காலநிலை மாற்றம் என்பது பிரச்சனை பற்றியது மட்டுமல்ல, புதைபடிவ எரிபொருளை அதிகமாக சார்ந்திருப்பதிலிருந்து விலகிச் செல்வதற்கான சாத்தியமான கூறுகளைத் தேடுவதும் ஆகும்.
இரும்பு, எஃகு, அலுமினியம் போன்றவற்றை மாசுபடுத்தும் தொழில்கள் புதிய உமிழ்வு இலக்குகளை (emission targets) அடைய வேண்டும் என்று நிதியமைச்சர் தனது நிதிநிலை அறிக்கையில் குறிப்பிட்டார். இந்தத் தொழில்கள் ஆற்றல் திறனில் கவனம் செலுத்துவதிலிருந்து மாசு உமிழ்வு இலக்குகளை எட்டுவதற்கு ஒரு திட்டம் உருவாக்கப்படும் என்று அவர் குறிப்பிட்டார். அவற்றை தற்போதைய முறையில் இருந்து புதிய இந்திய கரிம சந்தை முறைக்கு மாற்ற புதிய விதிகள் உருவாக்கப்படும் என்றார்.
Perform, Achieve, and Trade (PAT) எதிராக உமிழ்வு வர்த்தகம்
எரிசக்தி ஆற்றல் திறன் பணியகம் Perform, Achieve, and Trade (PAT) முறையை ஆற்றல் தீவிர தொழில்களில் குறிப்பிட்ட ஆற்றல் நுகர்வைக் குறைப்பதை நோக்கமாகக் கொண்ட ஒரு ஒழுங்குமுறை கருவியாக வரையறுக்கிறது. PAT சந்தை அடிப்படையிலான முறையைப் பயன்படுத்துகிறது, அங்கு நிறுவனங்கள் ஆற்றல் திறன் தரங்களை பூர்த்தி செய்கின்றன. கொடுக்கப்பட்ட வெளியீட்டிற்கு ஒரு குறிப்பிட்ட அளவு ஆற்றலுக்கு மேல் அவர்கள் பயன்படுத்த முயற்சிக்கவில்லை. தங்கள் செயல்திறன் இலக்குகளை மீறும் நிறுவனங்கள் வரவுகள் அல்லது சான்றிதழ்களைப் பெறுகின்றன. அவை வரம்புகள் ஏதும் இல்லாமல் வர்த்தகம் செய்யலாம்.
மாசு உமிழ்வு வர்த்தகம், மாசுபடுத்தும் உமிழ்வுகளைக் குறைப்பதற்கான பொருளாதார ஊக்கத்தொகைகளை வழங்குகிறது. மாசுபடுத்துபவர்களுக்கு ஒப்பீட்டு ஆற்றல் செயல்திறனைக் காட்டிலும் முழுமையான தரங்களின் அடிப்படையில் உமிழ்வுகளுக்கு உச்சவரம்புகள் வழங்கப்படுகின்றன.
நிதியமைச்சரின் அறிவிப்பு காலநிலை மாற்றம் என்பது பிரச்சனை மட்டுமல்ல, புதைபடிவ எரிபொருட்களுக்கு மாற்றுகளைக் கண்டறிவதும் ஆகும் என்பதை எடுத்துக்காட்டுகிறது.
கடந்த 15 ஆண்டுகளில், வறுமை குறைப்பு மற்றும் மலிவு விலையில் எரிசக்தி வழங்குதல் உள்ளிட்ட வளர்ச்சி இலக்குகளை நிவர்த்தி செய்வதற்காக பல்வேறு துறைகளில் கார்பன் குறைப்பில் இந்தியா பணியாற்றியுள்ளது. கியோட்டோ ஒப்பந்தத்தின் (Kyoto Protocol’s) கீழ் தூய்மை மேம்பாட்டு பொறிமுறையில் இந்தியா இணைந்தது. இது தொழில்மயமான நாடுகள் வளரும் நாடுகளில் காலநிலை திட்டங்களை மேற்கொள்ளவும், வர்த்தகம் செய்யக்கூடிய சான்றளிக்கப்பட்ட உமிழ்வு குறைப்பு அலகுகளைப் பெறவும் அனுமதித்தது. 2011-ஆம் ஆண்டில் சீனாவுக்கு அடுத்தபடியாக இந்த அலகுகளின் மிகப்பெரிய வழங்குபவராக இந்தியா இருந்தது. 2012-ஆம் ஆண்டில், இந்தியா தனது மேம்பட்ட எரிசக்தி திறனுக்கான தேசிய இயக்கத்தின் ஒரு பகுதியாக Perform, Achieve, and Trade (PAT)யை அறிமுகப்படுத்தியது.
இந்தியாவின் தேவைகள் மற்றும் உமிழ்வுகள்
வளர்ந்து வரும் நகர்ப்புறங்களில் அதிக வீட்டுத் தேவை இருப்பதால், தொழில்மயமாக்கலுக்கு இந்தியாவுக்கு இரும்பு மற்றும் எஃகு தேவைப்படுகிறது. இருப்பினும், இரும்பு மற்றும் எஃகு உற்பத்தியிலிருந்து உமிழ்வு, காலநிலை மாற்றத்திற்கு கணிசமாக பங்களிக்கிறது. தற்போதைய இரும்பு மற்றும் எஃகு திட்டங்கள் 2050-ஆம் ஆண்டுக்குள் நிகர பூஜ்ஜிய உமிழ்வை அடைவதற்கான குறைந்த அறிகுறிகளைக் காட்டுகின்றன என்று சர்வதேச எரிசக்தி நிறுவனம்
(International Energy Agency (IEA)) தெரிவித்துள்ளது.
கார்பன் சந்தை முறை
சர்வதேசக் சட்டத்தில், காலநிலை மாற்ற தணிப்புக்கான கடமைகள் உரிய விடாமுயற்சி கடமைகளாக விவரிக்கப்படுகின்றன. இதன் பொருள் காலநிலை மாற்றத்தை நிவர்த்தி செய்ய மாநிலங்கள் தங்கள் சிறந்த முயற்சிகளை மேற்கொள்ள வேண்டும். அதற்கான ஒரு முக்கிய உதாரணம், 2015-ஆம் ஆண்டு ஏற்பட்ட பாரிஸ் ஒப்பந்தம், தேசிய ரீதியாக தீர்மானிக்கப்பட்ட பங்களிப்புகளில் ஒன்று ஆகும்.
இந்தியா தனது Perform, Achieve, and Trade (PAT) திட்டத்தை சரிசெய்யலாம் அல்லது மேம்படுத்தலாம் அல்லது அதன் தேசிய ரீதியாக தீர்மானிக்கப்பட்ட பங்களிப்புகளுக்குள் (nationally determined contributions (NDCs)) கார்பன் சந்தையின் பதிப்பை உருவாக்கலாம். இந்தியாவின் தேசிய ரீதியாக தீர்மானிக்கப்பட்ட பங்களிப்பு எட்டு இலக்குகளைக் கொண்டுள்ளது. இதில் எரிசக்தித் துறைக்கு இரண்டு உள்ளன. முதலாவது, மொத்த உள்நாட்டு உற்பத்தியின் உமிழ்வு தீவிரத்தை 2030-ஆம் ஆண்டுக்குள் 45% குறைப்பதாகும். இரண்டாவதாக, 2030-ஆம் ஆண்டுக்குள் புதைபடிவம் அல்லாத எரிபொருட்களிலிருந்து நிறுவப்பட்ட மின்சார திறனில் சுமார் 50% சர்வதேச நிதி மற்றும் தொழில்நுட்ப பரிமாற்றத்தை சார்ந்து இருக்க வேண்டும்.
இந்தியா அதன் தேசிய ரீதியாக தீர்மானிக்கப்பட்ட பங்களிப்புகளுக்குள் (nationally determined contributions (NDCs)) கீழ் ஒப்பிடும்போது, அவை பசுமை இல்ல வாயு குறைப்பு இலக்குகளைக் கொண்டிருக்கவில்லை. எனவே, இது ஐரோப்பிய ஒன்றிய உமிழ்வு வர்த்தக அமைப்பிலிருந்து (European Union Emissions Trading System (ETS)) வேறுபட்ட ஒரு தனித்துவமான கார்பன் சந்தை மாதிரியை உருவாக்கக்கூடும். இந்தியா ஐரோப்பிய ஒன்றிய உமிழ்வு வர்த்தக அமைப்பிற்கு ஒப்புதல் அளிக்கவில்லை மற்றும் கட்டாய உமிழ்வு முறைகளைத் தவிர்த்துள்ளது. ஏனெனில், இது அதன் வளர்ச்சி முன்னுரிமைகளுடன் முரண்படுகிறது.
எரிசக்தி திறன் பணியகத்தின் 2021 வரைவு, இரண்டு கட்டங்களை முன்மொழிகிறது. முதல் கட்டத்தில், உள்நாட்டு திட்ட அடிப்படையிலான ஆஃப்செட் திட்டத்தால் (offset scheme) (கார்பன் ஆஃப்செட் மெக்கானிசம்) ஆதரிக்கப்படும் ஒரு தன்னார்வ சந்தை. இரண்டாவதாக, ஒழுங்குபடுத்தப்பட்ட நிறுவனங்களுக்கு (கார்பன் கிரெடிட் டிரேடிங் மெக்கானிசம்) (carbon credits trading mechanism) கட்டாயப் பங்கேற்புடன் ஒரு சந்தை. 2026-ஆம் ஆண்டு தொடங்கி உள்நாட்டு கார்பன் வரவு வர்த்தக திட்டத்தை ஆதரிப்பதற்காக இந்தியா உமிழ்வு அளவீட்டு முறைகளை புதுப்பிக்கும் என்று சர்வதேச எரிசக்தி நிறுவனம் (International Energy Agency (IEA)) கொள்கை சுருக்கம் குறிப்பிடுகிறது. இதில் இரும்பு மற்றும் எஃகு, பெட்ரோ கெமிக்கல்ஸ், ரசாயனங்கள் மற்றும் அலுமினியம் போன்ற துறைகள் அடங்கும்.
இந்தியா தனது விருப்பப்படி கார்பன் சந்தையை நிறுவுவதற்கான பொருத்தமான கொள்கைக் கருவியைத் தேடுவது, காலநிலை மாற்ற விவாதங்களை மட்டும் சுற்றி உருவாக்க முடியாது என்பதைக் காட்டுகிறது. அவை சமூகப் பொருளாதார முன்னுரிமைகளின் பரந்த சூழலில் அமைந்திருக்க வேண்டும்.
அன்வர் சதாத், புது தில்லி சர்வதேச சட்டங்களின் இந்திய சங்கத்தில் சர்வதேச சுற்றுச்சூழல் சட்டம் பயிற்றுவிக்கிறார்.