ரஷ்யாவுடனான தனது உறவுகளை உறுதிப்படுத்துவதில் இந்தியா சிறப்பாக செயல்பட்டது. ஆனால், வெளி உலகத்திற்கு சிறப்பானதாக தோன்றவில்லை.
பிரதமர் நரேந்திர மோடி பதவியேற்ற பின் முதல்முறையாக மாஸ்கோவிற்கு பயணம் செய்தார். அதிகாரிகள் இருதரப்பு உறவுகளை வலுப்படுத்துவதை பற்றி தங்களது ஆலோசனைகளை வழங்கினார். இந்தப் பயணம் இந்தியா-ரஷ்யா உறவுகளை வலுப்படுத்துவதை நோக்கமாகக் கொண்டிருந்தாலும், கிவ் மற்றும் வாஷிங்டனில் இருந்து குறிப்பிடத்தக்க விமர்சனத்தைப் பெற்றது. 2019-ஆம் ஆண்டிற்கு பிறகு ரஷ்யாவிற்கு பிரதமர் நரேந்திர மோடி மேற்கொண்ட முதல் பயணம் இதுவாகும். மூன்று ஆண்டுகளில் முதல் வருடாந்திர உச்சிமாநாட்டில் பிரதமர் பங்கேற்றார். இருநாட்டு தலைவர்களின் முன்னிலையில் பல்வேறு முக்கியமான முடிவுகள் எடுக்கப்பட்டது.
பிரதமர் நரேந்திர மோடி ரஷ்யாவின் உயர்ந்த சிவிலியன் விருதை பெற்றார். உக்ரைன் போர் மற்றும் வளர்ந்து வரும் ரஷ்யா-சீனா உறவுகள் போன்ற சவால்களை மீறி இருதரப்பு உறவுகளை வலுப்படுத்த ரஷ்யா அதிபர் புடின் எடுத்த முயற்சிகளுக்கு பிரதமர் புகழாரம் சூட்டினார். இருநாட்டு தலைவர்களும் பொருளாதார மற்றும் வர்த்தக உறவுகளை மேம்படுத்துவதில் கவனம் செலுத்தினர். 2030-ஆம் ஆண்டிற்குள் இருதரப்பு வர்த்தகத்தில் $100 பில்லியன்களை அடைவதற்கான இலக்கை அவர்கள் நிர்ணயித்துள்ளனர். மேற்கத்திய பொருளாதாரத் தடைகளுக்கு மத்தியில், ரஷ்யாவில் இருந்து தள்ளுபடி செய்யப்பட்ட எண்ணெய் இறக்குமதியில் இந்தியா குறிப்பிடத்தக்க அளவு அதிகரித்துள்ளதால், இந்த இலக்கை அடைய முடியும்.
தனது பயணத்தின் போது, ரஷ்ய ராணுவத்தில் பணிபுரியும் இந்தியர்கள் இந்தியாவுக்குத் திரும்ப அனுமதிக்கப்படுவார்கள் என்று அதிபர் புதினிடம் இருந்து பிரதமர் மோடி உறுதிமொழி பெற்றார். முந்தைய பேச்சுவார்த்தைகளை போல் இல்லாமல், இந்த முறை இராணுவ கொள்முதல் பற்றிய அறிவிப்புகள் எதுவும் இல்லை, அவை இருநாட்டு உறவின் முக்கிய அம்சமாகும். இந்த மாற்றம், குறிப்பாக உக்ரைன் போருக்குப் பிறகு, மற்றும் சர்வதேச விமர்சனங்களைத் தவிர்ப்பதற்காக, முந்தைய ஒப்பந்தங்களில் இருந்து ரஷ்ய விநியோகத்தில் தாமதம் ஏற்பட்டது. "போர்க்களத்தில் தீர்வு இல்லை" என்ற மோடியின் அறிக்கையும் அதன் பிறகு வியன்னாவுக்குச் செல்வதற்கான அவரது முடிவும் அவரது பயணம் சமாதானம் ஏற்படுத்துவதற்கான முயற்சியாக அனைவராலும் பார்க்கப்பட்டது. உக்ரைன் மற்றும் ரஷ்யா போர் தொடங்கியதிலிருந்து அவர் மேற்க்கொள்ளும் முதல் பயணம் இதுவாகும்.
மிகவும் பிளவுபட்டுருக்கும் உலகில், பிரதமர் மோடியின் ரஷ்யா பயணம் மிகவும் சவாலானது. குறிப்பாக உக்ரைன் மீது கடுமையான ஏவுகணைத் தாக்குதலை நடத்திவருகிறது. அதே நேரத்தில், உக்ரேனிய ஜனாதிபதி வோலோடிமிர் ஜெலென்ஸ்கி உட்பட நேட்டோ மற்றும் மேற்கத்திய தலைவர்கள் வாஷிங்டனில் ஒரு உச்சிமாநாட்டில் சந்தித்துக் கொண்டனர். ரஷ்யா தனிப்படுத்த விரும்பும் அவர்களது நோக்கம் வெற்றி பெறவில்லை. இந்த நேட்டோ நாடுகளின் நிலைப்பாடு ஒரு சார்பாக இருக்கிறது. ஏனெனில், அவர்கள் இஸ்ரேலின் தீவிர தாக்குதல் காஸாவில் பொதுமக்களின் உயிரிழப்புகள் குறித்து அக்கறை காட்டவில்லை. அமெரிக்க வெளியுறவுத்துறை மற்றும் உக்ரைன் ஆகிய இரு நாடுகளும் பிரதமரின் பயணத்தை வெளிப்படையாக விமர்சித்துள்ளன. அமெரிக்கா மற்றும் ஐரோப்பாவிடம் இருந்து இந்தியா பல்வேறு விமர்சங்களை எதிர்கொள்கிறது. நீண்ட காலத்திற்கு, இந்தியா தனது நலன்களை மேம்படுத்தும் நடவடிக்கைகளை அதிகரிக்க வேண்டும் மற்றும் இந்த போரில் குறிப்பிட்ட ஒரு நாட்டிற்கு ஆதரவளிக்க வேண்டும் என்று கட்டாயப்படுத்துவது அர்த்தமற்றது என்று மேற்கு நாடுகளுக்கு உணர்த்த வேண்டும். இந்தியா அதன் சுதந்திரமான நிலைப்பாட்டிற்கு பெயர் பெற்றது மற்றும் எந்த நாட்டிற்கும் கண்முடித்தமானாக ஆதரவளிக்காது என்பதை மேற்கத்திய நாடுகளுக்குத் தெரிவிக்க வேண்டும்.