முக்கிய அம்சங்கள் :
1. இந்திய தீபகற்பம் ஒரு கடலால் சூழப்பட்டுள்ளது. இந்தியாவின் மக்கள்தொகையில் மூன்றில் ஒரு பங்கு மக்கள் கடலோரப் பகுதிகளில் வாழ்கின்றனர். இந்தியா 7,517 கி.மீ கடற்கரையைக் கொண்டுள்ளது. இது இந்தியாவை அன்றாட வாழ்க்கை, பொருளாதாரம் மற்றும் சுற்றுச்சூழல் அடிப்படையில் கடலால் அதிகம் பாதிக்கப்படும் நாடுகளில் ஒன்றாக ஆக்குகிறது. இந்திய அரசாங்கத்தின் தொலைநோக்கு 2030 (Indian government’s Vision 2030) இதை அங்கீகரிக்கிறது. இந்த திட்டம், நாட்டின் வளர்ச்சிக்கான 10 முக்கிய பரிணாமங்களில் ஒன்றாக நீலப் பொருளாதாரத்தை (blue economy) உள்ளடக்கியது.
2. கடல் என்பது உலகளாவிய பொதுச் சொத்து ஆகும். அது நம் அனைவருக்கும் சொந்தமானது. அது நம் மக்களுக்கு உணவளித்து பாதுகாக்கிறது. அது நம்மை கனவு காணவும் பயணிக்கவும் செய்கிறது. கடல் நமக்கு நிலையான ஆற்றல், வர்த்தகத்திற்கான வழிமுறைகள், வளங்கள் மற்றும் எல்லையற்ற அறிவியல் அறிவை வழங்குகிறது.
3. மூன்றில் ஒருவர் தங்கள் வாழ்வாதாரத்திற்காக கடலை சார்ந்துள்ளனர். இருப்பினும், கடலானது ஆபத்தில் உள்ளது. இது பெரும்பாலும் அனைவராலும் அறியப்படவில்லை. உலகளாவிய நிர்வாகமும் அதன் பாதுகாப்பிற்கான சரியான நிதியும் இதற்கு இல்லாததை புள்ளிவிவரங்கள் காட்டுகின்றன. ”சயின்ஸ்” வெளியிடப்பட்ட ஒரு ஆய்வின்படி, ஒவ்வொரு ஆண்டும், எட்டு மில்லியன் டன்களுக்கும் அதிகமான பிளாஸ்டிக் கடலில் கொட்டப்படுகிறது. கடலில் உள்ள மீன் வளங்களில் மூன்றில் ஒரு பங்குக்கும் அதிகமாக அளவில் மீன்பிடிக்கப்படுகிறது. தற்போது, கடல் அமிலமயமாக்கல் அதிகரித்து வருகிறது. கடல் மட்டங்கள் உயர்ந்து வருகின்றன. கடல் சுற்றுச்சூழல் அமைப்புகள் (marine ecosystems) அழிக்கப்படுகின்றன. இவை அனைத்தும் காலநிலை மாற்றத்தின் நேரடி விளைவுகளாக அமைகிறது.
4. ஜூன் 9 முதல் 13 வரை, பிரான்ஸ் நாடானது இணைந்து மூன்றாவது ஐக்கிய நாடுகளின் பெருங்கடல் மாநாட்டை (United Nations Ocean Conference (UNOC3)) நடத்தும். சுமார் 100 நாடுகளின் தலைவர்கள் மற்றும் அரசாங்கத் தலைவர்கள் கலந்து கொள்வார்கள். உலகம் முழுவதிலுமிருந்து பல்லாயிரக்கணக்கான ஆராய்ச்சியாளர்கள், விஞ்ஞானிகள், வணிகத் தலைவர்கள், ஆர்வலர்கள் மற்றும் குடிமக்களும் நைஸ் பகுதியில் இந்த மாநாட்டில் கூடுவார்கள்.
5. COP21 மற்றும் பாரிஸ் ஒப்பந்தத்திற்கு பத்து ஆண்டுகளுக்குப் பிறகு, ஐக்கிய நாடுகளின் பெருங்கடல் மாநாட்டுடன் (UNOC3) ஒரு வரலாற்று வாய்ப்பு எழுகிறது. "நைஸ் கடல் ஒப்பந்தங்கள்" (Nice Ocean Agreements) மூலம் ஒரு சர்வதேச ஒப்பந்தத்தை உருவாக்க முடியும். இந்த ஒப்பந்தம் கடலின் பாதுகாப்பு மற்றும் நிலையான பயன்பாட்டில் கவனம் செலுத்தும். இது 2015-ல் ஐ.நா.வால் ஏற்றுக்கொள்ளப்பட்ட நிலையான வளர்ச்சி இலக்குகளுடன் ஒத்துப்போகும். இதை அடைய, நைஸில் (Nice) நடைபெறும் பேச்சுவார்த்தைகள் செயல்பாட்டு மற்றும் செயல் சார்ந்ததாக இருக்க வேண்டும். நிர்வாகத்தை மேம்படுத்துதல், நிதியுதவியை அதிகரித்தல் மற்றும் கடல்கள் பற்றிய அறிவை மேம்படுத்துதல் ஆகியவை இதன் இலக்காகும்.
உங்களுக்குத் தெரியுமா?
1. ஐ.நா. பெருங்கடல் மாநாடு (UN Ocean Conference) என்பது நிலையான வளர்ச்சி இலக்கு 14-க்கு (Sustainable Development Goal) அர்ப்பணிக்கப்பட்ட ஐக்கிய நாடுகள் சபையின் மாநாடு ஆகும். இந்த மாநாட்டின் நோக்கமானது பெருங்கடல், கடல்கள் மற்றும் கடல் வளங்களின் பாதுகாப்பு மற்றும் நிலையான பயன்பாட்டிற்கான நடவடிக்கைகளைத் திரட்டுவதாகும்.
2. முதல் ஐ.நா. பெருங்கடல் மாநாடு ஜூன் 2017-ல் நடைபெற்றது. இது அமெரிக்காவின் நியூயார்க் நகரில் உள்ள ஐக்கிய நாடுகள் சபையின் தலைமையகத்தில் நடைபெற்றது. பிஜி மற்றும் ஸ்வீடன் அரசாங்கங்கள் இந்த நிகழ்வை இணைந்து நடத்தின. இந்த மாநாட்டில் மாநிலத் தலைவர்கள் மற்றும் அரசாங்கத் தலைவர்கள் கலந்து கொண்டனர். இதில் சிவில் சமூகத்தின் பிரதிநிதிகள், வணிகத் தலைவர்கள், பங்குதாரர்கள், கல்வியாளர்கள், விஞ்ஞானிகள் மற்றும் கடல் மற்றும் கடல்வாழ் உயிரினங்களுக்கான ஆதரவாளர்களும் கலந்து கொண்டனர். இந்த பங்கேற்பாளர்கள் 150-க்கும் மேற்பட்ட நாடுகளைச் சேர்ந்தவர்கள் ஆவர்.
3. உயர்மட்ட அளவில் 2025 ஐக்கிய நாடுகள் மாநாடு நிலையான வளர்ச்சி இலக்கு 14-ஐ செயல்படுத்துவதை ஆதரிக்கும். இந்த இலக்கு நிலையான வளர்ச்சிக்காக பெருங்கடல்கள், கடல்கள் மற்றும் கடல் வளங்களைப் பாதுகாப்பதிலும் நிலையான முறையில் பயன்படுத்துவதிலும் கவனம் செலுத்துகிறது. 2025 ஐ.நா. பெருங்கடல் மாநாட்டை பிரான்ஸ் மற்றும் கோஸ்டாரிகா இணைந்து நடத்தும். இது ஜூன் 9 முதல் 13, 2025 வரை பிரான்சின் நைஸில் நடைபெறும்.
4. மாநாட்டின் முக்கிய கருப்பொருள் "செயல்பாட்டை விரைவுபடுத்துதல் மற்றும் கடலை பாதுகாக்கவும் நிலையான முறையில் பயன்படுத்தவும் அனைத்து தலைவர்களையும் அணிதிரட்டுதல்" என்பதாகும்.
5. பெருங்கடல்கள், கடல்கள் மற்றும் கடல் வளங்களை நிலையான வளர்ச்சிக்காகப் பாதுகாத்தல் மற்றும் நீடித்து நிலையாகப் பயன்படுத்துதல் மற்றும் SDG 14-ஐச் செயல்படுத்துவதற்கான கூடுதல் வழிகள் மற்றும் வழிமுறைகளைக் கண்டறிவதற்கான கூடுதல் மற்றும் அவசரகால நடவடிக்கைகளுக்கு ஆதரவளிப்பதை மாநாடு நோக்கமாகக் கொண்டுள்ளது.
6. மாநாடு 2017-ல் நியூயார்க்கில் ஸ்வீடன் மற்றும் பிஜி மற்றும் 2022-ல் லிஸ்பனில் போர்ச்சுகல் மற்றும் கென்யாவால் நடத்தப்பட்ட முந்தைய ஐநா பெருங்கடல் மாநாடுகளின் அடிப்படையில் கட்டமைக்கப்படும்.