வலுவான பட்ஜெட் மூலம் திட்டங்களை அதிகரிக்க முடியும்.
ஐந்து இந்தியர்களில் ஒருவருக்கு வைட்டமின் D குறைபாடு உள்ளது. இது பல நோய்களை ஏற்படுத்தும். இதை நிவர்த்தி செய்ய, ஆயுஷ்மான் பாரத்தின் இலக்குகளுடன் இணைந்து "வைட்டமின் D குறைபாடு இல்லாத இந்தியா" (“Vitamin D Kuposhan Mukt Bharat”) என்ற புதிய திட்டம் தொடங்கப்பட வேண்டும். சுகாதார பட்ஜெட் உற்பத்தித்திறனை அதிகரிக்க உதவும் என்று PM-EAC ஆய்வு கண்டறிந்துள்ளது. இது நுண்ணூட்டச்சத்து தலையீடுகளில் முதலீடு செய்யப்படும் ஒவ்வொரு ₹1 ரூபாயும் ₹15 ரூபாய்க்கும் அதிகமான பொருளாதார வருமானத்தை ஈட்ட முடியும் என்று குறிப்பிட்டுள்ளது.
இரத்த சோகை குறைபாடு இல்லாத இந்தியா (Anaemia Mukt Bharat) போன்ற திட்டங்களின் வெற்றியை இந்தியா கண்டுள்ளது.
செயலற்ற செலவுகள்
ICRIER-ன் வரவிருக்கும் அறிக்கையில், இதன் நன்மைகள் மற்றும் செயலற்ற செலவுகள் தொடர்பாக சுகாதாரச் செலவு மற்றும் தொழிலாளர் உற்பத்தித்திறன் ஆகியவற்றின் பொருளாதார தாக்கம் மதிப்பிடப்பட்டுள்ளது. சுகாதார செலவினங்களில் செயலற்றத் தன்மையின் பொருளாதார செலவுகள் தடங்கல்களை ஏற்படுத்துகின்றன. எடுத்துக்காட்டாக, இடுப்பு எலும்பு முறிவுகள் போன்ற நிலைகளுக்கான சிகிச்சை பெரும்பாலும் வைட்டமின் D குறைபாடுடன் தொடர்புடையது. இது கணிசமான நிதிச் சுமையை ஏற்படுத்தலாம். ஒரே ஒரு இடுப்பு எலும்பு முறிவு சிகிச்சைக்கு பொது மருத்துவமனைகளில் ₹50,000 மற்றும் தனியார் மருத்துவமனைகளில் ₹2.5 லட்சம் வரை செலவாகும் என மதிப்பிடப்பட்டுள்ளது.
வைட்டமின் D குறைபாட்டை எதிர்த்து நடவடிக்கை எடுக்காதது உற்பத்தித்திறனில் கடுமையான விளைவுகளை ஏற்படுத்துகிறது. வைட்டமின் D அளவு குறைவாக இருப்பது உடல் சோர்வு, தசை மற்றும் எலும்பு வலி மற்றும் பலவீனமான நோய் எதிர்ப்பு சக்தியை ஏற்படுத்தும். இது அதிக நாட்கள் நோய்வாய்ப்பட்ட பாதிப்புகள் மற்றும் குறைந்த வேலை செயல்திறன் ஆகியவற்றிற்கு வழிவகுக்கிறது. இந்த பிரச்சினைகள் தனிநபர்களை மட்டுமல்ல, ஒட்டுமொத்த பொருளாதாரத்தையும் பாதிக்கின்றன.
வைட்டமின் D குறைபாடு உற்பத்தித்திறனைப் பாதிக்கிறது மற்றும் மொத்த உள்நாட்டு உற்பத்தியைப் பாதிக்கிறது. சிறந்த பணியிட ஆரோக்கியம் என்பது குறைவான நாட்கள் நோய்வாய்ப்பட்ட பாதிப்புகள், அதிக ஆற்றல் மற்றும் மேம்பட்ட உற்பத்தித்திறனைக் குறிக்கிறது. வைட்டமின் D போன்ற போதுமான நுண்ணூட்டச்சத்துக்களை உறுதி செய்வது, பணியாளர்களின் செயல்திறனை அதிகரிப்பதன் மூலமும் சுகாதாரச் செலவுகளைக் குறைப்பதன் மூலமும் இந்தியாவின் மொத்த உள்நாட்டு உற்பத்தியில் ஒவ்வொரு ஆண்டும் ₹27,720 கோடியைச் சேர்க்கக்கூடும்.
இந்தியாவில், மத்திய மற்றும் மாநில அரசுகள் இணைந்து செயல்படும் சிறப்புத் திட்டங்கள் தேவை. வரவிருக்கும் பட்ஜெட்டில் 'வைட்டமின் D குறைபாடு இல்லாத இந்தியா"' (‘Vitamin D Kuposhan Mukt Bharat’) என்ற திட்டம் அறிமுகப்படுத்தப்படலாம். இந்தத் திட்டம் தற்போதைய அரசாங்க முயற்சிகளை மேம்படுத்துவதில் கவனம் செலுத்தும். இது சோதனை மற்றும் சிகிச்சைக்கான செலவைக் குறைக்க உதவும். குறைபாடுகளைக் கண்டறிந்து இலக்கு தீர்வுகளை உருவாக்க ICMR-NIN இன் 'டயட் அண்ட் பயோமார்க்ஸ் சர்வே (DABS-I)' (‘Diet and Biomarkers Survey (DABS-I)’) தரவையும் இது பயன்படுத்தலாம்.
உலகெங்கிலும் உள்ள அரசாங்கங்கள் பல்வேறு குழுக்களை இணைத்து வைட்டமின் D குறைபாடுகளை நிவர்த்தி செய்வதற்கான திட்டங்களைத் தொடங்கியுள்ளன. எடுத்துக்காட்டாக, ஜோர்டானின் 'தேசிய கோதுமை மாவு வலுவூட்டல்' ('National Wheat Flour Fortification') திட்டத்தில் கோதுமை மாவுடன் வைட்டமின் D சேர்க்க வேண்டும். உலகளாவிய அமைப்பான GAIN, குழந்தைகளுக்கு வைட்டமின் D முன்கலவைகளை வழங்க எத்தியோப்பிய அரசாங்கத்துடன் இணைந்து பணியாற்றியுள்ளது. இந்தியாவில், ஊட்டச்சத்து குறைபாடு இல்லாத இந்தியா"' திட்டம் (Kuposhan Mukt Bharat program) குறைந்த வருமானம் கொண்டவர்களுக்கு இலவச வைட்டமின் D பரிசோதனைகளை வழங்க முடியும். கூடுதலாக, ஏழை மக்களுக்கு வலுவூட்டல் மற்றும் கூடுதல் பொருட்களை வழங்க கூட்டாண்மைகளை உருவாக்க முடியும்.
பாரம்பரிய மற்றும் சமூக ஊடகங்களைப் பயன்படுத்தி விழிப்புணர்வு பிரச்சாரங்களுக்கு நிதி ஒதுக்கப்படலாம்.
மேம்பட்ட செறிவூட்டல் தொழில்நுட்பங்கள், உயிர்-செறிவூட்டப்பட்ட பயிர்கள், செறிவூட்டப்பட்ட பானங்கள், தாவர அடிப்படையிலான வைட்டமின் D துணைப்பொருள்கள், மேம்படுத்தப்பட்ட பாரம்பரிய மருந்துகள் மற்றும் குறைந்த விலை பரிசோதனை கருவிகளை உருவாக்கவும் பட்ஜெட்டில் நிதி ஒதுக்கலாம்.
முகர்ஜி, சர்வதேச பொருளாதார உறவுகள் குறித்த இந்திய ஆராய்ச்சி கவுன்சில் (ICRIER) பேராசிரியராக உள்ளார்; சவுத்ரி ஆகாஷ் ஹெல்த்கேர் பிரைவேட் லிமிடெட்டின் நிர்வாக இயக்குநராக உள்ளார். கன்னா ICRIER-ல் ஆராய்ச்சி உதவியாளர்.