இந்திய ரிசர்வ் வங்கியும், அரசாங்கமும் இப்போது பொருளாதார வளர்ச்சியை அதிகரிப்பதில் இணைந்துள்ளன.
இந்திய ரிசர்வ் வங்கியின் (RBI) பணவியல் கொள்கைக் குழுவானது (Monetary Policy Committee) வெள்ளிக்கிழமை முக்கியமான முடிவுகளை எடுத்தது. அதாவது, மத்திய வங்கியின் (central bank) அணுகுமுறை இப்போது நிரந்தர வளர்ச்சி-பணவீக்க வர்த்தகத்தில் பொருளாதார வளர்ச்சியில் கவனம் செலுத்தத் தெளிவாகத் தேர்வுசெய்கிறது என்பதை இவை காட்டுகின்றன. இந்த நேரத்தில் இதுவே சரியான அணுகுமுறையாகும்.
இதில், முதல் முக்கியமான முடிவுவானது, ரெப்போ விகிதத்தை 50 அடிப்படை புள்ளிகள் குறைத்து 5.5% ஆகக் குறைப்பதாகும். இதற்கு முன்பு, பிப்ரவரி மற்றும் ஏப்ரல் மாதங்களில் தலா 25 அடிப்படை புள்ளிகள் கொண்ட இரண்டு குறைப்புகள் செய்யப்பட்டன. சமீபத்திய சில்லறை பணவீக்கம் 69 மாதங்களில் இல்லாத அளவுக்குக் குறைந்து. இவை பொதுவாக ஒரு மந்தமான போக்கைக் காட்டுவதால், விலை நிலைத்தன்மை இப்போது இரண்டாம் நிலை கவலையாகக் குறைக்கப்பட்டுள்ளது. இதன் காரணமாக, விலைகளைக் கட்டுப்படுத்துவது இப்போது முன்னுரிமையாக இல்லை.
இந்த விகிதக் குறைப்புக்கள், கடன் வாங்குவதை மலிவானதாக (make it cheaper) மாற்றும். அதாவது, வங்கிகள் கடன் வாங்குபவர்களுக்கான விகிதங்களைக் குறைக்கும்போது, நிறுவனங்கள் மற்றும் நுகர்வோர் எளிதாகக் கடன் வாங்கலாம். இதன் மூலம் அவர்கள் முதலீடு செய்து பொருட்களை வாங்க உதவுகிறது.
இரண்டாவது முக்கியமான முடிவு, ரொக்க இருப்பு விகிதத்தை (cash reserve ratio (CRR)) 100 அடிப்படைப் புள்ளிகள் குறைப்பதாகும். இந்த நடவடிக்கை விகிதக் குறைப்புகளின் பலன்கள் மிகவும் திறம்பட கடத்தப்படுவதை உறுதிசெய்ய உதவும். அதாவது, ரொக்க இருப்பு விகிதம் என்பது, வங்கிகள் எவ்வளவு பணத்தை தங்களிடம் இருப்பாக வைத்திருக்க வேண்டும் என்று இந்திய ரிசர்வ் வங்கி நிர்ணயம் செய்யும் விகிதாகும். இந்த விகிதம் குறைக்கப்படும்போது, வங்கிகள் தங்களிடம் எவ்வளவு குறைவாக விகிதத்தை வைத்திருக்க வேண்டுமோ, அவ்வளவு அதிகமாகக் கடன் கொடுக்க முடியும். இருப்பினும், இந்திய ரிசர்வ் வங்கி மீண்டும் தனது நிலைப்பாட்டை மாற்றியுள்ளது என்பதைக் கவனத்தில் கொள்ள வேண்டும். ஏப்ரல் மாதத்தில், அது நடுநிலை நிலைப்பாட்டிலிருந்து இணக்கமான நிலைக்கு மாறியது. இது விகிதங்களை மேலும் குறைக்கத் தயாராக இருப்பதைக் காட்டுகிறது. இப்போது, அது மீண்டும் நடுநிலை நிலைக்கு நகர்ந்துள்ளது. இதன் பொருள் பொருளாதாரம் எதிர்பார்த்ததை விட மிக மெதுவாக வளரும் வரை, விரைவில் அதிக விகிதக் குறைப்புகளை எதிர்பார்க்க முடியாது.
இந்த நடுநிலை நிலைப்பாடு ஒரு புத்திசாலித்தனமான முடிவாகும். இந்தியப் பொருளாதாரத்திலும், உலகப் பொருளாதாரத்திலும் பல நிச்சயமற்ற தன்மைகளை எதிர்கொள்வதால், இது ஒரு புத்திசாலித்தனமான நிலைப்பாடாகும். இதனால், விலைகள் திடீரென உயர்ந்துடன் தொடர்ந்து உயர்ந்தால் இந்திய ரிசர்வ் வங்கி வட்டி விகிதங்களை உயர்த்தத் தயாராக உள்ளது என்பதை நடுநிலை நிலைப்பாடு குறிக்கிறது. மேலும், பருவமழை இன்னும் முடிவடையவில்லை என்பது கூடுதல் நிலைப்பாடாகப் பார்க்கப்படுகிறது.
இந்த முடிவுகள் எடுக்கப்பட்ட நேரம் நன்றாக உள்ளது. தற்போது பணவீக்கம் குறைவாக உள்ளது. தற்போதைய நிலைமைகள் அப்படியே இருந்தால் பணவீக்கம் விரைவில் உயர வாய்ப்பில்லை. மேலும், பெரிய தேர்தல்கள் எதுவும் வரப்போவதில்லை. வழக்கமாக, தேர்தல்களுக்கு விலைகள் மீது கடுமையான கட்டுப்பாடு தேவைப்படுகிறது. ஆனால், அது இப்போது தேவையில்லை. இருப்பினும், பொருளாதார வளர்ச்சி இருக்கக்கூடியதை விட மெதுவாக உள்ளது. 2025-26 நிதியாண்டில் பொருளாதாரம் 6.5% வளர்ச்சியடையும் என்று ரிசர்வ் வங்கி எதிர்பார்க்கிறது. இந்த வளர்ச்சி விகிதம் முந்தைய ஆண்டிற்கான அரசாங்கத்தின் மதிப்பீட்டைப் போன்றது.
நிதிக் கொள்கை, குறிப்பாக அரசாங்கச் செலவு, பொருளாதாரத்திற்கு கூடுதலாக உதவி வழங்குவதற்கான வரம்பை எட்டியுள்ளது. பத்து ஆண்டுகளாக அதிகரித்து வரும் செலவினங்களுக்குப் பிறகு, அரசாங்கம் அதன் மூலதனச் செலவினத்தை தற்போதைய நிலையில் மட்டுமே வைத்திருக்க முடியும். இது இன்னும் அதிகமாக வளர வாய்ப்பில்லை. நிதியமைச்சர் நிர்மலா சீதாராமன் மற்றும் நிதி அமைச்சக அதிகாரிகள் இதை உறுதிப்படுத்தியுள்ளனர். வளர்ச்சி மற்றும் சமூகத் திட்டங்களைத் தவிர, அரசாங்கம் இப்போது அதிக பாதுகாப்புச் செலவுகளையும் நிர்வகிக்க வேண்டியுள்ளது. இதன் காரணமாக, வளர்ச்சியை ஆதரிப்பதில் பணவியல் கொள்கை பெரிய பங்கை வகிக்க வேண்டும். இந்த அணுகுமுறையில் இந்திய ரிசர்வ் வங்கியும் அரசாங்கமும் உடன்படுவது நேர்மறையானது.