சில நபர்கள் செயற்கை நுண்ணறிவை (artificial intelligence (AI)) தவறாகப் பயன்படுத்துவதால், மக்கள் இணைய பயன்பாட்டை பாதுகாப்பானதாக உணர்வதை உறுதிப்படுத்த வேண்டும்.
கடந்த ஆண்டு, தனது மகளைக் கடத்தியதாகக் கூறி ஒரு பயங்கரமான அழைப்பு வந்ததாக தாய் ஒருவர் கூறினார். இது செயற்கை நுண்ணறிவு எவ்வாறு தீங்கு விளைவிக்கும் என்பது குறித்து அமெரிக்க செனட்டில் பெரும் பரபரப்பை ஏற்படுத்தியது. இந்த செய்தி அனைவரையும் அதிர்ச்சிக்குள்ளாக்கியது. ஏனெனில், “கடத்தியவர்கள்” உண்மையில் ஹேக்கர்கள். மேம்பட்ட செயற்கை நுண்ணறிவைப் பயன்படுத்தி அவர்களை ஏமாற்றியுள்ளனர். இது போன்ற சம்பவங்கள் அடிக்கடி நடப்பதால், எது உண்மையானது. எது கணினியால் உருவாக்கப்பட்டது என்பதைக் கூறுவதில் மக்கள் சிரமப்படுகிறார்கள்.
அதிநவீன இணைய அச்சுறுத்தல்கள்
உருவாக்கக்கூடிய செயற்கை நுண்ணறிவானது (generative (AI)) நாம் வேலை செய்யும் முறையை பெரிதும் மாற்றியுள்ளது. இது கல்வி, வங்கி, சுகாதாரம் மற்றும் உற்பத்தி உள்ளிட்ட பல்வேறு துறைகளில் பயன்படுத்தப்படுகிறது. இருப்பினும், இது இணைய அபாயங்கள் மற்றும் பாதுகாப்பின் தன்மையையும் மாற்றியுள்ளது. செயற்கை நுண்ணறிவு தொழில்நுட்பம் உலகளவில் மொத்த உள்நாட்டு உற்பத்தியை (gross domestic product (GDP)) $7 முதல் $10 டிரில்லியன் வரை உயர்த்தும் என எதிர்பார்க்கப்படுகிறது. நவம்பர் 2022-ல் ChatGPT போன்ற திறன்கொண்ட செயற்கை நுண்ணறிவு நன்மை மற்றும் தீமை ஆகிய இரண்டையும் கலந்த கலவையாக உருவாக்கியுள்ளது.
இணைய அச்சுறுத்தல்களில் குறிப்பிடத்தக்க அதிகரிப்பு இருப்பதாக சமீபத்திய அறிக்கை ஒன்று காட்டுகிறது. 2022-ம் ஆண்டின் நான்காவது காலாண்டிலிருந்து, ஊடுருவல் தாக்குதல்கள் சம்பவங்கள் மற்றும் மின்னஞ்சல்கள் 1,265% அதிகரித்துள்ளது. ஊடுருவல் தாக்குதல்கள் 967% அதிகரித்துள்ளது. இந்த அதிகரிப்புகள், உருவாக்கக்கூடிய திறன்கொண்ட செயற்கை நுண்ணறிவின் உயர்ந்த பயன்பாடு மற்றும் கையாளுதலுடன் தொடர்புடையது. எனவே, இந்த அச்சுறுத்தல்களிலிருந்து தகவல், அடையாளங்கள் மற்றும் மனித உரிமைகளைக் கூட பாதுகாக்க ஒன்றாகச் செயல்படுவது இப்போது மிக முக்கியமானது.
உருவாக்கக்கூடிய செயற்கை நுண்ணறிவு (Generative (AI)) தொடர்ந்து பெருகி வருவதால், சிக்கலான அச்சுறுத்தல்களைக் கொண்டு வந்துள்ளது. எழுதுதல் மற்றும் படத்தை உருவாக்குதல் போன்றவற்றை எளிதாக்கும் உருவாக்கும் செயற்கை நுண்ணறிவு (Generative (AI)) மேம்பட்டு வருகிறது. இது குரலால் இயக்கப்படும் பொம்மைகள் மற்றும் சிறு பொறிகருவி (gadgets) சம்பந்தப்பட்ட ஆபத்தான சம்பவங்களுக்கு வழிவகுத்தது. இந்த சாதனங்கள் குழந்தைகளை ஆபத்தான செயல்கள் செய்ய வழிவகுக்கும். அவை தனியுரிமை மற்றும் பாதுகாப்பிற்கு கடுமையான ஆபத்துகளையும் ஏற்படுத்துகின்றன. அதே நேரத்தில், முக அங்கீகாரம் (facial recognition) போன்ற தொழில்நுட்பத் தனியுரிமையை பாதிக்கிறது. உருவாக்கக்கூடிய செயற்கை நுண்ணறிவு (Generative (AI)) சமீப காலமாக தனி நபர்களையும் ஆபத்தில் ஆழ்த்தியுள்ளது.
உருவாக்கக்கூடிய செயற்கை நுண்ணறிவு (Generative (AI)) பல்வேறு தொழில்களில் உற்பத்தித்திறனை மேம்படுத்தியுள்ளது. 70% தொழில் வல்லுநர்கள் தங்கள் உற்பத்தித்திறன் அதிகரித்துள்ளதாக தெரிவிக்கின்றனர். இருப்பினும், கடந்த சில ஆண்டுகளில், உருவாக்கக்கூடிய செயற்கை நுண்ணறிவினால் (Generative (AI)) அமைப்புகள் தாக்குதல்களுக்கு ஆளாகியுள்ளது பல நிறுவனங்கள் கண்டறிய முடியாத ஊடுருவல் தாக்குதல்கள் (37%), அடிக்கடி தாக்குதல்கள் (33%) மற்றும் அதிகரித்த தனியுரிமை கவலைகள் (39%) போன்ற சிக்கல்களைப் புகாரளிக்கின்றன.
சில ஹேக்கர் குழுக்கள் தங்கள் தாக்குதல்களை மிகவும் பயனுள்ளதாக மாற்ற மேம்பட்ட செயற்கை நுண்ணறிவைப் பயன்படுத்துவதை சைபர் பாதுகாப்பு நிபுணர்கள் கண்டறிந்துள்ளனர். கணினி குறியீட்டில் (coding errors) உள்ள தவறுகளைக் கண்டறிந்து, அவர்களின் இணையத் தாக்குதல்களை மேலும் சேதப்படுத்த அவர்கள் செயற்கை நுண்ணறிவைப் பயன்படுத்துகின்றனர்.
இவ்வகையான சைபர் தாக்குதல்கள் மிகவும் பொதுவானதாகி வருவதால், அவற்றிலிருந்து பாதுகாக்க நமக்கு வலுவான நடவடிக்கைகள் தேவை. செயற்கை நுண்ணறிவு இயங்கும் சைபர் கிரைம்களைத் தடுக்க விதிகள் மற்றும் சட்டங்களை உருவாக்குவதற்கான முயற்சிகள் மேற்கொள்ளப்பட்டு வருகின்றன. ஆனால், இந்த வகையான செயற்கை நுண்ணறிவு தொழில்நுட்பத்தை எவ்வாறு கட்டுப்படுத்துகிறோம் என்பதில் இன்னும் இடைவெளிகள் நீடிக்கிறது.
பிளெட்ச்லி பிரகடனம் (Bletchley Declaration)
உருவாக்கக்கூடிய செயற்கை நுண்ணறிவின் (Generative (AI))(Generative (AI)) தவறான பயன்பாடு அதிகரித்து வருவதால், நுகர்வோரைப் பாதுகாப்பது மிகவும் முக்கியமானது. டிஜிட்டல் சூழல்களில் பாதுகாப்பாக செல்ல இது அவர்களுக்கு உதவும்.
செயற்கை நுண்ணறிவை (AI) தவறாகப் பயன்படுத்துவதால் ஏற்படும் தீமைகளைப் புரிந்துகொள்ள உலகத் தலைவர்கள் ஒன்றிணைந்து செயல்படத் தொடங்கியுள்ளனர். செயற்கை நுண்ணறிவு (AI) பாதுகாப்பு உச்சிமாநாட்டில் கையெழுத்திட்ட சமீபத்திய Bletchley பிரகடனத்தில் இந்த ஒத்துழைப்பு தெளிவாகத் தெரிந்தது. கையெழுத்திட்ட நாடுகளில் சீனா, ஐரோப்பிய யூனியன், பிரான்ஸ், ஜெர்மனி, இந்தியா, ஐக்கிய அரபு எமிரேட்ஸ், யுனைடெட் கிங்டம் மற்றும் அமெரிக்கா ஆகியவை அடங்கும்.
பெரிய நிறுவன மட்டத்தில், வளர்ந்து வரும் பிரச்சனைகளுக்கு எதிராக போராடுவதற்கு கடுமையான விதிகள் மிகவும் முக்கியம். ஒரு தீர்வு, செயற்கை நுண்ணறிவால் செய்யப்பட்ட பொருட்களைக் கண்டறிவதற்கு உள்ளடக்கத்தில் நீர்க் குறி (watermarking) இருப்பதை உறுதி செய்வதாகும். இது செயற்கை நுண்ணறிவு உருவாக்கப்பட்ட பொருட்களிலிருந்து இணைய அச்சுறுத்தல்களைத் தடுக்கவும், கவனமாக இருக்குமாறு மக்களை எச்சரிக்கவும் உதவும். மேலும், பெரிய நிறுவனங்கள் மற்றும் வணிகங்களுக்கு இடையேயான குழுப்பணி விதிகளை மேம்படுத்தி அவற்றைச் செயல்படுத்தும். பொதுமக்களிடமிருந்து இதுகுறித்த கருத்துகளைப் பெறுவது இந்த விதிகளை இன்னும் வலிமையாக்கும்.
டிஜிட்டல் விழிப்புணர்வை ஊக்குவித்தல்
வேலையில், பயிற்சி அமர்வுகள் மூலம் டிஜிட்டல் கருவிகள் மற்றும் திறன்களைப் பற்றி ஊழியர்களுக்குக் கற்பிப்பதில் கவனம் செலுத்துவது முக்கியம். டிஜிட்டல் உலகத்தை திறம்பட வழி நடத்துவதற்கும், தகவலைச் சரிபார்ப்பது எப்படி என்பதைத் தெரிந்து கொள்வதற்கும் சரியான தொழில்நுட்பத்துடன் வசதியாகவும் திறமையாகவும் மாற இது அவர்களுக்கு உதவுகிறது.
ஆனால், இது நிறுவனங்களுக்கு மட்டும் பொருந்தாது. பிற குழுக்கள், டிஜிட்டல் உலகத்தைப் பற்றியும் இணைய வழியில் பாதுகாப்பாக இருப்பது பற்றியும் மக்களுக்குக் கற்பிப்பதில் முக்கியப் பங்கு வகிக்கின்றன. அடிப்படை டிஜிட்டல் திறன்களுடன் தொடங்கி அங்கிருந்து உருவாக்குவதன் மூலம், இணைய வழியில் அச்சுறுத்தல்களுக்கு எதிராக வலுவான பாதுகாப்பை உருவாக்க முடியும்.
தொழில்நுட்பம் முன்னேறும்போது, இணைய வழியில் பாதுகாப்பாக இருப்பதற்கும் தனிப்பட்ட தகவல்களைப் பாதுகாப்பதற்கும், தனிநபர்கள், நிறுவனங்கள் மற்றும் சமூகங்கள் அனைவரும் ஒன்றிணைந்து செயல்படுவது மிகவும் முக்கியமானது.
சாரு கபூர் என்ஐஐடி அறக்கட்டளையின் நாட்டு இயக்குநராக உள்ளார்.