அமெரிக்காவுடனான வர்த்தக ஒப்பந்தம் சீனாவுக்கு எதிரானதாக பார்க்கப்படக்கூடாது.
அமெரிக்க துணை அதிபர் ஜே டி வான்ஸின் இந்தியா வருகை உலகளாவிய வர்த்தகப் போரின் நடுவில் நிகழ்கிறது. இந்த நிச்சயமற்ற காலகட்டத்தில், டிரம்ப் நிர்வாகத்திலிருந்து வரும் முதல் உயர்மட்ட வருகை ஒரு வர்த்தக ஒப்பந்தத்திற்கான இரு நாடுகளின் வலுவான அரசியல் ஆதரவையும் குறிக்கிறது. இரு தரப்பினரும் ஒப்பந்த பேச்சுவார்த்தைகளில் ஏற்பட்ட "குறிப்பிடத்தக்க முன்னேற்றத்தை வரவேற்றனர்". தலைமை பேச்சுவார்த்தையாளர் ராஜேஷ் அகர்வால் தலைமையிலான இந்திய அரசு அதிகாரிகள் அமெரிக்காவுக்கு மேற்கொள்ளவிருக்கும் 3 நாள் பயணத்திற்கு முன்பாக இந்த அரசியல் சந்திப்பு நடைபெற்றது.
தகவல்களின்படி, வரி மற்றும் வரி அல்லாத தடைகள் மற்றும் மூல விதிகள் உள்ளிட்ட பகுதிகளை உள்ளடக்கிய 19 அத்தியாயங்கள் பேச்சுவார்த்தையில் இருந்ததாக கூறப்படுகிறது. வெள்ளை மாளிகை "இருதரப்பு வர்த்தகம் மற்றும் விநியோகச் சங்கிலி ஒருங்கிணைப்பை சீரான மற்றும் பரஸ்பர நன்மை பயக்கும் வகையில் மேம்படுத்துவதற்கான இலக்கை" வெளிப்படுத்தியது.
வெள்ளை மாளிகையின் கூற்றுப்படி, 75-க்கும் மேற்பட்ட நாடுகள் புதிய வர்த்தக ஒப்பந்தங்களை விவாதிக்க அதனை அணுகியுள்ளன. ஆனால், அமெரிக்க கருவூல செயலாளர் ஸ்காட் பெசென்ட், இந்தியாவுடன், ஜப்பான், தென் கொரியா, ஆஸ்திரேலியா மற்றும் இங்கிலாந்தை புதிய வர்த்தக ஒப்பந்தங்களுக்கான முக்கிய இலக்குகளில் முன்னுரிமை அளிப்பதாக கூறப்படுகிறது. ஜப்பானிய வர்த்தகக் குழு சில நாட்களுக்கு முன்பு அமெரிக்க அதிகாரிகளை சந்தித்தது.
ஆனால், பேச்சுவார்த்தைகளில் பங்கேற்ற அதிபர் டொனால்ட் டிரம்ப், அவற்றின் நோக்கத்தை தீர்வை அல்லாத சிக்கல்களையும் உள்ளடக்கி விரிவுபடுத்தினார். தென் கொரியா இந்த வாரம் பேச்சுவார்த்தைகளை நடத்துகிறது. சீனாவுடன் "நல்ல உரையாடல்கள்" நடந்து வருவதாக டிரம்ப் கூறியுள்ளார். ஆனால், தன் பக்கத்தில், பெய்ஜிங் நாடுகளை தனக்கு எதிராக அமெரிக்காவுடன் வர்த்தக ஒப்பந்தங்களில் நுழைவதற்கு எதிராக எச்சரித்துள்ளது. "இது நடந்தால், சீனா அதை ஏற்காது மற்றும் உறுதியாக பரஸ்பர எதிர் நடவடிக்கைகளை எடுக்கும்" என்று சீன வர்த்தக அமைச்சகம் கூறியுள்ளது.
செவ்வாய்க்கிழமை, வர்த்தக நிச்சயமின்மை பொருளாதார நடவடிக்கைகளை பாதிப்பதால் IMF உலகளாவிய வளர்ச்சி கணிப்புகளை குறைத்தது. தற்போது உலக பொருளாதாரம் 2025 ஆணடில் 2.8 சதவீதம் வளரும் என எதிர்பார்க்கிறது. இது முந்தைய மதிப்பீட்டிலிருந்து 50 அடிப்படை புள்ளிகள் குறைவாகும். அனைத்து நாடுகளும் பாதிக்கப்படக்கூடும். நிதியம் இப்போது அமெரிக்கா 1.8 சதவீதம் வளரும் என கணிக்கிறது. இது முந்தைய மதிப்பீட்டிலிருந்து 90 அடிப்படை புள்ளிகள் குறைவு. சீனா 4 சதவீதம் வளரும் என எதிர்பார்க்கப்படுகிறது.
இது முந்தைய மதிப்பீட்டை விட 60 அடிப்படை புள்ளிகள் குறைவு. அதே, சமயம் இந்தியாவின் வளர்ச்சி 30 அடிப்படை புள்ளிகள் குறைந்து 6.2 சதவீதமாக குறிக்கப்பட்டுள்ளது. இந்த நிச்சயமற்ற உலகளாவிய சூழலில் IMF உலகளாவிய வர்த்தக வளர்ச்சியை பாதியாக குறைத்துள்ளது.
புது டெல்லி அமெரிக்க வர்த்தக ஒப்பந்தத்தை முன்னெடுக்கும் நிலையில், உலக வர்த்தக அமைப்பிற்கும், இந்தியாவிற்கும் சீனாவின் முக்கியத்துவத்தை குறைத்து மதிப்பிட முடியாது. சீனா உலகளாவிய உற்பத்தி விநியோக சங்கிலிகளின் மையத்தில் உள்ளது. 2023-24 நிதியாண்டில், இந்தியா-சீனா இருதரப்பு வர்த்தகம் $118.4 பில்லியன் என்ற அதிரடியான அளவில் இருந்தது. அமெரிக்காவுடனான வர்த்தக ஒப்பந்தம் சீனாவுக்கு எதிரானதாக பார்க்கப்படக்கூடாது. நாடுகளுக்கிடையேயான வர்த்தக இயக்கவியல் சிக்கலானது மற்றும் சவால் நிறைந்தது. அதை கவனமாகவும் திறமையாகவும் நிர்வகிக்க வேண்டும்.