காற்று மாசுபாட்டிற்கு எதிராக ஒன்றிய, மாநில அரசுகள் இணைந்து போராட வேண்டும்.
தென்மேற்கு பருவமழை முடிவடையும் போது, வட இந்தியா பகுதிகளில், குறிப்பாக இந்திய-கங்கை சமவெளிகளில் உள்ள மாநிலங்கள், குளிர் காலத்திற்கு தயாராகி வருகின்றன. இந்த மாநிலங்கள் குளிர்காலங்களில் அதிக காற்று மாசுபாட்டை பல ஆண்டுகளாக எதிர்கொள்கின்றன. இந்த வார தொடக்கத்தில், பிரதமர் அலுவலகத்தின் மூத்த அதிகாரி ஒருவர் ஒரு கூட்டத்தை நடத்தினார். டெல்லி, ஹரியானா, பஞ்சாப், ராஜஸ்தான் மற்றும் உத்தரப்பிரதேசத்தைச் சேர்ந்த மாநிலத்தின் பிரதிநிதிகள் மற்றும் டெல்லியைச் சேர்ந்த அமைச்சர்கள் இக்கூட்டத்தில் கலந்து கொண்டனர்.
டெல்லியில் கடுமையான காற்றின் தரம் மோசமடைவதைத் தடுக்க எடுக்கப்பட்ட நடவடிக்கைகளை மதிப்பிடுவதே செய்வதே இலக்காக இருந்தது. பல ஆண்டுகளாக, வாகன உமிழ்வு, சாலை மற்றும் கட்டுமான தூசி, மோசமான கழிவு மேலாண்மை மற்றும் டீசல் ஜெனரேட்டர்கள் போன்றவைகள் காற்று மாசு அதிகரிக்க முக்கிய காரணிகளாக இருந்து வருகின்றன. இருப்பினும், பஞ்சாப் மற்றும் ஹரியானாவில் நெல் கழிவுகளை எரிப்பது அக்டோபர் மற்றும் நவம்பர் மாதங்களில் 40% வரை காற்று மாசுபாட்டிற்கு முக்கிய காரணமாகிறது.
பஞ்சாப் மாநிலம் இந்த ஆண்டு 19.52 மில்லியன் டன் நெல் வைக்கோலை உற்பத்தி செய்யும் என்று எதிர்பார்க்கப்படுகிறது. ஹரியானா மாநிலத்தில் 8 மில்லியன் டன் உற்பத்தி செய்யும் என்று எதிர்பார்க்கப்படுகிறது. கூட்டத்தின் போது, இந்த ஆண்டு நெல் பயிர்க்கழிவுகளை எரிப்பதை தவிர்ப்பதாக இரு மாநிலங்களும் உறுதியளித்தன. கடந்த நவம்பரில், உச்ச நீதிமன்றம் பயிர்க் கழிவுகளை எரிப்பதை முற்றிலுமாக நிறுத்த வேண்டும் என்று தெளிவாக உத்தரவிட்டது. இந்த விவகாரத்தை தீர்க்க எடுக்கப்பட்ட நடவடிக்கைகள் குறித்து ஒன்றிய அரசிடம் உச்ச நீதிமன்றம் கேள்வி எழுப்பியுள்ளது. மாநிலங்கள் தங்கள் வாக்குறுதிகளை பின்பற்ற முடியுமா என்பது குறித்து தெளிவாக இல்லை.
2023-ஆம் ஆண்டு அறுவடை பருவத்தில், 2022-ஆம் ஆண்டு உடன் ஒப்பிடும்போது பஞ்சாபில் பயிர்க் கழிவுகளை எரிக்கும் நிகழ்வுகள் 59% குறைந்துள்ளன. ஹரியானாவில், பயிர்க் கழிவுகளை எரிக்கும் நிகழ்வுகள் 40% குறைந்துள்ளன. ஆனால், உத்தரபிரதேசத்தில் 30% அதிகரித்துள்ளது. பொருளாதார சலுகைகளை உருவாக்குதல் மற்றும் வைக்கோல் எரிப்பதைத் தடுக்க பயிர்க் கழிவுகளை எரிப்போர் மீது கடுமையான நடவடிக்கைகளை எடுக்க வேண்டும். இருப்பினும், இந்த தீர்வுகளை செயல்படுத்துவது கடினமாகவே உள்ளது.
பஞ்சாப் 11.5 மில்லியன் டன் நெல் வைக்கோலை இன்-சிட்டு (in-situ) பயிர் எச்ச மேலாண்மை மூலம் நிர்வகிப்பதை நோக்கமாகக் கொண்டுள்ளது. மீதமுள்ளவை எக்ஸ்-சிட்டு (ex-situ) முறைகளைப் பயன்படுத்தி நிர்வகிக்கப்படும்.
இதேபோல், ஹரியானா மாநிலம் 3.3 மில்லியன் டன் நெல் வைக்கோலை நிர்வகிப்பதை நோக்கமாகக் கொண்டுள்ளது. மீதமுள்ள வைக்கோலுக்கு எக்ஸ்-சிட்டு முறைகளைப் பயன்படுத்தவும் திட்டமிட்டுள்ளது. கூடுதலாக, தேசிய தலைநகர் பிராந்தியத்தில் உள்ள 11 அனல் மின் நிலையங்களில் 2 மில்லியன் டன் நெல் வைக்கோல் "சேர்த்து எரித்தல்" (‘Co-firing’) என்ற முறை மூலம் எரிக்கப்படுகிறது. சேர்த்து எரித்தல் என்பது வைக்கோலை கார்பன் மூலமாகப் பயன்படுத்தக்கூடிய துகள்களாக மாற்றுவதாகும்.
இந்த இயந்திரங்கள் சரியான நேரத்தில் விவசாயிகளுக்குக் கிடைப்பதில்லை என்பதை பல வருட அனுபவம் காட்டுகிறது. மின் உற்பத்தி நிலையங்களில் வைக்கோலைப் பயன்படுத்துவது பெரும்பாலும் ஒரு தீர்வாக முன்வைக்கப்பட்டாலும், வயல்களில் இருந்து வைக்கோலை ஆலைகளுக்கு கொண்டு செல்ல சரியான செயல் திட்டம் இல்லை. மாசு நெருக்கடிக்கான காரணங்கள் பல அடுக்குகளாக உள்ளன. மேலும், படிப்படியாக மட்டுமே குறைக்க முடியும். ஒன்றிய மற்றும் மாநில அரசுகள் அரசியல் வேறுபாடுகளை மறந்து இப்பிரச்னைக்கு தீர்வு காண ஒன்றிணைந்து செயல்பட வேண்டும்.