உலகளாவிய காலநிலை நடவடிக்கை அமைப்பில் உள்ள பிரச்சனைகள் மற்றும் நியாயமற்ற தன்மைகளைப் பொருளாதார ஆய்வு சுட்டிக்காட்டியுள்ளது. மேலும், வாழ்க்கை முறை மற்றும் நடத்தையில் மாற்றங்களை உள்ளடக்கிய மாற்று வழிகளைப் பரிந்துரைத்துள்ளது.
காலநிலை மாற்றத்தை எதிர்த்துப் போராடுவதற்கான சர்வதேச கட்டமைப்பு பயனற்றதாக உள்ளது என்பது, அவ்வமைப்பு நிர்ணயித்த இலக்குகள் எதுவும் இதுவரை எட்டப்படவில்லை என்பதிலிருந்து தெளிவாகிறது. இந்த அமைப்பு மிகவும் சமத்துவமற்றது என்பதும் அனைவரும் நன்கு அறியப்பட்டதாகும். இருப்பினும், மாற்று அணுகுமுறையை பரிந்துரைப்பது ஏற்றுக்கொள்ள முடியாததாகக் கருதப்படலாம்.
திங்கட்கிழமை சமர்ப்பிக்கப்பட்ட பொருளாதார ஆய்வறிக்கையானது, இந்த அணுகுமுறையை கவலைபடுத்தப்பட முடிவு செய்தது. காலநிலை மாற்றம் குறித்த அதன் இரண்டு அத்தியாயங்களாக, பெரும்பாலும் இந்த அமைப்பின் குறைபாடுகள் மற்றும் சமத்துவமின்மைகளில் கவனம் செலுத்துகின்றன. இந்தப் பிரச்சினைகளைத் தீர்க்க மாற்று வழிகளை இவர்கள் பரிந்துரைக்கின்றனர். மாற்று வழிகளில் வாழ்க்கை முறை மற்றும் நடத்தை மாற்றங்கள் அடங்கும். இந்த மாற்றங்கள் பசுமைஇல்ல வாயு (greenhouse gas) வெளியேற்றத்தைக் குறைப்பதை நோக்கமாகக் கொண்டுள்ளன.
1.5 அல்லது 2 டிகிரி செல்சியஸ் வெப்பநிலைக்கான இலக்கை அடைவதில் "அதிகமான அக்கறை" (excessive preoccupation) இருப்பதாகக் கணக்கெடுப்பு குறிப்பிட்டது. மேலும், இந்த சூழ்நிலையால் வளரும் நாடுகளுக்கு சாத்தியமற்ற அழுத்தத்தை ஏற்படுத்தியது. இதனால், இவர்கள் தயாராக இல்லாத செயல்பாடுகளை செய்ய இவர்களைக் கட்டாயப்படுத்துகிறது. மேலும், இது அவர்களின் மக்களின் வாழ்க்கையை மேம்படுத்துவதற்கான உடனடித் தேவையிலிருந்து அவர்களின் கவனத்தையும் வளங்களையும் திசைதிருப்பியது.
பொருளாதார ஆய்வு ஒரு சுவாரஸ்யமான யோசனையைப் பரிந்துரைத்தது. வெப்பமான உலகம் சில வழிகளில் சிறப்பாக இருக்கும் என்று அது கூறியது. இந்த உலகம் இன்னும் நியாயமானதாகவும், நெகிழ்ச்சியுடனும் இருக்கலாம். மேலும், எந்த வகையிலாவது வெப்பநிலை உயர்வை 1.5 டிகிரிக்கு கீழே வைத்திருக்க முயற்சிப்பதை விட இது சிறந்ததாக இருக்கும்.
காலநிலை மாற்றத்தை, பொருளாதார ஆய்வறிக்கையானது ஒப்புக் கொண்டுள்ளது. மேலும், காலநிலை தழுவலுக்கான வாதங்கள் புதியவை அல்ல. மேலும், வளரும் நாடுகளில் ஏற்கனவே பரந்த அதிர்வுகளைக் கொண்டுள்ளன. பொதுவாக, இந்தக் கருத்துக்கள் மறைக்கப்படுவதற்கு முன் முறைசாரா குழுக்களில் வெளிப்படுத்தப்படும். இவை, அரசாங்கத்தின் கொள்கை ஆவணத்தில் அல்ல. பொருளாதார ஆய்வு ஒரு கல்வி கொள்கைக்கான வாதத்தை முன்வைக்கிறதா அல்லது இந்தியாவின் ஆற்றல் மாற்றப் பாதையில் சாத்தியமான மாற்றத்தை தெரியப்படுத்தச் செய்ததா என்பது தெளிவாகத் தெரியவில்லை.
மீள்தன்மை அதிகரிக்கும் (Increasing resilience)
பொருளாதார ஆய்வறிக்கையானது, காலநிலை தணிப்பைப் போலவே தழுவலும் முக்கியமானதாக இருக்க வேண்டும் என்று வாதிடுகிறது. காலநிலை மாற்றத்தின் விளைவுகள் ஏற்கனவே நடந்து கொண்டிருப்பதே இதற்கு முக்கிய காரணமாகும். இதில், எடுக்கப்பட்ட நடவடிக்கைகள் எதுவாக இருந்தாலும், உலகம் விரைவில் 1.5 டிகிரி இலக்கை தாண்டும் என்பதும் தெளிவாகிறது. இந்த சூழ்நிலையில், வருமானத்தில் விரைவான முன்னேற்றம் மற்றும் மக்களின் ஒட்டுமொத்த நல்வாழ்வுக்காக, காலநிலை மாற்றத்திற்கு எதிரான சிறந்த காப்பீடு ஆகும்.
வெப்பநிலை அதிகரிப்புடன் காலநிலை தாக்கங்களின் அதிர்வெண் மற்றும் தீவிரம் அதிகரிக்கும் என்று விஞ்ஞான ரீதியாக ஒருமித்த கருத்து இருந்தாலும், 1.5 அல்லது 2 டிகிரி செல்சியஸ் வரம்புகள் தன்னிச்சையாக தேர்ந்தெடுக்கப்படுகின்றன. அவை, காலநிலை மாற்றத்திற்கான இயற்கையான வரம்புகள் அல்ல. இந்த வரம்புகளைத் தாண்டிய பின்னரே தொடங்கும் காலநிலை பாதிப்புகள் எதுவும் இல்லை. அந்த வரம்புகளை அடைவதற்கு முன்பே இந்த பாதிப்புகளும் ஏற்படலாம்.
காலநிலை மாற்றம் சில வருடங்களில் உலகை அழித்துவிடும் என்று நம்பாதவர்களுக்கு, வளரும் நாடுகளின் வாதம் அர்த்தமுள்ளதாக இருக்கிறது. காலநிலை தாக்கங்களை நிறுத்த முடியாது என்பதால், உலகம் விரைவான வளர்ச்சி மற்றும் மீள்தன்மையை அதிகரிக்க மிகப்பெரிய ஆபத்தில் இருக்கும் சமூகங்கள் மத்தியில், காலநிலை தழுவல் ஆகியவற்றில் கவனம் செலுத்த வேண்டும்.
எதிர்-வாதம் (counter-argument) : இந்த அதிக வெப்பநிலையில், காலநிலை தாக்கங்கள் மிகவும் கடுமையானதாக மாறும். இதன் பொருள் மீள்திறனில் சிறிய மேம்பாடுகள் உதவ போதுமானதாக இருக்காது.
உண்மையில், இரு தரப்பிலும் நிச்சயமற்ற தன்மைகள் உள்ளன. இந்தச் சூழலில்தான், வளரும் நாடுகள் காலநிலைத் தழுவலில் கவனம் செலுத்தும் அதே வேளையில், வளரும் மற்றும் வளர்ந்த நாடுகள் காலநிலை தணிப்புப் பணிகளைச் செய்ய வேண்டும் என்று சில சமயங்களில் முன்மொழியப்படுகிறது. ஆனால் இந்த யோசனையை செயல்படுத்துவது எளிதானது அல்ல.
சமத்துவமின்மை (Inequities) மற்றும் கபட நாடகம் (hypocrisy)
பொருளாதார ஆய்வு, வளர்ந்த நாடுகளின் கபட நாடகத்துடன் (hypocrisy) வளரும் நாடுகளின் கவனமின்மையையும் வெளிப்படுத்துகிறது. அமெரிக்கா மிகப் பெரிய வரலாற்றுப் பொறுப்பைக் கொண்டுள்ளது. ஆனால், கார்பன் உமிழ்வைக் குறைப்பதில் மிகப் பெரிய பின்னடைவைக் கொண்டுள்ளது. அதன் 2019-ல், 1990 ஐ விட 6% அதிகமாக கார்பன் உமிழ்வு இருந்தது. அவை, இப்போதும் சற்று குறைவாகவே உள்ளன. வளர்ந்த நாடுகள், ஒரு குழுவாக, தங்கள் கார்பன் உமிழ்வு குறைப்பு இலக்குகளை அடையவில்லை. வளரும் நாடுகளுக்கு நிதி அல்லது தொழில்நுட்பத்தை வழங்குவதற்கான தங்கள் உறுதிமொழிகளையும் அவர்கள் நிறைவேற்றவில்லை.
வளர்ந்த நாடுகளின் கவனமின்மை, மேம்பட்ட காலநிலை நடவடிக்கைக்கான அழைப்புகள் மூலம் உலகின் பிற பகுதிகளுக்கு அனுப்ப முற்படுகிறது. உண்மையில், சர்வதேச காலநிலை அமைப்பு எப்போதும் காலநிலை மாற்றத்தின் விளைவுகளிலிருந்து பூமியை காப்பாற்றுவது பற்றி கவனம் குறைவாகவும், தற்போதுள்ள உலக ஒழுங்கைப் பாதுகாப்பதில் அதிக கவனம் செலுத்துவதாகவும் உள்ளது. வளரும் மற்றும் தொழில்மயமான உலகின் மேலாதிக்கத்தை நிலைநிறுத்துவதற்கான வாகனமாக இது மாறியுள்ளது. இது, இவர்களுக்கு மிகவும் பொருத்தமான மாற்றங்களைக் கட்டாயமாக்குகிறது.
இது காலநிலையைப் பற்றியதாக இருந்தால், காலநிலை மாற்றத்தைச் சமாளிக்க மிகவும் சமமானதாகவும் பயனுள்ளதாகவும் இருந்த கியோட்டோ நெறிமுறையை (Kyoto Protocol) கைவிட வேண்டிய அவசியமில்லை. ஆனால், கியோட்டோ நெறிமுறை (Kyoto Protocol) காலநிலை மாற்றத்தை நிவர்த்தி செய்வதில் நியாயமானது மற்றும் மிகவும் பயனுள்ளதாக இருந்தது. இருப்பினும், கியோட்டோ நெறிமுறையை (Kyoto Protocol) அகற்றுவதற்கான செயல்முறை அது நடைமுறைக்கு வந்த உடனேயே தொடங்கியது. அது இறுதியில் பாரிஸ் ஒப்பந்தமாக (Paris Agreement) மாறியது.
காலநிலை மாற்றத்திற்கான அரசுகளுக்கிடையேயான குழு (Intergovernmental Panel on Climate Change (IPCC)) போன்ற அறிவியல் நிறுவனங்கள் வளர்ந்த நாடுகளின் கருத்துக்களை ஆதரித்தன. 1.5 டிகிரி இலக்கைத் தாண்டிவிடும் என்பதற்கான வளர்ந்து வரும் சான்றுகள் இருந்தபோதிலும், பெரும்பாலான அறிவியல் மதிப்பீடுகள் இன்னும் அதிக முயற்சியுடன் இலக்கை அடைய முடியும் என்று பரிந்துரைத்தன. இந்த காட்சிகள் கோட்பாட்டளவில் நம்பத்தகுந்ததாக இருக்கலாம், ஆனால் நாடுகளின் கடந்தகால செயல்பாட்டின் அடிப்படையில் அவை நம்பத்தகாதவை. ஆனால், அத்தகைய ஒவ்வொரு அறிக்கையையும் தொடர்ந்து அதிக நடவடிக்கைக்கான அழைப்புகளுக்கு வழிவகுக்கிறது. இதனால் வளரும் நாடுகள் மீது அழுத்தம் அதிகரித்துள்ளது.
டாடா சமூக அறிவியல் நிறுவனத்தின் (Tata Institute of Social Sciences) உதவிப் பேராசிரியரான தேஜல் கனிட்கர் மற்றும் அவரது சக பணியாளர்களின் சமீபத்திய ஆராய்ச்சி, காலநிலை சூழ்நிலைகளை வரைவதற்கு காலநிலை மாற்றத்திற்கான அரசுகளுக்கிடையேயான குழு பயன்படுத்தும் மாதிரிகளில் எவ்வாறு ஏற்றத்தாழ்வுகள் மற்றும் சார்புகள் கட்டமைக்கப்பட்டுள்ளன என்பதைக் காட்டுகிறது. சமீபத்திய காலநிலை மாற்றத்திற்கான அரசுகளுக்கிடையேயான குழுவின் மதிப்பீடு வளர்ந்த நாடுகளின் வரலாற்று அங்கீகாரம் மற்றும் வளரும் நாடுகளின் எதிர்கால ஆற்றல் தேவைகள் ஆகிய இரண்டையும் புறக்கணித்ததாக இவர்களின் ஆய்வுகள் காட்டுகின்றன.
மாற்று அணுகுமுறைகள்
காலநிலை மாற்றத்திற்கான தற்போதைய அணுகுமுறையை பொருளாதார ஆய்வு விமர்சித்துள்ளது. இந்த விமர்சனத்தைத் தொடர்ந்து பயனுள்ள நடவடிக்கை எடுக்க வேண்டும்.
இந்தியா அதன் உள்கட்டமைப்பைக் கட்டமைக்கும்போது, உலகில் மிகவும் காலநிலையை எதிர்க்கும் நாடுகளில் ஒன்றாக இந்தியா அதை உருவாக்க முடியும். ஆனால், இது காலநிலை மாற்றங்கள் விரைவாக அல்லது முடிந்தவரை மிகப்பெரிய அளவிலும் நடப்பதாகத் தெரியவில்லை. எடுத்துக்காட்டாக, நாடாளுமன்றக் கட்டிடம், சென்ட்ரல் விஸ்டா (Central Vista), மத்திய செயலக வளாகத்தில் உள்ள தற்போதைய கட்டிடங்களின் தொகுப்பை விட மிகப்பெரிய முன்னேற்றமாக இருக்கும். ஆனால், இது எதிர்கால கட்டிடத்திற்கான சிறந்த மாதிரியாக இருக்குமா என்பதைப் பார்க்க வேண்டும்.
ஒன்பது ஆண்டுகளுக்கு முன்பு தொடங்கப்பட்ட திறன்மிகு நகரங்கள் (Smart City) திட்டங்களில் காலநிலை சரிபார்ப்பின் பல கூறுகள் உள்ளன. ஆனால், இந்த நகரங்களில் பெரும்பாலானவை அவற்றின் கழிவுநீரை நிர்வகிப்பதில் இன்னும் போராடி வருகின்றன.
தற்போதுள்ள இரயில் நிலையங்களை விட கட்டப்படும் இரயில் நிலையங்கள் மிகவும் சிறப்பாக இருக்கும். ஆனால், அவை உலகின் மிகவும் காலநிலை சார்பு நிலையங்களாக (climate-friendly station) இருக்காது.
இந்தியா தனது காலநிலை மாற்ற உத்தியின் ஒரு பகுதியாக வாழ்க்கை முறை மற்றும் நடத்தை மாற்றங்களை மேம்படுத்துவதற்காக வாழ்வுக்கான திட்டத்தை (Mission Life) அறிமுகப்படுத்தியுள்ளது. இருப்பினும், அது இன்னும் பரவலான இயக்கமாக மாறவில்லை. வளர்ந்த நாடுகளின் அதிகப்படியான நுகர்வு வாழ்க்கை முறைகளை விமர்சிப்பது, இந்தியாவில் உள்ள செல்வந்தர்களும் இதேபோன்ற அதிகப்படியான நுகர்வுகளில் ஈடுபடும்போது குறைந்த பயன்பாட்டில் உள்ளது.