புதிதாக தொடங்கப்பட்ட குறியீடு, உள்ளூர் நிர்வாகத்தில் பஞ்சாயத்துகளின் முக்கிய பங்கை அங்கீகரித்து, 2030-க்குள் இந்தியா அடைய விரும்பும் நிலையான வளர்ச்சி இலக்குகளுடன் அவர்களின் முயற்சிகளை இணைப்பதையும் இது நோக்கமாகக் கொண்டுள்ளது.
ஏப்ரல் 9 புதன்கிழமை அன்று, அரசாங்கம் முதல் பஞ்சாயத்து முன்னேற்றக் குறியீட்டை (Panchayat Advancement Index (PAI)) அறிமுகப்படுத்தியது. இந்த குறியீடு 2.16 லட்சத்திற்கும் மேற்பட்ட பஞ்சாயத்துகளை அவற்றின் செயல்திறன் மற்றும் நிலையான வளர்ச்சி இலக்குகளை (Sustainable Development Goals (SDGs)) அடைவதற்கான முன்னேற்றத்தின் அடிப்படையில் தரவரிசைப்படுத்துகிறது.
குறியீடானது அவர்களின் செயல்திறனை எவ்வாறு அளவிடுகிறது?, அது ஏன் வடிவமைக்கப்பட்டது? எந்த மாநிலங்களின் கிராமப்புற உள்ளாட்சி அமைப்புகள் அதிக மதிப்பெண் பெற்றுள்ளன? என்பதை கீழே குறிப்பிட்டுள்ளது.
பஞ்சாயத்து முன்னேற்றக் குறியீடு (Panchayat Advancement Index (PAI)) என்றால் என்ன?
பஞ்சாயத்து ராஜ் அமைச்சகத்தின் (Ministry of Panchayati Raj (MoPR)) படி, இது 9 பரந்த கருப்பொருள்களில் நிலையான வளர்ச்சி இலக்குகளின் (Localization of Sustainable Development Goals (LSDGs)) உள்ளூர்மயமாக்கலை மதிப்பிடுவதற்குப் பயன்படுத்தப்படும் பல பரிமாணக் குறியீடு (multi-dimensional index) ஆகும்.
குறிப்பிட்ட இலக்குகளின் அடிப்படையில் பல்வேறு வகையான பஞ்சாயத்துகள் உள்ளன. இதில் பின்வருவன அடங்கும்:
- வறுமை இல்லாத பஞ்சாயத்து
- சிறந்த வாழ்வாதாரங்களைக் கொண்ட பஞ்சாயத்து
- ஆரோக்கியமான பஞ்சாயத்து
- குழந்தைகளுக்கு உகந்த பஞ்சாயத்து
- நீர் பற்றாக்குறையில்லா பஞ்சாயத்து
- சுத்தமான மற்றும் பசுமையான பஞ்சாயத்து
- தன்னிறைவு பெற்ற உள்கட்டமைப்பு கொண்ட பஞ்சாயத்து
- சமூக நீதி மற்றும் சமூக பாதுகாப்பான பஞ்சாயத்து
- நல்லாட்சி கொண்ட பஞ்சாயத்து
- பெண்களுக்கு உகந்த பஞ்சாயத்து
இந்த வகைகளின் கீழ், செயல்திறன் 144 இலக்குகளைப் பயன்படுத்தி அளவிடப்பட்டது.
"PAI 435 தனித்துவமான உள்ளூர் குறிகாட்டிகளைப் பயன்படுத்துகிறது. இவற்றில், 331 கட்டாயமானவை மற்றும் 104 விருப்பத்தேர்வு ஆகும். இந்த குறிகாட்டிகளில் 566 தனித்துவமான தரவு புள்ளிகள் அடங்கும். அவை 9 கருப்பொருள்களில் பரவியுள்ளன மற்றும் உள்ளூர் குறிகாட்டி கட்டமைப்புகளை (Local Indicator Frameworks (LIFs)) உள்ளடக்கியது" என்று பஞ்சாயத்து ராஜ் அமைச்சகம் (MoPR) ஒரு அறிக்கையில் தெரிவித்துள்ளது.
இந்த குறிகாட்டிகளின் அடிப்படையில் பஞ்சாயத்துகள் 0-100 என்ற அளவில் மதிப்பெண் பெற்றன. பின்னர் அவை ஐந்து பிரிவுகளில் ஒன்றாக தரவரிசைப்படுத்தப்பட்டன. இந்த பிரிவுகள்: சாதனையாளர் (90-100), முன்னணி ரன்னர் (75-90), செயல்திறன் (60-75), ஆர்வலர் (40-60), மற்றும் தொடக்கநிலை (40க்கு கீழ்) ஆகியவை ஆகும்.
பஞ்சாயத்து முன்னேற்றக் குறியீடு (PAI) ஏன் அறிமுகப்படுத்தப்பட்டது?
2015ஆம் ஆண்டில், ஐக்கிய நாடுகள் சபை 2030ஆம் ஆண்டுக்குள் உலகை மேம்படுத்த 17 இலக்குகளை உருவாக்கியது. இந்த இலக்குகளில் வறுமையை ஒழித்தல், பசியை ஒழித்தல், சமத்துவமின்மையைக் குறைத்தல் மற்றும் காலநிலை மாற்றம் குறித்து நடவடிக்கை எடுப்பது ஆகியவை அடங்கும்.
நிலையான வளர்ச்சி இலக்குகளுடன் (Sustainable Development Goals (SDGs)) இணைக்கப்பட்ட 269 இலக்குகள் உள்ளன. அவற்றின் முன்னேற்றம் 231 குறிகாட்டிகளைப் பயன்படுத்தி கண்காணிக்கப்படுகிறது. ஒவ்வொரு நாடும் SDG-களுடன் எவ்வாறு செயல்படுகிறது என்பதை ஐக்கிய நாடுகள் சபை சரிபார்க்கிறது. இந்தியாவில், ஒரு உயர் அரசாங்க சிந்தனைக் குழுவான நிதி ஆயோக், ஒவ்வொரு மாநிலமும் எவ்வாறு செயல்படுகிறது என்பதை சரிபார்க்கிறது. இது 2018ஆம் ஆண்டில் தொடங்கப்பட்ட SDG இந்தியா குறியீட்டின் மூலம் இதைச் செய்கிறது. சமீபத்தில், உள்ளூர் மட்டத்தில் SDG-களைப் பயன்படுத்துவதில் அதிக கவனம் செலுத்தப்பட்டுள்ளது.
உள்ளூர் நிர்வாகத்திற்கு பஞ்சாயத்துகள் மிகவும் முக்கியம் என்பதை அரசாங்கம் புரிந்துகொள்கிறது. எனவே, நிலையான வளர்ச்சி இலக்குகளுடன் (SDGs) அவற்றை இணைக்க இது செயல்பட்டு வருகிறது. இதற்கு உதவுவதற்காக, பஞ்சாயத்து மதிப்பீட்டுக் குறியீடு (Panchayat Assessment Index (PAI)) உருவாக்கப்பட்டது. பஞ்சாயத்துகள் எவ்வளவு சிறப்பாகச் செயல்படுகின்றன என்பதை அளவிடவும், அனைவரையும் உள்ளடக்கிய கிராமப்புற வளர்ச்சிக்கான உள்ளூர் உத்திகள் மற்றும் இலக்குகளைத் திட்டமிடவும் இது பயன்படுத்தப்படுகிறது. SDG இந்தியா குறியீட்டை உருவாக்க உதவிய நிதி ஆயோக்கின் முன்னாள் ஆலோசகர் சன்யுக்தா சமதர், PAI என்பது மாநில அளவில் SDG முன்னேற்றத்தை அளவிடுவதற்கான இந்தியாவின் முதல் வழியின் இயல்பான விளைவாகும். இது 2018ஆம் ஆண்டில் நிதி ஆயோக்கால் தொடங்கப்பட்டது. அப்போதிருந்து, கொள்கையை வழிநடத்துவதற்கும் நடவடிக்கைகளை ஊக்குவிப்பதற்கும் இது ஒரு வலுவான கருவியாக மாறியுள்ளது.
சமதார் இப்போது உத்தரபிரதேச அரசாங்கத்தில் முதன்மை செயலாளராக (சிவில் பாதுகாப்பு) உள்ளார். PAI "இந்தியாவின் SDG உள்ளூர்மயமாக்கல் பயணத்தில் மிகவும் எதிர்பார்க்கப்பட்ட படியாகும்" என்று அவர் கூறினார். அவரைப் பொறுத்தவரை, இது கிராம அளவிலான கிராம பஞ்சாயத்துகளில் SDGகளின் (நிலையான வளர்ச்சி இலக்குகள்) முன்னேற்றத்தை விரைவுபடுத்த உதவும்.
PAI அனைத்து பஞ்சாயத்துகளையும் உள்ளடக்குமா?
இல்லை. இந்தியாவில் 2.55 லட்சத்திற்கும் மேற்பட்ட பஞ்சாயத்துகள் உள்ளன. ஆனால், 29 மாநிலங்கள் மற்றும் யூனியன் பிரதேசங்களில் உள்ள 2.16 லட்சம் கிராம பஞ்சாயத்துகளிலிருந்து மட்டுமே தரவுகள் பெறப்பட்டன.மேகாலயா, நாகாலாந்து, கோவா, புதுச்சேரி மற்றும் மேற்கு வங்கம் ஆகிய ஐந்து மாநிலங்கள்/யூனியன் பிரதேசங்களில் உள்ள 11,712 கிராம பஞ்சாயத்துகள் அல்லது பாரம்பரிய உள்ளாட்சி அமைப்புகளின் தரவுகள் அந்தந்த மாநிலம் அல்லது யூனியன் பிரதேசத்தால் முறையாக சரிபார்க்கப்பட்டு அங்கீகரிக்கப்படவில்லை என்று ஒரு அறிக்கை தெரிவிக்கிறது.
மேலும், PAI உத்தரபிரதேசத்தில் உள்ள அனைத்து பஞ்சாயத்துகளையும் உள்ளடக்குவதில்லை. பஞ்சாயத்து ராஜ் அமைச்சகத்தின் (MoPR) அதிகாரி ஒருவர் கூறுகையில், "உத்தரபிரதேசத்தில் 57,702 கிராம பஞ்சாயத்துகள் உள்ளன. ஆனால், மாநிலம் அளவில் அதை சரிபார்த்த பிறகு அவற்றில் 23,207 பேரிடமிருந்து மட்டுமே எங்களுக்கு தரவுகள் கிடைத்துள்ளன" என்றார்.
தரவரிசை என்ன காட்டுகிறது?
2.16 லட்சம் பஞ்சாயத்துகளில், 699 பஞ்சாயத்துகள் முன்னணியில் உள்ளன. 77,298 செயல்திறன் மிக்கவை. 1,32,392 ஆர்வலர்கள் மற்றும் 5,896 தொடக்கநிலையாளர்கள் என தரவரிசைப்படுத்தப்பட்டுள்ளன. 699 முன்னணியில் உள்ள பஞ்சாயத்துகளில், 346 பேர் குஜராத்திலிருந்தும், 270 பேர் தெலுங்கானாவிலிருந்தும், 42 பேர் திரிபுராவிலிருந்தும் வந்துள்ளனர். சாதனையாளர்கள் (90-100) பிரிவில் எந்த பஞ்சாயத்தும் தரவரிசைப்படுத்தப்படவில்லை.