ஆசியா மற்றும் பசிபிக் பிராந்தியங்கள் பெரும் பொருளாதார இழப்பை சந்திக்க நேரிடும். இதற்கு வெப்ப அழுத்தம் ஒரு காரணமாகும். வெப்ப அழுத்தம் தொழிலாளர் உற்பத்தியை கணிசமாக பாதிக்கிறது.
சமீபத்திய காலங்களில், காலநிலை மாற்றம் மற்றும் சுற்றுச்சூழல் சீரழிவு உலகளவில் தொழிலாளர்களின் பாதுகாப்பு மற்றும் ஆரோக்கியத்தை கணிசமாக பாதித்துள்ளது. வெப்ப அழுத்தம் தொழிலாளர் திறன் மற்றும் உற்பத்தித்திறனை பாதிக்கும் என்று எதிர்பார்க்கப்படுகிறது. இதனால் வேலை நேரம் குறையும். நியாயமான மற்றும் கண்ணியமான வேலைவாய்ப்பை ஊக்குவிக்கும் சர்வதேச தொழிலாளர் அமைப்பின் (International Labour Organization’s (ILO)) இலக்கையும் இது தடுக்கும். குறிப்பாக காலநிலை மாற்ற அபாயங்களால் தொழிலாளர்கள் பாதிக்கப்படுகின்றனர். சில நேரங்களில், ஆபத்தான சூழ்நிலைகள் இருந்தபோதிலும் மக்கள் வேலை செய்வதை நிறுத்த முடியாது. இது பெரும்பாலும் நிதி நெருக்கடிகளால் ஏற்படுகிறது.
வெப்ப அழுத்தத்தினால் ஏற்படும் முக்கிய உடல்நல பாதிப்புகள் வெப்ப பக்கவாதம் (heat stroke), வெப்ப பிடிப்புகள் (heat cramps), இருதய நோய் (cardiovascular disease), கடுமையான சிறுநீரக பாதிப்பு (acute kidney injury) மற்றும் உடல் காயம் (physical injury) ஆகியவை அடங்கும். காலநிலை மாற்றத்திற்கான அரசுகளுக்கிடையேயான குழு (Intergovernmental Panel on Climate Change (IPCC)) சாதாரண உடலியல் செயல்பாடுகளுக்கு 37 டிகிரி செல்சியஸ் உடல் வெப்பநிலையை பராமரிப்பது அவசியம் என்று கூறுகிறது. 38°C க்கும் அதிகமான வெப்பநிலை அறிவாற்றல் மற்றும் உடல் திறன்களை எதிர்மறையாக பாதிக்கிறது. இயற்கை விவசாயம் போன்ற திறந்தவெளியில் பணிபுரியும் பெண்கள் கர்ப்பம் தொடர்பான சிக்கல்களை சந்திக்க நேரிடும். உயர் இரத்த அழுத்தம், கருச்சிதைவுகள் மற்றும் குறைப்பிரசவம் ஆகியவை இதில் அடங்கும். அதிக வெப்பநிலை வேலைத்திறனை குறைக்கிறது. அதிக வெப்பம் வேலை செய்வதை கடினமாக்குகிறது அல்லது தொழிலாளர்களை களைப்படையச் செய்கிறது.
சர்வதேச தொழிலாளர் அமைப்பின் ஆய்வு முடிவுகள்
சர்வதேச தொழிலாளர் அமைப்பின் ஆய்வு முடிவுகள் (2019) 2030-ஆம் ஆண்டில் வெப்ப அழுத்தம் உலகளவில் மொத்த வேலை நேரத்தை 2.2% ஆகவும், உலகளாவிய மொத்த உள்நாட்டு உற்பத்தியை 2,400 பில்லியன் அமெரிக்க டாலர்களாகவும் குறைக்கும் என்று மதிப்பிட்டுள்ளது. விவசாயம் மற்றும் கட்டுமானத் தொழிலாளர்கள் மிக மோசமாகப் பாதிக்கப்படுவார்கள். விவசாயத் தொழிலாளர்கள் 60% பேர் வேலை இழக்க நேரிடும், அதே நேரத்தில் கட்டுமானத் தொழிலாளர்கள் 19% பேர் வேலை இழப்பார்கள்.
மற்ற தொழிலாளர்களைவிட வேளாண் தொழிலாளர்கள் வெப்பத்தால் அதிக ஆபத்தை எதிர்கொள்கின்றனர். பண்ணை தொழிலாளர்கள் வெப்பம் தொடர்பான காரணங்களால் இறக்கும் வாய்ப்பு 35 மடங்கு அதிகம்.
சமீபத்திய சர்வதேச தொழிலாளர் அமைப்பின் மதிப்பீடுகள் (2024) உலகளவில் 2.41 பில்லியன் தொழிலாளர்கள் கடுமையான வெப்பத்திற்கு ஆளாகியுள்ளனர் என்பதைக் காட்டுகிறது. இந்த வெளிப்பாடு ஒவ்வொரு ஆண்டும் சுமார் 22.85 மில்லியன் காயங்கள் மற்றும் 18,970 இறப்புகளுடன் இணைக்கப்பட்டுள்ளது.
ஆசியா மற்றும் பசிபிக் பிராந்தியங்கள் தொழிலாளர் உற்பத்தித்திறனை பாதிக்கும் வெப்ப அழுத்தத்தால் அதிக மொத்த உள்நாட்டு உற்பத்தி இழப்புகளை சந்திக்கும். 1995-இல், வெப்ப அழுத்தத்தின் காரணமாக பிராந்தியத்தின் மொத்த உள்நாட்டு உற்பத்தி 1.4% குறைந்துள்ளது. பருவநிலை மாற்றம் காரணமாக இந்த குறைவு 2030ல் 2.3% ஆக இருக்கும் என்று கணிக்கப்பட்டுள்ளது.
தாய்லாந்து, கம்போடியா மற்றும் இந்தியா ஆகியவை 2030-ஆம் ஆண்டில் தங்கள் தேசிய மொத்த உள்நாட்டு உற்பத்தியில் குறிப்பிடத்தக்க சரிவைச் சந்திக்கும் என்று கணிப்புகள் குறிப்பிடுகின்றன. இந்த நாடுகளின் மொத்த உள்நாட்டு உற்பத்தியில் 5% குறையும் என்று எதிர்பார்க்கப்படுகிறது.
ஆசியா மற்றும் பசிபிக் காலநிலை அடிப்படையில் விதிவிலக்கான பன்முகத்தன்மை மற்றும் பல்வேறு நாடுகளிடையே பொருளாதார வளர்ச்சியின் மாறுபட்ட நிலைகளை வெளிப்படுத்துகின்றன. வெப்ப அழுத்த தாக்கத்தின் புவியியல் பரவல் சீரானதாக இல்லை. 2030ஆம் ஆண்டில், தெற்கு ஆசியா மற்றும் மேற்கு ஆசியா மற்றும் பசிபிக் காலநிலை மற்றும் பொருளாதார வளர்ச்சியில் பெரும் பன்முகத்தன்மையைக் காட்டுகின்றன. வெப்ப அழுத்தம் இந்தப் பகுதிகளை வித்தியாசமாக பாதிக்கிறது. 2030ல், தெற்கு ஆசியா மற்றும் மேற்கு ஆப்பிரிக்காவில் வேலை நேரம் கிட்டத்தட்ட 5% குறையும் என எதிர்பார்க்கப்படுகிறது. மாறாக, ஐரோப்பிய துணைப் பகுதிகள் 0.1% குறைப்பை மட்டுமே காணும்.
தெற்காசியா மற்றும் துணை-சஹாரா ஆப்பிரிக்கா ஆகிய பகுதிகளில் வெப்ப அழுத்தத்தின் காரணமாக தொழிலாளர் உற்பத்தித்திறனில் மிகவும் குறிப்பிடத்தக்க சரிவை சந்திக்கும். இந்தப் பகுதிகள் ஏற்கனவே காலநிலை மாற்றத்தால் பாதிக்கப்படக்கூடியவை மற்றும் உலகின் அதிக ஏழை மக்களைக் கொண்டிருக்கின்றன, இதனால் ஏற்றத்தாழ்வுகளைக் குறைப்பது கடினமாகிறது. விவசாயம் மற்றும் கட்டுமானத்தில் அதிக பணியாளர்களைக் கொண்ட நாடுகள், குறிப்பாக வெப்பமண்டல மற்றும் மிதவெப்ப மண்டல பகுதிகளில், மிகவும் பாதிக்கப்படும். சிறு மற்றும் வாழ்வாதார விவசாயிகளிடையே வேலை நேரம் மற்றும் உற்பத்திக் குறைப்பு ஆகியவை வீட்டு உணவுப் பாதுகாப்பை பாதிக்கும் என்று எதிர்பார்க்கப்படுகிறது.
வெப்ப அழுத்தமானது தொழிலாளர் நேரம் மற்றும் உற்பத்தித்திறனை சமமற்ற பகுதிகள் மற்றும் பாலினங்களில் பாதிக்கிறது. இது தொழிலாளர்களில் பாலின வேறுபாடுகளை மோசமாக்கும், குறிப்பாக வேளாண் துறையில் உள்ள பெண்களுக்கு. அதிகப்படியான வெப்ப அழுத்தம் பல்வேறு நிலையான வளர்ச்சி இலக்குகளை (SDGs) அடைய பாதிப்பை ஏற்படுத்துகிறது.
இந்தியாவில் பாதிப்பு
இந்தியா ஒவ்வொரு ஆண்டும் வெப்பநிலையில் சீரான உயர்வை சந்தித்து வருகிறது. 2030ஆம் ஆண்டில், இந்தியாவில் 160 மில்லியன் முதல் 200 மில்லியன் மக்கள் ஆண்டுதோறும் கொடிய வெப்ப அலைகளின் அபாயத்தை எதிர்கொள்ளலாம். இந்தியாவில் சுமார் 34 மில்லியன் மக்கள் வெப்ப அழுத்தத்தால் உற்பத்தித்திறன் குறைவதால் வேலை இழப்பார்கள்.
1 டிகிரி செல்சியஸ் வெப்பநிலை அதிகரிப்பதால் செங்கல் தயாரிக்கும் பெண் தொழிலாளர்களின் உற்பத்தித்திறன் சுமார் 2% குறைகிறது என்று மேற்கு வங்காளத்தில் ஒரு ஆய்வு காட்டுகிறது. வெப்ப அழுத்தத்தால் அதிகம் பாதிக்கப்பட்ட நாடு இந்தியா. 1995-இல், அதன் வேலை நேரத்தில் 4.3% இழந்தது, இது 2030-இல் 5.8% ஆக அதிகரிக்கும் என்று எதிர்பார்க்கப்படுகிறது.
2030-ஆம் ஆண்டளவில், வெப்ப அழுத்தத்தால் இந்தியா முழுநேர வேலைவாய்ப்பில் குறிப்பிடத்தக்க சரிவைக் காணும் என எதிர்பார்க்கப்படுகிறது. இது பெரும்பாலும் மக்கள்தொகை அதிகரிப்பு முக்கிய காரணமாகும். முறைசாரா பொருளாதாரத்தில் அபாயகரமான மற்றும் உடல் ரீதியாக தேவைப்படும் வேலைகளில் அடிக்கடி வேலை செய்யும் புலம்பெயர்ந்த தொழிலாளர்கள் குறிப்பாக பாதிக்கப்படக்கூடியவர்கள். அவர்களின் வழக்கமாக தொழில்சார் பாதுகாப்பு மற்றும் சுகாதாரப் பாதுகாப்புகள், அத்தியாவசிய சேவைகள் மற்றும் உள்கட்டமைப்பு ஆகியவற்றைக் கொண்டிருக்கவில்லை, இதனால் அவர்கள் காலநிலை மாற்றத்தால் ஏற்படும் அபாயங்களுக்கு மிகவும் எளிதில் பாதிக்கப்படுகின்றனர்.
முறைசாரா தொழிலாளர்கள் நிதித் தட்டுப்பாடுகள் காரணமாக தீவிர காலநிலை நிகழ்வுகளால் தங்கள் உடல்நலத்திற்கு ஆபத்து இருந்தபோதிலும் தொடர்ந்து வேலை செய்வார்கள். எனவே, தொழிலாளர்கள் மீதான வெப்ப அழுத்தத்தின் தீங்கு விளைவிக்கும் தாக்கத்தை குறைக்க உலகளாவிய, தேசிய மற்றும் பணியிட மட்டங்களில் தழுவல் மற்றும் தணிப்பு நடவடிக்கைகளை வலுப்படுத்த வேண்டிய அவசியம் உள்ளது.
தேசிய பேரிடர் மேலாண்மை ஆணையம், உள்துறை அமைச்சகத்துடன் இணைந்து தேசிய வழிகாட்டுதல்களை உருவாக்கியுள்ளது. இந்த வழிகாட்டுதல்கள், ‘செயல் திட்டத்தைத் தயாரித்தல் - வெப்ப அலையைத் தடுத்தல் மற்றும் நிர்வகித்தல்.’ (Preparation of Action Plan – Prevention and Management of Heat Wave) என்று தலைப்பிடப்பட்டுள்ளது. நகர்ப்புற மற்றும் கிராமப்புறங்களுக்கு வெப்ப அலை செயல் திட்டங்களை உருவாக்க அவை பொது அதிகாரிகளுக்கு உதவுகின்றன. மேலும் பொது மக்கள் மீது கவனம் செலுத்தவும் பயன்படுகிறது.
இந்த வழிகாட்டுதல்களில் பல முக்கியமான காரணிகள் முன்னிலைப்படுத்தப்பட்டுள்ளன. தொழிலாளர்களுக்கு கல்வி வழங்குதல், சரியான நீரேற்றத்தை உறுதி செய்தல், பணி அட்டவணைகளை நிர்வகித்தல் மற்றும் தேவையான மருத்துவ வசதிகளை வழங்குதல் ஆகியவை இதில் அடங்கும்.
ஜூன் 2023-இல், சர்வதேச தொழிலாளர் மாநாட்டின் (International Labour Conference) பொது விவாதக் குழு, காலநிலை தொடர்பான அபாயங்கள் மற்றும் தீவிர வானிலை நிகழ்வுகளிலிருந்து தொழிலாளர்களைப் பாதுகாப்பதற்கான நடவடிக்கைகளின் அவசரத் தேவையை வலியுறுத்தியது. இந்த நடவடிக்கைகள் தொழிலாளர்களின் பாதுகாப்பு மற்றும் ஆரோக்கியத்தை உறுதி செய்வதை நோக்கமாகக் கொண்டுள்ளன. தொழிலாளர்களின் மன மற்றும் உடல் நலனில் ஏற்படும் பாதிப்புகளை நிவர்த்தி செய்து பாதுகாப்பான மற்றும் சாதகமான பணிச்சூழலுக்காக பொது விவாதக் குழு பாடுபடுகிறது.
மிகவும் பாதிக்கப்படக்கூடிய மக்களை வெப்ப அழுத்தத்திலிருந்து பாதுகாக்க, சம்பந்தப்பட்ட அனைவரும்-அரசாங்கங்கள், முதலாளிகள் மற்றும் தொழிலாளர்கள்-ஒன்றாகச் செயல்படுவது முக்கியம்.
முதலில், அவர்கள் சிறந்த உள்கட்டமைப்பை உருவாக்க வேண்டும் மற்றும் தீவிர வானிலை நிகழ்வுகளுக்கு முன்கூட்டியே எச்சரிக்கை அமைப்புகளை மேம்படுத்த வேண்டும்.
இரண்டாவதாக, தொழில் பாதுகாப்பு மற்றும் ஆரோக்கியம் குறித்த சர்வதேச தொழிலாளர் தரநிலைகள் மேம்படுத்தப்பட வேண்டும். வெப்ப அழுத்தத்திற்கு ஆளாகும் தொழிலாளர்களுக்கு பொருத்தமான பணிச்சூழலைக் கொண்டிருப்பதை இது உறுதிப்படுத்த உதவும்.
இறுதியாக, தொழிலாளர்கள் மற்றும் முதலாளிகளுக்கு இடையே பயனுள்ள தொடர்பு முக்கியமானது. இது வேலை நேரத்தை சரிசெய்யவும், ஓய்வு இடைவெளிகளை உறுதி செய்யவும், குடிநீர் வழங்கவும், வெப்ப அழுத்த மேலாண்மை குறித்த பயிற்சியை வழங்கவும் உதவுகிறது. இந்த நடவடிக்கைகள் வெப்ப அழுத்தத்தின் எதிர்மறை விளைவுகளை குறைக்க உதவும்.
பசுமை வேலைகளை கருத்தில் கொள்ளுங்கள்
தொழிலாளர்களின் பாதுகாப்பு மற்றும் நல்வாழ்வை உறுதி செய்வதற்காக, வெப்ப அலைகளால் பாதிப்பிற்கு ஆளாகக்கூடிய தொழில்களில் போதுமான ஒழுங்குமுறை மற்றும் சட்ட நடவடிக்கைகளை அரசாங்கம் செயல்படுத்தலாம். கூடுதலாக, கட்டுமானத் தரங்களைச் செயல்படுத்துவது போன்ற உள்கட்டமைப்பு தொடர்பான நடவடிக்கைகள் மூலம் உட்புறப் பணியாளர்களைப் பாதுகாக்க வேண்டும். தற்போதைய காலநிலை மாற்ற சூழ்நிலையை கருத்தில் கொண்டு, கண்ணியமான மற்றும் பசுமையான வேலைவாய்ப்பு எதிர்கால வேலைக்கான ஒரு நம்பிக்கைக்குரிய தீர்வாக வெளிப்படுகிறது. பசுமை வேலைகள் என்பது பொருளாதார மற்றும் சமூக நல்வாழ்வை ஆதரிக்கும் அதே வேளையில் சுற்றுச்சூழலை பாதுகாக்க அல்லது மீட்டெடுக்க உதவும் வேலை வாய்ப்புகள் ஆகும்.
ஈஸ்வர் சவுத்ரி ராஜஸ்தானின் பிலானி வளாகத்தில் உள்ள பிட்ஸ் பிலானியில் பொருளாதாரம் மற்றும் நிதித் துறை பொருளாதாரத்தில் முனைவர் பட்டம் படித்து வருகிறார்.