மௌசம் திட்டம் வானிலை நிகழ்வுகளை 'நிர்வகிப்பதை' நோக்கமாகக் கொண்டுள்ளது. மேகக் கலன் என்றால் என்ன, அது எப்படி உதவும்?
மௌசம் திட்டம் கடந்த மாதம் அரசால் தொடங்கப்பட்டது. இந்தியாவில் வானிலை முன்னறிவிப்பை மேம்படுத்துவது மற்றும் சில வானிலை நிகழ்வுகளை "நிர்வகிப்பதற்கு" உதவுவதே இதன் நோக்கமாகும். மழைப்பொழிவு, ஆலங்கட்டி மழை, மூடுபனி மற்றும் பின்னர், தேவைப்படும் போது மின்னல் தாக்கங்களை அதிகரிக்கும் அல்லது குறைக்கும் திறன் இதில் அடங்கும்.
வானிலையை திறம்பட மேம்படுத்த, இந்தியா மேக இற்பியலில் (cloud physics) தனது ஆராய்ச்சியை மேம்படுத்த வேண்டும். இதை ஆதரிக்கும் வகையில், புனேயில் உள்ள இந்திய வெப்ப மண்டல வானிலை ஆய்வுக் கழகத்தில் (Indian Institute of Tropical Meteorology (IITM)) இந்தியா ஒரு தனித்துவமான மேகக் கலனை அமைக்கிறது.
மேகக் கலன் (cloud chamber) என்றால் என்ன?
ஒரு மேகக் கலனானது நீர், நீராவி, தூசிப்படலம் மற்றும் பிற பொருட்கள் சேர்க்கப்படும் ஒரு மூடிய, உருளை போல் காணப்படும். சரியான ஈரப்பதம் மற்றும் வெப்பநிலை உள்ளே அடையும் போது, மேகங்கள் உருவாகும்.
புனேவில் இருப்பதன் வசதி, விஞ்ஞானிகள் காலப்போக்கில் மேகத் துளிகள் அல்லது பனித் துகள்களை உருவாக்கும் துகள்களை ஆய்வு செய்ய உதவும். பல நாடுகளில் குறைந்த திறன் கொண்ட அடிப்படை மேகக் கலன்கள் உள்ளன. ஆனால், இந்தியா பருவகால மேகங்களை ஆராய வெப்பச்சலன பண்புகளுடன் கூடிய மேம்பட்ட மேகக் கலனை உருவாக்கி வருகிறது. உலகம் முழுவதும் இதுபோன்ற சில கலன்கள் மட்டுமே உள்ளன.
மேக இயற்பியல் என்பது வெவ்வேறு நிலைகளில் மேகங்கள் எவ்வாறு செயல்படுகிறது என்பதை கண்டறிய உதவும். மழைத் துளிகள் மற்றும் பனித் துகள்கள் எவ்வாறு உருவாகின்றன மற்றும் சூறாவளிகளின் ஈரப்பதம் வளிமண்டலத்தை எவ்வாறு பாதிக்கிறது என்பதை வெளிக்காட்டுகிறது. புதிய குறிக்கோள், இந்திய வானிலை அமைப்புகளுடன் தொடர்புடைய கிளவுட் இயற்பியலை நன்கு புரிந்துகொள்வதாகும். இது வானிலை மாற்றத்திற்கு ஏற்ப திட்டமிட்டு செயல்பட உதவுகிறது.
இந்த வெப்பச்சலன மேகக் கலன்யானது வெப்பநிலை மற்றும் ஈரப்பதம் போன்ற சுற்றுச்சூழல் காரணிகளை அவை மேகங்களை எவ்வாறு பாதிக்கிறது என்பதைப் பார்க்க விஞ்ஞானிகளை அனுமதிக்கும். இந்திய தொழில் நுட்ப கழகத்தின் மூத்த விஞ்ஞானி தாரா பிரபாகரன், பருவகால மேகங்களைப் பற்றி மேலும் அறிய, கட்டுப்படுத்தப்பட்ட சூழலில் புதிய யோசனைகளை சோதிக்க விரும்புவதாக கூறினார்.
அடுத்த 18-24 மாதங்களில், மேகக் கலனுக்கான மேம்பட்ட கருவிகள் மற்றும் ஆய்வுகளை உருவாக்குவதில் குழு கவனம் செலுத்தும். கலன் கட்டும் பணி விரைவில் துவங்கும். நிலைமைகளைக் கண்காணிக்கவும், துகள் ஊசிகளைச் செய்யவும் அவர்களுக்கு அதிநவீன உபகரணங்கள் தேவைப்படும் என்றும், இது பல்வேறு சுற்றுச்சூழல் காட்சிகளைப் படிக்க உதவும் என்றும் பிரபாகரன் குறிப்பிட்டார்.
மேக விதைப்பு (cloud seeding) தொடர்பான இந்தியாவின் அனுபவம் எப்படி இருந்தது?
மேக வளிமக்கரைசல் (Cloud Aerosol) தொடர்பு மற்றும் மழைப்பொழிவு மேம்படுத்தல் பரிசோதனை (Cloud Aerosol Interaction and Precipitation Enhancement Experiment (CAIPEEX)) என்பது பத்து ஆண்டுகளுக்கும் மேலாக நான்கு கட்டங்களாக நடந்த ஒரு திட்டமாகும்.
இறுதிக்கட்டமாக, 2016 முதல் 2018 வரை, மகாராஷ்டிராவின் சோலாப்பூர் மாவட்டத்தில், மழை மறைவு பகுதி (rain-shadow region) என்று அழைக்கப்படும் ஒரு குறிப்பிட்ட பகுதியில் சோதனைகள் நடத்தப்பட்டது. மேக விதைப்பு சரியான சூழ்நிலையில் இந்தப் பகுதியில் மழையை கணிசமாக அதிகரிக்கக்கூடும் என்று பகுப்பாய்வு காட்டுகிறது. சில இடங்களில் மழைப்பொழிவு 46% வரையும், விதைப்பு ஏற்பட்ட இடத்திலிருந்து 100 சதுர கிலோமீட்டர் பரப்பளவில் சராசரியாக 18% ஆகவும் அதிகரித்தது.
இருப்பினும், அனைத்து மழைப்பொழிவு பிரச்சினைகளுக்கு மேக விதைப்பு ஒரு முழுமையான தீர்வாக இருக்காது என்பதை கவனத்தில் கொள்ள வேண்டும்.
அஞ்சலி மரார் பெங்களூரில் உள்ள ராமன் ஆராய்ச்சி நிறுவனத்தில் அறிவியல் தொடர்பாளராக உள்ளார்.