முக்கிய அம்சங்கள் :
வாஷிங்டனின் நடவடிக்கைக்குப் பிறகு, வெளியுறவு அமைச்சர் எஸ். ஜெய்சங்கர் முதல் முறையாக குறிப்பிட்டதாவது, "இந்தியா-அமெரிக்க பயங்கரவாத எதிர்ப்பு ஒத்துழைப்பின் வலுவான உறுதிப்பாடு" என்று விவரித்தார்.
ஒரு அமைப்பை வெளிநாட்டு பயங்கரவாத அமைப்பாக (Foreign Terrorist Organizations (FTO)) முத்திரை குத்துவது, அமெரிக்க சட்டத்தின்கீழ் அத்தகைய அமைப்புக்கு நிதியளிப்பது, உதவுவது, ஆலோசனை வழங்குவது மற்றும் உதவுவது போன்ற செயல்கள் ஒரு குற்றமாகக் கருத்தப்படும்.
பயங்கரவாத நிதியுதவியைத் தடுப்பதற்கான முயற்சிகளை ஆதரிக்கும் மற்றும் மற்ற நாடுகளையும் இவ்வாறு செய்ய ஊக்குவிக்கும் என்று வட்டாரங்கள் தெரிவித்தன. இது தி ரெசிஸ்டன்ஸ் ஃபிரண்ட் (The Resistance Front (TRF)) சர்வதேச அளவில் ஒரு பயங்கரவாத குழுவாக முத்திரை குத்துகிறது. மேலும், இந்த குழுவை தனிமைப்படுத்துகிறது மற்றும் அதன் நற்பெயருக்கு சேதம் விளைவிக்கிறது. இதனால், நன்கொடைகள் அல்லது பங்களிப்புகள் மற்றும் அதனுடன் பொருளாதார பரிவர்த்தனைகளைத் தடுக்கிறது, பொது விழிப்புணர்வை அதிகரிக்கிறது மற்றும் TRF பற்றிய கவலை குறித்து மற்ற அரசாங்கங்களுக்கு ஒரு செய்தியை அனுப்புகிறது. மேலும், இந்த குறிப்பிடல் இந்தியாவை ஐ.நா.வில் TRF-ஐ பட்டியலிட வலியுறுத்த உதவும் என்று வட்டாரங்கள் தெரிவித்தன.
“பாகிஸ்தானை தளமாகக் கொண்ட பயங்கரவாத அமைப்பான லஷ்கர்-இ-தொய்பாவின் (Lashkar-e-Tayyiba (LeT)) பிரதிநிதியான தி ரெசிஸ்டன்ஸ் ஃபிரண்ட் (The Resistance Front (TRF)) அமைப்பானது, ஏப்ரல் 22, 2025 அன்று ஜம்மு-காஷ்மீரின் பஹல்காமில் பொதுமக்கள் மீது நடத்தப்பட்ட கொடூரமான தாக்குதல் உட்பட, பயங்கரவாதம் தொடர்பான ஏராளமான நடவடிக்கைகளில் ஈடுபட்டுள்ளது, இந்த தாக்குதலுக்கு இது இரண்டு முறை பொறுப்பேற்றுள்ளது,” என்று அது கூறியது.
பயங்கரவாதத்திற்கு எதிரான சகிப்புத்தன்மையற்ற (zero tolerance) கொள்கையில் இந்தியா தொடர்ந்து உறுதியாக உள்ளது என்றும், பயங்கரவாத அமைப்புகளும் அவற்றின் பிரதிநிதிகளும் பொறுப்பு வகிப்பதை உறுதிசெய்ய அதன் சர்வதேச கூட்டமைப்புகளுடன் தொடர்ந்து நெருக்கமாக பணியாற்றும் என்றும் அது கூறியது.
குடிவரவு மற்றும் தேசிய சட்டத்தின் பிரிவு 219 மற்றும் நிர்வாக ஆணை 13224-ன் படி, TRF மற்றும் பிற தொடர்புடைய மாற்றுப்பெயர்களானவை LeT-ன் பட்டியலில், வெளிநாட்டு பயங்கரவாத அமைப்பு (FTO) மற்றும் சிறப்பாக நியமிக்கப்பட்ட உலகளாவிய பயங்கரவாதி (SDGT) என சேர்க்கப்பட்டுள்ளன.
வெளியுறவுத்துறை லஷ்கர்-இ-தொய்பாவின் (LeT) FTO பதவியை மதிப்பாய்வு செய்து அதை பராமரிக்கச் செய்துள்ளது. FTO பதவிகளில் திருத்தங்கள் கூட்டாட்சி பதிவேட்டில் வெளியிடப்பட்டவுடன் நடைமுறைக்கு வரும்.
வெளிநாட்டு பயங்கரவாத அமைப்புகள் (FTOs) என்பது நாட்டிற்கு வெளியே உள்ள குழுக்களைக் குறிப்பிடும். வெளியுறவு செயலாளர் இந்த குழுக்களை FTOs என்று அதிகாரப்பூர்வமாக பெயரிடுகிறார். இது காலப்போக்கில் புதுப்பிக்கப்பட்ட குடியேற்றம் மற்றும் தேசிய சட்டம் (INA) பிரிவு 219 ஐப் பின்பற்றி செய்யப்படுகிறது.
உங்களுக்குத் தெரியுமா?
சிறப்பு அந்தஸ்து ரத்து செய்யப்பட்ட பிறகு ஜம்மு காஷ்மீரில் உள்ள தீவிரவாதத்திற்கு "பூர்வீக தோற்றத்தை" (an indigenous look) வழங்குவதற்காக லஷ்கர்-இ-தொய்பா (LeT)-ன் நிழல் குழுவாக TRF உருவாக்கப்பட்டது என்று காவல்துறை கூறுகிறது.
பாகிஸ்தான் நிதி நடவடிக்கை பணிக்குழு (FATF) சாம்பல் பட்டியலில் இருந்தபோது, லஷ்கர் அல்லது ஜெய்ஷ் ஆகியவை தங்கள் சொந்த பெயர்களில் காஷ்மீர் பள்ளத்தாக்கில் செயல்படுவதை அவர்கள் விரும்பவில்லை, மேலும் பொறுப்புக்கூறலைத் தவிர்க்க டிஆர்எஃப் (TRF) மற்றும் ஃபாசிச எதிர்ப்பு மக்கள் அமைப்பு (PAFF) ஆகியவற்றை உருவாக்கினர் என்று மூத்த அதிகாரிகள் கூறுகின்றனர்.
ஆகஸ்ட் 5, 2019 அன்று சிறப்பு அந்தஸ்து ரத்து செய்யப்பட்ட உடனேயே TRF உருவானது. TRF என்பது LeT-க்கு ஒரு முன்னணியாக இருந்தாலும், அது பள்ளத்தாக்கில் உள்ள பிற பயங்கரவாத அமைப்புகளுடன் இணைந்து செயல்படுகிறது என்று பாதுகாப்பு அதிகாரிகள் தெரிவித்தனர்.
லஷ்கர் அல்லது ஜெய்ஷ் போலல்லாமல், TRF-க்கு உலகளாவிய இருப்பு இல்லை. அது தன்னை ஜம்மு மற்றும் காஷ்மீருக்கு மட்டுமே கட்டுப்படுத்தியுள்ளது. சிறிது நேரத்திற்குப் பிறகு, அதே நபர்கள் ஒரு புதிய பெயரில் வேலை செய்வதை நீங்கள் காணலாம். அவர்கள் தங்கள் பெயர்களை மாற்றிக்கொண்டே இருப்பார்கள் என்று அதிகாரி எச்சரித்தார்.