இந்தியாவில் தொற்றா நோய்கள் அதிகமாகக் காணப்படுகின்றன. நோய்வாய்ப்படுவதற்கு முன்பே தங்களைத் தாங்களே கவனித்துக் கொள்வதன் மூலம் ஆரோக்கியமாக இருக்க முடியும் என்பதை மக்கள் புரிந்து கொள்ள வேண்டும்.
இந்தியா 5 டிரில்லியன் டாலர் பொருளாதாரமாகவும், உலகளாவிய தலைவராகவும் மாறுவதை நோக்கமாகக் கொண்டுள்ளது. ஆனால், தொற்றா நோய்கள் (non-communicable diseases (NCDs)) அதிகரிப்பு இந்த முன்னேற்றத்தைத் தடுக்கக்கூடிய ஒரு மறைக்கப்பட்ட பிரச்சனையாக உள்ளது. இந்த நோய்கள் "அமைதியான தொற்றுநோய்" (“silent epidemic”) என்று அழைக்கப்படுகின்றன. இவை இப்போது இந்தியாவில் மரணத்திற்கு முக்கிய காரணமாக உள்ளன. இதனால், ஒவ்வொரு மூன்று இறப்புகளில் இரண்டு இறப்புகள் தொற்றா நோய்கள் மூலம் ஏற்படுகிறது. இந்தியா வலுவாகவும் வெற்றிகரமாகவும் வளர விரும்பினால், அது மக்களை ஆரோக்கியமாக வைத்திருப்பதில் கவனம் செலுத்த வேண்டும். இதன் பொருள் தடுப்பு சுகாதாரப் பராமரிப்பை ஊக்குவிப்பது, நோய்வாய்ப்படுவதற்கு முன்பு ஆரோக்கியமாக இருக்க நடவடிக்கை எடுப்பது போன்றவை இதில் அடங்கும்.
நோய்வாய்ப்படுவதற்கு முன்பே தங்களைத் தாங்களே கவனித்துக் கொள்வதன் மூலம் ஆரோக்கியமாக இருக்க முடியும் என்பதை மக்கள் புரிந்து கொள்ள வேண்டும்.
தொற்றா நோய்கள் அதிகரித்து வருவதால் ஏற்படும் பொருளாதார பாதிப்பு
கடந்த பத்தாண்டுகளில், இந்தியாவின் சுகாதார நிலைமை மாறிவிட்டது. தொற்றுகள் போன்ற ஒருவரிடம் இருந்து மற்றொரு நபருக்கு பரவும் நோய்கள் இப்போது சிறப்பாகக் கட்டுப்படுத்தப்பட்டுள்ளன. ஆனால் இப்போது, தொற்றா நோய்கள் (NCDs) ஒரு பெரிய பிரச்சனையாக மாறியுள்ளன. இவற்றில் இதய நோய், நீரிழிவு நோய், புற்றுநோய், நுரையீரல் நோய்கள் மற்றும் பக்கவாதம் போன்ற நீண்டகால நோய்கள் அடங்கும். இந்தியாவில் ஒவ்வொரு ஆண்டும் சுமார் ஐந்து முதல் ஆறு மில்லியன் மக்கள் இந்த நோய்களால் இறக்கின்றனர். இன்னும் கவலைக்குரிய விஷயம் என்னவென்றால், தொற்றா நோய்கள் முன்பைவிட இளம் வயதிலேயே மக்களைப் பாதிக்கின்றன.
இந்தியாவின் உழைக்கும் வயது மக்கள் அதிக உடல்நலப் பிரச்சினைகளை எதிர்கொள்கின்றனர். இது கவலையளிக்கும் பிரச்சனையாக உள்ளது. ஏனெனில், நாட்டின் பொருளாதார வளர்ச்சி அதன் இளம் பணியாளர்களைச் சார்ந்துள்ளது. 30 வயதுக்கு மேற்பட்ட இந்தியர்களில் சுமார் 22% பேர் 70 வயதை அடைவதற்கு முன்பே தொற்றாத நோய் பாதிப்பினால் (NCD) இறக்கும் அபாயத்தில் உள்ளனர். 30 மற்றும் 40 வயதுடைய பலர் இதயப் பிரச்சினைகளுடன் அல்லது நீரிழிவு காரணமாக டயாலிசிஸ் தேவைப்படும் நிலையில் உள்ளார்கள்.
தொற்றா நோய்கள் (NCDs) மக்களின் ஆரோக்கியத்தை மட்டும் பாதிக்காது. அவை மிகப்பெரிய பொருளாதாரத் தாக்கத்தையும் ஏற்படுத்துகின்றன. தொற்றா நோய்கள் உற்பத்தித்திறனைக் குறைத்து வேலை செய்யக்கூடிய மக்களின் எண்ணிக்கையைக் குறைப்பதே இதற்குக் காரணம். தொற்றா நோய்கள் ஏற்கனவே இந்தியாவின் மொத்த உள்நாட்டு உற்பத்தியில் 5% முதல் 10% வரை செலவை ஏற்படுத்தக்கூடும் என்று ஆய்வுகள் மதிப்பிடுகின்றன. உலக பொருளாதார மன்றம் மற்றும் ஹார்வர்ட் பொது சுகாதாரப் பள்ளியின் ஆய்வு நீண்ட கால தாக்கத்தை ஆய்வு செய்தது.
2012ஆம் ஆண்டு மற்றும் 2030ஆம் ஆண்டுக்கு இடையில், தொற்றா நோய்கள் இந்தியப் பொருளாதாரத்திற்கு சுமார் $3.5 டிரில்லியன் முதல் $4 டிரில்லியன் வரை இழப்பை ஏற்படுத்தக்கூடும் என்று அது கணித்துள்ளது. எனவே, சுகாதாரப் பராமரிப்பில் முதலீடு செய்வது ஒரு செலவு அல்ல, மாறாக ஒரு பொருளாதார உத்தி என்பதை உணர்ந்து செயல்பட வேண்டும். நோய்களை வரும்முன் தடுப்பது என்பது நிலையான வளர்ச்சிக்கான நமது சிறந்த காப்பீட்டுக் கொள்கையாகும்.
நல்ல செய்தி என்னவென்றால், பெரும்பாலான தொற்று அல்லாத நோய்களைத் (NCDs) தடுக்க முடியும். உடல் உழைப்பு இல்லாத வாழ்க்கை முறை முக்கிய காரணங்களில் ஒன்றாகும். ஆரோக்கியமற்ற உணவு முறைகளும் இந்தப் பிரச்சனைக்கு பங்களிக்கின்றன. புகையிலை மற்றும் மது அருந்துதல் ஆபத்தை மேலும் அதிகரிக்கிறது. மாசுபாடு மற்றும் மரபணு முன்கணிப்பு ஆகியவை பிற முக்கிய காரணிகளாகும். இந்தப் பகுதிகளில் மாற்றங்களைச் செய்வதன் மூலம், தொற்று அல்லாத நோய்களின் அபாயத்தைக் குறைக்கலாம். இதய நோய், பக்கவாதம் மற்றும் நீரிழிவு நோயின் ஆரம்பகால நிகழ்வுகளில் சுமார் 80% தடுக்கப்படலாம் என்று நிபுணர்கள் மதிப்பிடுகின்றனர். வாழ்க்கை முறை பழக்கவழக்கங்களை மேம்படுத்துவதன் மூலம் இவற்றைத் தவிர்க்கலாம்.
இன்று, சுமார் 22%-23% பெரியவர்கள் அதிக எடையுடன் உள்ளனர். இது உடல் பருமனை நிவர்த்தி செய்ய வேண்டிய அவசரத் தேவையைக் காட்டுகிறது. இதைச் செய்ய, நாம் உடல் செயல்பாடுகளை அன்றாட வாழ்க்கையின் ஒரு பகுதியாக மாற்ற வேண்டும். மக்கள் ஒவ்வொரு நாளும் குறைந்தது 30 நிமிடங்கள் மிதமான உடற்பயிற்சி செய்ய வேண்டும். இதில் நடைபயிற்சி, யோகா அல்லது விளையாட்டு ஆகியவை அடங்கும். ஆரோக்கியமான உணவும் முக்கியம். பழங்கள், காய்கறிகள் மற்றும் புரதங்கள் நிறைந்ததாக இருக்க வேண்டும். சர்க்கரை, உப்பு மற்றும் ஆரோக்கியமற்ற கொழுப்புகளும் குறைவாக இருக்க வேண்டும்.
காற்று மாசுபாடு ஒரு சுகாதார அவசரநிலை. இது நாள்பட்ட நுரையீரல் அடைப்பு நோய் (chronic obstructive pulmonary disease (COPD)) அபாயத்தை நேரடியாக அதிகரிக்கிறது. இது நுரையீரல் புற்றுநோயின் வாய்ப்புகளையும் அதிகரிக்கிறது. கூடுதலாக, இது மாரடைப்புக்கு வழிவகுக்கும். மாசுக் கட்டுப்பாட்டை தடுப்பு மருத்துவத்தின் ஒரு பகுதியாகப் பார்க்க வேண்டும்.
மிக முக்கியமான படி வழக்கமான சுகாதார பரிசோதனைகள் ஆகும். இந்த பரிசோதனைகள் நோய்களை முன்கூட்டியே கண்டறிய உதவுகின்றன. ஆரம்பகால கண்டறிதல் உயிர்களைக் காப்பாற்றும். 40 வயதில் பரிசோதனைகள் தொடங்க வேண்டும். குடும்பத்தில் யாருக்காவது நோய் பாதிப்பு இருந்தால், அவை இன்னும் முன்னதாகவே தொடங்க வேண்டும். ஆரம்பகால கண்டறிதல் சரியான நேரத்தில் சிகிச்சை அளிக்க அனுமதிக்கிறது. உதாரணமாக, இரத்த அழுத்தத்தை சரியான நேரத்தில் கட்டுப்படுத்துவது பக்கவாதத்தைத் தடுக்கலாம். புற்றுநோய்க்கு முந்தைய பாலிப் (polyp) பெருங்குடல் புற்றுநோயாக மாறுவதற்கு முன்பு அதை அகற்றுவதன் மூலம் அது புற்றுநோயாக மாறுவதைத் தடுக்கலாம். மார்பகப் புற்றுநோய்க்கான மேமோகிராம்கள் (mammograms) அல்லது கர்ப்பப்பை வாய்ப் புற்றுநோய்க்கான HPV சோதனைகள் போன்ற பரிசோதனைகள் நோயின் ஆரம்ப, குணப்படுத்தக்கூடிய நிலைகளைக் கண்டறிய உதவும்.
தொழில்நுட்பம் நோய்த் தடுப்பு முறைகளை மாற்றும்
டிஜிட்டல் சுகாதார தொழில்நுட்பம் நமது ஆரோக்கியத்தை நாம் கவனித்துக் கொள்ளும் விதத்தை மாற்றி வருகிறது. இதில் ஸ்மார்ட்போன் பயன்பாடுகள், அணியக்கூடிய சாதனங்கள் மற்றும் பெரிய தரவு கருவிகள் அடங்கும். இந்தியாவில் 750 மில்லியனுக்கும் அதிகமான ஸ்மார்ட்போன் பயனர்கள் உள்ளனர். இது சுகாதார குறிப்புகள், நினைவூட்டல்கள் மற்றும் ஆபத்து சோதனைகளை மக்களுக்கு அவர்களின் தொலைபேசிகள் மூலம் நேரடியாக அனுப்ப ஒரு வாய்ப்பை வழங்குகிறது. அணியக்கூடிய சாதனங்கள் மற்றும் சுகாதார கண்காணிப்பாளர்கள், இதயத் துடிப்பு அல்லது செயல்பாட்டு நிலைகள் போன்ற அவர்களின் சுகாதார புள்ளிவிவரங்களைக் கண்காணிக்க உதவுகிறார்கள். நோய் தடுப்பு பராமரிப்பில் இந்த நிகழ்நேர சுகாதாரத் தரவைப் பயன்படுத்துவது சுகாதாரப் பராமரிப்பில் ஒரு புதிய மற்றும் நம்பிக்கைக்குரிய படியாகும்.
சுகாதார முன்னறிவிப்புகளை மேம்படுத்துவதில் செயற்கை நுண்ணறிவு (AI) பெரும் பங்கு வகிக்கிறது. ஒரு நபருக்கு தொற்று அல்லாத நோய்கள் (NCDs) வருவதற்கான அபாயத்தைக் கணிக்க AI அதிக அளவிலான சுகாதாரத் தரவைப் படிக்க முடியும். செயற்கை நுண்ணறிவு கருவிகள் ஒரு நபரின் சுகாதாரத் தகவலைப் பார்த்து "சுகாதார ஆபத்து மதிப்பெண்ணை" (“health risk score.”) உருவாக்க முடியும். இந்த மதிப்பெண் அடுத்த 10 ஆண்டுகளில் அவர்களுக்கு இதயப் பிரச்சினை அல்லது நீரிழிவு நோய் வருவதற்கான வாய்ப்பு எவ்வளவு என்பதைத் தெரிவிக்கும். செயற்கை நுண்ணறிவு மருத்துவர்களுக்கு நோய்களை முன்கூட்டியே கண்டறிய உதவுகிறது. எடுத்துக்காட்டாக, இயந்திர கற்றல் மூலம், CT ஸ்கேன்களை ஸ்கேன் செய்து நுரையீரல் பிரச்சினைகள் அல்லது கொழுப்பு கல்லீரலின் சிறிய அறிகுறிகளைக் கண்டறியலாம். இந்த ஆரம்ப அறிகுறிகளை மனிதக் கண்கள் தவறவிடலாம். அவற்றை முன்கூட்டியே கண்டுபிடிப்பது, நோய் மோசமடைவதற்கு முன்பு மருத்துவர்கள் நடவடிக்கை எடுக்க அனுமதிக்கிறது.
இருப்பினும், AI உதவியுடன் தடுப்பு மருத்துவம் எப்போதும் நோயாளியின் மீது கருணையுடனும், அக்கறையுடனும், கவனம் செலுத்துவதாகவும் இருக்க வேண்டும். சரியாகப் பயன்படுத்தப்படும்போது, டிஜிட்டல் மருத்துவம் மற்றும் AI மிகவும் உதவியாக இருக்கும். அவை தடுப்பு பராமரிப்பை மிகவும் சுறுசுறுப்பாகவும், துல்லியமாகவும், அனைவரும் அணுகுவதை எளிதாக்கும்.
'நோய்த் தடுப்பு மனநிலையை' வளர்ப்பது
நோய்த் தடுப்பு மருத்துவம் என்பது வெறும் மருத்துவ சேவைகளைவிட அதிகம் தேவைப்படுவது. இது ஒரு மாறுபட்ட சிந்தனை முறை. எதிர்காலத்தில், தனிநபர்கள், சமூகங்கள், நிறுவனங்கள் மற்றும் அரசாங்கம் என அனைவரும் ஒவ்வொரு முடிவு மற்றும் கொள்கையிலும் ஆரோக்கியத்திற்கு முதலிடம் கொடுப்பார்கள். மக்கள் தங்கள் சொந்த ஆரோக்கியத்தை கவனித்துக் கொள்ள வேண்டும். ஒவ்வொரு நாளும் சிறிய மாற்றங்களைச் செய்வது நல்ல வாழ்க்கை முறைக்கு பயன்னுள்ளதாக இருக்கும். எடுத்துக்காட்டாக, படிக்கட்டுகளைப் பயன்படுத்துவது அல்லது குறைந்த சர்க்கரை சாப்பிடுவது போன்றவற்றை கடைப்பிடிப்பது நல்ல செயல் முறையாகும். நிறுவனங்களும் ஒரு முக்கிய பங்கைக் கொண்டுள்ளன. அவர்கள் நல்வாழ்வு திட்டங்களை வழங்குவதன் மூலம் ஊழியர்களின் ஆரோக்கியத்தை ஆதரிக்க வேண்டும். இவற்றில் வருடாந்திர சுகாதார பரிசோதனைகள், உள்-ஆலோசகர்கள் மற்றும் உடற்பயிற்சி அமர்வுகள் ஆகியவை அடங்கும்.
சுகாதாரப் பராமரிப்பு வழங்குநர்கள் நோய்களுக்கு சிகிச்சையளிப்பதில் இருந்து அவற்றைத் தடுப்பதற்கு மாற வேண்டும். இதில் அரசாங்கம் மிக முக்கிய பங்கு வகிக்கிறது. தேசிய தொற்றா நோய்கள் தடுப்பு மற்றும் கட்டுப்பாட்டுத் திட்டம் மற்றும் சுகாதாரம் மற்றும் நல்வாழ்வு மையங்களை அமைப்பது போன்ற திட்டங்கள் சிறந்த படிகள். இந்த மையங்கள் ஆரம்பகால பரிசோதனை மற்றும் தடுப்பு ஆகியவற்றில் கவனம் செலுத்துகின்றன. பொதுக் கொள்கைகள் நல்ல ஆரோக்கியத்தையும் ஆதரிக்க வேண்டும். மக்கள் உடற்பயிற்சி செய்யக்கூடிய பசுமையான இடங்கள் நகரங்களில் இருக்க வேண்டும். பள்ளிக் கல்வியில் சுகாதாரம் மற்றும் ஊட்டச்சத்து பற்றிய பாடங்கள் சேர்க்கப்பட வேண்டும். உணவுத் துறைக்கான விதிகள் உணவில் உப்பு மற்றும் சர்க்கரையைக் குறைக்க உதவும்.
தடுப்பு சிகிச்சை கிடைக்கச் செய்வதற்கும் பயனுள்ளதாக்குவதற்கும் நான் பல ஆண்டுகளாகப் பணியாற்றி வருவதால், ஆயிரக்கணக்கான மக்களின் வாழ்க்கை சிறப்பாக மாறுவதைக் கண்டிருக்கிறேன். நோய்கள் ஆரம்பத்திலேயே கண்டறியப்பட்டதாலோ அல்லது அபாயங்கள் சரியான நேரத்தில் நிர்வகிக்கப்பட்டதாலோ இது நிகழ்ந்தது. ஒவ்வொரு நபரும் தங்கள் ஆரோக்கியத்தைப் பாதுகாக்கும் விருப்பத் தேர்வுகளை தேர்வு செய்யும் சக்தி கொண்டவர்கள். 1.4 பில்லியன் இந்தியர்களும் இந்த ஆரோக்கியமான தேர்வுகளைச் செய்தால், அது நாட்டின் ஒட்டுமொத்த ஆரோக்கியத்தையும் மகிழ்ச்சியையும் மேம்படுத்தும். இது இந்தியா தனது பொருளாதார இலக்குகளை அடையவும் உதவும்.
டாக்டர் பிரதாப் சி. ரெட்டி அப்பல்லோ மருத்துவமனையின் தலைவர்.