வறட்சியின் காரணமாக பனாமா கால்வாய் கப்பல் கடக்கும் எண்ணிக்கையில் குறிப்பிடத்தக்க குறைவை சந்தித்து வருகிறது.
நவம்பர் 2023 முதல், ஏமனில் உள்ள ஹவுத்திகள் செங்கடலில் கப்பல்கள் மீது தாக்குதல் நடத்தி வருகின்றனர். ஹமாஸ்-இஸ்ரேல் போரில் பாலஸ்தீனியர்களை ஆதரிப்பதாக அவர்கள் கூறுகின்றனர். இந்த தாக்குதல்கள் செங்கடலில் வர்த்தகத்தை பாதித்துள்ளன. இதனால் நிறுவனங்கள் தங்கள் கப்பல் வழித்தடங்களை மாற்ற வழிவகுத்துள்ளது. சூயஸ் கால்வாயைப் பயன்படுத்துவதற்குப் பதிலாக, அவர்கள் இப்போது ஆப்பிரிக்காவின் தெற்கு முனையில் உள்ள நன்னம்பிக்கை முனையைச் (cape of good hope) சுற்றி வருகின்றனர்.
2023 ஆம் ஆண்டில் உலகளாவிய வர்த்தகத்திற்கு சூயஸ் கால்வாய் மிகவும் முக்கியமானது. இது உலக வர்த்தகத்தில் 12% -15% கையாண்டது. இந்த ஆண்டு பிப்ரவரி தொடக்கத்தில் சூயஸ் கால்வாய் வழியாக செல்லும் பொருட்களின் அளவு 82% குறைந்துள்ளது என்று வர்த்தகம் மற்றும் வளர்ச்சிக்கான ஐக்கிய நாடுகளின் மாநாட்டின் (United Nations Conference on Trade and Development (UNCTAD)) அறிக்கை கூறுகிறது. அதே நேரத்தில், நன்னம்பிக்கை முனையைச் (cape of good hope) சுற்றி அனுப்பப்பட்ட பொருட்கள் 60% அதிகரித்துள்ளன. பிப்ரவரி 18 வாக்கில், தாக்குதல்கள் தொடங்கியதிலிருந்து சூயஸ் கால்வாயைத் தவிர்ப்பதற்காக சுமார் 621 சரக்கு கப்பல்கள் தங்கள் பாதையை மாற்றின.
செங்கடலில் இந்த பிரச்சினைகள் நடந்து வருகின்ற, அதே நேரத்தில் பனாமா கால்வாயிலும் பிரச்சினைகள் ஏற்பட்டு உள்ளன. வறட்சியால் கால்வாயில் நீர்மட்டம் குறைந்துள்ளது. இதனால் அதன் வழியாக செல்லக்கூடிய கப்பல்களின் எண்ணிக்கையும் குறைந்துள்ளது. சூயஸ் மற்றும் இரண்டையும் கப்பல்கள் எவ்வளவு அடிக்கடி கடந்து செல்கின்றன என்பதை ஒரு விளக்கப்படம் காட்டுகிறது
சூயஸ் கால்வாயில் ஏற்பட்டுள்ள மாற்றங்கள் காரணமாக கப்பல்கள் நீண்ட பாதையில் செல்கின்றன. உதாரணமாக, சவூதி அரேபியாவின் ராஸ் தனுராவிலிருந்து நெதர்லாந்தின் ரோட்டர்டாம் செல்லும் எண்ணெய் டேங்கர் வழக்கமாக சூயஸ் கால்வாய் வழியாக 10,358 கி.மீ. ஆனால் கால்வாயைத் தவிர்த்துவிட்டு நன்னம்பிக்கை முனையைச் சுற்றினால் 17,975 கி.மீ பயணிக்க வேண்டும். அதாவது சூயஸ் கால்வாய் தூரத்தை 42% குறைக்கிறது. வர்த்தகம் மற்றும் வளர்ச்சிக்கான ஐக்கிய நாடுகளின் மாநாட்டின் அறிக்கையின்படி, தற்போது சூயஸ் கால்வாக்கு சரியான மாற்று எதுவும் இல்லை, குறிப்பாக ஆசியா மற்றும் ஐரோப்பா மற்றும் ஆசியா மற்றும் வட ஆபிரிக்கா இடையேயான வர்த்தகத்திற்கு. 2024 ஆம் ஆண்டில், உலர் எண்ணெய் கொள்கலன்கள் (Dry bulk containers) பயணிக்கும் சராசரி தூரங்கள் கணிசமாக உயர்ந்துள்ளன. உலர் மொத்த கொள்கலன்கள் (Dry bulk containers) தானியங்கள், நிலக்கரி, தாதுக்கள் மற்றும் சிமெண்ட் போன்றவற்றை எடுத்துச் செல்கின்றன.
நீண்ட பயண தூரம் அதிக கப்பல் செலவுகளுக்கு வழிவகுத்தது. நவம்பர் 2023 முதல், ஆசியா-பசிபிக்கில் இருந்து ஐரோப்பாவிற்கு கண்டெய்னர் சரக்குக் கட்டணம் மிகவும் உயர்ந்துள்ளது. டிசம்பர் 2023 இன் கடைசி வாரத்தில், சராசரி கன்டெய்னர் ஸ்பாட் சரக்குக் கட்டணம் $500 அதிகரித்துள்ளது, இது இதுவரை இல்லாத மிகப்பெரிய வாராந்திர அதிகரிப்பாகும். கன்டெய்னர் ஸ்பாட் சரக்கு கட்டணங்கள் தற்போதைய சந்தை விகிதத்தில், நீண்ட கால ஒப்பந்தம் இல்லாமல் ஒரு பயணத்திற்கு கடல் வழியாக ஒரு கொள்கலனில் பொருட்களை அனுப்புவதற்கான செலவைக் காட்டுகிறது. இந்த சரக்குக் கட்டண உயர்வால் ஆசியா மற்றும் அமெரிக்காவின் மேற்குக் கடற்கரைப் பகுதிகளில் பல்வேறு இடங்களில் விலை உயர்வு ஏற்பட்டுள்ளது.
ரஷ்யாவிடமிருந்து அதிக எண்ணெய் பெறுவதால், இந்தியா இந்த இடையூறுகளால் பாதிக்கப்படுகிறது. சூயஸ் கால்வாய் வழியாக ரஷ்யா தனது எண்ணெய் கொள்கலன்களை இந்தியாவுக்கு அனுப்புகிறது. இதுவரை, இந்த பிரச்சினைகள் இந்தியாவில் எரிபொருள் விலையில் மாற்றம் செய்யவில்லை. பெட்ரோலியப் பொருட்களின் முக்கிய ஏற்றுமதியாளராக இந்தியாவும் வளர்ந்து வருகிறது. இது கச்சா எண்ணெயை பெட்ரோல் மற்றும் டீசலாக மாற்றுகிறது. பின்னர், இந்த தயாரிப்புகளை ஐரோப்பிய நாடுகளுக்கு, முக்கியமாக நெதர்லாந்துக்கு அனுப்புகிறது. இந்தக் கப்பல் போக்குவரத்திற்கு சூயஸ் கால்வாய் தேவை. இந்த வழி இல்லாமல், ஏற்றுமதி செலவு மிகவும் அதிகமாக இருக்கும்.