அந்நிய நேரடி முதலீட்டை அதிகரிக்க, விதிகளை எளிமைப்படுத்துவதன் மூலமும், அனுமதிகளை விரைவுபடுத்துவதன் மூலமும் நாட்டில் எளிதாக வர்த்தகம் செய்வதை கணிசமாக மேம்படுத்த வேண்டிய அவசியம் உள்ளது.
நிதியாண்டு 2024க்கான அந்நிய நேரடி முதலீடுகள் (Foreign direct investment (FDI)) குறித்த இந்திய ரிசர்வ் வங்கியின் சமீபத்திய எண்ணிக்கையானது பலவீனமான மொத்த முதலீடுகளைக் காட்டுகிறது. இருப்பினும், நிகர அந்நிய நேரடி முதலீடு (Net Foreign Direct Investment) 10.6 பில்லியன் டாலராக குறைந்துள்ளது குறித்த கவலைகள் மிகைப்படுத்தப்படலாம். நிகர அந்நிய நேரடி முதலீட்டின் (net FDI) வீழ்ச்சியானது, திரும்ப அனுப்புதல் மற்றும் விலக்கல் (repatriation and divestment) மூலம் பத்தாண்டுகளில் அதிகபட்சமாக 44.4 பில்லியன் டாலரை எட்டியது. வெளிநாட்டு ஊக்குவிப்பாளர்களும், முதலீட்டாளர்களும் இந்தியாவை விட்டு வெளியேறுகிறார்கள் அல்லது பெரிய தொகைகளை திரும்பப் பெறுகிறார்கள் என்று மக்கள் நினைக்கலாம், ஆனால் அது உண்மையாக இருக்காது.
கடந்த நிதியாண்டில், பங்குச் சந்தையில் ஏற்பட்ட வலுவான எழுச்சியின் காரணமாக வெளிநாட்டு முதலீட்டாளர்கள் இந்திய நிறுவனங்களில் தங்கள் பங்குகளில் ஓரளவு லாபத்தை பதிவு செய்ததால், அதிகத் தொகையை திருப்பி அனுப்பும் எண்ணிக்கையானது அதிகரித்துள்ளது. சிறிய மற்றும் நடுத்தர பங்குகளில் காளையின் ஓட்டம் மெதுவாக இருப்பதால் இந்த வெளியேற்றங்கள் மிதமானதாக இருக்கும். பட்டியலிடப்பட்ட 66 நிறுவனங்களின் வெளிநாட்டு விளம்பரதாரர்கள் நிதியாண்டு 2024-ல் தங்கள் பங்குகளைக் குறைத்ததாக ஒரு பகுப்பாய்வு காட்டுகிறது. பங்கு விற்பனை 1 முதல் 30 சதவிகிதம் வரை இருந்த நிலையில், பெரும்பாலான விளம்பரதாரர்கள் 5 சதவிகிதத்திற்கும் குறைவானப் பங்குகளை விற்றுள்ளனர். ஏறக்குறைய அனைத்து விளம்பரதாரர்களும் தங்கள் நிறுவனங்களில் குறிப்பிடத்தக்க பங்குகளை வைத்திருப்பது குறிப்பிடத்தக்கது. அவர்கள் இந்தியாவை விட்டு வெளியேறுகிறார்கள் என்ற கருத்தை மறுத்துவிட்டனர். நீண்ட காலத்திற்கு இந்தியாவில் வணிகத்தைத் தொடர விரும்புவதாகவும் இந்த நிறுவனங்கள் பொதுமக்களுக்கு அறிவித்துள்ளன. கடந்த நிதியாண்டில் அவர்களின் பங்கு விற்பனையானது சில மதிப்பைத் திறந்து மற்ற பிராந்தியங்களுக்கு மூலதனத்தை மறு ஒதுக்கீடு செய்ததாகக் கூறியுள்ளனர். இது தவிர, பல தனியார் சமபங்குகள் (Private equity (PE)) மற்றும் புதுமையான மூலதன (Venture Capital (VC)) முதலீட்டாளர்கள் தங்கள் பங்குகளை சரிசெய்ய அல்லது வெளியேற புத்தொழில்களில் (start-up) மேம்படுத்தும் மதிப்பீட்டைப் பயன்படுத்தினர். இந்த முதலீட்டாளர்களின் விற்பனை 2023-ம் ஆண்டில் 109 ஒப்பந்தங்களில் $12 பில்லியன்களாக இருந்தது.
இந்த விற்பனைகள் தங்கள் முதலீட்டாளர்களுக்கு வருமானத்தை விநியோகிக்க நிதிகள் மீதான அழுத்தத்தால் இயக்கப்படுவதாகத் தெரிகிறது. பன்னாட்டு நிறுவனங்கள் பொருட்களின் விலை வீழ்ச்சியிலிருந்து மேம்பட்ட லாபத்தின் காரணமாக பங்குதாரர்களுக்கு அதிக ஈவுத்தொகையை வழங்கியுள்ளன. தேவைக்கான நிலைமைகள் மிகவும் சவாலானதாக மாறும் போது, ஈவுத்தொகை திருப்பி அனுப்புவதும் மிதமானதாக இருக்கலாம். அமெரிக்கா மற்றும் இங்கிலாந்தில் வட்டி விகிதங்களில் தலைகீழ் மாற்றம் இந்தியாவில் இருந்து மூலதன மறு ஒதுக்கீட்டைத் தடுக்க உதவும். இருப்பினும், மொத்த அந்நிய நேரடி முதலீட்டில் குறிப்பிடத்தக்க மந்தநிலை உள்ளது. இது முந்தைய நிதியாண்டுடன் ஒப்பிடும்போது நிதியாண்டு-2024-ல் $71.4 பில்லியனாக தேக்கமடைந்துள்ளது. ஆனால், நிதியாண்டு 2022 உடன் ஒப்பிடும்போது 15% குறைந்துள்ளது. ரிலையன்ஸ் இண்டஸ்ட்ரீஸ் ஒப்பந்தங்கள் காரணமாக அந்நிய நேரடி முதலீடு (FDI) அதிகரித்துள்ளது. நீங்கள் தரவைப் பார்க்கும்போது இதை நினைவில் கொள்ளுங்கள்: பணவீக்கத்தை எதிர்த்துப் போராடுவதற்காக உலகளாவிய மத்திய வங்கிகள் (Global central banks) வட்டி விகிதங்களை உயர்த்தியுள்ளன. இது பணவியல் கொள்கையை கடிமையாக்கியதால் மற்றும் கடந்த இரண்டு ஆண்டுகளில் பணப்புழக்கத்தை பாதிக்கலாம். மேலும், நிச்சயமற்றத் தன்மையை ஏற்படுத்தக்கூடிய பொதுத் தேர்தலில் என்ன நடக்கும் என்று வெளிநாட்டு முதலீட்டாளர்கள் காத்திருக்கலாம்.
ஆனால், இந்திய ரிசர்வ் வங்கி குறிப்பிடுவது போல, 2024-ல் பெரிய அளவில் அன்னிய நேரடி முதலீடுகள் (FDI) வரும் என்று எதிர்பார்க்கப்படும் முதல் பத்து நாடுகளில் இந்தியாவும் உள்ளது. இனி அடுத்து வரக்கூடிய அரசாங்கம் இந்த சாத்தியத்தை உணர்ந்து கொள்ள வேண்டும். ஏனென்றால், அரசாங்கத்தின் மூலதனச் செலவினங்களைக் குறைக்க அந்நிய நேரடி முதலீடுகள் தேவைப்படுகின்றன. இதை அடைவதற்கு, விதியை எளிமைப்படுத்துவதன் மூலமும், ஒப்புதல்களை விரைவுபடுத்துவதன் மூலமும் இந்தியாவில் எளிதாக வணிகம் செய்வதை கணிசமாக மேம்படுத்த வேண்டும்.