இராணுவ களத்தில் செயற்கை நுண்ணறிவின் பொறுப்பான பயன்பாடு (Responsible Use of Artificial Intelligence in the Military Domain (REAIM)) மீதான இரண்டாவது உச்சி மாநாடு சியோலில் தொடங்குகிறது. போரில் செயற்கை நுண்ணறிவின் (artificial intelligence (AI)) பொறுப்பான பயன்பாடு குறித்த உலகளாவிய விதிமுறைகளை வடிவமைப்பதில் கவனம் செலுத்தப்படுகிறது. இந்த முக்கியமான உலகளாவிய விவாதத்தில் இந்தியா இதுவரை 'கண்காணிப்பு மற்றும் காத்திருப்பு' (watch-and-wait’) பயன்முறையில் உள்ளது.
உலகெங்கிலும் உள்ள இராணுவங்களால் செயற்கை நுண்ணறிவு (AI) பயன்பாடு அதிகரித்து வருவதால், போரில் தொழில்நுட்பத்தை ஒழுங்குபடுத்துவதற்கான முயற்சிகளும் வளர்ந்து வருகின்றன. உக்ரைன் மற்றும் காசாவில் நடந்து வரும் போர்கள் போருக்கான செயற்கை நுண்ணறிவு (AI) ஆய்வகங்களாக மாறி வருகின்றன.
அதே நேரத்தில், செயற்கை நுண்ணறிவின் இராணுவ பயன்பாட்டின் அபாயங்களை மட்டுப்படுத்தும் பொதுவான விதிமுறைகளை உருவாக்க இராஜதந்திர முயற்சிகள் மேற்கொள்ளப்பட்டு வருகின்றன.
செயற்கை நுண்ணறிவை (AI) உருவாக்குவதிலும் பயன்படுத்துவதிலும் தீவிரமாக ஈடுபட்டுள்ள இந்தியா, இராணுவ பயன்பாடுகளில் செயற்கை நுண்ணறிவை கட்டுப்படுத்துவது குறித்த உலகளாவிய விவாதத்திலிருந்து விலகியே உள்ளது. ஆனால், செயற்கை நுண்ணறிவு ஆயுதக் கட்டுப்பாட்டுக்கு புதிய உலகளாவிய கட்டமைப்புகள் வெளிவருவதால், இந்தியா விலகி இருப்பதற்குப் பதிலாக இந்த செயல்முறையை வடிவமைப்பதில் பங்கேற்க வேண்டும்.
REAIM என்றால் என்ன?
இராணுவ களத்தில் செயற்கை நுண்ணறிவின் பொறுப்பான பயன்பாட்டிற்கான (Responsible Use of Artificial Intelligence in the Military Domain (REAIM)) உச்சிமாநாடு என்பது இராணுவ செயற்கை நுண்ணறிவு பயன்பாட்டிற்கான விதிமுறைகளை அமைப்பதற்கான உலகளாவிய முயற்சிகளின் ஒரு பகுதியாகும். இது செப்டம்பர் 9, 2024 அன்று தென் கொரியாவின் சியோலில் தொடங்கியது. இந்த உச்சிமாநாட்டை கென்யா, நெதர்லாந்து, சிங்கப்பூர் மற்றும் இங்கிலாந்து ஆகியவை இணைந்து நடத்துகின்றன. உலகெங்கிலும் உள்ள அரசாங்கங்கள், சர்வதேச நிறுவனங்கள், தொழில்நுட்ப நிறுவனங்கள், கல்வியாளர்கள் உட்பட பரந்த அளவிலான பங்கேற்பாளர்கள் கலந்து கொள்வார்கள் என்று எதிர்பார்க்கப்படுகிறது.
இது இரண்டாவது உச்சி மாநாடு; முதலாவது பிப்ரவரி 2023-ஆம் ஆண்டில் தி ஹேக்கில் நடந்தது. இது நெதர்லாந்தால் நடத்தப்பட்டது. வியத்தகு விளைவுகள் எதுவும் இல்லை என்றாலும், இது செயற்கை நுண்ணறிவின் (AI) இராணுவ பரிமாணங்கள் குறித்த விவாதத்தை விரிவுபடுத்தியது மற்றும் அதிக பங்குதாரர்களை உள்ளடக்கியது.
சமீப காலம் வரை, "கொலையாளி ரோபோக்கள்" (killer robots) என்று அழைக்கப்படும் தன்னாட்சி ஆயுதங்களில் கவனம் செலுத்தப்பட்டது. கணினிகள் மற்றும் வழிமுறைகள் போரைக் கைப்பற்றும் என்ற அச்சங்கள் இருந்தன.
இது இந்த ஆயுதங்களைக் கட்டுப்படுத்துவதற்கான அழைப்புகளுக்கு வழிவகுத்தது. சக்தியைப் பயன்படுத்தும்போது மனிதர்கள் முடிவெடுக்கும் வளையத்தில் இருப்பதை உறுதி செய்வது ஒரு முக்கிய குறிக்கோள். ஆபத்தான தன்னாட்சி ஆயுத அமைப்புகள் (lethal autonomous weapon systems (LAWS)) பிரச்சினை 2019-ஆம் ஆண்டு முதல் ஜெனீவாவில் உள்ள ஐக்கிய நாடுகள் சபையில் அரசாங்க நிபுணர்கள் குழுவால் விவாதிக்கப்பட்டது.
டிசம்பர் 2023-ஆம் ஆண்டில், ஐக்கிய நாடுகள் பொதுச் சபை (United Nations General Assembly) முதல் முறையாக ஆபத்தான தன்னாட்சி ஆயுத அமைப்புகள் (lethal autonomous weapon systems (LAWS)) பற்றி விவாதித்தது. தன்னாட்சி ஆயுதங்களால் முன்வைக்கப்படும் நெறிமுறை, சட்ட மற்றும் செயல்பாட்டு சவால்களை எதிர்கொள்வதற்கான வழிகள் குறித்து உறுப்பு நாடுகளின் கருத்துக்களை சேகரிக்கவும், அறிக்கை அளிக்கவும் அது பொதுச்செயலாளரைக் கேட்டுக்கொண்டது. இந்த மாத இறுதியில் நடைபெறும் ஐக்கிய நாடுகள் பொதுச் சபை அமர்வில் இந்த அறிக்கை சமர்ப்பிக்கப்படும் என்று எதிர்பார்க்கப்படுகிறது.
இராணுவ களத்தில் செயற்கை நுண்ணறிவின் பொறுப்பான பயன்பாடு
(Responsible Use of Artificial Intelligence in the Military Domain (REAIM)) செயல்முறை "கொலையாளி ரோபோக்கள்" என்பதைத் தாண்டி பரந்த அளவிலான சிக்கல்களை உள்ளடக்கிய விவாதத்தை விரிவுபடுத்தியது, இது போரில் செயற்கை நுண்ணறிவின் (AI) வளர்ந்து வரும் பங்கை ஒப்புக் கொண்டது. பல ஆண்டுகளாக, முக்கிய இராணுவங்கள் சரக்கு மேலாண்மை மற்றும் தளவாட திட்டமிடலுக்கு செயற்கை நுண்ணறிவை (AI) பயன்படுத்துகின்றன. சமீபத்தில், செயற்கை நுண்ணறிவு (AI) பயன்பாடு போர்க்களத்தில் உளவுத்துறை மற்றும் கண்காணிப்பு என விரிவடைந்துள்ளது.
பரந்த அளவிலான போர்க்கள தரவுகளின் சேகரிப்பு, பகுப்பாய்வு மற்றும் தொகுப்பை மாற்றுவதற்கான செயற்கை நுண்ணறிவின் (AI) திறனை முக்கிய இராணுவங்கள் காண்கின்றன. இது சூழ்நிலை விழிப்புணர்வை மேம்படுத்தலாம், சக்தியைப் பயன்படுத்துவது குறித்து முடிவெடுக்க அதிக நேரத்தை அனுமதிக்கலாம், இலக்கு துல்லியத்தை அதிகரிக்கலாம், பொதுமக்கள் உயிரிழப்புகளைக் குறைக்கலாம் மற்றும் போரை விரைவுபடுத்தலாம். இருப்பினும், போரில் செயற்கை நுண்ணறிவால் (AI) கூறப்படும் நன்மைகள் ஆபத்தானவை மற்றும் தவறாக வழிநடத்தக்கூடும் என்று விமர்சகர்கள் எச்சரிக்கின்றனர்.
செயற்கை நுண்ணறிவின் முடிவெடுக்கும் ஆதரவு அமைப்புகளின் (AI decision-making support systems (AI-DSS)) பரவல் மற்றும் அவற்றின் தாக்கங்கள் இப்போது இராணுவக் களத்தில் செயற்கை நுண்ணறிவின் பொறுப்பான பயன்பாடு (Responsible Use of Artificial Intelligence in the Military Domain (REAIM)) செயல்முறையின் கீழ் விவாதிக்கப்படுகின்றன. ஹேக் உச்சிமாநாடு (Hague summit) தொடர்ந்து உரையாடலுக்கு அழைப்பு விடுத்தது.
இரண்டாவது உச்சிமாநாடு இப்பிரச்சினைகளில் ஒருமித்த கருத்தை அடையும் நோக்கத்தைக் கொண்டுள்ளது. கொரிய உச்சிமாநாட்டின் குறிக்கோள்கள் உலகளாவிய அமைதி மற்றும் பாதுகாப்பில் செயற்கை நுண்ணறிவின் (AI) தாக்கத்தைப் புரிந்துகொள்வது, இராணுவ விவகாரங்களில் செயற்கை நுண்ணறிவை பயன்படுத்துவதற்கான விதிமுறைகளை உருவாக்குவது மற்றும் இராணுவ செயற்கை நுண்ணறிவின் நீண்டகால உலகளாவிய நிர்வாகத்திற்கான யோசனைகளை உருவாக்குவது ஆகும்.
இராணுவக் களத்தில் செயற்கை நுண்ணறிவின் பொறுப்பான பயன்பாடு (REAIM) செயல்முறை இராணுவ விவகாரங்களில் செயற்கை நுண்ணறிவை மாற்றியமைக்கலாம் அல்லது தடை செய்யலாம் என்ற யோசனையிலிருந்து மாறியுள்ளது. அதற்கு பதிலாக, இது செயற்கை நுண்ணறிவின் "பொறுப்பான பயன்பாட்டை" ஊக்குவிக்கிறது. தேசிய, இருதரப்பு, பன்முக மற்றும் பலதரப்பு மட்டங்களில் நடக்கும் பொறுப்பான செயற்கை நுண்ணறிவை ஊக்குவிப்பதற்கான பல முயற்சிகளில் இதுவும் ஒன்றாகும்.
ஹேக் உச்சிமாநாட்டின் கடைசி நாளில், அமெரிக்கா செயற்கை நுண்ணறிவின் பொறுப்பான பயன்பாடு குறித்த வரைவு அரசியல் பிரகடனத்தை வெளியிட்டது. இது நவம்பர் 2023-ஆம் ஆண்டில் முறைப்படுத்தப்பட்டது. 2020-ஆம் ஆண்டில், வாஷிங்டன் ஏற்கனவே அதன் ஆயுதப் படைகளால் செயற்கை நுண்ணறிவின் பொறுப்பான இராணுவப் பயன்பாட்டிற்கான தேசிய வழிகாட்டுதல்களை வெளியிட்டிருந்தது.
அமெரிக்கா அதன் நேட்டோ (North Atlantic Treaty Organization (NATO)) நட்பு நாடுகளையும் இதேபோன்ற நெறிமுறைகளை ஏற்க ஊக்குவித்துள்ளது. நேட்டோவின் 2021-ஆம் ஆண்டில் இராணுவ விவகாரங்களில் பொறுப்பான AI பயன்பாட்டிற்கான ஆறு கொள்கைகளை அடையாளம் கண்டது. இந்த ஆண்டு, நேட்டோ அதன் படைகள் செயற்கை நுண்ணறிவை பாதுகாப்பாகவும் பொறுப்புடனும் பயன்படுத்த உதவும் வழிகாட்டுதல்களின் தொகுப்பை வெளியிட்டது. பாதுகாப்பை உறுதி செய்யும் அதே வேளையில் இராணுவ ஆதாயங்களுக்காக செயற்கை நுண்ணறிவு பயன்பாட்டை விரைவுபடுத்துவதே குறிக்கோள்.
இது ஒரு வரலாற்று முறையைப் பின்பற்றுகிறது. அங்கு புதிய தொழில்நுட்பங்கள் இறுதியில் இராணுவ பயன்பாடுகளைக் கண்டுபிடிக்கின்றன. இதில் செயற்கை நுண்ணறிவு விதிவிலக்கல்ல. இராணுவக் களத்தில் செயற்கை நுண்ணறிவின் பொறுப்பான பயன்பாடு (REAIM) செயல்முறை இதை ஒப்புக்கொள்கிறது மற்றும் சாத்தியமான ஆபத்துகளை நிவர்த்தி செய்ய ஒப்புக்கொள்ளப்பட்ட விதிமுறைகளை உருவாக்குவதை நோக்கமாகக் கொண்டுள்ளது. செயற்கை நுண்ணறிவை பொறுப்புடன் பயன்படுத்துவது குறித்து, குறிப்பாக அணுசக்தி தடுப்பு அடிப்படையில் அமெரிக்கா சீனாவுடன் இருதரப்பு பேச்சுவார்த்தைகளை நடத்தி வருகிறது.
ஆயுதங்களில் செயற்கை நுண்ணறிவு பயன்பாடு குறித்து உலகம், இந்தியா மற்றும் சீனா எங்கே நிற்கின்றன
இராணுவக் களத்தில் செயற்கை நுண்ணறிவின் பொறுப்பான பயன்பாடு (REAIM) உச்சிமாநாடுகளுக்கு மேலதிகமாக, அமெரிக்கா இந்த ஆண்டின் தொடக்கத்தில் ஐக்கிய நாடுகள் பொதுச் சபை (United Nations General Assembly) பொறுப்பான செயற்கை நுண்ணறிவு பயன்பாடு குறித்த தீர்மானத்தை அறிமுகப்படுத்தியது. 123 நாடுகள் இணை ஒப்புதல் வழங்கிய இந்த தீர்மானம் ஒருமனதாக நிறைவேற்றப்பட்டது. ஐ.நா. முயற்சி பரந்த நோக்கங்களில் கவனம் செலுத்துகையில், இராணுவக் களத்தில் செயற்கை நுண்ணறிவின் பொறுப்பான பயன்பாடு (REAIM) செயல்முறை மிகவும் குறிப்பிட்ட பிரச்சினைகளில் கவனம் செலுத்துகிறது. இராணுவ செயற்கை நுண்ணறிவு பயன்பாட்டிற்கான புதிய விதிமுறைகளை உருவாக்க ஒரு சர்வதேச கூட்டணியை உருவாக்குவதை இது நோக்கமாகக் கொண்டுள்ளது.
50-க்கும் மேற்பட்ட நாடுகள் இராணுவக் களத்தில் பொறுப்பான செயற்கை நுண்ணறிவு பயன்பாடு குறித்த அமெரிக்க அரசியல் பிரகடனத்தை அங்கீகரித்துள்ளன. புதிய செயற்கை நுண்ணறிவு முயற்சிக்கு உலகளாவிய தெற்கிடம் (Global South) தகவல் தெரிவிக்கவும், அவர்களின் ஆதரவைப் பெறவும் அமெரிக்கா அணுகுகிறது. இந்தியா இதை கவனித்து வருகிறது. ஆனால், இந்த விவாதத்தில் தீவிரமாக பங்கேற்கவில்லை. இது சிக்கல்கள் மற்றும் அவற்றின் நீண்டகால தாக்கத்தை ஆய்வு செய்து வருகிறது. ஆனால் புதிய செயற்கை நுண்ணறிவு முயற்சிகளில் முழுமையாக சேரவில்லை.
ஹேக் உச்சிமாநாடு வெளியிட்ட "நடவடிக்கைக்கான அழைப்பை" (“call to action) இந்தியா அங்கீகரிக்கவில்லை. கொரியா உச்சிமாநாட்டில் முன்வைக்கப்படும் என்று எதிர்பார்க்கப்படும் உலகளாவிய செயற்கை நுண்ணறிவு நடவடிக்கைக்கான வரைபடத்தை இது ஆதரிக்குமா என்பதைப் பார்க்க வேண்டும். இருப்பினும், இராணுவ செயற்கை நுண்ணறிவு விதிமுறைகள் குறித்த இந்த முக்கியமான உலகளாவிய விவாதத்தில் டெல்லி ஒரு செயலற்ற பார்வையாளராக இருக்க முடியாது.
இதற்கு நேர்மாறாக, இராணுவ செயற்கை நுண்ணறிவு பயன்பாடு குறித்த விவாதங்களில் சீனா முன்னணியில் உள்ளது. சீன இராணுவ ஆய்வாளர்கள் "புத்திசாலித்தனமான போர்முறையில்" செயற்கை நுண்ணறிவின் பங்கு குறித்து விவாதிக்கின்றனர். 2021-ஆம் ஆண்டில், சீனா இராணுவ செயற்கை நுண்ணறிவு பயன்பாட்டை ஒழுங்குபடுத்துவது குறித்த வெள்ளை அறிக்கையை வெளியிட்டது. செயற்கை நுண்ணறிவின் பொறுப்பான இராணுவ பயன்பாடு குறித்த ஹேக் உச்சிமாநாட்டின் "நடவடிக்கைக்கான அழைப்பை" சீனா ஆதரித்தது.
அணு ஆயுதக் கட்டுப்பாட்டில் இந்தியாவின் கடினமான அனுபவம், அங்கு முடிவெடுக்க முடியாத தன்மை மற்றும் தயக்கம் குறிப்பிடத்தக்க பின்னடைவுகளை ஏற்படுத்தியது ஒரு நினைவூட்டல். உலகளாவிய விதிமுறைகள் நிறுவப்பட்ட பிறகு அவற்றை மாற்றுவதை விட ஆரம்ப கட்டங்களில் செல்வாக்கு செலுத்துவது எளிது என்பதை இது காட்டுகிறது.
சி.ராஜா மோகன், கட்டுரையாளர் சிங்கப்பூர் தேசிய பல்கலைக்கழகத்தின் தெற்காசிய ஆய்வுகள் நிறுவனத்தின் பேராசிரியர் மற்றும் தி இந்தியன் எக்ஸ்பிரஸ் நாளிதழின் சர்வதேச விவகாரங்களுக்கான பங்களிப்பு ஆசிரியர்.