் தேங்குகிறது. அணை உடைந்தால், அது திடீர் மற்றும் ஆபத்தான வெள்ளத்தை ஏற்படுத்துகிறது.

Original article:

What is the relationship between cloudbursts and flashfloods? -Khushboo Kumari

Read More →

அனைவருக்குமான சுகாதாரத்திற்கான முதல் படி: நோய்க்கண்டறிதலை அணுகக்கூடியதாகவும் மலிவானதாகவும் ஆக்குங்கள் -கே. ஸ்ரீநாத் ரெட்டி

 முதன்மை மற்றும் இரண்டாம் நிலை சுகாதார அமைப்புகளுக்கு பரிசோதனை உபகரணங்களை வழங்குவதைத் தாண்டி, பரிசோதனைகளை செய்வதற்கும் முடிவுகளை விளக்குவதற்கும் தொழில்நுட்பத் திறனை உருவாக்க வேண்டிய அவசியம் உள்ளது.

ஒரு நோயின் துல்லியமான நோய்க்கண்டறிதல், பயனுள்ள சிகிச்சையின் தேர்வு மற்றும் சரியான முறையில் வழங்குவதற்கு முன்பு இருக்க வேண்டும். இத்தகைய நோயறிதல் பொதுவாக நன்கு பதிவுசெய்யப்பட்ட மருத்துவ வரலாறு, கவனமாக மருத்துவ பரிசோதனை மற்றும் ஆரம்ப நோயறிதலை உறுதிப்படுத்தும் அல்லது மாற்றும் ஆய்வக சோதனைகளின் தொகுப்பை அடிப்படையாகக் கொண்டது. இத்தகைய சோதனைகள் பெரும்பாலும் நோயின் சாத்தியமான போக்கை முன்னிறுத்தலாம். நோயறிதல் சோதனைகளுக்கான அணுகல் இல்லாததால், பாதிப்பை தாமதமாகவோ அல்லது தவறாகவோ அடையாளம் காணலாம். இது தவறான நேரத்தில் அல்லது தவறாக வழிநடத்தப்பட்ட சிகிச்சை அணுகுமுறைகளுக்கு வழிவகுக்கும்.

2017ஆம் ஆண்டின் தேசிய சுகாதாரக் கொள்கையிலும், ஐ.நா.வின் நிலையான வளர்ச்சி இலக்குகளில் (Sustainable Development Goals (SDGs)) கையொப்பமிட்ட நாடாகவும் இந்தியா உறுதியளித்துள்ள அனைவருக்குமான சுகாதாரக் காப்பீடு (Universal health coverage (UHC)), அதிக அளவிலான சேவை பாதுகாப்பு மற்றும் நிதிப் பாதுகாப்பைக் கோருகிறது. நோயாளிகள் மற்றும் அவர்களது குடும்பத்தினரின் மொத்த செலவில் 60 சதவீதத்திற்கும் மேலாக வெளிநோயாளி பராமரிப்புக்கு செலவிடப்படுகிறது. மக்கள் மருந்து, பரிசோதனைகள் மற்றும் போக்குவரத்துக்கு பணத்தை செலவிடுகிறார்கள். மருத்துவமனையில் தங்குவதற்கு மட்டுமே சுகாதார காப்பீடுகள் பணம் செலுத்துகிறது. உள்ளூர் பொது சுகாதார மையங்களில் போதிய பரிசோதனை வசதிகள் இல்லாததால், மக்களுக்கு குறைவான பராமரிப்பும் குறைவான நிதி உதவியும் கிடைக்கிறது. 

இந்தியாவின் தனியார்துறை பரந்த அளவிலான நோய்க்கண்டறியும் சேவைகளை வழங்கும்போது, அவை நகர்ப்புற ஏழைகள் அல்லது ஊரக மக்களின் பரந்த பிரிவுகளின் எளிய அணுகலில் இல்லை. மொபைல் கிளினிக்குகள் மற்றும் சோதனை சாதனங்கள் போன்ற தனியார் சேவைகள் தொலைதூரப் பகுதிகளை அடைய முயற்சித்தாலும், பல கிராமப்புறங்களும் நகரங்களில் உள்ள ஏழை மக்களும் இன்னும் சோதனைகள் மற்றும் பரிசோதனைகளுக்கு அரசாங்க சுகாதார சேவைகளை நம்பியுள்ளனர். உள்ளூர் சுகாதார மற்றும் நல்வாழ்வு மையங்கள் ஆயுஷ்மான் பாரத் சுகாதார, (ஆரோக்கிய மையங்கள் மற்றும் ஆரம்ப சுகாதார மையங்களில்) - பரிசோதனை மற்றும் நோயறிதல் சேவைகள் இல்லத்திற்கு அருகிலேயே கிடைத்தால் மட்டுமே அனைவருக்குமான சுகாதார பாதுகாப்பு (Universal health coverage (UHC)) நன்றாக வேலை செய்யும்.

ஒவ்வொரு பராமரிப்பு நிலையிலும் வழங்கப்பட வேண்டிய நோய்க்கண்டறியும் சேவைகளின் தன்மை மற்றும் வரம்பை முடிவு செய்யும்போது, காலப்போக்கில் முன்னுரிமை சுகாதாரப் பிரச்சினைகளின் மாறும் பட்டியலுக்கு கவனம் செலுத்த வேண்டும். மக்கள்தொகை, சமூக-பொருளாதார, சுற்றுச்சூழல் மற்றும் ஊட்டச்சத்து மாற்றங்கள் இந்தியா முழுவதும் நிகழ்ந்து கொண்டிருக்கையில், தொற்று நோய்கள் பிடிவாதமாக நீடித்துக் கொண்டிருக்கும் அதே நேரத்தில், தொற்றா நோய்கள் (non-communicable diseases (NCDs)) அதிகரித்து வரும் விகிதங்கள் அதிக கவனத்தை கோருகின்றன. இருதய நோய்கள் மற்றும் நீரிழிவு நோய்களும் இப்போது காசநோய் மற்றும் மலேரியாவுடன் சேர்ந்து ஆரம்பகால மற்றும் துல்லியமான நோய்க்கண்டறியும் மதிப்பீட்டிற்கு தகுதி பெறுகின்றன.

நவீன மருத்துவத்தில் நோயறிதல் கருவிகளில் குறிப்பிடத்தக்க முன்னேற்றங்கள் ஏற்பட்டுள்ளன. சோதனைகள் மற்றும் படம் உருவாக்குதல் (Imaging) புதிய தொழில்நுட்பம், நோயறிதல்களை மிகவும் துல்லியமாக்கியுள்ளது. இந்தக் கருவிகளில் சிலவற்றை அடிப்படை சுகாதார அமைப்புகளில் (primary care settings) பயன்படுத்தலாம். தொலை-கதிர்வீச்சு மருத்துவம் (Tele-radiology), (தொலைதூர நோயியல் பரிசோதனை (Tele-pathology)  மற்றும் தொலை- மருத்துவ பரிசோதனை (Tele-diagnostics) போன்ற மருத்துவ பரிசோதனைகள்), முதன்மை பராமரிப்பு மருத்துவர்களை மேம்பட்ட மருத்துவமனைகளில் உள்ள நிபுணர்களுடன் இணைக்கின்றன. ஆரம்ப சுகாதார மையங்களில் இப்போது அரை தானியங்கி சோதனை (semi-auto analysers) இயந்திரங்கள் உள்ளன. மேலும், மாவட்ட மருத்துவமனைகளில் சிறந்த படம் உருவாக்குதல் உபகரணங்கள் உள்ளன.

ஒரு சுகாதார அமைப்பு முழுவதும் நோய்க்கண்டறியும் பரிசோதனைகளைப் பயன்படுத்தும்போது, செலவு-பயன்பாடும் கணக்கில் எடுத்துக்கொள்ளப்பட வேண்டும். பல பரிசோதனைகள் கிடைக்கும்போது, அவற்றில் எவை அதிகபட்ச நோய்க்கண்டறியும் பலனை அளிக்கும்? நோய்க்கண்டறியும் துல்லியம் மற்றும் சரியான மருத்துவ முடிவெடுப்பதில் தொழில்நுட்ப ரீதியாக மேம்பட்ட அதிக விலை கொண்ட சோதனை, குறைந்த விலை மற்றும் எளிதாக செய்யப்படும் சோதனைக்கு எவ்வளவு அதிகரிக்கும் மதிப்பைச் சேர்க்கும்? பல சோதனைகளில் எது தொடர்ச்சியாக செய்யப்பட வேண்டும். எது ஒரே நேரத்தில் இயங்க வேண்டும்? அரசாங்கத்தால் வழங்கப்படும் நோயறிதல் வழிமுறைகள் இதுபோன்ற கேள்விகளுக்கு ஆதார அடிப்படையிலான வழிகாட்டுதல்களை வழங்க வேண்டும். இந்திய மருத்துவ ஆராய்ச்சிக் கழகம் (Indian Council of Medical Research (ICMR)) இந்த முயற்சியை வழிநடத்த வேண்டும்.

2019-ஆம் ஆண்டு முதல் மறு செய்கைக்குப் பிறகு, இந்திய மருத்துவ ஆராய்ச்சிக் கழகத்தால், சமீபத்தில் திருத்தப்பட்ட தேசிய அத்தியாவசிய நோயறிதல் பட்டியல் (National List of Essential Diagnostics (NLED)), நாட்டில் தொற்றுநோயியல் மற்றும் தொழில்நுட்ப மாற்றங்களை கணக்கில் எடுத்துக்கொள்கிறது. முதன்மை மருத்துவத்தின் முன்னணியில் நோயறிதல் சேவைகளின் நோக்கத்தை மேம்படுத்துவதற்கான தீவிர முயற்சியும் மேற்கொள்ளப்படுகிறது. நாடு முழுவதும் நீரிழிவு மற்றும் நீரிழிவுக்கு முந்தைய நோயாளிகளின் எண்ணிக்கை கோடிக்கணக்கில் அதிகரித்து வருவதால், மூன்றுமாத இரத்த சர்க்கரையின் சுயவிவரத்தை வழங்க HbA1C அளவை மதிப்பிடுவதற்காக ஆரம்ப சுகாதார மைய   (Primary Health Centre (PHC)) மட்டத்தில் இரத்த மாதிரிகள் சேகரிக்கப்பட வேண்டும் என்று இந்திய மருத்துவ ஆராய்ச்சிக் கழகம் பரிந்துரைக்கிறது. பின்னர், இந்த மாதிரிகள் பகுப்பாய்விற்காக உயர் மட்ட மையங்களுக்கு கொண்டு செல்லப்படும்.

அரிவாள் செல் இரத்தசோகை (sickle cell anaemia,), தலசீமியா, ஹெபடைடிஸ் பி மற்றும் சிபிலிஸ் ஆகியவற்றிற்கான விரைவான நோய்க்கண்டறியும் பரிசோதனைகள் இப்போது துணை-மையம் மட்டத்தில் (sub-centre level) கிடைக்கும். டெங்கு பரிசோதனைக்கான மாதிரி சேகரிப்பும் துணை-மையம் மட்டத்தில் செய்யப்படும். காலநிலை மாற்றம், கொசுவால் பரவும் நோய்களின் புவியியல் மற்றும் பருவகால பரப்பை வேகமாக அதிகரித்து வருவதால், இது ஒரு அத்தியாவசியமான நடவடிக்கையாகும். பல இரத்தப் பரிசோதனைகள் (இரத்த சர்க்கரை, கல்லீரல் ஆரோக்கியம் மற்றும் கொழுப்பைச் சரிபார்த்தல் போன்றவை) இப்போது ஆரம்ப சுகாதார மையங்களில் (PHCs) செய்யப்படலாம். வாய்வழி சுகாதாரம் இப்போது இறுதியாக சுகாதாரப் பராமரிப்பின் ஒரு முக்கிய பகுதியாகக் கருதப்படுவதால், சமூக சுகாதார மையங்களில் (CHCs) பல் சார்ந்த கதிர்வீச்சு படமெடுக்கும் (Dental X-rays) பரிசோதனைகள் வழங்கப்படும்.

சமீபத்திய பட்டியல் துணை-மையம் மட்டத்திலிருந்தே மூலக்கூறு காசநோய் பரிசோதனைக்கான மாதிரிகளை சேகரிக்க பரிந்துரைக்கிறது. துணை-மையங்கள் மற்றும் முதன்மை சுகாதார மையங்களில் சேகரிக்கப்பட்ட சளி மாதிரிகள் உயர்ந்த மையத்திற்கு அனுப்பப்படும். சமூக சுகாதார மையம், துணை-மாவட்ட மற்றும் மாவட்ட மருத்துவமனைகளில், இந்திய மருத்துவ ஆராய்ச்சிக் கழகம் இந்த பரிசோதனைகளை அந்தந்த இடத்திலேயே செய்ய பரிந்துரைக்கிறது. இந்தியாவின் உயர் காசநோய் சுமை, அதிக எண்ணிக்கையிலான மறைந்திருக்கும் நோய்கள் மற்றும் தாமதமான கண்டறிதலால் மறைக்கப்பட்டுள்ளது. மேம்பட்ட காசநோய் நோய்க்கண்டறிதல் இந்த சவால்களை திறம்பட எதிர்கொள்ள உதவும்.

மலிவு விலையில் மூலக்கூறு சோதனை இயந்திரங்கள் பரவலாகப் பயன்படுத்தப்படுவதால் இவை அனைத்தும் சாத்தியமாகும். காசநோய்க்கான மூலக்கூறு பரிசோதனை பல ஆண்டுகளாக முக்கியமானதாக இருந்து வருகிறது. ஆனால், கோவிட் தொற்றுநோய் அதை மேலும் பிரபலமாக்கியது. இந்த இயந்திரங்கள் இப்போது சுகாதார அமைப்பில் எல்லா இடங்களிலும் பயன்படுத்தப்படுகின்றன. மேலும், பின்னோக்கு படியெடுத்தல் பாலிமரேஸ் சங்கிலி  எதிர்வினை (Reverse Transcription Polymerase Chain Reaction) (RT-PCR)) சோதனைகள் நன்கு அறியப்பட்டுள்ளன. நுண்ணோக்கியின்கீழ் காசநோய் பாக்டீரியாவைப் பார்ப்பது போன்ற பழைய, குறைவான துல்லியமான சோதனைகள் மூலக்கூறு சோதனைகளால் மாற்றப்படும். இந்த சோதனை முறைகள் கிடைப்பதன் மூலம் மருந்து எதிர்ப்பு காசநோயைக் கண்காணிப்பதும் எளிதாகிறது.

முதன்மை மற்றும் இரண்டாம் நிலை சுகாதார அமைப்புகளுக்கு சோதனைக் கருவிகளை வழங்குவதற்கு அப்பால், சோதனைகளை மேற்கொள்வதற்கும் முடிவுகளை விளக்குவதற்கும் தொழில்நுட்ப திறனை உருவாக்க வேண்டிய தேவை உள்ளது. மேலும் ஆய்வக தொழில்நுட்ப வல்லுநர்களை பயிற்றுவிக்க வேண்டும், அதே நேரத்தில் முன்களப் பணியாளர்களை பரிசோதனை மையத்தில் நோயறிதல் சோதனைகளை மேற்கொள்ள உதவ வேண்டும். சோதனை முடிவுகளை விளக்குவதற்கு, பராமரிப்பு வழங்குநர் நிகழ்தகவு மதிப்பீடுகளை (உணர்திறன், தனித்தன்மை, முன்கணிப்பு மதிப்புகள் மற்றும் வாய்ப்பு விகிதங்கள்) புரிந்துகொள்ள வேண்டும், இதனால் தவறான நேர்மறைகள் மற்றும் தவறான எதிர்மறைகளை அடையாளம் காண முடியும். ஒருவேளை, இந்த திறன் இடைவெளிகளை நிரப்புவதற்கு செயற்கை நுண்ணறிவு உதவலாம்.

எழுத்தாளர் இந்தியாவின் பொது சுகாதார அறக்கட்டளையின் புகழ்பெற்ற பொது சுகாதார பேராசிரியர் ஆவார்.

Original article:

The first step to Universal Healthcare: Make diagnostics accessible and cheap -K. Srinath Reddy

Read More →

சர்வதேச நாணய நிதிநயத்தின் உலக பொருளாதார கண்ணோட்டம் -ரோஷ்னி யாதவ்

 சில நாட்களுக்கு முன்னர், சர்வதேச நாணய நிதியம் (International Monetary Fund (IMF)) தனது உலக பொருளாதார கண்ணோட்டத்தின் (World Economic Outlook (WEO)) புதுப்பிப்பை வெளியிட்டது. இந்த அறிக்கையின் முக்கிய சிறப்பம்சங்கள் என்ன? இந்தியாவின் வளர்ச்சிப் பாதையைப் பற்றி அது என்ன கூறுகிறது?

தற்போதைய செய்தி

ஜூலை 29 அன்று, சர்வதேச நாணய நிதியம் தனது உலகப் பொருளாதார கண்ணோட்டத்தின் (World Economic Outlook (WEO)) சமீபத்திய புதுப்பிப்பை வெளியிட்டது. WEO என்பது IMF-ன் அளவுகோல் வெளியீடாகும். ஏனெனில் இது உலகப் பொருளாதாரத்தின் விரிவான படத்தையும் தனிப்பட்ட நாடுகளின் விவரங்களையும் வழங்குகிறது. இந்த சூழலில், WEO பற்றி தெரிந்துகொள்வது, அதன் சிறப்பம்சங்கள் பற்றி அறிவது முக்கியமாகிறது.

முக்கிய அம்சங்கள்:

1. சர்வதேச நாணய நிதியம் உலக பொருளாதாரக் கண்ணோட்டத்தை ஆண்டுக்கு இரண்டு முறை, ஏப்ரல் மற்றும் அக்டோபர் மாதங்களில் வெளியிடுகிறது. இது ஜனவரி மற்றும் ஜூலை மாதங்களிலும் புதுப்பிப்புகளை வழங்குகிறது. ஜூலை 29-ஆம் தேதி வெளியிடப்பட்ட ஆவணம், ஏப்ரல் மாதத்தில் வெளியிடப்பட்ட உலக பொருளாதாரக் கண்ணோட்டத்தின் ஜூலை மாத புதுப்பிப்பாகும்.

2. ‘உலகளாவிய பொருளாதாரம்: தொடர்ச்சியான நிச்சயமற்ற தன்மைக்கு மத்தியில் பலவீனமான மீள்தன்மை’ என்பது புதுப்பிக்கப்பட்ட உலக பொருளாதாரக்  கண்ணோட்டத்தின் முக்கிய செய்தி அதன் தலைப்பில் காட்டப்பட்டுள்ளது. உலகப் பொருளாதாரம் எவ்வாறு செயல்படுகிறது என்பது குறித்து இது இரண்டு முக்கியமான விவகாரங்களை வழங்குகிறது.

3. முதலாவதாக, உலகப் பொருளாதாரம் பலவீனமாக இருந்தாலும், மீள்தன்மையுடன் இருப்பதை நிரூபித்துள்ளது. இரண்டாவதாக, எதிர்காலக் கண்ணோட்டம் தொடர்ச்சியான நிச்சயமற்ற தன்மையால் பொருளாதாரம் பாதிக்கப்பட்டுள்ளது.

4. எல்லா புரட்சிகளையும் (கோவிட்-19 தொற்றுநோய், ரஷ்யா-உக்ரைன் மோதல், மற்றும் இரண்டாவது ட்ரம்ப் நிர்வாகத்தால் தொடங்கப்பட்ட கட்டணத் தாக்குதல் போன்றவை) மீறி, உலகப் பொருளாதாரம் தொடர்ந்து வளர்ச்சியடைய முடிந்துள்ளது. இதுவே மீள்தன்மையின் (resilience) பொருளாகும்.

5. சர்வதேச நாணய நிதியத்தின் சமீபத்திய புதுப்பிப்பின்படி, “உலகளாவிய வளர்ச்சி 2025-ஆம் ஆண்டில் 3.0 சதவீதமாகவும், 2026-ல் 3.1 சதவீதமாகவும் இருக்கும் என்று கணித்துள்ளது. 2025-ஆம் ஆண்டிற்கான முன்னறிவிப்பு ஏப்ரல் 2025 உலகப் பொருளாதாரக் கண்ணோட்டத்தின் குறிப்பு முன்னறிவிப்பைவிட 0.2 சதவீதப் புள்ளிகள் அதிகமாகவும், 2026-ஆம் ஆண்டிற்கான 0.1 சதவீதப் புள்ளிகள் அதிகமாகவும் உள்ளது.

6. இருப்பினும், இந்தத் தன்மை "குறைவானது". மேலும், இது நிலையற்றது அல்லது பலவீனமான அடித்தளத்துடன் உள்ளது. ஏனென்றால், ஏப்ரல் மாதத்தில் அதிபர் டிரம்ப் முதன்முதலில் அவற்றை அறிவித்தபோது இருந்ததைப் போல கட்டண நிலைமை மோசமாக இல்லாவிட்டாலும், இறுதி வரிவிதிப்பு விகிதங்கள் (tariff rates) என்னவாக இருக்கும் என்பது குறித்து இன்னும் தெளிவான யோசனை இல்லை.

7. மற்றொரு பெரிய ஆபத்து உலகளாவிய மோதல்களால் (மத்திய கிழக்கு மற்றும் உக்ரைனில் உள்ளதைப் போல) ஏற்படுகிறது.  இது விநியோகச் சங்கிலிகளை சீர்குலைத்து, பொருட்களின் விலைகளை உயர்த்தக்கூடும்.

தனிப்பட்ட நாடுகளின் வளர்ச்சி தரவு

1. தற்போது, பெரும்பாலான கொள்கை நிச்சயமற்ற தன்மை வெளிப்படும் அமெரிக்கா, கடந்த இரண்டு ஆண்டுகளுடன் ஒப்பிடும்போது 2025-ஆம் ஆண்டில் வளர்ச்சி வேகத்தை இழக்கும் என்று எதிர்பார்க்கப்படுகிறது. 2025-ஆம் ஆண்டின் இறுதியில், அமெரிக்க மொத்த உள்நாட்டு உற்பத்தி $31 டிரில்லியனை நெருங்கும். 2026ஆம் ஆண்டில், அமெரிக்க வளர்ச்சி குறைந்து 1.2%-ஆக மட்டுமே இருக்கும் என்று எதிர்பார்க்கப்படுகிறது.

2. இதற்கு நேர்மாறாக, அமெரிக்காவிற்கு முக்கியப் பொருளாதார போட்டியாளரான சீனா, சிறிது மந்தநிலை இருந்தபோதிலும் திடமான 4.8% விகிதத்தில் வளரும் என்று எதிர்பார்க்கப்படுகிறது. மொத்த உள்நாட்டு உற்பத்தி $19 டிரில்லியனைத் தாண்டிய பொருளாதாரத்திற்கு இது குறிப்பிடத்தக்கதாகும்.

3. உலகப் பொருளாதாரத்தில் இந்தியா தொடர்ந்து வலுவான செயல்திறன் கொண்ட நாடாகத் திகழ்கிறது. இந்தியா, 2025-ஆம் ஆண்டில் 6.4% வளர்ச்சியடையும் என்று எதிர்பார்க்கப்படுகிறது. இந்த வளர்ச்சி விகிதம் 2023-ஆம் ஆண்டைவிட குறைவாக இருந்தாலும், போட்டியிடும் பொருளாதாரங்கள் மூன்றில் ஒரு பங்கு விகிதத்தில்கூட வளர்வதற்கு போராடும் உலகில் 6%-க்கும் அதிகமான வளர்ச்சியுடன், இந்தியா வேகமாக இடைவெளியைக் குறைத்து, குறைந்தபட்சம் மொத்த உள்நாட்டு உற்பத்தியின் அடிப்படையில், ஒன்றன்பின் ஒன்றாக வளர்ந்த பொருளாதாரங்களைவிட வேகமாக வளர்ச்சியடைவதை உறுதி செய்கிறது.

சர்வதேச நாணய நிதியம் பற்றி

1. 1945-ஆம் ஆண்டில் நிறுவப்பட்ட சர்வதேச நாணய நிதியம் (International Monetary Fund (IMF)) தனது 191 உறுப்பு நாடுகள் அனைத்திற்கும் நிலையான வளர்ச்சி மற்றும் முன்னேற்றம் (prosperity) அடைய வேலை செய்கிறது. உற்பத்தித்திறன், வேலைவாய்ப்பு உருவாக்கம் மற்றும் பொருளாதார நல்வாழ்வை அதிகரிக்க அவசியமான நிதி நிலைத்தன்மை மற்றும் பண ஒத்துழைப்பை ஊக்குவிக்கும் பொருளாதாரக் கொள்கைகளை ஆதரிப்பதன் மூலம் அது அவ்வாறு செய்கிறது.

2. இதன் மூன்று முக்கியமான பணிகள் உள்ளன:

(i) சர்வதேச நாணய ஒத்துழைப்பை மேம்படுத்துகிறது.

(ii) வர்த்தகம் மற்றும் பொருளாதார வளர்ச்சியின் விரிவாக்கத்தை ஊக்குவிக்கிறது மற்றும்

(iii) பொருளாதார வெற்றியைப் பாதிக்கக்கூடிய செயல்களைத் தடுக்க இது முயற்சிக்கிறது.

3. சர்வதேச நாணய நிதியத்தின் அதிகாரப்பூர்வ இணையதளத்தின்படி, "வளர்ச்சி வங்கிகளைப் போல இல்லாமல், சர்வதேச நாணய நிதியம் குறிப்பிட்ட திட்டங்களுக்கு கடன் வழங்காது. அதற்குப் பதிலாக, பிரச்சினைகளை எதிர்கொள்ளும் நாடுகள் தங்கள் பொருளாதாரத்தை மீட்டெடுக்கவும் வளர்க்கவும், சர்வதேச நாணய நிதியம் பணத்தை வழங்குகிறது. இது நெருக்கடிகளைத் தடுக்க உதவும் முன்னெச்சரிக்கை நிதியுதவியையும் வழங்குகிறது.

4. ஆளுநர்கள் குழு (Board of Governors) என்பது சர்வதேச நாணய நிதியத்தின் உயர்மட்ட முடிவெடுக்கும் அமைப்பாகும். இது வழக்கமாக வருடத்திற்கு ஒரு முறை கூடுகிறது. ஒவ்வொரு உறுப்பு நாட்டிற்கும் ஒரு ஆளுநரையும் ஒரு மாற்று ஆளுநரையும் கொண்டுள்ளது. ஆளுநர் உறுப்பு நாட்டால் நியமிக்கப்படுகிறார். பொதுவாக ஆளுநர் நிதி அமைச்சர் அல்லது மத்திய வங்கியின் ஆளுநராக இருப்பார்.

5. சர்வதேச நாணய நிதியத்தில், ஆளுநர் குழுவிற்கு அனைத்து அதிகாரங்களும் உள்ளன. சில ஒதுக்கப்பட்ட அதிகாரங்களைத் தவிர, ஆளுநர் குழு நிர்வாகக் குழுவிற்கு (Executive Board) அனைத்தையும் வழங்கலாம்.

6. சர்வதேச நாணய நிதியத்தின் கூற்றுப்படி, நிர்வாகக் குழு (Executive Board) சர்வதேச நாணய நிதியத்தின் தினசரி வேலைகளை நடத்துவதற்கு பொறுப்பானதாகும். சர்வதேச நாணய நிதியம் உறுப்பு நாடுகளால் அல்லது நாடுகளின் குழுக்களால் தேர்ந்தெடுக்கப்பட்ட 25 இயக்குநர்களையும், அதன் தலைவராகப் பணியாற்றும் நிர்வாக இயக்குநரையும் கொண்டுள்ளது.

01. சர்வதேச நாணய நிதியம்  எங்கிருந்து பணம் பெறுகிறது?

உறுப்பினர் ஒதுக்கீடுகள், பலதரப்பு மற்றும் இருதரப்பு கடன் ஒப்பந்தங்கள் போன்ற மூன்று மூலங்களிலிருந்து சர்வதேச நாணய நிதியத்திற்கு நிதி வருகிறது. ஒதுக்கீடுகள் (Quotas) என்பது சர்வதேச நாணய நிதியத்தின் முக்கிய நிதி ஆதாரமாகும். இதில் சர்வதேச நாணய நிதியத்தின் ஒவ்வொரு உறுப்பினருக்கும் உலகப் பொருளாதாரத்தில் அதன் ஒப்பீட்டு நிலைப்பாட்டின் அடிப்படையில் (relative position) ஒரு ஒதுக்கீடு ஒதுக்கப்படுகிறது.

02. சர்வதேச நாணய நிதியத்தின் நிர்வாக இயக்குநர் யார்?

கிறிஸ்டாலினா ஜியோர்ஜிவா அக்டோபர் 1, 2019 முதல் சர்வதேச நாணய நிதியத்தின் நிர்வாக இயக்குநராக பணியாற்றி வருகிறார். அவர் அக்டோபர் 1, 2024 அன்று தனது இரண்டாவது பதவிக்காலத்தைத் தொடங்கினார்.

03. சிறப்பு எடுப்பு உரிமைகள் (SDRs) என்றால் என்ன?

சர்வதேச நாணய நிதியத்தின் ஆபத்தில் உள்ள பொருளாதாரங்களுக்கு சிறப்பு எடுப்பு உரிமைகள் (Special Drawing Rights (SDRs)) வடிவில் பணம் கடன் வழங்குகிறது. இது ஐந்து நாணயங்களால் ஆனது - அமெரிக்க டாலர், யூரோ, சீன யுவான், ஜப்பானிய யென் மற்றும் பிரிட்டிஷ் பவுண்ட் போன்றவையாகும். இதை கடன்களாக, பணமாக, பத்திரங்களாக அல்லது பங்குகளை வாங்குவதற்குப் பயன்படுத்தலாம்.

04. உலக நிதி நிலைத்தன்மை அறிக்கை (Global Financial Stability Report) என்றால் என்ன?

சர்வதேச நாணய நிதியம், வெளியிடும் உலக நிதி நிலைத்தன்மை அறிக்கை உலக நிதி அமைப்பு மற்றும் சந்தைகளின் மதிப்பீட்டை வழங்குகிறது மற்றும் உலக சூழலில் வளர்ந்து வரும் சந்தை நிதியுதவியை நிவர்த்தி செய்கிறது.

இது தற்போதைய சந்தை நிலைமைகளில் கவனம் செலுத்துகிறது. நிதி நிலைத்தன்மைக்கு ஆபத்தை ஏற்படுத்தக்கூடிய அமைப்புசார் பிரச்சினைகளை முன்னிலைப்படுத்துகிறது மற்றும் வளர்ந்து வரும் சந்தை கடனாளிகளால் நீடித்த சந்தை அணுகலை வலியுறுத்துகிறது. இது சர்வதேச நாணய நிதியத்தின் உலகப் பொருளாதாரக் கண்ணோட்டத்தால் சுட்டிக்காட்டப்பட்ட பொருளாதாரப் பிரச்சினைகள் நிதியை எவ்வாறு பாதிக்கும் என்பதைக் காட்டுகிறது.

Original article:

IMF’s World Economic Outlook. -Roshni Yadav

Read More →

இரசாயன மாசுபாட்டால் பாதிக்கப்பட்ட இடங்களுக்கான புதிய விதிகள் என்ன? -ஜேக்கப் கோஷி

 தொழில்துறை மாசுபாடு மேலாண்மைத் திட்டத்திற்கான திறன் மேம்பாட்டுத் திட்டத்தின் (Capacity Building Program for Industrial Pollution Management Project) கீழ் என்ன பணிகள் இருந்தன?

தற்போதைய செய்தி: சுற்றுச்சூழல் பாதுகாப்புச் சட்டத்தின் (Environment Protection Act) கீழ்,  புதிய விதிகளை சுற்றுச்சூழல் அமைச்சகம் அறிவித்துள்ளது. இது இரசாயன மாசுபாடு உள்ள தளங்களை நிவர்த்தி செய்வதற்கான செயல்முறையை வகுக்கிறது. 2025-ஆம் ஆண்டு சுற்றுச்சூழல் பாதுகாப்பு (மாசுபட்ட இடங்களின் மேலாண்மை) விதிகள் (Environment Protection (Management of Contaminated Sites) Rules, 2025) என்று அழைக்கப்படும் இந்த விதிகள், இரசாயன மாசுபாட்டை கையாள்வதற்கான சட்டக் கட்டமைப்பை வழங்குகின்றன. நாடு முழுவதும் இதுபோன்ற பல தளங்கள் ஏற்கனவே கண்டுபிடிக்கப்பட்டிருந்தாலும், தற்போது வரை சரியான அமைப்பு எதுவும் இல்லை.

மாசுபட்ட இடங்கள் (contaminated sites)  என்றால் என்ன?

மத்திய மாசுக்கட்டுப்பாடு வாரியத்தின் (Central Pollution Control Board) கூற்றுப்படி, மாசுபட்ட இடங்கள் என்பது ஆபத்தான மற்றும் பிற கழிவுகள் வரலாற்று ரீதியாக கொட்டப்பட்ட பகுதிகளாகும். இது பெரும்பாலும் மண், நிலத்தடி நீர் மற்றும் மேற்பரப்பு நீர் மாசுபாட்டிற்கு காரணமாகி, மனித ஆரோக்கியம் மற்றும் சுற்றுச்சூழலுக்கு ஆபத்தை ஏற்படுத்துகின்றன. சில இடங்கள் ஆபத்தான கழிவு மேலாண்மைக்கு எந்த விதிமுறையும் இல்லாத காலத்தில் உருவாக்கப்பட்டன. சில சூழல்களில், மாசுபாட்டிற்குக் காரணமான மாசுபடுத்துபவர்கள் தங்கள் செயல்பாடுகளை செய்ய தவறிவிட்டனர் அல்லது மறுசீரமைப்பு செலவு அவர்களின் திறனைவிட அதிகமாக உள்ளது. இவற்றில், குப்பைக் கிடங்குகள், கழிவு சேமிப்பு மற்றும் சுத்திகரிப்பு தளங்கள், கசிவு தளங்கள் மற்றும் ரசாயனக் கழிவுகளைக் கையாளுதல் மற்றும் சேமிப்பு தளங்கள் ஆகியவை அடங்கும். நாடு முழுவதும் இதுபோன்ற 103 தளங்கள் அடையாளம் காணப்பட்டுள்ளன. 7 இடங்களில் மட்டுமே சீரமைப்பு நடவடிக்கை தொடங்கப்பட்டுள்ளது. இதில் மாசுபட்ட மண், நிலத்தடி நீர், மேற்பரப்பு நீர் மற்றும் வண்டல் ஆகியவற்றை தேவையான தொழில்நுட்பங்களைப் பயன்படுத்தி சுத்தம் செய்வதும் அடங்கும்.

இந்த விதிகள் ஏன் முக்கியமானது?

மாசுபட்ட இடங்களை சீரமைப்பு (Remediation) செய்வதற்கான தேசிய திட்டத்தை உருவாக்குவதற்காக, சுற்றுச்சூழல் அமைச்சகம் 2010-ஆம் ஆண்டில் தொழில்துறை மாசு மேலாண்மை திட்டத்திற்கான (Industrial Pollution Management Project) திறன் மேம்பாட்டுத் திட்டத்தைத் தொடங்கியது. சாத்தியமான மாசுபட்ட தளங்களின் பட்டியலை உருவாக்குதல்; மாசுபட்ட தளங்களின் மதிப்பீடு மற்றும் சரிசெய்தலுக்கான வழிகாட்டுதல் ஆவணத்தை உருவாக்குதல்; மற்றும் மாசுபட்ட தளங்களின் சரிசெய்தலுக்கான சட்ட, நிறுவன மற்றும் நிதிக் கட்டமைப்பை உருவாக்குதல் போன்ற மூன்று பரந்த பணிகளைக் கொண்டிருந்தது. முதல் இரண்டு படிகள் நடைமுறையில் இருந்தபோதிலும், சட்டக் குறியீட்டு முறை தொடர்பான கடைசி படி நிறைவேற்றப்படாமல் இருந்தது. ஜூலை 25 அன்று பொது வெளியில் வெளியிடப்பட்ட விதிகள் இந்த சட்டக் குறியீட்டு செயல்முறையின் (codification process) ஒரு பகுதியாகும்.

இந்த விதிகளின் கீழ், மாவட்ட நிர்வாகம் "சந்தேகத்திற்கிடமான மாசுபட்ட இடங்கள்" (suspected contaminated sites) பற்றிய அரையாண்டு அறிக்கைகளை தயார் செய்யும். மாநில வாரியம் அல்லது 'குறிப்பு அமைப்பு' (reference organisation) இந்த இடங்களை ஆராய்ந்து இவ்வாறு தகவல் அளிக்கப்பட்ட 90 நாட்களுக்குள் "ஆரம்ப மதிப்பீடு" வழங்கும். இதைத் தொடர்ந்து, விரிவான ஆய்வு செய்வதற்கும் இந்த இடங்கள் உண்மையில் 'மாசுபட்டவை' என்பதை உறுதி செய்வதற்கும் மேலும் மூன்று மாதங்கள் இருக்கும். இதில் சந்தேகத்திற்குரிய அபாயகரமான இரசாயனங்களின் அளவை நிறுவுவது அடங்கும் — ஆபத்தான மற்றும் பிற கழிவுகள் (மேலாண்மை மற்றும் நாடுகடந்த இடமாற்றம்) விதிகள், 2016 (Hazardous and Other Wastes (Management and Transboundary Movement) Rules, 2016) பிரிவுகளின் கீழ் தற்போது 189 குறிக்கப்பட்டவை உள்ளன. இந்த இடங்கள் பாதுகாப்பான அளவுகளை மீறினால், இந்த இடங்களின் இருப்பிடம் பகிரங்கப்படுத்தப்பட்டு அதை அணுகுவதில் கட்டுப்பாடுகள் விதிக்கப்படும். பின்னர், நிபுணர்களின் குழுவாக இருக்கும் 'குறிப்பு அமைப்பு', ஒரு சீரமைப்பு திட்டத்தை குறிப்பிடும் பணியை மேற்கொள்ளும். மாசுபாட்டிற்கு காரணமான நபரைகளை அடையாளம் காண மாநில வாரியத்திற்கும் 90 நாட்கள் இருக்கும். பொறுப்பானவர்கள் தளத்தின் சீரமைப்பு செலவை செலுத்த வேண்டும். இல்லையெனில் ஒன்றிய அரசும் மாநில அரசும் சுத்தம் செய்வதற்கான செலவுகளை ஏற்பாடு செய்யும். அத்தகைய மாசுபாடு உயிர் இழப்பு அல்லது தீங்கு விளைவித்ததாக நிரூபிக்கப்பட்டால், 2023ஆம் ஆண்டு, பாரதிய நியாய சன்ஹிதா சட்டத்தின் கீழ், குற்றவியல் குற்றச்சாட்டுகள் கையாளப்படும் என்று ஒரு அதிகாரி The Hindu-விடம் தெரிவித்தார்.

விலக்குகள் எதுவும் உள்ளனவா?

கதிரியக்கக் கழிவு, சுரங்க நடவடிக்கைகள், எண்ணெயால் ஏற்படும் கடல் மாசுபாடு மற்றும் கொட்டும் இடங்களில் இருந்து வரும் திடக் கழிவுகள் (solid waste) ஆகியவற்றால் ஏற்படும் மாசுபாடு இந்த சட்டங்களின் பிரிவுகளின் கீழ் கையாளப்படாது. ஏனெனில், அவை தனி சட்டங்களால் நிர்வகிக்கப்படுகின்றன. விதிகளில் உள்ள மற்றொரு பெரிய சிக்கல் என்னவென்றால், மாசுபட்ட தளம் கண்டுபிடிக்கப்பட்டவுடன் எவ்வளவு விரைவாக அதை சுத்தம் செய்ய வேண்டும் என்று அவர்கள் கூறவில்லை.

Original article:

What are the new rules on chemically contaminated sites? -Jacob Koshy

Read More →

மராட்டியப் பேரரசு பற்றி… -குஷ்பூ குமாரி

 முக்கிய அம்சங்கள்:

• புதன்கிழமை, NCERT-ன் சமூக அறிவியல் பாடப்புத்தகக் குழுவின் தலைவரான மைக்கேல் டானினோ, புதிய புத்தகங்களில் உள்ள வரைபடம் குறித்த ஆட்சேபனைக்கு பதிலளித்தார். வரைபடத்தின் எல்லைகள் தவறாக உள்ளதா என்பதைச் சரிபார்க்க கூடுதல் ஆராய்ச்சி மேற்கொள்ளப்பட்டு வருவதாக அவர் கூறினார். அப்படி இருந்தால், எதிர்கால பதிப்புகளுக்கு சிறந்த தகவல்களுடன் திருத்தப்பட்ட வரைபடம் தயாரிக்கப்படும்.

• 18-ஆம் நூற்றாண்டின் முற்பகுதியில், முகலாயப் பேரரசு உடைந்து கொண்டிருந்ததால், மராட்டிய பேஷ்வா முதலாம் பாஜி ராவ்  வடக்கு நோக்கி விரிவடையத் தொடங்கினார். இந்த நேரத்தில், மராட்டியர்கள் ஏற்கனவே தக்காணத்தில் உள்ள முன்னாள் முகலாய பிரதேசங்களிலிருந்து வரி வசூலித்துக் கொண்டிருந்தனர்.

• பின்னர் மராட்டியர்கள் ராஜஸ்தானின் சில பகுதிகள், டெல்லி மற்றும் பஞ்சாபைச் சுற்றியுள்ள பகுதிகள் மற்றும் பண்டேல்கண்ட் ஆகிய பகுதிகளுக்கு குடிபெயர்ந்தனர். அவர்கள் ஒரிசா, வங்காளம் மற்றும் பீகாரையும் தாக்கினர். போபால் போருக்குப் பிறகு அவர்கள் மால்வா மீது கட்டுப்பாட்டைப் பெற்றனர். வங்காளத்தில் தாக்குதல்கள் பாஜி ராவின் வாரிசுகளின் கீழ் நடந்தன.

• சாவித்ரிபாய் புலே புனே பல்கலைக்கழகத்தின் வரலாற்றுப் பேராசிரியரான ராகுல் மகர், மராத்தியர்கள் ராஜபுத்திர பிரதேசங்களிலிருந்து சௌத் மற்றும் சர்தேஷ்முகி (வரி வகைகள்) வசூலித்தாலும், அங்கு அவர்களுக்கு அரசியல் கட்டுப்பாடு இருந்தது என்று எப்போதும் அர்த்தமல்ல என்று விளக்கினார்.

• நிதி கப்பம் செலுத்துவதும் அரசியல் அதிகாரத்தை ஏற்றுக்கொள்வதும் வேறுபட்டவை என்று அவர் கூறினார். ராஜபுதனம், ஒரிசா மற்றும் வங்காளம் போன்ற மாநிலங்கள் மராத்தியர்களுக்கு பணம் கொடுத்தன. ஆனால், பேஷ்வாவை எப்போதும் தங்கள் ஆட்சியாளராகப் பார்க்கவில்லை.

• ஜெய்சால்மர் ராஜ்புத்களின் பாட்டி (Bhati) குலத்தின் கீழ் இருந்தது. கோர்டன், பாஜி ராவ் I 1728-ல் மேற்கு மால்வா மற்றும் ராஜஸ்தான் வழியாக மேற்கொண்ட பயணத்தைப் பற்றி எழுதினார். கோர்டன், புண்டி மற்றும் ஜோத்பூரில் ஏற்பட்ட வாரிசு மோதல்கள் மற்றும் மராத்தாக்கள் இந்தப் பகுதிகளில் இருந்து கோரிய பயணத்தையும் குறிப்பிடுகிறார்.

• சில பகுதிகள் பேஷ்வாவின் அதிகாரிகளால் முழுமையாக நிர்வகிக்கப்பட்டன. மற்றவை தளர்வான கட்டுப்பாட்டை மட்டுமே கொண்டிருந்தன. மேலும், கோட்டையான இடங்களிலிருந்து மராத்திய அதிகாரத்தை எதிர்த்த உள்ளூர் நில உரிமையாளர்களுக்கு (ஜமீன்தார்கள்) தாயகமாக இருந்தன.

• மராத்தியர்கள் எந்த வகையான அரசியல் அமைப்பைக் கொண்டிருந்தனர். அது ஒரு கூட்டமைப்புதானா என்று அறிஞர்கள் இன்னும் விவாதிக்கின்றனர்.

உங்களுக்குத் தெரியுமா?:

• NCERT 8-ஆம் வகுப்பு பாடப்புத்தகத்தில், மராட்டியர்கள் தக்காணம் மற்றும் வட இந்தியா போன்ற தங்கள் நேரடிக் கட்டுப்பாட்டில் இல்லாத மாகாணங்களிலிருந்து சௌத் (25%) மற்றும் சர்தேஷ்முகி (சௌத் மீது 10% கூடுதலாக) வரிகளை வசூலித்ததாகக் கூறுகிறது. அதற்கு ஈடாக, அவர்கள் இந்த மாகாணங்களைப் பாதுகாத்தனர். மேலும், அவற்றின் உள் விஷயங்களில் தலையிடவில்லை.

• சத்ரபதி சிவாஜி மகாராஜ் (1630–1680) 17-ஆம் நூற்றாண்டில் பல்வேறு தக்காண மாநிலங்களிலிருந்து ஒரு சுதந்திர மராட்டிய ராஜ்யத்தை உருவாக்கினார். அவர் வெவ்வேறு தக்காண சுல்தான்களுக்காகப் பணியாற்றிய ஒரு ஜெனரலின் மகன்.

• தற்போதைய புனேவில் உள்ள தனது தந்தையின் நிலத்தை ஒரு சுதந்திர மராட்டிய மாநிலமாக விரிவுபடுத்த சிவாஜி விரும்பினார். அந்த நேரத்தில், பிஜாப்பூர், கோல்கொண்டா, அகமதுநகர் மற்றும் முகலாயப் பேரரசு போன்ற சுல்தான்கள் தக்காணத்தின் கட்டுப்பாட்டிற்காகப் போராடி வந்தனர்.

• சிவாஜி, ‘சுயராஜ்யம்’ அமைப்பை நிறுவினார். அதாவது உள்ளூர் மக்களால் ஆளப்படும் ஒரு ராஜ்யம் என்று வரலாற்றாசிரியர் உதய் எஸ். குல்கர்னி கூறுகிறார். அவர் பல சாதிகளை ஒரு பொதுவான **மராத்தா** அடையாளத்தின் கீழ் ஒன்றிணைத்தார்.

• மராட்டிய வம்சத்தின் முக்கியமான போர்கள்

போர்கள்	விளக்கம்
பிரதாப்கர் போர் (1659)	மராட்டியர்களுக்கும், அடில்ஷாஹி படைகளுக்கும் இடையே போர் நடந்தது
கோலாப்பூர் போர் (1659)	மராட்டிய மன்னர் சிவாஜிக்கும் அடில்ஷாஹி படைகளுக்கும் இடையே போர் நடந்தது
போர் கடிதம் (1664)	மராட்டிய ஆட்சியாளர் சத்ரபதி சிவாஜி மகாராஜுக்கும் முகலாய கேப்டனான இனாயத் கானுக்கும் இடையே போர் நடந்தது.
புரந்தர் போர் (1665)	மராட்டியருக்கும் முகலாயப் பேரரசுக்கும் இடையே போர் நடந்தது
சல்ஹர் போர் (1672)	மராட்டியப் பேரரசுக்கும் முகலாயப் பேரரசுக்கும் இடையே போர் நடந்தது
சங்கம்னர் போர் (1679)	முகலாயப் பேரரசுக்கும் மராட்டியப் பேரரசுக்கும் இடையே போர் நடந்தது. இது சிவாஜி நடத்திய கடைசிப் போர்.
முதல் ஆங்கிலோ-மராத்தா போர் (1775-82)	1782 சல்பாய் உடன்படிக்கையுடன் போர் முடிவுக்கு வந்தது.
இரண்டாம் ஆங்கிலோ-மராத்தா போர் (1803-05)	பஸ்சின் ஒப்பந்தம் (1802) - இரண்டாம் பேஷ்வா பாஜி ராவ் மற்றும் பிரிட்டிஷ் கிழக்கிந்திய கம்பெனி இடையே கையெழுத்தானது. தியோகான் ஒப்பந்தம் (1803) - நாக்பூரின் இரண்டாம் ரகுஜி போன்ஸ்லே மற்றும் பிரிட்டிஷ் கிழக்கிந்திய கம்பெனியின் சர் ஆர்தர் வெல்லஸ்லி இடையே கையெழுத்தானது
மூன்றாம் ஆங்கிலோ-மராத்தா போர் (1817-19)	சில முக்கிய ஒப்பந்தங்கள் கையெழுத்தாகின. அவை: பூனா ஒப்பந்தம் (பேஷ்வாவுடன்), குவாலியர் ஒப்பந்தம் (சிந்தியாவுடன்), மண்டசோர் ஒப்பந்தம் (ஹோல்கருடன்).

Original article:

What do you know about the Maratha Empire? -Khushboo Kumari

Read More →