தற்போதைய நிகழ்வு : ஏஎஸ் குழு கேப்டன் ஷுபான்ஷு ஷுக்லா 40 ஆண்டுகளுக்கு மேல் இந்தியாவில் இருந்து முதல் முறையாக விண்வெளிக்குச் செல்லத் தயாராகி வருவதால், இந்திய விண்வெளி ஆய்வு அமைப்பின் (இஸ்ரோ) தலைவர் வி. நாராயணன் தலைமையிலான 18 பேர் கொண்ட குழு, ஆக்ஸியம்-4 பயணத்தின் ஏவுதலைப் பார்வையிட, புளோரிடாவில் உள்ள நாசாவின் கென்னடி விண்வெளி மையத்திற்கு வந்துள்ளது. வானிலை காரணமாக ஒரு நாள் தாமதமான இந்த ஏவுதல், இப்போது புதன்கிழமை மாலை 5:30 மணிக்கு (இந்திய நேரப்படி) நடைபெற உள்ளது.
முக்கிய அம்சங்கள் :
• விண்வெளியில் 28 மணிநேர பயணத்திற்குப் பிறகு, சர்வதேச விண்வெளி நிலையத்திற்கு (International Space Station (ISS)) பயணிக்கும் Axiom-4 பணிக்கான நியமிக்கப்பட்ட விமானி சுக்லா ஆவார். இந்த பயணத்தின் க்ரூ டிராகன் விண்கலம் (mission’s Crew Dragon spacecraft) வியாழக்கிழமை இந்திய நேரப்படி இரவு 10 மணியளவில் ISS உடன் இணைக்க திட்டமிடப்பட்டுள்ளது. இணைக்கப்பட்ட பிறகு, விண்வெளி வீரர்களை விண்கலத்திலிருந்து ISS-க்கு மாற்ற இன்னும் இரண்டு மணிநேரம் ஆகலாம்.
• கடந்த 25 ஆண்டுகளாக பூமியைச் சுற்றி வரும் நிரந்தர விண்வெளி ஆய்வகமான ஐ.எஸ்.எஸ்-க்கு சென்ற முதல் இந்தியர் சுக்லா ஆவார். இந்த நேரத்தில், விண்வெளி வீரர்கள் தொடர்ந்து அங்கு வசித்து வருகின்றனர். ராகேஷ் சர்மா 1984-ல் சோவியத் பயணத்திற்குச் சென்று 40 ஆண்டுகளுக்கும் மேலாக இந்த விண்வெளிப் பயணம் நடந்துள்ளது என்பது குறிப்பிடத்தக்கது.
• இஸ்ரோ மற்றும் நாசா இடையேயான ஒப்பந்தத்தின் காரணமாக சுக்லா Axiom-4 திட்டத்தின் ஒரு பகுதியாக உள்ளார். விண்வெளி போக்குவரத்தில் தனியார் துறையின் பங்களிப்பை ஊக்குவிக்கும் முயற்சியின் ஒரு பகுதியாக, அமெரிக்க தனியார் நிறுவனமான ஆக்ஸியம் ஸ்பேஸ், ISS-க்கு குழுவினருடன் சேர்ந்து பயணங்களை கொண்டு செல்ல நாசாவால் அனுமதி அளிக்கப்பட்டுள்ளது, இது பூமியின் தாழ்வான சுற்றுப்பாதைகள் மற்றும் ஐஎஸ்எஸ்-க்கு விண்வெளி போக்குவரத்தில் தனியார் துறையின் பங்களிப்பை ஊக்குவிக்கும் முயற்சியின் ஒரு பகுதியாகும்.
• Axiom-4 நான்கு விண்வெளி வீரர்களை ஏற்றிச் செல்கிறது. அவர்கள் சர்வதேச விண்வெளி நிலையத்தில் (ISS) இரண்டு வாரங்கள் செலவிடுவார்கள். சுக்லாவைத் தவிர, போலந்து மற்றும் ஹங்கேரியில் இருந்து தலா ஒரு விண்வெளி வீரர்கள் இருக்கிறார்கள். இந்தியாவைப் போலவே இந்த நாடுகளும் நாற்பது ஆண்டுகளுக்கும் மேலாக விண்வெளிப் பயணத்திற்குத் திரும்புகின்றன. அதனால்தான் இந்த பயணத்தின் கருப்பொருள் 'திரும்புவதை உணருங்கள்' (Realize the Return) ஆகும்.
• நான்காவது உறுப்பினர், பணியின் தளபதியும், விண்வெளிப் பயண அனுபவமிக்க பெக்கி விட்சன் ஆவார், இவர் அதிகப்பட்சமாக 675 நாட்களை விண்வெளியில் பல பயணங்களில் செலவழித்த சாதனையைப் படைத்துள்ளார்.
• சுக்லாவின் விமானப் பயணம், இஸ்ரோவின் முதல் மனிதர்களை நிலவுக்கு அனுப்பும் ககன்யான் திட்டத்தின் திட்டமிடப்பட்ட விண்ணேற்றத்திற்கு சில மாதங்களுக்கு முன்பு நடைபெறுகிறது.
• இந்தியா இப்போது தனது சொந்த மனித விண்வெளி பயணத் திட்டத்தை உருவாக்கி வருகிறது — ராக்கெட் மனிதர்களுக்குப் பயன்படுத்தப்படுவதற்கு தகுதி பெற்றுள்ளது, குழு தப்பிக்கும் அமைப்புகளும் பாராசூட்டுகளும் பல்வேறு நிலைகளில் சோதிக்கப்பட்டுள்ளன, விண்வெளி வீரர்கள் தங்கள் பயிற்சியை முடித்துவிட்டனர். இந்தியாவின் முதல் மனித விண்பயண திட்டம் 2027ஆம் ஆண்டுக்கு திட்டமிடப்பட்டுள்ளது. மேலும், ஆக்ஸியம்-4 திட்டத்திலிருந்து கிடைக்கும் அனுபவங்கள் இதற்கு உதவும்.
Axiom-4 ஏன் முக்கியமானது ?
• மனித விண்வெளி பயணப் பணிகள் மிகவும் சவாலானவை, குறிப்பாக முதல் முறையாக மேற்கொள்ளும்போது. இவை, பாதுகாப்பு நெறிமுறைகளை ஒருங்கிணைக்க வேண்டியிருப்பதால், மனிதர்கள் இல்லாத பணிகளை விட இரண்டு மடங்கு சிக்கலானவை. இந்த சவாலைத்தான் இஸ்ரோ ககன்யான் பணியில் எதிர்கொள்கிறது.
• இதனால்தான் ஷுக்லாவின் ஆக்ஸியம்-4 பணியில் பெற்ற அனுபவம் முக்கியமானது. அவர் ககன்யானுக்கு பயன்படுத்தக்கூடிய நிஜ வாழ்க்கை அனுபவத்தை கொண்டு வருவார். ஷுக்லா ஆக்ஸியம்-4 பணியின் நியமிக்கப்பட்ட விமானி ஆவார். இந்த பணியின் போது அவர் பலவற்றைக் கற்று, பல வழிகளில் பயன் பெறுவார்.
• மேலும், ஷுக்லா ஐஎஸ்எஸ்-க்கு செல்லும் முதல் இந்தியராக இருப்பார். ஐஎஸ்எஸ் எவ்வாறு செயல்படுகிறது மற்றும் இயங்குகிறது என்பதைப் பார்க்கும் வாய்ப்பு அவருக்கு கிடைக்கும். ககன்யானுக்கு பிறகு, இஸ்ரோவின் அடுத்த பெரிய திட்டம், அதன் சொந்த விண்வெளி நிலையத்தை உருவாக்குவது ஆகும். இது ஒரு பிரம்மாண்டமான உள்கட்டமைப்பு முயற்சியாகும்.
• விண்வெளி என்பது செலவு மிகுந்த முயற்சி, மற்றும் இந்தத் துறை தனியார் துறை பங்களிப்பால் பெரிதும் பயனடைய முடியும். இது துறையை மேலும் துடிப்பாக்கி, புதுமைகளை ஊக்குவிக்க, தொழில்நுட்ப வளர்ச்சியை துரிதப்படுத்த, மற்றும் புதிய, இளம் திறமைகளை ஈர்க்க உதவும். இது பொருளாதார வளர்ச்சியையும் ஊக்குவிக்கும்.
• உலகளவில், விண்வெளி சந்தை சுமார் 500 பில்லியன் டாலர்கள் மதிப்புடையது, மேலும் 2030-ம் ஆண்டுக்குள் இது இரு மடங்காக உயரும் என எதிர்பார்க்கப்படுகிறது. இந்தியா, ஒரு முக்கிய விண்வெளி பயண நாடாக இருந்தாலும், இந்த சந்தையில் வெறும் 2% பங்கையே கொண்டுள்ளது. வரும் ஆண்டுகளில் இந்த பங்கை குறைந்தபட்சம் 10% ஆக உயர்த்த வேண்டும் என்ற லட்சியம் நம்மிடம் உள்ளது.
உங்களுக்கு தெரியுமா? :
‘திரும்புவதை உணர்ந்துகொள்வது’— ஓர் இந்தியர் எப்படி Axiom-4-ன் பகுதியாக ஆனார்.
• ஜூன் 2023 இல், பிரதமர் நரேந்திர மோடியின் வாஷிங்டனுக்கு அரசுமுறைப் பயணத்தின் போது, இந்தியாவும் அமெரிக்காவும் மனித விண்வெளிப் பயண (human spaceflight) ஒத்துழைப்புக்கான இராஜதந்திர ரீதியில் கட்டமைப்பை இறுதி செய்யும் முடிவை அறிவித்தன. இந்திய மற்றும் அமெரிக்க விண்வெளி நிறுவனங்களான இந்திய விண்வெளி ஆராய்ச்சி நிறுவனம் (ISRO) மற்றும் தேசிய வானூர்தி மற்றும் விண்வெளி நிர்வாகம் (National Aeronautics and Space Administration (NASA)) இணைந்து 2024-ம் ஆண்டுக்குள் இந்திய விண்வெளி வீரர் சர்வதேச விண்வெளி நிலையத்திற்கு (International Space Station (ISS)) பயணம் செய்ய கூட்டு முயற்சியில் ஈடுபடும் என்பதும் தெரியவந்தது.
• அமெரிக்கா, ரஷ்யா மற்றும் சீனா ஆகிய மூன்று நாடுகள் மட்டுமே மனித விண்வெளிப் பயணத் திட்டத்தைக் கொண்டுள்ளன. 2023 அறிவிப்புக்குப் பின் வந்த சுபான்ஷு சுக்லாவின் விமானம், ககன்யான் பணிக்கு முந்தைய மற்றொரு ஆயத்தப் படியாகக் கருதப்படுகிறது.
• நாசாவும் இஸ்ரோவும் பத்து ஆண்டுகளுக்கும் மேலாக NISAR என்ற திட்டத்தில் இணைந்து பணியாற்றி வருகின்றன. இந்த பணி செயற்கை துளை ரேடார் தொழில்நுட்பத்தைப் (Synthetic Aperture Radar technology) பயன்படுத்துகிறது. இது இரண்டு விண்வெளி நிறுவனங்களுக்கிடையில் மிக நெருக்கமான கூட்டாண்மையைக் காட்டுகிறது. இந்தப் பணி இப்போது தயாராக உள்ளது. அடுத்த சில வாரங்களில் ஆந்திராவின் ஸ்ரீஹரிகோட்டாவிலிருந்து தொடங்கப்படும்.
• 2023 ஜூன் மாதம் மோடியின் வாஷிங்டன் பயணத்திற்கு இரண்டு மாதங்களுக்குப் பிறகு இந்த நெருக்கமான ஒத்துழைப்பு முறைப்படுத்தப்பட்டது. அப்போது இந்தியா, அமெரிக்காவால் உருவாக்கப்பட்ட ஆர்ட்டெமிஸ் ஒப்பந்தங்களில் கையெழுத்திட்டது. இந்த ஒப்பந்தங்கள் விண்வெளி ஆய்வில், குறிப்பாக நிலவு மற்றும் ஆழமான கிரகப் பயணங்களில் பொறுப்பான நடத்தை மற்றும் ஒத்துழைப்புக்கான கோட்பாடுகளை உள்ளடக்கியவை.
• ஆர்ட்டெமிஸ் ஒப்பந்தங்கள் கையெழுத்தான பிறகு, அமெரிக்காவைச் சேர்ந்த தனியார் விண்வெளி நிறுவனமான ஆக்ஸியம் ஸ்பேஸ், இந்தியாவை அதன் ISS (பன்னாட்டு விண்வெளி நிலையம்) பயணத்தில் பங்கேற்க அழைத்தது. ஆக்ஸியம் ஸ்பேஸ், அமெரிக்க தனியார் தொழில்துறையை குறைந்த புவி வட்டப் பயணங்களுக்கும் ISS-க்கும் வணிக ரீதியிலான மனிதர்களை அனுப்பும் நாசாவின் திட்டத்தின் முதல் மற்றும் இதுவரை ஒரே பயனாளியாக உள்ளது.
• ஆக்ஸியம் ஸ்பேஸ் இதுவரை மூன்று பன்னாட்டு பயணங்களை ISS-க்கு அனுப்பியுள்ளது, ஒவ்வொரு பயணத்திலும் நான்கு விண்வெளி வீரர்கள் பங்கேற்றனர்.