காலநிலை மாற்றம் வேகமடைதல் மற்றும் கடல் வளங்கள் அதிகமாகப் பயன்படுத்தப்படுவதால், கடல் மற்றொரு பிரச்சினை அல்ல - இது நம் அனைவரையும் பாதிக்கும் ஒன்று.
இந்திய தீபகற்பம் ஒரு கடலால் சூழப்பட்டுள்ளது. இந்தியாவின் மக்கள்தொகையில் மூன்றில் ஒரு பங்கு மக்கள் கடலோரப் பகுதிகளில் வாழ்கின்றனர். 7,517 கி.மீ கடற்கரையைக் கொண்ட இந்தியா, அன்றாட வாழ்க்கை, பொருளாதாரம் மற்றும் சுற்றுச்சூழல் அடிப்படையில் கடலால் அதிகம் பாதிக்கப்படும் நாடுகளில் ஒன்றாகும். இது இந்திய அரசாங்கத்தின் தொலைநோக்கு 2030-ல் பிரதிபலிக்கிறது, இது நீலப் பொருளாதாரத்தை வளர்ச்சிக்கான முக்கியப் பகுதியாக எடுத்துக்காட்டுகிறது.
கடல் ஒரு பகிரப்பட்ட வளமாகும். இது அனைவருக்கும் சொந்தமானது. இது மக்களுக்கு உணவளிக்கிறது மற்றும் பாதுகாக்கிறது. நம்மை ஊக்குவிக்கிறது மற்றும் பயணிக்க உதவுகிறது. இது நிலையான ஆற்றல், வளங்கள், வர்த்தக வழிகள் மற்றும் முடிவற்ற அறிவியல் அறிவை வழங்குகிறது.
மூன்று பேரில் ஒருவர் தங்கள் வாழ்வாதாரத்திற்காக கடலை நம்பியிருக்கிறார். இருப்பினும், அது ஆபத்தில் உள்ளது. இது இன்னும் பெரும்பாலும் அறியப்படாத ஒரு பகுதி, மேலும் உலகளாவிய நிர்வாகம் மற்றும் அதன் பாதுகாப்பிற்கு தேவையான நிதி இரண்டும் இல்லை. ஒவ்வொரு ஆண்டும் 8 மில்லியன் டன்களுக்கும் அதிகமான பிளாஸ்டிக் கடலில் சேர்கிறது என்று சயின்ஸில் வெளியிடப்பட்ட ஒரு ஆய்வு தெரிவிக்கிறது. மூன்றில் ஒரு பங்கு மீன்வளங்கள் அதிகப்படியான மீன்பிடித்தலால் பாதிக்கப்படுகின்றன. அதே நேரத்தில் கடல் அமிலமயமாக்கல், கடல்மட்ட உயர்வு மற்றும் கடல் சுற்றுச்சூழல் அமைப்புகளின் அழிவு ஆகியவை காலநிலை மாற்றத்தின் நேரடி விளைவுகளாக வேகமடைகின்றன.
நாம் இப்போது செயல்பட வேண்டும். முன்னெப்போதையும்விட, பலதரப்பு நடவடிக்கைகள் கடல் பாதுகாப்பின் சவால்களுக்கு ஏற்ப இருப்பதை உறுதிசெய்ய வேண்டும்.
ஜூன் 9-13-ஆம் தேதிகளில், பிரான்ஸ் கோஸ்டா-ரிக்கா உடன் இணைந்து மூன்றாவது ஐக்கிய நாடுகளின் கடல் மாநாட்டை (third United Nations Ocean Conference (UNOC3)) நடத்தவுள்ளது. சுமார் 100 நாடுகளின் தலைவர்கள் மற்றும் அரசாங்கங்கள் மேலும் ஆயிரக்கணக்கான ஆராய்ச்சியாளர்கள், விஞ்ஞானிகள், பொருளாதார நிபுணர்கள், ஆர்வலர்கள் மற்றும் உலகெங்கிலும் இருந்து குடிமக்கள் நிஸ் நகரில் ஒன்றுகூடுவார்கள். உறுதியான செயல்பாடுகள் மூலம் கடலைப் பாதுகாக்கும் நமது நோக்கம் தெளிவாக இருக்க வேண்டும். 21-வது காலநிலை மற்றும் பாரிஸ் ஒப்பந்தத்திற்கு பத்து ஆண்டுகளுக்குப் பிறகு, காலநிலை மாற்றத்தை கட்டுப்படுத்த உலகளாவிய கட்டமைப்பை நிறுவிய இந்த UNOC3 ஒரு வரலாற்று வாய்ப்பாகும். "நிஸ் கடல் ஒப்பந்தங்கள்" 2015-ல் ஐ.நா. ஏற்றுக்கொண்ட நிலையான வளர்ச்சி இலக்குகளுடன் முழுமையாக இணைந்து, கடலின் பாதுகாப்பு மற்றும் நிலையான பயன்பாட்டிற்கான ஒரு சர்வதேச ஒப்பந்தமாக உருவாகலாம். இந்த நோக்கத்திற்காக, நிஸில் நடைபெறும் பேச்சுவார்த்தைகள் செயல்பாட்டு மற்றும் நடவடிக்கைக்கு முக்கியத்துவம் அளிக்க வேண்டும், சிறந்த நிர்வாகம், மேலும் நிதியுதவி மற்றும் கடல்களைப் பற்றிய அதிக அறிவை நோக்கமாகக் கொண்டிருக்க வேண்டும்.
நிர்வாகத்தைப் பொறுத்தவரை, ஐ.நா. மாநாட்டின் கீழ் தேசிய அதிகார எல்லைக்கு அப்பாற்பட்ட பகுதிகளில் கடல் பல்லுயிர் பெருக்கத்திற்கான ஒப்பந்தம் (Biodiversity of Areas beyond National Jurisdiction (BBNJ Agreement)) முக்கியமானது.
கடலின் 60 சதவீதத்திற்கும் அதிகமாக இருக்கும் ஆழ்கடல் பகுதிகள் தற்போது சர்வதேச சட்டத்தால் நிர்வகிக்கப்படாத ஒரே பகுதிகளாகும். கண்காணிப்பு மற்றும் பொதுவான விதிகள் இல்லாதது ஒரு உண்மையான சமூக மற்றும் சுற்றுச்சூழல் பேரழிவை ஏற்படுத்துகிறது. அதிகளவில் எண்ணெய் மற்றும் நெகிழி மாசுபாடு, சட்டவிரோத, அறிவிக்கப்படாத மற்றும் ஒழுங்குபடுத்தப்படாத மீன்பிடித்தல் மற்றும் பாதுகாக்கப்பட்ட மற்றும் அழிந்துவரும் பாலூட்டிகளின் பிடிப்பு ஆகியவை நடக்கின்றன. இந்த சட்ட வெற்றிடத்தை முடிவுக்குக் கொண்டுவர, BBNJ ஒப்பந்தம் 60 நாடுகளால் அங்கீகரிக்கப்பட வேண்டும். அப்போதுதான் அது நடைமுறைக்கு வரும்.
கடலின் பாதுகாப்புக்கு பொது மற்றும் தனியார் நிதியுதவி, மற்றும் நிலையான நீல பொருளாதாரத்திற்கான ஆதரவும் தேவைப்படுகிறது. கடல் வழங்கும் நம்பமுடியாத பொருளாதார வாய்ப்புகளை தொடர்ந்து பெற, கடல் வளங்கள் மீண்டும் புதுப்பிக்கப்பட முடியும் என்பதை உறுதி செய்ய வேண்டும். நிஸில், உலகளாவிய வர்த்தகம், கப்பல் போக்குவரத்து சுற்றுலா மற்றும் முதலீடு ஆகியவற்றிற்கான பல உறுதிமொழிகள் அறிவிக்கப்படும்.
இறுதியாக, நாம் போதுமான அளவு அறியாத அல்லது போதுமானதாக அறியாத ஒன்றை எப்படி பாதுகாக்க முடியும்? கடலைப் பற்றிய நமது அறிவை மேம்படுத்தவும், அதை மிகவும் திறம்பட பரப்பவும் வேண்டும். இன்று, நாம் நிலவு மற்றும் செவ்வாய் கிரகத்தின் மேற்பரப்பை வரைபடமாக்க முடியும். ஆனால், பூமியின் மேற்பரப்பில் 70 சதவீதத்தை உள்ளடக்கிய கடலின் ஆழங்கள் இன்னும் அறியப்படாமலேயே உள்ளன. ஒன்றிணைந்து கடலைப் பற்றி சிறப்பாகப் புரிந்துகொள்ளவும், பொதுமக்களிடையே விழிப்புணர்வை ஏற்படுத்தவும் அறிவியல், புதுமை மற்றும் கல்வியை நாம் அணிதிரட்ட வேண்டும்.
UNOC3 சாதனைக்கு தேசிய அளவில் தயாராவதற்கும், இந்தியாவின் தொலைநோக்குப் பார்வையை பிரதிபலிப்பதற்கும், பிரான்ஸ் "என் கடலில் இல்லை" (Not in my ocean) என்ற யோசனைகளின் அடிப்படையில் விழாவை ஏற்பாடு செய்கிறது. மே மாதம் முழுவதும், டெல்லி, சென்னை, புதுச்சேரியில் உள்ள அலயன்ஸ் பிரான்சேஸ் மற்றும் கோவாவின் அருங்காட்சியகம் ஆகியவை பிரான்ஸ் மற்றும் இந்தியாவைச் சேர்ந்த நிபுணர்கள் மற்றும் கலைஞர்களுடன் உள்ளார்ந்த கண்காட்சிகள், திரைப்பட காட்சிகள், பட்டறைகள், கலந்துரையாடல்கள் மற்றும் விவாதங்களை நடத்தும். பொதுமக்கள் தங்கள் கருத்துக்களைப் பகிர்ந்து கொள்ள, கற்றுக்கொள்ள, வியக்க மற்றும் கடலைப் பற்றிய முக்கியமான தலைப்புகளில் விவாதிக்க அழைக்கப்படுவார்கள். மேலும், புவி அறிவியல் அமைச்சகம் மற்றும் கோஸ்டா ரிக்கா தூதரகத்துடன் இணைந்து, இந்த ஐ.நா. மாநாட்டிற்கு இந்தியாவிலிருந்து தெளிவான பரிந்துரைகளை வழங்க டெல்லியில் இந்திய நிறுவனங்கள் மற்றும் ஆராய்ச்சியாளர்களை ஒன்றிணைத்து "நீல உரையாடல்கள்" (Blue Talks) நடத்துவோம்.
வேகமாக அதிகரித்து வரும் காலநிலை மாற்றம் மற்றும் கடல் வளங்களை அதிகமாக சுரண்டுதல் ஆகியவற்றின் பின்னணியில், கடல் என்பது வேறு எந்தப் பிரச்சினையையும் போல ஒரு பிரச்சினை மட்டுமல்ல இது நம் அனைவரையும் பாதிக்கும் ஒன்று. பன்முகத்தன்மை சவால் செய்யப்படும் சூழலில், நாம் நமது பகிரப்பட்ட பொறுப்பை மறந்துவிடக் கூடாது. கடல் ஒரு உலகளாவிய பிணைப்பு, மற்றும் நமது எதிர்காலத்திற்கு முக்கியமானது. ஒன்றாக, UNOC3 ஐ மக்கள், எதிர்கால சந்ததியினர் மற்றும் கிரகத்திற்கு நாம் மூன்றாவது ஐக்கிய நாடுகளின் கடல் மாநாட்டை (third United Nations Ocean Conference (UNOC3)) நமது மக்களுக்கும், எதிர்கால சந்ததியினருக்கும், நமது பூமிக்கும் ஒரு திருப்புமுனையாக மாற்ற முடியும்.
எழுத்தாளர் இந்தியாவுக்கான பிரான்ஸ் தூதர்