ஒரு உண்மையான மக்கள்தொகை கணக்கெடுப்பு இந்தியாவில் நிகழும் பல்வேறு மாற்றங்களைப் ஆராய வேண்டும்.
ஆகஸ்ட் 15, 2025 அன்று வெளியிடப்பட்ட மக்கள்தொகைப் கணக்கெடுப்பு குறித்த அறிவிப்பு சமூக மற்றும் அரசியல் விவாதங்களில் ஒரு சர்ச்சைக்குரிய விஷயமாக மாறியுள்ளது. இந்த பணி முக்கியமாக வங்காளதேசத்திலிருந்து ஆவணப்படுத்தப்படாத குடியேற்றத்தையும் இந்தியாவின் எல்லைப் பகுதிகளில் மக்கள்தொகையில் அதன் தாக்கத்தையும் கண்காணிப்பதாகும். இருப்பினும், இந்தியாவுக்கு இப்போது உண்மையில் தேவைப்படுவது ஒரு பரந்த, முழுமையான மக்கள்தொகைப் பணியாகும். ஏனெனில், நாடு மக்கள்தொகை திருப்புமுனையில் உள்ளது.
இந்தியா அதிக மக்கள்தொகை மற்றும் அதிக இளைஞர்களைக் கொண்ட நாடக உள்ளது. சந்தேகமே இல்லாமல், இந்தியாவின் மக்கள்தொகை உலகம் போற்றும் ஒன்று என்று உள்ளூர்வாசிகள் அதைப் பற்றி பெருமைப்படுகிறார்கள். கடந்த காலங்களில், மக்கள்தொகை கணக்கெடுப்பைப் பற்றி சிந்திக்கும்போது கொள்கை வகுப்பாளர்கள் பெரும்பாலும் மக்கள்தொகை கட்டுப்பாட்டில் கவனம் செலுத்தினர். இந்தியாவின் மக்கள்தொகைப் பன்முகத்தன்மை என்பது அடுத்த நூற்றாண்டு வரை அதன் மக்கள்தொகை வளர்ச்சியைத் தக்கவைக்கக்கூடிய ஒரு மறைக்கப்பட்ட பலமாகும். நமது நாட்டின் மக்கள்தொகையைப் புரிந்துகொள்வது என்பது இந்தியாவைப் பற்றியதாக மட்டும் இருக்கக்கூடாது. அதை உலகின் பிற பகுதிகளுடன் ஒப்பிட வேண்டும்.
பரந்த நோக்கத்திற்கான தேவை
கடந்த 20 ஆண்டுகளில் இந்தியாவின் மக்கள் தொகை எவ்வாறு மாறிவிட்டது என்பதை மக்கள்தொகை ஆய்வு பார்க்க வேண்டும். பொதுவாக, பிறப்பு விகிதங்கள், இறப்பு விகிதங்கள் மற்றும் இடம்பெயர்வு ஆகியவற்றில் மட்டுமே கவனம் செலுத்துவது ஒரு வரையறுக்கப்பட்ட பார்வையை அளிக்கிறது. ஆனால், இந்த காரணிகள் வெவ்வேறு பகுதிகளில் மக்கள் மற்றும் குடும்பங்களின் வயது மற்றும் பாலின பரவலை அமைப்பை (age-sex composition) பாதிக்கின்றன. மக்கள்தொகை பணி எதிர்கால மாற்றங்களை கணிக்க மட்டும் முயற்சிக்கக்கூடாது. மாறாக மக்களின் கல்வி, சுகாதாரம், வேலைகள் மற்றும் இடம்பெயர்வு காரணமாக சமூகம் எவ்வாறு மாறுகிறது போன்ற புதிய மக்கள்தொகை போக்குகளையும் பார்க்க வேண்டும். மனித மேம்பாட்டுக் கண்ணோட்டத்தில், மக்கள்தொகை ஆய்வு, மக்களின் திறன்களை வளர்க்க வெவ்வேறு பிராந்தியங்களில் கிடைக்கும் சமமற்ற வசதிகளைப் பார்க்க வேண்டும். உதாரணமாக, இந்தியா திறமையான தொழிலாளர்களுக்கான உலகளாவிய மையமாக மாற விரும்பினாலும், பள்ளிகளும் பயிற்சி மையங்களும் நாடு முழுவதும் சமமற்ற முறையில் பரவியுள்ளன. இதன் விளைவாக, வசதி படைத்தவர்கள் சாதிக்க முடிவதும், வசதி குறைந்தவர்கள் சாதிக்கத் தவறுவதும் சமத்துவமின்மைக்கு வழிவகுக்கிறது.
இடம்பெயர்வு பிரச்சினை
கருவுறுதல் மற்றும் இறப்பு விகிதங்களில் பெரிய முன்னேற்றங்கள் இருந்தாலும், இடம்பெயர்வு பகுதிகள் முழுவதும் ஒரு முக்கிய மக்கள்தொகை சமநிலையாளராகத் தெரிகிறது. எனவே, அனைவருக்கும் இடம்பெயர்வதற்கான ஒரே வாய்ப்பு இருப்பதை உறுதி செய்ய நியாயமான கொள்கைகள் இருக்க வேண்டும். ஆனால், இந்தியாவில், இடம்பெயர்வு பற்றிய அரசியல் விவாதங்கள் பெரும்பாலும் எதிர்மாறானவையாக உள்ளன. அரசியலமைப்புச் சட்டம் மக்கள் மாநிலங்களுக்கு இடையே சுதந்திரமாகப் பயணிக்கலாம் என்று கூறினாலும், இடம்பெயர்ந்தோர் பெரும்பாலும் தங்கள் அடையாளத்தின் காரணமாகப் பிரச்சினைகளை எதிர்கொள்கின்றனர். முதலாவதாக, இந்த அடையாளம் இயற்கையானது அல்ல. மாறாக மற்றவர்களால் உருவாக்கப்பட்டது. எனவே, அத்தகைய அடையாளத்தைப் பாதுகாப்பது தனிநபரைக் காட்டிலும் அரசாங்கத்திடமே இருக்க வேண்டும்.
மற்றொரு சிக்கலானது வீடு மற்றும் இடமளிப்பவர் பண்பு (host attribute) ஆகும். இடம்பெயர்ந்தவராக இருக்கும் தனிநபரைத் சமமான பங்கைக் கொண்டிருக்க வேண்டும். இந்த விவகாரத்தில் தற்போதைய அரசியல் விவாதம், இடம்பெயர்ந்தோரை தங்கள் சொந்த மாநிலத்தில் வழக்கமான குடியிருப்பாளர்களாகக் கருததால், அவர்களின் வாக்குரிமையைப் பறிப்பதில் கவனம் செலுத்துகின்றன.
அவர்களுக்கு உரிமைகள் இல்லாமல் இருப்பதால், தற்போது வழங்கப்பட்ட இடமும் (host place) அவர்களுக்கு அதே உரிமைகளை வழங்கக்கூடும்.இது இடம்பெயர்ந்தோர் தொடர்ந்து உரிமைப் போராட்டத்தை எதிர்கொள்கிறார்களா என்ற கேள்வியை எழுப்புகிறது. உள்நாட்டில் குடியேறுபவர்கள் எதிர்கொள்ளும் இந்தப் பிரச்சனையைத் தீர்ப்பது, இடம்பெயர்ந்தோர் உரிமைகளை மீட்டெடுக்க பாடுபடும் ஒரு மக்கள்தொகை கணக்கெடுப்பின் முக்கிய கொள்கையாக இருக்க வேண்டும்.
நீண்ட ஆயுள் குறித்து
மாறிவரும் மக்கள்தொகை, நீண்ட ஆயுட்காலம் மற்றும் சிறந்த சமூகப் பாதுகாப்பின் தேவை போன்றவை புதிய சவால்களைக் எழுப்புகிறது. ஆயுள் மற்றும் உற்பத்தித் திறன் கொண்ட ஆண்டுகளை மறுவரையறை செய்ய தீவிர முயற்சி மேற்கொள்ளப்படுகிறது. இதனால் இளைஞர்கள் மற்றும் முதியவர்கள் இருவரும் ஆரோக்கியமாக இருக்கும் வரை சுறுசுறுப்பாக இருக்க முடியும். மூகப் பாதுகாப்பு என்பது அரசாங்கத்தின் முழுப் பொறுப்பாக இருக்க வேண்டும் என்ற கருத்தையும் மறுபரிசீலனை செய்ய வேண்டும். ஓய்வுக்குப் பிறகு நிதிப் பாதுகாப்பைத் திட்டமிட தொழிலாளர்களுக்கு முதலாளிகள் உதவ வேண்டும். ஒட்டுமொத்தமாக, மக்கள் நீண்ட காலம் வாழ்வதால், சமூகப் பாதுகாப்பை வழங்கும் முறையை மறுபரிசீலனை செய்ய வேண்டும்.
திட்டமிடல், கொள்கைகளை உருவாக்குதல் மற்றும் முன்னேற்றத்தைச் சரிபார்ப்பதற்கு மக்கள்தொகையில் ஏற்படும் மாற்றங்களைப் புரிந்துகொள்வது முக்கியம். முன்னேற்றம் மற்றும் சாதனைகளை கொண்டாடுவதற்கு பெருமளவில் குறிகாட்டிகள் கிடைக்கச் செய்யப்படுகின்றன. ஆனால், பல குறிகாட்டிகள் சாதனைகளைக் காட்டினாலும், மக்கள்தொகை எவ்வாறு மாறுகிறது என்பதைக் கருத்தில் கொள்கிறதா என்பது தெளிவாகத் தெரியவில்லை. ஒதுக்கீடு மற்றும் வள விநியோகத்தில், மக்கள்தொகைப் புள்ளிவிவரங்கள் முன்னுரிமைகளை வழிநடத்த வேண்டும். துரதிர்ஷ்டவசமாக, தனிநபர் புள்ளிவிவரங்களில் கவனம் செலுத்துவது மக்கள்தொகையின் உண்மையான அமைப்பைப் புறக்கணிக்கிறது. மக்கள்தொகை ஆய்வு அனைவரையும் உள்ளடக்குதல், ஓரங்கட்டப்படுவதை நிவர்த்தி செய்தல் மற்றும் உள்ளடக்கத்தை ஊக்குவித்தல் பற்றிய விவாதங்களைத் தூண்ட வேண்டும். மக்கள்தொகைப் புள்ளிவிவரம் என்பது கடந்த கால மற்றும் எதிர்கால மக்கள்தொகைப் போக்குகளைப் படிக்கும் ஒரு பாடம் மட்டுமல்ல. மாறிவரும் உலகளாவிய சூழ்நிலைக்கு ஏற்ப உத்திகளை சரிசெய்வதன் மூலம் மனிதகுலத்தின் எதிர்காலத்தை வடிவமைப்பதற்கான அடித்தளமாகும்.
S. இருதய ராஜன் கேரளாவின் சர்வதேச இடம்பெயர்வு மற்றும் மேம்பாட்டு நிறுவனத்தின் (Institute of Migration and Development (IIMAD)) தலைவராக உள்ளார். யு.எஸ். மிஸ்ரா கேரளாவின் சர்வதேச இடம்பெயர்வு மற்றும் மேம்பாட்டு நிறுவனத்தின் (Institute of Migration and Development (IIMAD)) பேராசிரியராக உள்ளார்.