இந்த முன்னேற்றம், இந்தியா சிறிய அணுசக்தி நிறுவனங்களின் மதிப்புச் சங்கிலிகளில் ஒரு பகுதியாக இருப்பதற்கான வழியைத் தெளிவுபடுத்துகிறது.
இந்தியா-அமெரிக்க சிவில் அணுசக்தி ஒப்பந்தத்திற்கு கிட்டத்தட்ட இருபதாண்டுகளுக்குப் பிறகு, மார்ச் 26 அன்று அமெரிக்க எரிசக்தித் துறை ஹோல்டெக் இன்டர்நேஷனலின் விண்ணப்பத்தை அங்கீகரித்தது. இந்த ஒப்புதல் ஹோல்டெக் இந்தியாவில் அணு உலைகளை வடிவமைத்து உருவாக்க அனுமதிக்கிறது. இது, வகைப்படுத்தப்படாத சிறிய மட்டு உலை (small modular reactor (SMR)) தொழில்நுட்பத்தை இந்தியாவில் உள்ள மூன்று நிறுவனங்களுக்கு மாற்ற அனுமதிக்கிறது. அவை, L&T, டாடா கன்சல்டிங் இன்ஜினியர்ஸ் மற்றும் ஹோல்டெக்கின் பிராந்திய துணை நிறுவனமான ஹோல்டெக் ஆசியா போன்றவை ஆகும். சிறிய மட்டு உலைகள் (SMR) மேம்பட்ட அணு உலைகள் ஆகும். அவை 30 MWe-க்கும் குறைவான மின்சாரத்தை உற்பத்தி செய்ய முடியும். அமெரிக்க அதிபர் டொனால்ட் டிரம்ப் அமெரிக்க உற்பத்தியை அதிகரிப்பதில் கவனம் செலுத்தி வரும் நேரத்தில் ஹோல்டெக்கிற்கான அனுமதி வருகிறது. இந்த ஒப்புதல் ஒரு முக்கியமான படியாகும். இது சிறிய அணு உலைகளுக்கான உற்பத்தி மதிப்புச் சங்கிலியில் இந்தியாவை சேர அனுமதிக்கலாம். இந்த பகுதியில் சீனாவும் பெரிய திட்டங்களைக் கொண்டுள்ளது.
சமீபத்திய மாதங்களில், இந்திய அரசாங்கம் அணுசக்திக்கான அதன் திட்டங்களை அறிவித்துள்ளது. 2025-26ஆம் ஆண்டுக்கான மத்திய பட்ஜெட்டில், நிதியமைச்சர் நிர்மலா சீதாராமன், "2047-ம் ஆண்டுக்குள் குறைந்தது 100 GW அணுசக்தியை" உருவாக்கும் இலக்கைக் குறிப்பிட்டார். இது நாட்டின் எரிசக்தி மாற்றத்தை ஆதரிக்கும். சிறிய மட்டு உலைகளின் (SMRs) ஆராய்ச்சி மற்றும் மேம்பாட்டிற்காக ரூ.20,000 கோடி பட்ஜெட்டில் ஒரு அணுசக்தி மிஷன் (Nuclear Energy Mission) உருவாக்கப்படுவதாகவும் அவர் அறிவித்தார்.
பிப்ரவரியில், இந்தியாவும் பிரான்சும் சிறிய மட்டு உலைகளையும் மேம்பட்ட மட்டு உலைகளையும் உருவாக்குவதற்கான ஒப்பந்தத்தில் கையெழுத்திட்டன. சமீபத்தில், மத்திய இணையமைச்சர் ஜிதேந்திர சிங், பாபா அணு ஆராய்ச்சி மையமும் இந்திய அணுசக்தி கழகமும் 200 மெகாவாட் திறன் கொண்ட பாரத் சிறிய மட்டு உலைகளை (Bharat Small Modular Reactors (BSMR)) வடிவமைத்து உருவாக்கி வருவதாகக் கூறினார். இந்தத் திட்டம் அங்கீகரிக்கப்பட்ட பிறகு கட்டுமானம் சுமார் 60 முதல் 72 மாதங்கள் ஆகும்.
BSMR-200 என்பது அழுத்தப்பட்ட கன நீர் உலை (PWR) வடிவமைப்பாகும். PWR என்பது மிகவும் பரவலாகப் பயன்படுத்தப்படும் உலை வகையாகும், அதே நேரத்தில் ஹோல்டெக்கின் SMR 300 என்பது ஒரு அழுத்தப்பட்ட கன-நீர் உலை (Pressurised Heavy Water Reactor (PWR)) ஆகும். உலகளவில் இரண்டு SMRகள் ஏற்கனவே செயல்பாட்டில் இருப்பதாக ஒரு அறிக்கை கூறுகிறது. ஒன்று ரஷ்யாவிலும் ஒன்று சீனாவிலும். 2033-ம் ஆண்டுக்குள் குறைந்தது ஐந்து உள்நாட்டிலேயே உருவாக்கப்பட்ட SMRகளை இயக்க இந்திய அரசாங்கம் இலக்கு வைத்துள்ளது.
இந்தியாவின் எரிசக்தி கலவையில் உள்ள சிக்கல்களைத் தீர்க்க அணுசக்தி உதவும். இது ஒப்பீட்டளவில் சுத்தமான எரிசக்தி மூலமாகும். இது அடிப்படை-சுமை மின்சாரத்தின் தேவையையும் பூர்த்தி செய்ய முடியும். புதுப்பிக்கத்தக்க ஆதாரங்களைப் போலல்லாமல், இதற்குப் பல நிச்சயமற்ற தன்மைகள் இல்லை. அரசாங்கம் விரைவாகச் செயல்பட வேண்டும். தனியார் துறையினரிடமிருந்து அதிக ஈடுபாட்டை ஊக்குவிக்க வேண்டும்.