உக்ரைன் மோதலை தீர்க்க தீவிரமாக முயற்சிப்பதன் மூலம், உக்ரைன் மற்றும் ரஷ்யா ஆகிய இரு நாடுகளுடனும் இந்தியா தனது உறவுகளை மேம்படுத்த முடியும்.
செப்டம்பர் 21, 2024-அன்று டெலாவேர், வில்மிங்டனில் நடந்த ஆறாவது குவாட் (Quad) தலைவர்கள் உச்சி மாநாட்டில் பிரதமர் நரேந்திர மோடி கலந்து கொண்டது, இந்தோ-பசிபிக் பகுதியில் உள்ள நான்கு முக்கிய கடல்சார் ஜனநாயக நாடுகளிடையே வலுவான பாதுகாப்பு ஒத்துழைப்புக்கான நம்பிக்கையை அதிகரித்துள்ளது. எவ்வாறாயினும், பிரிக்ஸ் என்எஸ்ஏ கூட்டத்திற்காக இந்தியாவின் தேசிய பாதுகாப்பு ஆலோசகர் (National Security Adviser (NSA)) அஜித் தோவல் செப்டம்பர் மாத தொடக்கத்தில் ரஷ்யாவிற்கு பயணம் செய்தது அதிக கவனம் பெற்றது. இந்த பயணத்தின் போது, அவர் ரஷ்ய அதிபர் விளாடிமிர் புடினுடன் தனிப்பட்ட சந்திப்பை மேற்கொண்டார் மற்றும் சீன வெளியுறவு அமைச்சர் வாங்யீயுடன் பேசினார். இது முக்கியமானது, ஏனென்றால், சீனாவுடனான தற்போதைய இராணுவ மோதலை எல்லைப் பகுதியிலே ( Line of Actual Control (LAC)) தீர்க்க இந்தியா கடுமையாக முயற்சித்து வருகிறது.
இந்தியா தற்போது தனது நலன்களைப் பாதுகாக்க சீனாவுடன் பேச்சுவார்த்தை நடத்தி வருகிறது. அதே நேரத்தில் இந்தோ-பசிபிக் பகுதியில் நியாயமான அமைப்பைப் பராமரிப்பதில் அமெரிக்காவை ஈடுபடுத்தும் பணியில் ஈடுபட்டுள்ளது. குவாடின் (ஆஸ்திரேலியா, ஜப்பான், இந்தியா மற்றும் யு.எஸ்.) முக்கிய குறிக்கோள், ஒவ்வொரு நாட்டையும் பலப்படுத்தும் குழுவை உருவாக்குவது மற்றும் தற்போதைய உலகளாவிய ஒழுங்கை மாற்ற விரும்புவோருக்கு சவால் விடும் வகையில் ஒன்றிணைந்து செயல்பட அனுமதிக்கிறது. இது ரஷ்யாவுடனான இந்தியாவின் உறவை முக்கியமானதாக ஆக்குகிறது. ஏனெனில், ரஷ்யா குவாட்டை கடுமையாக எதிர்க்கிறது.
நடுநிலையாளரின் பங்கு
இந்த சிக்கலான சூழ்நிலையை இந்தியாவிற்கு நன்மையளிக்கும் விதத்தில் வழிநடத்துவது சவாலானது. இருப்பினும், தேசிய பாதுகாப்பு ஆலோசகர் (National Security Adviser (NSA)) அஜித் தோவல் விரைவான சிந்தனை மற்றும் படைப்பாற்றல் மிக்கவர் என்று அறியப்படுகிறார். உக்ரைனுக்கான பிரதமர் மோடியின் அமைதித் திட்டத்தைப் பகிர்ந்து கொண்ட அதிபர் புட்டினுடனான அவரது சந்திப்பு, உலகளாவிய இராஜதந்திரத்தில் குறிப்பிடத்தக்க நடவடிக்கை எடுப்பதற்கான இந்தியாவின் முயற்சியாகக் கருதப்படுகிறது.
இந்தியா ஒரு வளர்ந்து வரும் உலகளாவிய சக்தியாக அமைதியை உருவாக்கும் பொறுப்பை ஏற்கத் தயாராக உள்ளது. அஜித் தோவல் மற்றும் புடின் சந்திப்பு, ஆகஸ்டில் பிரதமர் மோடியின் முதல் உக்ரைன் பயணத்தையும், ஜூலையில் மாஸ்கோவிற்கு அவர் மேற்கொண்ட பயணத்தையும் தொடர்ந்து, உக்ரைனிடம் இருந்து கடுமையான விமர்சனங்களைப் பெற்றது. இந்த விமர்சனம் இருந்தபோதிலும், உக்ரைன் பலமுறை மோதலை தீர்க்க இந்தியாவிடம் உதவி கேட்டுள்ளது.
தேசிய பாதுகாப்பு ஆலோசகர் அஜித் தோவல் பின்னர் பிரெஞ்சு அதிபர் இம்மானுவேல் மேக்ரானை பாரிஸில் இந்தியா-பிரான்ஸ் ராஜதந்திர உரையாடலின் போது சந்தித்தார். அமைதிக்கு சமரசம் செய்வதற்கான இந்தியாவின் முயற்சிகளைப் பற்றி அவரிடம் தெரிவித்தார். ரஷ்யாவுடனான அதன் சிக்கலான உறவு மிக முக்கியமானதாக இருப்பதால், உலக அமைதி உருவாக்கத்தில் இந்தியா பங்கேற்க பல காரணங்கள் உள்ளன.
அமெரிக்கா உடனான இந்தியாவின் ராஜதந்திர உறவுகள் ஒப்பீட்டளவில் புதியவை என்றாலும், ரஷ்யாவுடனான அதன் உறவு அறுபது ஆண்டுகளுக்கும் மேலாக நீடித்து வருகிறது. மேலும், இந்த கூட்டாண்மை மூலம் வரும் இராணுவ நன்மைகளை விட்டுக்கொடுக்க இந்தியா தயாராக இல்லை. இருப்பினும், உக்ரைனில் நடந்த போர் ரஷ்யாவை மேற்கிலிருந்து முற்றிலும் பிரிந்து செல்ல காரணமாக இருந்ததால், அது சீனாவுடன் மிகவும் இணைந்துள்ளது. இதன் விளைவாக, ரஷ்யா சீனாவின் நட்பு நாடாக செயல்படுகிறது மற்றும் இந்தியாவுடனான தனது கூட்டாண்மையை பராமரிக்க போராடுகிறது. குறிப்பாக, உக்ரைனின் வலுவான இராணுவ எதிர்ப்பால் சீனாவுடனான அதன் செல்வாக்கு குறைந்துள்ளது.
இந்தியாவின் பார்வையில், இந்த நிலைமைக்கு தீர்வு காணப்பட வேண்டும். ஏனெனில், ரஷ்யாவிற்கும் சீனாவிற்கும் இடையிலான பொருளாதார மற்றும் இராணுவ உறவுகள் இந்தியா புறக்கணிக்க முடியாத அளவுக்கு வலுவாகி வருகிறது.
இந்தியா மானிய விலையில் ரஷ்ய எண்ணெயை வாங்குவதையும், உக்ரைனில் ரஷ்யாவின் நடவடிக்கைகள் குறித்து அமைதியாக இருப்பதை மேற்கு நாடுகள் ஏற்றுக்கொண்டிருக்கலாம். இருப்பினும், இந்தியாவின் சுதந்திரமான வெளியுறவுக் கொள்கையுடன் செயல்பட்டு வருகிறது. உக்ரைன் மோதல்கள் பனிப்போருக்குப் பிந்தைய சமநிலையை சீர்குலைத்த பின்னர், உலகளாவிய ஒழுங்கை மறுவடிவமைப்பதில் முக்கியமான பிரச்சினைகளில் இந்தியாவை சாதாரணமாகப் பார்க்கிறது மேற்குலகம்.
இந்த சிக்கலான உலகளாவிய மோதலைத் தீர்ப்பதில் அர்த்தமுள்ள பங்கை வகிக்க முயற்சிப்பதன் மூலம், மேற்கு மற்றும் ரஷ்யா ஆகிய இரு நாடுகளுடனும் தனது உறவுகளை மேம்படுத்த இந்தியா நம்புகிறது. சிலர் இதை அமெரிக்காவை மகிழ்விக்கும் முயற்சியாகக் கருதினாலும், மற்றவர்கள் இந்தியா அதன் ராஜதந்திர சுதந்திரத்தை உயர்த்திக் காட்டுவதாகவும், "விஷ்வ பந்து" (‘Vishwa Bandhu’) அல்லது உலகிற்கு நண்பனாக அதன் பங்கை வலுப்படுத்துவதாகவும் வாதிடுகின்றனர்.
ரஷ்யாவை அரவணைத்தது சீனா
கடந்த பத்தாண்டுகளில் பிரதமர் மோடியின் தலைமையின் கீழ் இந்தியாவின் வெளியுறவுக் கொள்கையானது, அமெரிக்காவுடன் நட்பு மற்றும் கூட்டுறவு உறவையும், ரஷ்யாவுடன் மோதலில்லா, நடுநிலையான உறவையும் பேணுவதில் கவனம் செலுத்துகிறது. இருப்பினும், ரஷ்யா அதிபர் புட்டின் கீழ் ரஷ்யாவின் வெளியுறவுக் கொள்கை முக்கியமாக இரண்டு இலக்குகளில் கவனம் செலுத்துகிறது: சீனாவுடனான அதன் உறவுகளை வலுப்படுத்துதல் மற்றும் அமெரிக்க மேலாதிக்கத்தை சவால் செய்ய பல துருவ உலக ஒழுங்கை மேம்படுத்துதல். புடினின் மேற்கத்திய எதிர்ப்பு மூலோபாயத்தில் சீனா மற்றும் இந்தியா ஆகிய இரு நாடுகளும் நெருங்கிய நட்பு நாடுகளாக உள்ளன. ஆனால், இந்தியா இதை முழுமையாக ஆதரிக்கத் தயங்குகிறது, ஏனெனில் அதன் இராஜதந்திர இலக்குகள் ரஷ்யா அல்லது சீனாவுடன் முழுமையாகப் பொருந்தவில்லை.
இந்தியாவிற்கும் சீனாவிற்கும் இடையில் அதிகார சமநிலையை உருவாக்குவதையும், பெரிய மோதல்களைத் தடுப்பதையும் நோக்கமாகக் கொண்டதால், இந்தியாவுடனான தனது கூட்டாண்மையைக் குறைக்க ரஷ்யா விரும்பவில்லை. ஆனால், சீனாவுக்குக் கொடுத்த முக்கியத்துவத்தை ரஷ்யா இந்தியாவுக்குக் கொடுக்கவில்லை. இதற்கான காரணம் தெளிவாக உள்ளது. சீனாவுடனான ரஷ்யாவின் நெருக்கமான உறவுகள், அமெரிக்காவுடனான போட்டியால் நெருக்கமாக உள்ளன. இந்தியாவுடனான அதன் உறவும் இது போன்ற சக்தியைக் கொண்டிருக்கவில்லை.
ரஷ்யாவிற்கும் சீனாவிற்கும் இடையே வளர்ந்து வரும் கூட்டாண்மை இந்தியாவிற்கு என்ன தாக்கத்தை ஏற்படுத்தும்?
இதன் விளைவாக, சீனாவுடனான நெருக்கமான உறவுகளின் காரணமாக ரஷ்யாவின் உறவு பயன் குறைந்ததாக இந்தியா கண்டறிந்துள்ளது. சீனா தனது எல்லையில் இந்தியாவின் பல பாதுகாப்பு பிரச்சினைகளை ஏற்படுத்தி, அவற்றை சாதகமாக்கிக் கொள்ள முயல்கிறது. பயங்கரவாதத்தை அரசுக் கொள்கையின் கருவியாகப் பயன்படுத்துவதில் பாகிஸ்தானுக்கு சீனாவின் ஆதரவு மிகவும் தேவையானதாகும்.
இந்தியாவின் கண்ணோட்டத்தில், சீனா மீது ரஷ்யாவின் கவனம் அதன் இராஜதந்திரத்தை ஏமாற்றமடையச் செய்துள்ளது. அமெரிக்காவிலிருந்து ரஷ்யாவின் முறிவு சீனாவுடன் நெருக்கமான உறவுக்கு தள்ளப்பட்டுள்ளது. அதே நேரத்தில் இந்தியாவும் சீனாவும் இன்னும் தங்கள் உறவுகளை இயல்பாக்கவில்லை. கூடுதலாக, ஷாங்காய் ஒத்துழைப்பு அமைப்பு மற்றும் பிரிக்ஸ் போன்ற குழுக்கள் மூலம் அமெரிக்க செல்வாக்கிற்கு சவால் விடுக்கும் ரஷ்யாவின் முயற்சிகள் வெற்றிபெறவில்லை. உக்ரைனில் நடந்த போருடன், இந்தியாவுடனான உறவை நிர்வகிப்பது ரஷ்யாவிற்கு மிகவும் கடினமாகிவிட்டது. இந்த நிலைமை இந்தியாவைப் பற்றியது மற்றும் பெரிய உலக வல்லரசுகளுடனான அதன் உறவுகளை மறுபரிசீலனை செய்ய வழிவகுக்கிறது.
கடந்த காலத்திற்கும் நிகழ்காலத்திற்கும் உள்ள வேறுபாடுகள்
இந்தியாவின் வெளியுறவுக் கொள்கையில் ஏற்பட்டுள்ள இந்த மாற்றம், அமெரிக்காவுடன் முழுக் கூட்டணியை உருவாக்க வேண்டும் என்று அர்த்தமல்ல, வங்கதேசத்தின் போரின்போது பாகிஸ்தான்-அமெரிக்கா-சீனா கூட்டணியில் இருந்து ரஷ்யா பாதுகாக்கும் என்ற பழைய யோசனையிலிருந்து இந்தியா விலகிச் செல்ல வேண்டும். குறிப்பாக, ரஷ்யாவுக்கும் உக்ரைனுக்கும் இடையே போர் நடந்து வருவதால், அமைதிக்கான இந்தியாவின் முயற்சிகள் குறித்து பலரும் சந்தேகம் கொண்டுள்ளனர்.
பேச்சுவார்த்தை இரு தரப்பையும் கொண்டு வருவதற்கு இந்தியாவுக்கு போதுமான செல்வாக்கு இல்லை என்றும், இரு தரப்பினரையும் சமதானம் செய்ய இந்தியத் தலைவர்களுக்கு பழக்கமில்லை என்றும் அவர்கள் வாதிடுகின்றனர். இருப்பினும், இந்தியா சமரசம் செய்ய முயற்சிப்பதை இது தடுக்கக்கூடாது. ரஷ்ய அதிபர் புடின் மற்றும் மேக்ரான் ஆகியோருடன் டோவலின் திறந்த மற்றும் திறமையான இராஜதந்திர பேச்சுக்கள், இந்தியாவின் சுதந்திரமான வெளியுறவுக் கொள்கையின் முக்கிய அங்கமாக மோதலை தீர்க்கும் ஒரு புதிய அணுகுமுறையைக் குறிக்கிறது.
இறுதியில், ரஷ்யா பலவீனமடைவதைக் காண விரும்பும் அமெரிக்காவின் இலக்கை இந்தியா ஏற்க முடியாது. அமெரிக்காவுடனான அதன் ராஜதந்திர கூட்டாண்மையை வலுப்படுத்துவதன் மூலம் கடந்த இருபது ஆண்டுகளில் இந்தியா அடைந்துள்ள முன்னேற்றத்தைப் பாதுகாப்பதும் முக்கியமானது. அமெரிக்கா குவாடில் முக்கிய பங்கு வகிக்கும் அதே வேளையில், இந்தியா அதன் முக்கிய இலக்குகளை அங்கீகரித்து அதன் முக்கிய அம்சங்களை ஏற்றுக்கொள்கிறது. சீனாவுடனான தனது உறவை மேம்படுத்துவதில் உள்ள சவால்களை இந்தியா புரிந்துகொள்கிறது மற்றும் அதிக செலவில் இந்த முன்னேற்றத்தை அவசரப்படுத்த எந்த அர்ப்பணிப்பும் இல்லை.
வினய் கவுரா, உதவி பேராசிரியர், சர்வதேச விவகாரங்கள் மற்றும் பாதுகாப்பு ஆய்வுகள் துறை, சர்தார் படேல் பல்கலைக்கழகம்