குடிமை பணி தேர்வில் முறைகேட்டில் ஈடுபட்டதாக புஜா கேத்கர் பணியாளர் மற்றும் பயிற்சி துறை (Department of Personnel and Training) விசாரணையில் உள்ளார். அரசு ஊழியர்களின் நடவடிக்கைகள் முக்கியமாக அகில இந்திய சேவைகள் நடத்தை விதிகள், 1968 (All India Services (Conduct) Rules) மற்றும் இந்திய ஆட்சி பணி தகுதிகாண்பருவ விதிகள், 1954 (IAS (Probation) Rules, 1954) ஆகியவற்றில் குறிப்பிடப்பட்டுள்ளது. அந்த விதிகளில் என்ன இடம்பெற்றுள்ளது. OBC-இட ஒதுக்கீடு எவ்வாறு பொருந்தும்?
கடந்த வியாழக்கிழமை, குடிமை பணி தேர்வில் தேர்ச்சி பெற்ற அதிகாரி பூஜா கேத்கர் சமர்ப்பித்த அனைத்து ஆவணங்களையும் ஆய்வு செய்ய, பணியாளர் மற்றும் பயிற்சித் துறையின் (Department of Personnel and Training (DoPT)) கீழ் ஒரு குழுவை ஒன்றிய அரசு அமைத்தது.
2022 ஒன்றிய அரசுப்பணியாளர் தேர்வாணையம் நடத்திய குடிமை பணி தேர்வில் கேத்கர் 821-வது இடத்தைப் பிடித்தார். இதர பிற்படுத்தப்பட்ட வகுப்பினர் (Other Backward Classes (OBC)) மற்றும் மாற்றுத்திறனாளிகளின் (Physically Handicapped (PH)) ஒதுக்கீட்டின் கீழ் இந்திய ஆட்சி பணியில் தேர்ச்சி பெற்றார். இந்த ஒதுக்கீட்டின் கீழ் அவர் தேர்ச்சி பெற்றிருப்பது பல்வேறு சந்தேகங்களை ஏற்படுத்தியுள்ளது.
கேத்கர் பல தவறான செயல்களில் ஈடுபட்டதாக குற்றச்சாட்டு எழுந்துள்ளது. பயிற்சி காலத்தின் போது (probationer) அங்கீகரிக்கப்படாத சலுகைகளைப் பெறுதல், மாவட்ட ஆட்சியர் அலுவலக இடத்தை முறைகேடாகப் பயன்படுத்துதல், பரிசு என்று அவர் கூறும் ஆடி செடான் மீது அங்கீகரிக்கப்படாத சிவப்பு-நீல கலங்கரை விளக்கத்தை வைத்தது ஆகிய குற்றச்சாட்டுகளும் இதில் அடங்கும்.
இதன் எதிரொலியாக, கேத்கரை புனேவில் இருந்து வாஷிமுக்கு மாற்ற மகாராஷ்டிர அரசு ஜூலை 8-ஆம் தேதி முடிவு செய்தது. ஒரு அரசு ஊழியராக அவரது நடத்தை அகில இந்திய சேவைகள் (நடத்தை) விதிகள், 1968 மற்றும் இந்திய ஆட்சி பணி (தகுதிகாண் பருவ) விதிகள்-1954, ஆகிய இரண்டு விதிகளையும் அவர் பின்பற்ற வேண்டும். இந்த விதிகள் பணியில் நேர்மையை வலியுறுத்துகின்றன.
அனைத்து ஐஏஎஸ், ஐபிஎஸ் மற்றும் இந்திய வனப்பணி அதிகாரிகளும் தேர்வான பின்னர், பயிற்சியின் தொடக்கத்தில் இருந்து அகில இந்திய சேவைகள் (நடத்தை) விதிகள், 1968 -ஐ கடைபிடிக்க வேண்டும். அகில இந்திய பணிகள் (நடத்தை) விதிகளின் விதி 3(1) ஒவ்வொரு அதிகாரியும் எப்போதும் முழுமையான ஒருமைப்பாடு மற்றும் கடமைக்கான அர்ப்பணிப்பை நிலைநிறுத்த வேண்டும் எனக் கூறுகிறது. மேலும், குடிமைப் பணியில் தேர்வான பின்னர் குற்றச்செயல்களில் ஈடுபடுவதை தவிர்க்க வேண்டும்.
விதி 4(1) மேலும், தவறான நடத்தை என்ன என்பதைக் குறிப்பிடுகிறது. இது அதிகாரிகள் தங்கள் பதவி அல்லது அதிகாரத்தைப் பயன்படுத்தி தங்கள் குடும்ப உறுப்பினர்களுக்கு தனியார் நிறுவனங்கள் அல்லது அரசு சாரா நிறுவனங்களில் வேலைகளைப் பெறுவதைத் தடுக்கிறது.
2014-ல், அரசாங்கம் கூடுதல் துணை விதிகளை அறிமுகப்படுத்தியது. அதிகாரிகள் உயர் நெறிமுறைகள் மற்றும் நேர்மையை நிலைநிறுத்த வேண்டும். அவர்கள் நடுநிலைமையைக் கடைப்பிடிக்க வேண்டும். வெளிப்படைத்தன்மையுடன் இருக்க வேண்டும். பொதுமக்களுக்கு, குறிப்பாக, சமுதாயத்தில் பின்தங்கியவர்களுக்கு சரியான பதில் அளிக்க வேண்டும். மேலும் பொதுமக்களிடம் மரியாதை மற்றும் நல்ல நடத்தையை வெளிப்படுத்த வேண்டும்.
புதுப்பிக்கப்பட்ட விதிகள் முடிவெடுப்பதற்கான குறிப்பிட்ட வழிகாட்டுதல்களையும் வழங்கியுள்ளன. அதிகாரிகள் பொது நலனை மட்டுமே கருத்தில் கொண்டு முடிவுகளை எடுக்க வேண்டும். அவர்கள் தங்கள் பொதுக் கடமைகள் தொடர்பான எந்தவொரு தனிப்பட்ட நலன்களையும் வெளிப்படுத்த வேண்டும். அவர்களைப் பாதிக்கக்கூடிய எந்தவொரு நிதி அல்லது பிற கடமைகளையும் தவிர்க்க வேண்டும். தங்கள் பதவியைத் தவறாகப் பயன்படுத்துவதைத் தவிர்க்க வேண்டும். மேலும் முடிவுகள் தங்களுக்கு, தங்கள் குடும்பங்களுக்கு அல்லது தங்கள் நண்பர்களுக்கு நிதி ரீதியாகவோ அல்லது பொருள் ரீதியாகவோ பயனளிக்காது.
விதி 11(1)-ன் படி, அதிகாரிகள் திருமணங்கள், ஆண்டுவிழாக்கள், இறுதிச் சடங்குகள் மற்றும் மதச் சடங்குகள் போன்ற சந்தர்ப்பங்களில், "அருகிலுள்ள உறவினர்கள்" அல்லது "தனிப்பட்ட நண்பர்களிடமிருந்து" பரிசுகளைப் பெறலாம். 25,000 ரூபாய்க்கு மேல் மதிப்புள்ள பரிசுகளை அவர்கள் அரசுக்கு தெரிவிக்க வேண்டும். இந்த வரம்பு கடந்த 2015-ல் மாற்றப்பட்டது.
சோதனையாளர்களுக்கான விதிகள்
முசோரியில் உள்ள லால் பகதூர் சாஸ்திரி தேசிய நிர்வாகக் கல்வி நிறுவனத்தில் (Lal Bahadur Shastri National Academy of Administration (LBSNAA)) பயிற்சி உட்பட, தேர்வுக்குப் பிறகு குறைந்தது இரண்டு ஆண்டுகள் நீடிக்கும் அவர்களின் பயிற்சி காலத்தின் போது, அதிகாரிகள் ஒரு குறிப்பிட்ட விதிகளைப் பின்பற்றுகிறார்கள். இரண்டு ஆண்டுகளுக்குப் பிறகு, அவர்கள் மீண்டும் ஒரு தேர்வு எழுதுகிறார்கள் அத்தேர்வில் தேர்ச்சி பெற்ற பின்னர் பணி நிரந்தரம் பெறுகிறார்கள்.
பயிற்சி காலத்தின் போது, அதிகாரிகள் நிலையான சம்பளம் மற்றும் பயணப்படியைப் பெறுகிறார்கள். ஆனால், இந்திய ஆட்சிப் பணியில் உள்ள அதிகாரிகளுக்கு வழங்கப்பட சில சலுகைகள் அவர்களுக்கு வழங்கப்படுவதில்லை. இந்த சலுகைகளில் விஐபி நம்பர் பிளேட்டுடன் கூடிய உத்தியோகபூர்வ கார், உத்தியோகபூர்வ தங்குமிடம், துணை ஊழியர்களுடன் நியமிக்கப்பட்ட அலுவலகம் மற்றும் காவலர் ஆகியவை அடங்கும்.
பயிற்சி எப்பொழுது முடிவு பெறும் என்று விதி-12 கோடிட்டுக் காட்டுகிறது. ஒன்றிய அரசு பயிற்சி பணியாளரை "ஆட்சேர்ப்புக்குத் தகுதியற்றவர்" அல்லது "பணிகளில் அதிகாரிகளாக இருப்பதற்குத் தகுதியற்றவர்" எனக் கருதும் சூழ்நிலைகளும் இதில் இடம்பெற்றுள்ளது. பயிற்சி காலத்தின் போது கடமைகளை "வேண்டுமென்றே" புறக்கணித்தால் அல்லது பணிக்குத் தேவையான "மனம் மற்றும் குணநலன்கள்" இல்லாமல் இருந்தால் அவர்களை தகுதியிழப்பு செய்யலாம் என்று விதி-12 குறிப்பிடுகிறது. இந்த விதிகளின் கீழ் நடவடிக்கை எடுப்பதற்கு முன், ஒன்றிய அரசு விசாரணை நடத்துகிறது. தற்போது, பணியாளர் மற்றும் பயிற்சி துறையால் (Department of Personnel and Training) கேத்கருக்கு எதிராக இது போன்ற விசாரணை தொடங்கப்பட்டுள்ளது. குழு இரண்டு வாரங்களுக்குள் தனது அறிக்கையை சமர்ப்பிக்க உள்ளது. 1995-முதல், குடிமை பனி தேர்வுகளில் OBC பிரிவினருக்கு 27% இடங்கள் ஒதுக்கப்பட்டுள்ளது. 2006-ஆம் ஆண்டு முதல், ஒவ்வொரு பிரிவிலும் (பொது,இதரபிறப்படுத்தப்பட்டவகுப்பினர்,பட்டியல்இனத்தவர்,பழங்குடியினர்) மற்றும் 3% இடங்கள் மாற்றுத்த்திறனாளிகளுக்கு ஒதுக்கப்பட்டுள்ளது.
குறைந்த அளவிலான பதவியில் இருந்தாலும், இதரப் பிறப்படுத்தப்பட்ட வகுப்பினர் மற்றும் மாற்றுத்த்திறனாளிகளுக்கு விண்ணப்பதாரர்களுக்கான இந்த ஒதுக்கப்பட்ட ஒதுக்கீட்டின் கீழ், முதன்மை குடிமைப்பணி தேர்வான இந்திய ஆட்சிப் பணியில் (IAS) பூஜா கேத்கருக்கு ஒதுக்கப்பட்டது. அவரது இதர பிறப்படுத்தப்பட்டவகுப்பினர் மற்றும் மாற்றுத்த்திறனாளி சான்றிதழ்கள் பொய்யானவை என்பது நிரூபிக்கப்பட்டால், அவர் பணி நீக்கம் செய்யப்படுவர்.
1993-ஆம் ஆண்டின் பணியாளர் மற்றும் பயிற்சி துறை (Department of Personnel and Training) சுற்றறிக்கையின்படி, "பொய்யான தகவல்களை வழங்கிய அல்லது தவறான சான்றிதழைத் தயாரித்து நியமனம் பெறும் அரசாங்க ஊழியர்கள் பணியில் தொடரக்கூடாது” சான்றிதழ்கள் சரி செய்யப்பட்டாலும் பயிற்சிக்காலத்திலும் இந்த நடவடிக்கை பொருந்தும். எவ்வாறாயினும், எந்தவொரு பணிநீக்கத்திற்கும் நீதிமன்றத்தில் வழக்கு தொடரலாம். ஒன்றிய நிர்வாக தீர்ப்பாயம் (Central Administrative Tribunal (CAT)) மற்றும் தேசிய இதரபிறப்படுத்தப்பட்ட வகுப்பினர் ஆணையத்தின் முன், வழக்கின் விசாரணை பல ஆண்டுகள் நீட்டிக்கப்படலாம். இந்த காலகட்டத்தில் அந்த அதிகாரி பணியில் தொடரமுடியும்.
கேத்கரின் மாற்றுத்திறனாளி நிலை குறித்து ஒன்றிய நிர்வாக தீர்ப்பாயத்தில் (Central Administrative Tribunal (CAT)) சட்டப்பூர்வ ஒரு வழக்கு இருந்தது. பிப்ரவரி 23, 2023 தேதி ஒன்றிய நிர்வாக தீர்ப்பாயத்தின் உத்தரவின்படி, ஏப்ரல் 2022-ல் புதுடெல்லியில் உள்ள AIIMS மருத்துவப் பரிசோதனைக்கு உட்படுத்துமாறு UPSC கேத்கரைக்கு ஆணையிட்டது. கோவிட்-19 தொற்று காரணமாக ஒத்திவைக்குமாறு அவர் கேட்டுக் கொண்டார்.
கேத்கரின் வசதியான பின்னணி குறித்து விமர்சகர்கள் கவலைகளை எழுப்பி, அவரது OBC (கிரீமி லேயர் / பிற்படுத்தப்பட்டவர்களில் மேல்நிலையினர்அல்லாத) நிலையை கேள்வி எழுப்பியுள்ளனர். OBC பிரிவு மேல்நிலையினர் மற்றும் மேல்நிலையினர் அல்லாத அடுக்குகளை (non-creamy layer) வேறுபடுத்துகிறது. சமுகத்தில் பின்தங்கியவர்கள் மட்டுமே இந்த சலுகைகளைப் பயன்படுத்தி அரசாங்க சேவைகள் மற்றும் நிறுவனங்களில் இட ஒதுக்கீடு மூலம் பயன்பெறமுடியும். பெற்றோரின் வருமானம் மற்றும் தொழில் பின்னணியைக் கருத்தில் கொண்டு இந்த நிலை உறுதிப்படுத்தப்படுகிறது.
தனியார் துறையில் பெற்றோர் தனியார் துறையில் பணிபுரிந்தால், அவர்களின் ஆண்டு வருமானம் ரூ. 8-லட்சத்திற்கும் குறைவாக இருந்தால், கிரீமி (மேல்நிலையினர்) அல்லாத அடுக்குக்கு தகுதி பெறுவீர்கள். பொதுத்துறையில் பெற்றோருடன் இருப்பவர்களுக்கு வருமானம் முக்கியமில்லை. அதற்குப் பதிலாக, பணியாளர் மற்றும் பயிற்சி துறை (Department of Personnel and Training) விதிகளின்படி, 40-வயதிற்கு முன் பெற்றோர் குரூப்-ஏ அதிகாரியாக இருந்தால் அல்லது பெற்றோர் இருவரும் ஒரே பதவியில் இருக்கும் குரூப்-பி அதிகாரிகளாக இருந்தால், க்ரீமி லேயராகக் (மேல்நிலையினராக) கருதப்படுவார். பூஜா கேத்கரின் தந்தை திலீப், மகாராஷ்டிர மாசுக்கட்டுப்பாட்டு வாரிய அதிகாரியாக இருந்து ஓய்வு பெற்றவர், தற்போது அரசியலில் முக்கிய பொறுப்பில் உள்ளார்.