இந்த இரயில் இணைப்பு காஷ்மீரை இந்தியாவின் மற்ற பகுதிகளுக்கு நெருக்கமாக கொண்டு வரும்.
‘காஷ்மீர் முதல் கன்னியாகுமரி வரை’ என்பது ஒரு உருவக சொற்றொடர் (figurative expression) ஆகும். அதாவது, இது வடக்கு முனையிலிருந்து தெற்கு முனை வரை இந்தியாவின் புவியியல் பரப்பளவை முழு நீளத்தையும் காட்டுகிறது. வரலாற்றில் முதல்முறையாக, இவைகளை இரயில் மூலம் இணைக்கப்பட்டுள்ளன.
272 கிலோமீட்டர் நீளமுள்ள உதம்பூர்-ஸ்ரீநகர்-பாரமுல்லா இரயில் இணைப்பு (Udhampur-Srinagar-Baramulla Rail Link (USBRL)) திட்டம் இதை சாத்தியமாக்கியுள்ளது. இது நிறைவடைய 28 ஆண்டுகள் ஆனது. இப்போது, காஷ்மீர் பள்ளத்தாக்கு தேசிய இரயில் வலையமைப்புடன் இணைக்கப்பட்டுள்ளது. இமயமலை மிகவும் கடினமான மற்றும் கடக்க கடினமான நிலப்பரப்பைக் கொண்டுள்ளது. இது இந்திய ரயில்வே பொறியாளர்களுக்கு ஒரு பெரிய சவாலாக இருந்தது. ஆனால், அவர்கள் இதை அற்புதமாக திறமையின் வெளிப்பாடாக செய்து காட்டினர்.
இதில், ஒரு பெரிய சாதனை செனாப் இரயில் பாலம் (Chenab Rail Bridge) ஆகும். இது ஈபிள் கோபுரத்தை விட 35 மீட்டர் உயரம் கொண்டது. இது உலகின் மிக உயரமான இரயில்வே வளைவு பாலம் ஆகும். இது ஆற்றுப் படுகையிலிருந்து 359 மீட்டர் உயரத்தில் உள்ளது. இந்த பாலம் 1,315 மீட்டர் நீளம் கொண்டது. இது மணிக்கு 260 கிமீ வேகத்தில் காற்றைத் தாங்கும். இது 120 ஆண்டுகள் நீடிக்கும் வகையில் கட்டப்பட்டுள்ளது.
அருகில் அஞ்சி காட் பாலம் (Anji Khad Bridge) உள்ளது. இது இந்தியாவின் முதல் கம்பிவடம் தாங்கிய இரயில்வே பாலமாகும் (cable-stayed railway bridge). இது ஆற்றுப் படுகையிலிருந்து 331 மீட்டர் உயரத்தில் நிற்கிறது மற்றும் 725 மீட்டர் குறுக்கே நீண்டுள்ளது. இது 96 உயர்-இழுவிசை கேபிள்களால் தாங்கப்பட்டுள்ளது. பாலம் 8,200 மெட்ரிக் டன் கட்டமைப்பு எஃகு பயன்படுத்தப்பட்டது.
USBRL திட்டத்திற்கு ₹43,780 கோடி செலவாகும். இதைக் கட்ட, 36 சுரங்கப்பாதைகளை உருவாக்க மலைகள் துளையிடப்பட்டன. இந்த சுரங்கப்பாதைகள் 119 கிலோமீட்டர்களை உள்ளடக்கியது. இந்த திட்டத்தில் முகடுகள் மற்றும் மலைப்பாதைகள் முழுவதும் 943 பாலங்களும் அடங்கும்.
காஷ்மீரின் பல ஆண்டுகால புவியியல் தனிமை இறுதியாக முடிவுக்கு வந்துள்ளது. காஷ்மீர் பகுதியில் உள்ள ஸ்ரீநகர் மற்றும் ஜம்மு பகுதியில் உள்ள கத்ரா இடையேயான வந்தே பாரத் எக்ஸ்பிரஸ், பிரதமர் நரேந்திர மோடி அவர்களால் துவக்கிவைக்கப்பட்டு, இரண்டு நிலைகளுக்கு இடையே பயணத்தை மூன்று மணிநேரமாக குறைக்கிறது. இந்த ஆண்டின் பிற்பகுதியில், புது தில்லிக்கும் ஸ்ரீநகருக்கும் இடையே நேரடி ரயில் சேவை இயக்க திட்டமிடப்பட்டுள்ளது. இது இரு நகரங்களுக்கிடையில் 13 மணி நேரத்தில் மட்டுமே பயணிக்க மக்களை அனுமதிக்கும். முன்னதாக, இதே பயணம் 24 மணி நேரத்திற்கும் மேலாக எடுத்தது. நீண்டதூர அதிவேக சேவையான வந்தே பாரத் எக்ஸ்பிரஸ், உளவியல் தடைகளை முடிவுக்கு கொண்டு வரவும், வளர்ச்சிக்கான நன்மைகளை பெருக்கவும் மற்றும் ஜம்மு மற்றும் காஷ்மீரின் பொருளாதாரத்தை மாற்றியமைப்பதாகவும் உள்ளது. ஏப்ரல் 2025-ல் பஹல்காம் பயங்கரவாதத் தாக்குதல் இந்தியாவையும் பாகிஸ்தானையும் ஒரு குறுகிய மோதலுக்குத் தள்ளிய சிறிது காலத்திற்குப் பிறகு, இரயில் சேவை பிராந்தியத்தில் புதுப்பிக்கப்பட்ட நம்பிக்கையைக் கொண்டு வந்துள்ளது. எல்லையில் பயங்கரவாத உள்கட்டமைப்புக்கு எதிராக இந்தியாவின் ‘ஆபரேஷன் சிந்தூர்’ (Operation Sindoor), போர் நிறுத்த ஒப்பந்தத்தை முடித்துக் கொண்டு, பொதுமக்களை குறிவைத்து, 18 பேர் உயிரிழந்தனர் மற்றும் 1,500க்கும் மேற்பட்ட வீடுகள் சேதமடைந்தன. கத்ராவில் இரயில் சேவையை துவக்கி வைக்கும் போது, பிரதமர் மோடி இந்த இரயில் இணைப்பை "புதிய, அதிகாரம் பெற்ற ஜம்மு காஷ்மீரின் சின்னம்" (a symbol of a new, empowered J&K) என்று சரியாக விவரித்தார். காஷ்மீர் மக்களை இந்தியாவின் பிற பகுதிகளுடன் இணைப்பதில் இந்தப் பாலம் முக்கியப் பங்கு வகிக்கும்.