காஸா குற்றங்களுக்காக இஸ்ரேல், ஹமாஸ் தலைவர்களுக்கு எதிராக சர்வதேச குற்றவியல் நீதிமன்றம் (International Criminal Court (ICC)) நடவடிக்கை எடுத்துள்ளது.
ஹமாஸ் மற்றும் இஸ்ரேலின் தலைமைக்கு எதிராக கைது பிடியாணைகளைக் கோருவதில், சர்வதேச குற்றவியல் நீதிமன்றத்தின் ((International Criminal Court (ICC)) வழக்குரைஞர் அலுவலகம் கடந்த ஆண்டு அக்டோபர் 7 முதல் நடந்த போர்க்குற்றங்களுக்கு (war crimes) பொறுப்பு வகிப்பதற்கான ஒரு வரவேற்கத்தக்க முதல் படியை எடுத்துள்ளது. இங்கு, கடந்த ஆண்டு அக்டோபர் 7ஆம் தேதி ஹமாஸ் நடத்திய கொடூரமான தாக்குதல்களில் 1,500 க்கும் மேற்பட்ட இஸ்ரேலியர்களைக் கொன்றது மற்றும் குறைந்தது 245 பணயக் கைதிகளை பிடித்தது முதல் நடந்த போர்க்குற்றங்களுக்கு இந்த நடவடிக்கை முற்றிலும் தீர்வு காணும் என்று எதிர்பார்க்கப்படுகிறது. காசா மீதான இஸ்ரேலிய இராணுவத்தின் பதிலடி கடுமையானதாக உள்ளது. இதில், 35,000-க்கும் அதிகமானவர்கள் கொல்லப்பட்டனர். அவர்களில் பெரும்பாலானவர்கள் பெண்கள் மற்றும் குழந்தைகள் ஆவார். விசாரணைக்கு முந்தைய நீதிபதிகள் சபையால் தீர்மானிக்கப்படும் பிடியாணைகளுக்கான சர்வதேச குற்றவியல் நீதிமன்றத்தின் ((International Criminal Court (ICC)) விண்ணப்பம், அரசு சாரா குழுவான ஹமாஸை விட இஸ்ரேல் மீது அதிக தாக்கத்தை ஏற்படுத்தும் என்று எதிர்பார்க்கப்படுகிறது. ஒரு ஜனநாயகத்தின் தேசியத் தலைமை (national leadership of a democracy) மற்றும் ஒரு ஆயுதமேந்திய குழு (armed group) இரண்டையும் போர்க்குற்றங்கள் மற்றும் மனிதகுலத்திற்கு எதிரான குற்றங்கள் மூலம் அழிக்கும் நோக்கம் கொண்டவை என்று குற்றம் சாட்டுவதில் அரசாங்கத் தரப்பில் அறநெறி சார்ந்த சமநிலை குறித்து இஸ்ரேல் குறிப்பாக கவலை கொண்டுள்ளது. அமெரிக்கா மற்றும் வேறு சில அரசாங்கங்கள் போன்ற இஸ்ரேலின் தீவிர ஆதரவாளர்களைத் தவிர, பெரும்பாலானவர்கள் சர்வதேச குற்றவியல் நீதிமன்ற (ICC) வழக்கறிஞர் கரீம் ஏ.ஏ.கான் கோரிய சமநிலையை ஏற்றுக்கொள்கிறார்கள். இஸ்ரேலிய பிரதம மந்திரி பெஞ்சமின் நெதன்யாகு மற்றும் பாதுகாப்பு மந்திரி யோவ் கேலண்ட் ஆகியோருடன் ஹமாஸ் தலைவர்களான யஹ்யா சின்வார், முகமது டயப் இப்ராஹிம் அல்-மஸ்ரி (அல்லது டெய்ஃப்) மற்றும் இஸ்மாயில் ஹனியே ஆகியோரின் பெயர்களை குறிப்பிடுவது முக்கியத்துவம் வாய்ந்தது.
எவ்வாறாயினும், சர்வதேசக் குற்றவியல் நீதிமன்ற (ICC) வழக்கறிஞரால் இஸ்ரேலிய தலைமை குற்றம் சாட்டப்பட்டதை புறக்கணிக்க இயலாது. இந்தக் குற்றச்சாட்டுகளில் பட்டினி கிடப்பதை ஒரு போர் முறையாகப் பயன்படுத்துதல் மற்றும் பொதுமக்களை வேண்டுமென்றே கொல்வது ஆகியவை அடங்கும். கொலை, கற்பழிப்பு, சித்திரவதை மற்றும் பணயக்கைதிகள் போன்ற கடுமையான குற்றங்களில் ஹமாஸ் மீது குற்றம் சாட்டப்பட்டுள்ளது. இஸ்ரேல் தன்னை தற்காத்துக் கொள்வதாக வாதிடுகிறது. கைதுக்கான பிடியாணைகள் வேலை செய்யாது என்று சிலர் நினைக்கிறார்கள். விளாடிமிர் புடின் மற்றும் அல்-பஷீர் போன்ற தலைவர்களுக்குக்கூட பிடியாணைகள் உள்ளன. ஆனால், அவர்கள் கைது செய்யப்படவில்லை. எவ்வாறாயினும், இந்த நடவடிக்கைகள் இராஜதந்திர தாக்கங்களைக் கொண்டுள்ளன. ஏனெனில், சர்வதேச குற்றவியல் நீதிமன்றம் (ICC) உறுப்பு நாடுகள் ரோம் சட்டத்தின் கீழ் பிடியாணைகள் நிலுவையில் உள்ளவர்களைக் கைது செய்ய கடமைப்பட்டுள்ளன. இது இஸ்ரேலின் தனிமைப்படுத்தலை அதிகரிக்கும் மற்றும் பாலஸ்தீன பிரச்சினையில் அமெரிக்க-இஸ்ரேலிய நிலைப்பாட்டை உறுதிப்படுத்தும். இஸ்ரேல், அமெரிக்காவைப் போலவே, சர்வதேச குற்றவியல் நீதிமன்றம் (ICC) உறுப்பினர் நாடு அல்ல என்றாலும், அதன் தலைவர்களுக்கு எதிராக பிடியாணைகள் பிறப்பிப்பதை இது தடுக்காது. மறுபுறம், நெதன்யாகு உள்நாட்டில் தனது நிலையை வலுப்படுத்த இந்த சூழ்நிலையைப் பயன்படுத்தலாம்.