தற்போதைய செய்தி:
2025-ஆம் ஆண்டு உலக மக்கள்தொகை நிலை (State of World Population (SOWP)) அறிக்கை ஐக்கிய நாடுகள் மக்கள்தொகை நிதியத்தால் (United Nations Population Fund (UNFPA)) வெளியிடப்பட்டது. இந்த ஆண்டு அறிக்கை, 'உண்மையான கருவுறுதல் நெருக்கடி: மாறிவரும் உலகில் கருவுறுதல் தன்னாட்சியைத் தேடுதல்
' (The real fertility crisis: The pursuit of reproductive agency in a changing world) என்று தலைப்பிடப்பட்டு, குறைந்து வரும் கருவுறுதல் குறித்த பீதியிலிருந்து மாறி, நிறைவேறாத இனப்பெருக்க இலக்குகளை நிவர்த்தி செய்வதற்குத் திருப்புமுனையை அழைப்பு விடுத்துள்ளது. இந்த அறிக்கை, இந்தியா உட்பட 14 நாடுகளை உள்ளடக்கிய UNFPA–YouGov கணக்கெடுப்பின் கல்வி ஆராய்ச்சி மற்றும் புதிய தரவுகளை அடிப்படையாகக் கொண்டது.
முக்கிய அம்சங்கள்:
1. அறிக்கையின்படி, வயது வந்த இந்தியர்களில் மூன்றில் ஒருவர் (36%) எதிர்பாராத கர்ப்பங்களை எதிர்கொள்கிறார்கள். அதே நேரத்தில் 30% பேர் அதிக அல்லது குறைவான குழந்தைகளைப் பெற்றுக்கொள்ள வேண்டும் என்ற நிறைவேறாத விருப்பங்களை அனுபவிக்கிறார்கள் மற்றும் 23% பேர் இரண்டையும் எதிர்கொள்கிறார்கள். இந்த அறிக்கை 'மக்கள்தொகை வெடிப்பு' (population explosion) VS 'மக்கள்தொகை சரிவு' (population collapse) குறித்த உலகளாவிய கதைகளுக்கு சவால் விடுகிறது.
2. SOWP அறிக்கை 2025, கோடிக்கணக்கான மக்கள் தங்கள் உண்மையான கருவுறுதல் இலக்குகளை அடைய முடியவில்லை என்பதை எடுத்துக்காட்டுகிறது. இதுதான் உண்மையான பிரச்சனை - அதிகமானவர்களோ அல்லது மிகக் குறைவானவர்களோ அல்ல. மேலும், பதில் அதிக இனப்பெருக்க அமைப்பில் உள்ளது - பாலியல், கருத்தடை மற்றும் ஒரு குடும்பத்தைத் தொடங்குவது குறித்து சுதந்திரமான மற்றும் தகவலறிந்த தேர்வுகளை எடுக்கும் ஒரு நபரின் திறன் சார்ந்து இருக்கும்.
3. உலகளவில் ஐந்து பேரில் ஒருவர் தாங்கள் விரும்பும் எண்ணிக்கையில் குழந்தைகளைப் பெற முடியாது என்று எதிர்பார்க்கிறார்கள். இதற்கு முக்கிய காரணங்களாக பெற்றோராவதற்கு தேவையான அதிக செலவு, வேலைவாய்ப்பு நிலையற்ற தன்மை, வீட்டு வசதி, உலகின் தற்போதைய நிலை குறித்த கவலைகள், மற்றும் பொருத்தமான துணையின்மை ஆகியவை உள்ளன. பொருளாதார நிலையற்ற தன்மையும் பாலின பாகுபாடும் இணைந்து இந்த பிரச்சினைகளில் பலவற்றில் பங்கு வகிக்கின்றன என்று அறிக்கை காட்டுகிறது.
4. இந்தியாவை பொறுத்த வரையில், நிதி வரம்புகள் மகப்பேறு சுதந்திரத்திற்கு மிகப்பெரிய தடைகளில் ஒன்றாகும். 10 பேரில் ஏறக்குறைய நான்கு பேர், நிதி வரம்புகள் தாங்கள் விரும்பும் குடும்பங்களைப் பெறுவதைத் தடுக்கின்றன என்று கூறுகிறார்கள். வேலைப் பாதுகாப்பின்மை (21%), வீட்டுவசதி கட்டுப்பாடுகள் (22%) மற்றும் நம்பகமான குழந்தை பராமரிப்பு இல்லாமை (18%) ஆகியவை பெற்றோரை அடைய முடியாததாக உணர வைக்கின்றன.
5. மோசமான பொது நலன் (15%), மலட்டுத்தன்மை (13%) மற்றும் கர்ப்பகால பராமரிப்புக்கு வரம்பான அணுகல் (14%) போன்ற சுகாதார தடைகள் மேலும் அழுத்தத்தை அதிகரிக்கின்றன. காலநிலை மாற்றம் முதல் அரசியல் மற்றும் சமூக உறுதியற்ற தன்மை வரை எதிர்காலம் குறித்த வளர்ந்து வரும் பதட்டம் காரணமாகவும் பலர் பின்வாங்குகின்றனர்.
6. ஐக்கிய நாடுகள் பொருளாதார மற்றும் சமூக விவகாரத் துறையின் (United Nations Department of Economic and Social Affairs, (UN DESA, 2024)) அறிக்கையின் படி, இந்தியா இப்போது உலகின் அதிக மக்கள் தொகை கொண்ட நாடாக உள்ளது என்றும் ஏறக்குறைய 1.5 பில்லியன் மக்கள் தொகையுடன் உள்ளதாகவும் இந்த எண்ணிக்கை வீழ்ச்சியடையத் தொடங்குவதற்கு முன்பு சுமார் 1.7 பில்லியனாக அதிகரிக்கும் என்று எதிர்பார்க்கப்படுகிறது. 40 ஆண்டுகளுக்கு பிறகு வீழ்ச்சி ஏற்படும் .
இந்தியாவின் அதிக கருவுறுதல் மற்றும் குறைந்த கருவுறுதல் இரட்டைத்தன்மை வழக்கு
1. மாற்று-நிலை கருவுறுதல் (Replacement-level fertility) பொதுவாக ஒரு பெண்ணுக்கு 2.1 மகப்பேறு என வரையறுக்கப்படுகிறது. இது ஒரு தலைமுறையிலிருந்து அடுத்த தலைமுறைக்கு மக்கள்தொகை அளவு ஒரே மாதிரியாக இருக்கும் விகிதமாகும். இந்தியா 2.0 என்ற மாற்று-நிலை கருவுறுதலை எட்டியுள்ளது. ஆனால், பல மக்கள் குறிப்பாக பெண்கள், தங்கள் இனப்பெருக்க வாழ்க்கையைப் பற்றி சுதந்திரமான மற்றும் தகவலறிந்த முடிவுகளை எடுப்பதில் குறிப்பிடத்தக்க தடைகளை எதிர்கொள்கிறார்கள் என்றும், பிராந்தியங்கள் மற்றும் மாநிலங்களில் குறிப்பிடத்தக்க ஏற்றத்தாழ்வுகள் நீடிக்கின்றன என்றும் அறிக்கை சுட்டிக்காட்டியுள்ளது. இந்தத் தடைகள் இந்தியாவின் "அதிக கருவுறுதல் மற்றும் குறைந்த கருவுறுதல் இரட்டைத்தன்மை" என்று அறிக்கை அடையாளம் காண்பதை உறுதி செய்கின்றன.
2. 31 மாநிலங்கள்/யூனியன் பிரதேசங்களில் கருவுறுதல் மாற்று நிலைக்கு (2.1) கீழே குறைந்துள்ளது. ஆனால், பீகார் (3.0), மேகாலயா (2.9) மற்றும் உத்தரப் பிரதேசம் (2.7) ஆகியவற்றில் அதிகமாகவே உள்ளது. நகர்ப்புறம் மற்றும் கிராமப்புறங்களுக்கு இடையே இடைவெளிகள் நீடிக்கின்றன. மேலும், ஏழு மாநிலங்கள் இன்னும் கிராமப்புறங்களில் மாற்று மொத்த கருவுறுதல் விகிதத்தை அடையவில்லை. தமிழ்நாடு, கேரளா மற்றும் டெல்லியில், பல தம்பதிகள் செலவுகள் மற்றும் வேலை-வாழ்க்கை மோதல் காரணமாக பிரசவத்தை தாமதப்படுத்துகிறார்கள் அல்லது தவிர்க்கிறார்கள். குறிப்பாக படித்த நடுத்தர வர்க்க பெண்கள் மத்தியில் இது அதிகம் நிலவுகிறது. இந்த இரட்டைத்தன்மை பொருளாதார வாய்ப்புகள், சுகாதாரப் பராமரிப்புக்கான அணுகல், கல்வி நிலைகள் மற்றும் நடைமுறையில் உள்ள பாலினம் மற்றும் சமூக விதிமுறைகளில் உள்ள வேறுபாடுகளை பிரதிபலிக்கிறது.
இந்தியாவில் மலட்டுத்தன்மை (Infertility) பிரச்சினை
இந்தியாவில் மலட்டுத்தன்மைக்கு முன்னுரிமை குறைவாகவே உள்ளது என்பதை அறிக்கை எடுத்துக்காட்டுகிறது. அறிக்கையில் பரிந்துரைக்கப்பட்டுள்ளபடி, அரசாங்கத்தின் சுகாதார காப்பீட்டுத் திட்டங்களின் கீழ் சேர்ப்பதற்கு மலட்டுத்தன்மையைக் கருத்தில் கொள்ள வேண்டும். 27.5 மில்லியன் இந்திய தம்பதிகள் மலட்டுத்தன்மையை எதிர்கொள்கின்றனர் என்று மதிப்பிடப்பட்டுள்ளது. இருப்பினும், பொதுத்துறை சேவைகள் குறைவாகவே உள்ளன. அதே, நேரத்தில் தனியார் பராமரிப்பு விலை உயர்ந்ததாகவும் பெரும்பாலும் நகர்ப்புற மையங்களுக்குள் மட்டுமே உள்ளது.
மக்கள்தொகை தொடர்பான முக்கிய சொற்களைப் பற்றிய புரிதல்
மக்கள்தொகையின் நேர்மறை வளர்ச்சி (Positive Growth of Population): பிறப்பு விகிதம் இரண்டு காலகட்டங்களுக்கு இடையில் இறப்பு விகிதத்தைவிட அதிகமாக இருக்கும்போது அல்லது பிற நாடுகளைச் சேர்ந்தவர்கள் ஒரு பகுதிக்கு நிரந்தரமாக இடம்பெயரும்போது, அது நேர்மறை மக்கள்தொகை வளர்ச்சி என்று அழைக்கப்படுகிறது.
மக்கள்தொகையின் எதிர்மறை வளர்ச்சி (Negative Growth of Population:): பிறப்பு விகிதம் இறப்பு விகிதத்திற்குக் கீழே குறைவதால் அல்லது மக்கள் பிற நாடுகளுக்கு இடம்பெயரும்போது இரண்டு காலகட்டங்களுக்கு இடையில் மக்கள்தொகையில் குறைவு ஏற்பட்டால், அது எதிர்மறை மக்கள்தொகை வளர்ச்சி என்று அழைக்கப்படுகிறது.
மக்கள்தொகை அடர்த்தி (Density of Population): ஒரு யூனிட் பகுதிக்கு உள்ள நபர்களின் எண்ணிக்கை மக்கள்தொகை அடர்த்தி என்று அழைக்கப்படுகிறது. 2011 மக்கள்தொகை கணக்கெடுப்பின்படி, இந்தியாவின் மக்கள்தொகை அடர்த்தி சதுர கிலோமீட்டருக்கு 382 நபர்கள் மற்றும் மாநிலங்களில், பிகார் சதுர கிலோமீட்டருக்கு 1106 நபர்களுடன் அதிக அடர்த்தியைக் கொண்டுள்ளது. 1951-ல், அது 117 நபர்கள்/சதுர கிமீ ஆக இருந்தது.
மக்கள்தொகை வெடிப்பு காலம் (Period of population explosion): நாட்டின் மக்கள்தொகையில் திடீர் அதிகரிப்பு மக்கள்தொகை வெடிப்பு (population explosion) என்று அழைக்கப்படுகிறது. இந்தியாவில், 1951-1981 ஆண்டுகாலம் மக்கள்தொகை வெடிப்பு காலம் (period of population explosion) என்று குறிப்பிடப்படுகிறது. இந்த காலகட்டத்தில், சராசரி வருடாந்திர வளர்ச்சி விகிதம் 2.2 சதவீதம் அளவிற்கு அதிகரித்தது.
கருவுறுதல் விகிதம் (Fertility Rate): கருவுறுதல் விகிதம் குழந்தை பெறும் வயது குழுவில் உள்ள 1000 பெண்களுக்கு உயிருள்ள பிறப்புகளின் எண்ணிக்கையை குறிக்கிறது. பொதுவாக, 15 முதல் 49 வயது வரை எடுத்துக்கொள்ளப்படுகிறது.
மொத்த கருவுறுதல் விகிதம் (TFR): OECD இணையதளத்தின்படி, ஒரு குறிப்பிட்ட ஆண்டில் மொத்த கருவுறுதல் விகிதம் என்பது, ஒரு பெண் தனது குழந்தை பெறும் வயது முடியும் வரை வாழ்ந்து, அந்த நேரத்தில் நிலவும் வயதுக்கேற்ப கருவுறுதல் விகிதங்களுக்கு ஏற்ப குழந்தைகளைப் பெற்றால், அவளுக்கு பிறக்கும் குழந்தைகளின் மொத்த எண்ணிக்கையாக வரையறுக்கப்படுகிறது.