தற்போதைய செய்தி:
பாகிஸ்தான் பயங்கரவாதிகள் பஹல்காமில் 26 சுற்றுலாப் பயணிகளைக் கொன்ற மறுநாள், வெளியுறவுச் செயலாளர் விக்ரம் மிஸ்ரி புதன்கிழமை மாலை ஒரு அறிக்கையை வெளியிட்டார். 1960-ஆம் ஆண்டு சிந்து நதி நீர் ஒப்பந்தத்தை இந்தியா உடனடியாக நிறுத்தி வைக்கும் என்று அவர் கூறினார். எல்லை தாண்டிய பயங்கரவாதத்தை பாகிஸ்தான் தெளிவாகவும் நிரந்தரமாகவும் நிறுத்தும் வரை இந்த இடைநீக்கம் தொடரும்.
முக்கிய அம்சங்கள்:
புதன்கிழமை பாகிஸ்தான் தூதர் சாத் வாராய்ச்சை (Saad Warraich) அழைத்து, செவ்வாய்க்கிழமை அமைச்சரவை பாதுகாப்பு குழு (Cabinet Committee on Security (CCS)) எடுத்த நடவடிக்கைகள் குறித்து அதிகாரப்பூர்வ குறிப்பை இந்தியா அவருக்கு வழங்கியது.
இதற்கிடையில், இந்திய அரசாங்கம் இன்று நாடாளுமன்றத்தில் அனைத்து அரசியல் கட்சிகளுடனும் ஒரு கூட்டத்திற்கு அழைப்பு விடுத்துள்ளது. ஏப்ரல் 22 அன்று ஜம்மு-காஷ்மீரின் பஹல்காமில் நடந்த பயங்கரவாத தாக்குதலுக்குப் பிறகு இது நிகழ்ந்துள்ளது. இதில் குறைந்தது 26 சுற்றுலாப் பயணிகள் கொல்லப்பட்டனர் மற்றும் பலர் காயமடைந்தனர்.
பாதுகாப்பு அமைச்சர் ராஜ்நாத் சிங் மற்றும் உள்துறை அமைச்சர் அமித் ஷா ஆகியோர் நிலைமை குறித்து தலைவர்களிடம் தெரிவிப்பார்கள் என்று எதிர்பார்க்கப்படுகிறது. கூட்டத்திற்கு ராஜ்நாத் சிங் தலைமை தாங்குவார். இந்தக் கூட்டத்தை நடத்துவது என்ற முடிவு புதன்கிழமை எடுக்கப்பட்டது. மேலும், இரு அமைச்சர்களும் இது குறித்து வெவ்வேறு அரசியல் கட்சிகளைத் தொடர்பு கொண்டுள்ளனர்.
அதிகரித்துவரும் பயங்கரவாத தாக்குதல் அச்சுறுத்தல் காரணமாக நிலைமையை மறுஆய்வு செய்வதற்கும் அரசாங்கத்தின் திட்டம் குறித்து விவாதிப்பதற்கும் பிரதமர் நரேந்திர மோடி தலைமையில் அமைச்சரவை பாதுகாப்பு குழு (CCS) நடத்தப்பட்ட ஒரு நாளுக்குப் பிறகு இது நடந்தது.
பாதுகாப்புக்கான அமைச்சரவைக் குழு (CCS) கூட்டத்தின் முடிவுகள்
பஹல்காமில் "பயங்கரவாத தாக்குதலின் எல்லை தாண்டிய தொடர்புகளை" அடிக்கோடிட்டுக் காட்டுகிறது:
1. இந்தியா உடனடியாக அமலுக்கு வரும் வகையில் சிந்து நதி நீர் ஒப்பந்தத்தை "நிறுத்தியுள்ளது".
2. புது தில்லியில் உள்ள பாகிஸ்தான் உயர் தூதரகத்தில் உள்ள பாதுகாப்பு, கடற்படை மற்றும் விமான ஆலோசகர்களை நாட்டை விட்டு வெளியேறுமாறு இந்தியா தெரிவித்துள்ளது. அவர்கள் இப்போது விரும்பத்தகாத (persona non grata) நபராக கருதப்படுகிறார்கள். மேலும், ஒரு வாரத்திற்குள் வெளியேற வேண்டும். இஸ்லாமாபாத்தில் உள்ள இந்திய உயர் தூதரகத்தில் இருந்து இந்தியா தனது சொந்த பாதுகாப்பு, கடற்படை மற்றும் விமான ஆலோசகர்களையும் வெளியேற உத்தரவிட்டுள்ளது .
3. சார்க் (SAARC) நாடுகளின் விசா விலக்கு திட்டத்தின் (SAARC Visa Exemption Scheme (SVES)) விசாக்களின் கீழ் பாகிஸ்தானியர்கள் இந்தியாவிற்கு பயணம் செய்ய அனுமதிக்கப்பட மாட்டார்கள். பாகிஸ்தானியர்களுக்கு கடந்த காலங்களில் வழங்கப்பட்ட விசாக்கள் ரத்து செய்யப்பட்டதாகக் கருதப்படுகிறது. SVES விசாவின் கீழ் தற்போது இந்தியாவில் இருக்கும் எந்தவொரு பாகிஸ்தானியரும் இந்தியாவை விட்டு வெளியேற 48 மணிநேரம் கெடு விதிக்கப்பட்டுள்ளது.
4. அட்டாரி எல்லைச் சோதனைச் சாவடியை உடனடியாக மூடவும், செல்லுபடியாகும் ஒப்புதல்களுடன் கடந்து சென்றவர்கள், மே 1, 2025-க்கு முன் அந்தப் பாதை வழியாகத் திரும்பலாம் எனவும் அறிவிக்கப்பட்டு உள்ளது.
5. 2025 மே 1 ஆம் தேதிக்குள் உயர் தூதரகத்தில் உள்ள மொத்த ஊழியர்களின் எண்ணிக்கை 55 லிருந்து 30 ஆகக் குறைக்கப்படும்.
யார் பொறுப்பேற்றார்?
பாகிஸ்தானை தளமாகக் கொண்ட தடைசெய்யப்பட்ட பயங்கரவாதக் குழுவான லஷ்கர்-இ-தொய்பா (Lashkar-e-Taiba (LeT)) உடன் தொடர்புடைய ஒரு மறைக்கப்பட்ட குழுவான ரெசிஸ்டன்ஸ் ஃப்ரண்ட் (The Resistance Front (TRF)), தெற்கு காஷ்மீரின் பஹல்காமில் உள்ள தொலைதூர புல்வெளியான பைசரனில் சுற்றுலாப் பயணிகள் மீது தாக்குதலை நடத்தியதாகக் கூறியது.
ஜனவரி 2023ஆம் ஆண்டில், உள்துறை அமைச்சகம் (MHA) சட்டவிரோத நடவடிக்கைகள் (தடுப்பு) சட்டத்தின் கீழ் TRF-ஐ "பயங்கரவாத அமைப்பு" (“terrorist organisation”) என்று அறிவித்தது. பயங்கரவாத செய்திகளைப் பரப்புதல், பயங்கரவாதிகளைச் சேர்ப்பது, அவர்கள் இந்தியாவிற்குள் நுழைய உதவுதல் மற்றும் பாகிஸ்தானில் இருந்து காஷ்மீருக்குள் ஆயுதங்கள் மற்றும் போதைப்பொருட்களைக் கடத்துதல் ஆகியவற்றில் ஈடுபட்டதால் இது நிகழ்ந்தது. பிரிவு 370 நீக்கப்பட்டு, ஆகஸ்ட் 2019ஆம் ஆண்டில் ஜம்மு & காஷ்மீர் அதன் சிறப்பு அந்தஸ்தை இழந்த பிறகு TRF முதன்முதலில் இனையதளத்தில் தோன்றியது.
சிந்து நதி நீர் ஒப்பந்தத்தை (IWT) இந்தியாவின் இடைநிறுத்தம்
இந்தியாவிற்கும் பாகிஸ்தானுக்கும் இடையே ஒன்பது ஆண்டுகள் நடந்த பேச்சுவார்த்தைகளுக்குப் பிறகு, செப்டம்பர் 19, 1960 அன்று கராச்சியில் சிந்து நதி நீர் ஒப்பந்தம் (IWT) கையெழுத்தானது. இந்த ஒப்பந்தத்தில் 12 முக்கியப் பகுதிகள் (கட்டுரைகள் என அழைக்கப்படுகின்றன) மற்றும் 8 விரிவான பிரிவுகள் (இணைப்புகள் என அழைக்கப்படுகின்றன, A முதல் H வரை பெயரிடப்பட்டுள்ளன) உள்ளன.
ஒப்பந்தத்தின்படி,
சட்லஜ், பியாஸ் மற்றும் ரவி ஆகிய கிழக்கு நதிகளிலிருந்து வரும் அனைத்து நீரையும் இந்தியா எந்த கட்டுப்பாடுகளும் இல்லாமல் பயன்படுத்தலாம்.
மேற்கு நதிகளான சிந்து, ஜீலம் மற்றும் செனாப் ஆகியவற்றிலிருந்து பாகிஸ்தான் தண்ணீரைப் பெறுகிறது.
இந்த ஒப்பந்தத்தில் இரு நாடுகளும் தாங்களாகவே அதை ரத்து செய்ய அனுமதிக்கும் விதி இல்லை. இதற்கு காலாவதி தேதியும் இல்லை, மேலும் அதில் ஏற்படும் எந்த மாற்றங்களுக்கும் இந்தியா மற்றும் பாகிஸ்தான் இரு நாடுகளிடமிருந்தும் உடன்பாடு தேவை.
ஒப்பந்தத்தை ஒரு தரப்பினரால் மட்டும் முடிவுக்குக் கொண்டுவர முடியாது என்றாலும், சர்ச்சைகளைக் கையாள ஒரு அமைப்பு இதில் அடங்கும். பிரிவு IX, இணைப்புகள் F மற்றும் G ஆனது, நிரந்தர சிந்து ஆணையம், நடுநிலை நிபுணர், நடுவர்கள் குழு போன்ற பிரச்சினைகளை எவ்வாறு கையாள்வது என்பதை விளக்குகிறது.
ஜம்மு & காஷ்மீரில் இரண்டு நீர்மின் திட்டங்கள் கட்டப்பட்டு வருகின்றன. கிஷெங்கங்கா நதியில் (ஜீலத்தின் துணை நதி) கிஷெங்கங்கா திட்டம் மற்றும் செனாப் நதியில் ரேட்லே திட்டம். இந்தத் திட்டங்கள் பல ஆண்டுகளாக இந்தியாவிற்கும் பாகிஸ்தானுக்கும் இடையே கருத்து வேறுபாடுகளை ஏற்படுத்தியுள்ளன.
இதன் காரணமாக, இந்தியா பாகிஸ்தானுக்கு இரண்டு அதிகாரப்பூர்வ அறிவிப்புகளை அனுப்பியது. ஒன்று ஜனவரி 2023ஆம் ஆண்டு (60 ஆண்டுகளில் முதல்) மற்றும் மற்றொன்று செப்டம்பர் 2024ஆம் ஆண்டு சிந்து நதிநீர் ஒப்பந்தத்தை (IWT) மாற்றக் கோரியது.
ஜனவரி 2023ஆம் ஆண்டு அறிவிப்பில், பாகிஸ்தான் ஒப்பந்தத்தை முறையாகப் பின்பற்ற மறுப்பதாக இந்தியா கூறியது.
இரண்டு அறிவிப்புகளும் ஒப்பந்தத்தின் பிரிவு XII(3)-ன் கீழ் அனுப்பப்பட்டன. இரு அரசாங்கங்களும் ஒப்புக்கொண்டு புதிய ஒப்பந்தத்தில் கையெழுத்திட்டால் ஒப்பந்தத்தை மாற்ற இந்த பிரிவு அனுமதிக்கிறது.
பாகிஸ்தானின் ஆட்சேபனை: இவை ஆற்றின் ஓட்டத்தைத் தடுக்காமல் மின்சாரம் உற்பத்தி செய்யும் "நதி ஓடுதல்" ("run-of-the-river") திட்டங்களாக இருந்தாலும், பாகிஸ்தான் பலமுறை சிந்து நதி நீர் ஒப்பந்தத்தை ஏற்க மறுப்பதாக கூறி வருகிறது.
ஜனவரி 2025-ல், ஒப்பந்த விதிகளின் கீழ் உலக வங்கியால் 2022ஆம் ஆண்டு நியமிக்கப்பட்ட ஒரு நடுநிலை நிபுணர், இந்தியாவிற்கும் பாகிஸ்தானுக்கும் இடையிலான வடிவமைப்பு தகராறுகள் குறித்து முடிவெடுக்க தனக்கு அனுமதி இருப்பதாகக் கூறினார்.