இந்தியாவின் கற்றல் நெருக்கடி மிகப்பெரியது மற்றும் வலுவான நடவடிக்கை தேவை. ஒரு நாடு தழுவிய உலகளாவிய அடிப்படை எழுத்தறிவு மற்றும் எண்ணறிவை (foundational literacy and numeracy (FLN)) பிரச்சாரம், வலுவான தனியார் கூட்டாண்மை, தரவு உந்துதல் மதிப்பீடுகள் மற்றும் வெளிப்படைத்தன்மை ஆகியவை நோக்கத்திற்கும் தாக்கத்திற்கும் இடையிலான இடைவெளியைக் குறைக்கும்.
ஆண்டு கல்வி நிலை அறிக்கை (Annual Status of Education Report (ASER)) 2024 இந்தியாவின் கல்வி முறைக்கு சில நம்பிக்கையைத் தருகிறது. கோவிட்-19 தொற்றுநோயால் ஏற்படும் கடுமையான கற்றல் இழப்புகள் தலைகீழாக மாறத் தொடங்கியுள்ளன என்பதை இது காட்டுகிறது. குறிப்பாக, புரிந்துகொள்ளுதல் மற்றும் எண்ணுடன் வாசிப்பதில் தேர்ச்சிக்கான தேசிய முன்முயற்சி - நிபுன் (National Initiative for Proficiency in Reading with Understanding and Numeracy(NIPUN)) பாரத் திட்டத்தை வலுவாக செயல்படுத்தும் மாநிலங்களில் இது உண்மையாக உள்ளது.
இருப்பினும், அறிக்கை ஒரு நிதானமான யதார்த்தத்தை அடிக்கோடிட்டுக் காட்டுகிறது. அவை, உலகளாவிய அடித்தள கல்வியறிவு மற்றும் எண்ணறிவை (FLN) அடைவதில் தாமதம், மில்லியன் கணக்கான குழந்தைகளை கண்ணியமான வாழ்க்கைக்குத் தேவையான அத்தியாவசிய திறன்கள் இல்லாமல் போக வழிவகுக்கலாம். பொருள் விநியோகம் (material distribution), கட்டமைக்கப்பட்ட கற்பித்தல் முறைகள் (structured teaching methods) மற்றும் ஆசிரியர் பயிற்சி (teacher training) போன்ற முயற்சிகள் மூலம் முன்னேற்றம் ஏற்பட்டாலும், இன்னும் முழுமையாகப் பயன்படுத்தப்படாத நான்கு முக்கிய உத்திகள் உள்ளன. இந்த உத்திகள், அரசியல் ரீதியாக கடினமாக இருந்தாலும், உறுதி செய்வதில் முன்னேற்றத்தை விரைவுபடுத்தக்கூடும்.
1. நாடு தழுவிய பொதுக் கல்வி பிரச்சாரத்தை தொடங்கவும்
சுகாதாரம் மற்றும் சுற்றுலா போன்ற துறைகளில் பொது விழிப்புணர்வு பிரச்சாரங்கள் பெரிய மாற்றங்களைக் கொண்டு வந்துள்ளன. எடுத்துக்காட்டாக, பல்ஸ் போலியோ இயக்கம் (Pulse Polio drive) மிகவும் வெற்றிகரமாக இருந்தது. இருப்பினும், கல்வி - குறிப்பாக அடிப்படை எழுத்தறிவு மற்றும் எண்ணறிவு (Foundational Literacy and Numeracy (FLN)) கல்வி முறைகளைப் போன்ற முயற்சிகளைக் காணவில்லை. ஒரு நீண்டகால பிரச்சாரம் அடிப்படை திறன்களின் முக்கியத்துவத்தை எடுத்துக்காட்டும். இதில், பெற்றோர்கள் மற்றும் சமூகங்களின் தன்மையை வரையறுக்கும் மற்றும் அமைப்பானது தோல்விகளைச் சுற்றியுள்ள களங்கத்தை முற்றிலும் நீக்கும். உதாரணமாக, "உங்கள் சுற்றுப்புறத்தில் உள்ள ஒவ்வொரு 8 வயது குழந்தையும் ஒரு எளிய பத்தியைப் படிக்க முடியுமா?" போன்ற எளிய கேள்விகள் உள்ளூர் பொறுப்புணர்வை தூண்ட வழிவகுக்கும்.
பொருளாதாரக் கண்ணோட்டத்தில், இதற்கான நன்மைகள் தெளிவாக உள்ளன. அடிப்படை எழுத்தறிவு மற்றும் எண்ணறிவில் (FLN) முதலீடு செய்வது, தொழில் பயிற்சி போன்ற பிற்கால திருத்தத் திட்டங்களைவிட ஐந்து முதல் ஆறு மடங்கு அதிக வருமானத்தைத் தருகிறது என்று ஆய்வுகள் காட்டுகின்றன. இருப்பினும், அரசாங்கங்கள் அமைப்பில் உள்ள குறைபாடுகளை தெரிவுப்படுத்த பிரச்சாரங்களைத் தொடங்கத் தயங்குகின்றன. இந்த மனநிலை மாற வேண்டும். பெற்றோருக்கான நடைமுறை ஆலோசனைகளுடன் கற்றல் இடைவெளிகள் பற்றிய திறந்த விவாதங்கள் குழந்தைகளுக்கான அடையாளப் பலகைகள் அல்லது செய்தித்தாள் தலைப்புச் செய்திகளைப் படிக்கச் சொல்வது மற்றும் எண்ணுவதைப் பயிற்சி செய்வது போன்றவை வீடுகளை கற்றல் மையங்களாக மாற்றும்.
2. தனியார் துறையுடன் வெளிப்படையான, பெரிய அளவிலான கூட்டாண்மைகளை உருவாக்குதல்
தனியார் துறையின் திறன் இருந்தபோதிலும், இதற்கான ஒத்துழைப்புகள் ஒழுங்கமைக்கப்படாதவை மற்றும் நம்பிக்கை இல்லாதவை ஆகும். உதாரணமாக, பெரும்பாலான மாநிலங்கள் ஆண்டு கல்வி நிலை அறிக்கை (ASER) கண்டுபிடிப்புகளைப் புறக்கணித்து, NCERT-ஆல் நடத்தப்படும் தேசிய சாதனை ஆய்வு (National Achievement Survey (NAS)) அல்லது மாநில அரசு ஆய்வுகள் போன்ற அரசு தலைமையிலான மதிப்பீடுகளை மட்டுமே நம்பியுள்ளன. இருப்பினும், இந்த ஆய்வுகள் பெரும்பாலும் கடுமையான தரம் மற்றும் வழிமுறை தொடர்பான சிக்கல்களைக் கொண்டுள்ளன. இந்த தயக்கம் புதுமைகளைக் கட்டுப்படுத்துகிறது.
பயனுள்ள கூட்டாண்மைகளில், பிராந்திய மொழிகளில் வாய்வழி வாசிப்பு சரளத்தை மதிப்பிடுவதற்கு AI ஐப் பயன்படுத்தும் கல்வி தொழில்நுட்ப நிறுவனங்களும் அடங்கும். அடிநிலை அரசு சாரா நிறுவனங்கள் இதற்கான தீர்வுத் திட்டங்களை விரிவுபடுத்த உதவக்கூடும். பெருநிறுவன சமூகப் பொறுப்பு (Corporate social responsibility (CSR)) முயற்சிகள் வகுப்பறை வளங்கள் அல்லது ஆசிரியர் பயிற்சிக்கு நிதியளிக்கலாம். தனிநபர்கள் மாநில வழிகாட்டுதல்களின் அடிப்படையில் கட்டமைக்கப்பட்ட வழியில் தன்னார்வத் தொண்டு செய்யலாம்.
தனியார் துறையில் பல "மறைமுக நிறுவனங்கள்" (shady players) இருப்பதாக அரசு அதிகாரிகள் வாதிடுகின்றனர். இருப்பினும், இந்த சவாலை சரியான சரிபார்ப்புகள் மூலம் சமாளிக்க முடியும். FLN-ஐ அனைத்து பங்குதாரர்களும், அரசாங்கம், அரசு சாரா நிறுவனங்கள், நிறுவனங்கள் மற்றும் குடிமக்கள் ஒன்றாகச் செயல்படும் ஒரு தேசிய பணியாக மாற்றுவதே இதன் முக்கிய குறிக்கோள் ஆகும்.
3. மதிப்பீடுகளை தீர்ப்புக்கான கருவிகளாக அல்ல, முன்னேற்றத்திற்கான கருவிகளாகப் பயன்படுத்துங்கள்
மதிப்பீடுகள் பெரும்பாலும் புரிதலுக்கான கருவிகளுக்குப் பதிலாக தண்டனைகளாகக் காணப்படுகின்றன. கல்விக்கான இடைவெளிகளை முன்னிலைப்படுத்துவதற்கும் தீர்வுகளை வழிநடத்துவதற்கும் வழிகளாக மாநிலங்கள் அவற்றை மறுவடிவமைக்க வேண்டும். உதாரணமாக, ASER-ன் எளிய வீட்டுத் தேர்வுகள் (household-based tests) தெளிவான வேறுபாடுகளைக் காட்டுகின்றன. 2024-ம் ஆண்டில், கிராமப்புற இந்தியாவில் 5-ம் வகுப்பு மாணவர்களில் 45% பேர் மட்டுமே இரண்டாம் வகுப்பு பாடப் புத்தகத்தைப் படிக்க முடிந்தது. அத்தகைய தரவைத் தொடர்ந்து, வெளிப்படையாக அறிக்கையிடுவது, சூழல் பகுப்பாய்வுடன், ஆசிரியர்கள் தங்கள் பாடங்களை சரிசெய்யவும், கொள்கை வகுப்பாளர்கள் வளங்களை சிறப்பாக விநியோகிக்கவும் உதவும்.
புதிய தொழில்நுட்பங்கள் மதிப்பீடுகளை மாற்ற முடியும். AI கருவிகள் இப்போது வாய்வழி வாசிப்பு சரளத்தை அளவிடுகின்றன மற்றும் மாணவர்களுக்கு நிகழ்நேர கருத்துக்களை வழங்குகின்றன. முழுமையாக சோதிக்கப்பட்ட Edtech தீர்வுகள், கணிதம் மற்றும் மொழி போன்ற பாடங்களில் கற்றலை மிகவும் ஈடுபாட்டுடனும் பயனுள்ளதாகவும் ஆக்குகின்றன. இருப்பினும், இந்த கண்டுபிடிப்புகளுக்கு அரசாங்க ஆதரவு தேவை. தொழில்நுட்ப அடிப்படையிலான மதிப்பீடுகளுக்கு மாநிலங்கள் உறுதியளித்தால், அவை மூல தரவை பயனுள்ள நுண்ணறிவுகளாக மாற்ற முடியும்.
4. இடைவெளிகளை வெளிப்படையாக உணர்ந்து நிவர்த்தி செய்யுங்கள்
பல மாநிலங்கள் குறைந்த கற்றல் விளைவுகளை அரசியல் பொறுப்புகளாகக் கருதுகின்றன. எனவே, அவை சாதகமற்ற தரவுகளை மறைக்கின்றன. எடுத்துக்காட்டாக, 2009-ம் ஆண்டில் மோசமான தரவரிசைக்குப் பிறகு, இந்த தற்காப்புத்தன்மையைக் காட்டும் சர்வதேச மாணவர் மதிப்பீட்டுத் திட்டத்திலிருந்து (International Student Assessment (PISA)) இந்தியா விலகியது. இருப்பினும், இந்த பிரச்சினைகள் பற்றி சமூகங்கள் ஏற்கனவே அறிந்திருக்கின்றன. அதிக செலவுகள் இருந்தபோதிலும் தனியார் பள்ளிகளில் சேரும் மாணவர்களின் எண்ணிக்கை அதிகரித்து வருவதிலிருந்து இது தெளிவாகிறது.
இந்தியாவின் சுகாதார நெருக்கடியை வெளிப்படையாக அங்கீகரித்ததால் தூய்மை இந்தியா பிரச்சாரம் (Swachh Bharat campaign) வெற்றி பெற்றது. அதேபோல், அடிப்படை எழுத்தறிவு மற்றும் எண்ணறிவில் (FLN) முன்னேற்றத்திற்கு நேர்மை தேவை. பஞ்சாப் அதன் மோசமான தேசிய சாதனை ஆய்வு (NAS) 2021 முடிவுகளைப் பகிரங்கமாகப் பகிர்ந்துகொள்வதன் மூலமும், கவனம் செலுத்திய சீர்திருத்தங்களைத் தொடங்குவதன் மூலமும் ஒரு நல்ல முன்மாதிரியாக அமைந்தது. இது வெளிப்படைத்தன்மை முன்னேற்றத்திற்கு வழிவகுக்கிறது என்பதைக் காட்டுகிறது. கல்வியில் தோல்விகளை வெளிப்படையாகக் கையாளும் அதே வேளையில், சிறிய சாதனைகளை அங்கீகரிப்பது பொதுமக்களின் நம்பிக்கையை வளர்த்து, முன்னேற்றத்தைத் தொடர உதவும்.
நிபுன் பாரத் முன்முயற்சி (NIPUN Bharat initiative), ஆசிரியர் பயிற்சி திட்டங்கள் மற்றும் பாடத்திட்ட சீர்திருத்தங்கள் ஆகியவை பாராட்டுக்குரிய முதல் படிகள் ஆகும். இருப்பினும், இந்தியாவின் கற்றல் நெருக்கடியின் அளவு தைரியமான நடவடிக்கையைக் கோருகிறது. ஒரு நாடு தழுவிய அடிப்படை எழுத்தறிவு மற்றும் எண்ணறிவு (FLN) பிரச்சாரம், வலுவான தனியார் கூட்டாண்மை, தரவு உந்துதல் மதிப்பீடுகள் மற்றும் வெளிப்படைத்தன்மை ஆகியவை நோக்கத்திற்கும் தாக்கத்திற்கும் இடையிலான இடைவெளியைக் குறைக்கும்.
ஐக்கிய நாடுகள் சபையின் நிலையான வளர்ச்சி இலக்குகளுக்கான காலக்கெடுவான 2030 நெருங்கி வருவதால், இந்தியா மெதுவாக முன்னேற முடியாது. ASER 2024 காட்டுவது போல், ஒவ்வொரு ஆண்டும் தாமதம் ஒரு தலைமுறையின் அடிப்படை திறன்களுக்கான உரிமையை மறுக்கின்றது. எதிர்காலப் பாதை தெளிவாக உள்ளது. மாநிலங்கள் தைரியமாக செயல்பட வேண்டிய நேரம் இது.
எழுத்தாளர் பெங்களூரை தளமாகக் கொண்ட கல்வி முயற்சிகளின் இணை நிறுவனர் ஆவார்.