புவிசார் அரசியல் மாற்றங்களின் காலத்தில், நோர்டிக்-பால்டிக் பிராந்தியம் (Nordic-Baltic region) மற்றும் இந்தோ-பசிபிக் (Indo-Pacific) ஆகியவற்றின் பாதுகாப்பு ஒன்றோடொன்று இணைக்கப்பட்டுள்ளது.
ரஷ்யா உக்ரைன் மீது படையெடுத்து இரண்டு ஆண்டுகளுக்குப் பிறகு, உலகளாவிய ஒத்துழைப்பு முன்னெப்போதையும் விட முக்கியமானதாகும். புதுதில்லியில் நடைபெறும் ரைசினா உரையாடலில் (Raisina Dialogue), நோர்டிக்-பால்டிக் எட்டு (Nordic-Baltic 8 (NB8)) நாடுகளைச் சேர்ந்த பிரதிநிதிகளாக ஒன்றாக பங்கேற்கிறோம். இருநாட்டு மோதல் காலங்களில், உலகிற்கு நம்பிக்கை, உரையாடல் மற்றும் ஒத்துழைப்பு ஆகியவை தேவை. இதன் மூலம், அமைதியைப் பாதுகாக்கவும், ஆக்கிரமிப்பை எதிர்க்கவும், விதிகள் அடிப்படையிலான உலக ஒழுங்கைப் பராமரிக்கவும், சுதந்திர வர்த்தகம், நிலைத்தன்மை மற்றும் நீண்டகால கூட்டாண்மைகளுடன் பொருளாதாரத்தை வலுப்படுத்தவும் ஒன்றிணைவோம்.
பொதுவாக, அவர்கள், டென்மார்க், எஸ்டோனியா, பின்லாந்து, ஐஸ்லாந்து, லாட்வியா, லிதுவேனியா, நார்வே மற்றும் ஸ்வீடன் ஆகிய எட்டு வடக்கு நாடுகளின் அரசாங்கங்களைப் பிரதிநிதித்துவப்படுத்துகிறார்கள். இவ்வமைப்பின் இணைப்பு புவியியல் சார்ந்தது, மேலும் வலுவான வரலாற்று, சமூக, பொருளாதார மற்றும் கலாச்சார உறவுகளைக் கொண்டுள்ளது. எட்டு வடக்கு நாடுகளின் முன்னேறிய பொருளாதாரங்கள் உலகிற்கு திறந்தவை, மேலும் புதிய கண்டுபிடிப்புகளால் இயக்கப்படுவதுடன், ஐரோப்பிய பொதுச் சந்தையின் முழுமையாக ஒரு பகுதியாக உள்ளன. இவை இணைந்து, நோர்டிக்-பால்டிக் பொருளாதாரங்கள் G-20க்கு மட்டுமல்ல, G-10க்கான அளவுகோலையும் சந்திக்கும் அளவில் தகுதி பெற்றுள்ளன.
ஜனநாயகம் மற்றும் மனித உரிமைகளுக்கான உறுதிப்பாட்டை நார்டிக்-பால்டிக் நாடுகள் பகிர்ந்து கொள்கின்றன. இந்நாடுகள் அனைத்தும், பன்முகத்தன்மை மற்றும் சர்வதேச சட்டத்தை அடிப்படையாகக் கொண்ட ஒரு சர்வதேச ஒழுங்குக்காக வாதிடுகின்றன. இந்த உணர்வில், நீண்டகால ஜனநாயக பாரம்பரியம் மற்றும் மிகவும் பயனுள்ள மற்றும் ஆழமான மதிப்புமிக்க ஒத்துழைப்பை பகிர்ந்து கொண்ட ஒரு முக்கிய தேசமான இந்தியாவுடன் அதிக உற்பத்தி மற்றும் பரஸ்பர மதிப்புகளைப் பகிர்ந்தி கொள்கின்றன. மேலும், இந்தியா மற்றும் பரந்த இந்தோ-பசிபிக் பிராந்தியத்துடனான நமது நீண்ட கால மற்றும் எப்போதும் நெருக்கமான உறவுகளையும் இந்நாடுகள் கொண்டுள்ளன.
புதுமை, சுற்றுச்சூழல் பாதுகாப்பு, கடல்சார் பிரச்சினைகள், சுகாதாரம், தொழில்நுட்பம், விண்வெளி, கல்வி, கலாச்சாரம் மற்றும் சுற்றுலா போன்ற பல துறைகளில் இந்தியாவுடனான நார்டிக்-பால்டிக் ஒத்துழைப்பு (Nordic-Baltic cooperation) உள்ளது. இந்த பிராந்தியங்களுக்கு இடையேயான இந்தியாவின் வர்த்தகம் மற்றும் முதலீடு சீராக வளர்ந்து வருகிறது. இந்தியாவும், நார்டிக்-பால்டிக் நாடுகளும் (Nordic-Baltic countries) இணைந்து பொதுவான இலக்குகளை நோக்கி செயல்பட்டு வருகின்றன.
புவிசார் அரசியல் மாற்றங்களின் காலத்தில், நார்டிக்-பால்டிக் பிராந்தியம் (Nordic-Baltic region) மற்றும் இந்தோ-பசிபிக் பகுதியின் பாதுகாப்பு ஒன்றோடொன்று இணைக்கப்பட்டுள்ளது. இன்று, சர்வதேச சட்டத்தை நிலைநிறுத்துவதற்கு ஒன்றிணைந்து செயல்படுவதும், பாரம்பரிய மற்றும் பாரம்பரியமற்ற பாதுகாப்பு அச்சுறுத்தல்களை சமாளிப்பதற்கான திறனை உருவாக்குவதும் முன்னெப்போதையும் விட இன்றியமையாததாக உள்ளது. அது இந்தியாவின் சுற்றுப்புறமாக இருந்தாலும் சரி, நார்டிக்-பால்டிக் நாடுகளாக இருந்தாலும் சரி, சர்வதேச அரசியலில் இந்தியாவின் வளர்ந்து வரும் முக்கியத்துவத்தை மறுக்க இயலாது. ஜி-20 அமைப்பின் வெற்றிகரமான தலைமையில் உலகளவில் இந்தியா குறிப்பிடத்தக்க பங்களிப்பை எடுத்து வருகிறது. உலகளாவிய பாதுகாப்பு மற்றும் செழிப்புக்கு இந்தியாவின் தலைமை முக்கியமானதாக பார்க்கப்படுகிறது.
அனைவரும் ஒன்றாக இணைக்கப்பட்டுள்ள உலகில், சவால்களை சமாளிக்க நாம் ஒன்றிணைந்து செயல்பட வேண்டும். சமீபத்தில், சுகாதார நெருக்கடிகள், காலநிலை பிரச்சினைகள் மற்றும் புவிசார் அரசியல் பதட்டங்களை நாம் எதிர்கொண்டோம். அவை உலகெங்கிலும் உள்ள மக்களை பாதித்து நமது உலகில் ஒரு அழுத்தத்தை ஏற்படுத்தியுள்ளன. நேர்மறையான உலகளாவிய ஒத்துழைப்பில் மீண்டும் கவனம் செலுத்துவது அவசரமானது என்பதால், இது குறித்து இந்தியாவுடன் இணைந்து பணியாற்றுவதில் நார்டிக்-பால்டிக் நாடுகள் மகிழ்ச்சியடைகின்றன.
உக்ரைனுக்கு எதிரான ரஷ்யாவின் சட்டவிரோத மற்றும் முழு அளவிலான போரால் உலகளாவிய முன்னேற்றம் தற்போது தடைபட்டுள்ளது. ரஷ்யா தனது ஜனநாயக அண்டை நாட்டை அழித்து ஆதிக்கம் செலுத்துவதை நோக்கமாகக் கொண்டுள்ளது. மேலும், நாட்டின் எல்லைகளை மாற்றுவதற்கு சட்டவிரோத சக்தியைப் பயன்படுத்துகிறது. இந்த நடவடிக்கை சர்வதேச சட்டத்தை மீறுகிறது மற்றும் அனைத்து மாநிலங்களுக்கும் பிராந்திய ஒருமைப்பாடு மற்றும் இறையாண்மையின் அடிப்படைக் கொள்கைகளை குறைமதிப்பிற்கு உட்படுத்துகிறது. ஐரோப்பா, இந்தோ-பசிபிக் அல்லது பிற பிராந்தியங்களில் ஐக்கிய நாடுகளின் சாசனத்தில் குறிப்பிடப்பட்ட கொள்கைகளை நிலைநிறுத்துவது மிகவும் முக்கியமானது. போரால் இழைக்கப்பட்ட குற்றங்களுக்கு பொறுப்பு வகிப்பதை உறுதிப்படுத்துவது மிக அவசியம்.
இந்த போர், உலகளாவிய உணவு மற்றும் எரிசக்தி விநியோகம், விநியோகச் சங்கிலிகள், நிதி நிலைத்தன்மை மற்றும் பொருளாதார வளர்ச்சியை பாதிக்கிறது. குறிப்பாக உலகெங்கிலும் உள்ள குறிப்பிடத்தக்க மனிதாபிமான தேவைகளை கருத்தில் கொண்டு, ரஷ்யா-உக்ரேனிய துறைமுகங்களை முற்றுகையிட்டிருப்பது குறிப்பாக தீங்கு விளைவிக்கும். இந்த முற்றுகை இருந்தபோதிலும் உக்ரைன் உணவு ஏற்றுமதியை மீண்டும் தொடங்கியுள்ளது என்பது மிகவும் வரவேற்கத்தக்கது. இது பல நாடுகளுக்கும் தேவைப்படும் மக்களுக்கும் இன்றியமையாதது.
இரண்டு ஆண்டுகளுக்குப் பிறகு, ரஷ்யா உக்ரைனைக் குறைத்து மதிப்பிட்டுள்ளது மற்றும் சர்வதேச சமூகத்தின் வலுவான ஆதரவை தெளிவாகக் காட்டுகிறது. உக்ரைனின் ஜனாதிபதி வோலோடிமிர் ஜெலென்ஸ்கி, சர்வதேச சட்டம் மற்றும் ஐக்கிய நாட்டு சாசனத்தின் அடிப்படையில் ஒரு விரிவான, நியாயமான மற்றும் நீடித்த அமைதியை இலக்காகக் கொண்ட ஒரு லட்சிய சமாதானமான அறிக்கையை முன்வைத்துள்ளார். பலரால் ஆதரிக்கப்படும் இந்த திட்டம், எரிசக்தி, உணவு பாதுகாப்பு மற்றும் சுற்றுச்சூழல் போன்ற உலகளாவிய கவலைகளை நிவர்த்தி செய்கிறது. உக்ரைனின் இராஜதந்திர முயற்சிகளை நார்டிக்-பால்டிக் நாடுகள் ஆதரிக்கின்றன. மேலும், 83 பங்கேற்பாளர்களுடன் சுவிட்சர்லாந்தின் டாவோஸில் சமீபத்தில் நடந்த கூட்டத்தைப் போல அதிகமான நாடுகள் அமைதிப் பேச்சுவார்த்தைகளில் இணைவதைக் காண்பது மகிழ்ச்சியளிக்கக்கூடியதாகும்.
இந்த பயணம் ஐரோப்பாவிற்கு வெளியே நோர்டிக்-பால்டிக் எட்டின் (Nordic-Baltic 8 (NB8)) முதல் கூட்டு உயர்மட்ட தூதுக்குழுவைக் குறிக்கிறது. பல நல்ல காரணங்களுக்காக இந்தியாவை தங்களது முதல் இலக்காகத் தேர்ந்தெடுத்துள்ளதாக நோர்டிக்-பால்டிக் நாடுகள் தெரிவித்துள்ளன. பலதரப்பு அமைப்புக்கான எங்கள் அர்ப்பணிப்பை வலுப்படுத்துவது மற்றும் இந்தியா மற்றும் பிற உலகளாவிய கூட்டாண்மை நாடுகளுக்கு முக்கியத்துவம் வாய்ந்த பிரச்சினைகளில் உரையாடல் மற்றும் ஒத்துழைப்பை மேம்படுத்துவதை இந்நாடுகள் நோக்கமாகக் கொண்டுள்ளன.
இந்தியாவுடனான நோர்டிக்-பால்டிக் நாடுகளின் கூட்டாண்மை மற்றும் ஒத்துழைப்பை வலுப்படுத்துவதை நோக்கமாகக் கொண்ட ஒரு பிராந்தியமாக இந்த ஆண்டு ரைசினா உரையாடலில் இந்நாடுகள் இணைந்துள்ளன. உலகத்திற்கான நமது செய்தி கூட்டாண்மை, நம்பிக்கை மற்றும் ஒத்துழைப்பு ஆகியவற்றில் ஒன்றாக உள்ளது. இது வளர்ச்சி மற்றும் ஆரோக்கியத்திற்கான கூட்டு, பசுமை மாற்றம் மற்றும் டிஜிட்டல் மயமாக்கலுக்கான கூட்டு மற்றும் அமைதி மற்றும் நிலைத்தன்மைக்கான கூட்டாண்மை ஆகும்.