இந்தியா ஏன் “பதிவு அடிப்படையிலான” (‘register-based’) மற்றும் “ஆற்றல்மிக்க” (‘dynamic’) மக்கள்தொகை கணக்கெடுப்புகளை நடத்த வேண்டும் என்பதற்கு வலுவான காரணங்கள் உள்ளன.
ஊடக அறிக்கைகளின்படி, நீண்ட காலமாக தாமதப்படுத்தப்பட்ட மக்கள் தொகை கணக்கெடுப்பு, இந்தியாவில் விரைவில் தொடங்கும் என்று எதிர்பார்க்கப்படுகிறது. இந்த கணக்கெடுப்பை 18 மாதங்களில் முடிக்க திட்டமிடப்பட்டுள்ளது. இறுதி மக்கள் தொகை கணக்கெடுப்பு அறிக்கை 2026-ன் பிற்பகுதியில் அல்லது 2027-ல் கிடைக்கும். 2011-ஆம் ஆண்டில் எடுக்கப்பட்ட கடைசி மக்கள் தொகை கணக்கெடுப்புக்கு சுமார் 16 ஆண்டுகளுக்குப் பிறகு மக்கள் தொகை கணக்கெடுப்பு நடத்தப்படவிருக்கிறது. கோவிட்-19 தொற்றுநோய் தாமதத்திற்கு முக்கிய காரணமாக குறிப்பிடப்பட்டுள்ளது.
இதற்கிடையில், மக்கள் தொகையில் சீனாவை இந்தியா முந்தியுள்ளது என்று ஐக்கிய நாடுகள் சபையின் அறிக்கை கூறுகிறது. குறிப்பிடத்தக்க மக்கள்தொகை மாற்றங்களும் ஏற்பட்டுள்ளன. உதாரணமாக, தெற்கு டெல்லியில் உள்ள ஒரு வசதியான நகர்ப்புற ஹவுஸ் காஸ், 2011 மக்கள் தொகை கணக்கெடுப்பில் ஓரளவு கிராமப்புறமாக வகைப்படுத்தப்பட்டது.
இந்தியா நீண்ட காலமாக சரியான தரவு இல்லாமல் செயல்பட்டு வருவதாக பலர் கவலை தெரிவிக்கின்றனர். பத்து ஆண்டுகளுக்கு ஒருமுறை மக்கள் தொகை கணக்கெடுப்பு நடத்தினாலும், நிஜ வாழ்க்கைக்கும் தரவுகளுக்கும் இடையே பெரிய வித்தியாசம் இருக்கும். 10 வருட காலம் முடிவுக்கு வரும்போது நிஜ வாழ்க்கைக்கும் தரவுகளுக்கும் இடையிலான இடைவெளி மிகவும் தெளிவாகிறது.
பத்தாண்டுகளுக்கு ஒருமுறை மக்கள்தொகை கணக்கெடுப்பு நடத்துவது சவாலானது மற்றும் மிகவும் விலையுயர்ந்த பணியாகும். மக்கள் தொகை கணக்கெடுப்பு பயிற்சிகளை அடிக்கடி நடத்துவது மிகவும் பயனுள்ளதாக இருக்கும். இது நடந்தால், கண்டுபிடிப்புகளின் அடிப்படையில் பல கொள்கைகளை சரி செய்ய முடியும். பொருளாதாரம், சமூகம் மற்றும் ஆரோக்கியம் தொடர்பான ஆய்வுகளும் விரைவாக புதுப்பிக்கப்படலாம்.
தொடர ஒரு யோசனை
கடந்த சில ஆண்டுகளாக, எழுத்தாளர் "பதிவு அடிப்படையிலான" (‘register-based’) மற்றும் "ஆற்றல்மிக்க" கணக்கெடுப்புகளை ஆதரித்து வருகிறார். இந்த வகையான மக்கள் தொகை கணக்கெடுப்புகள் தேவைப்படும் போதெல்லாம் புதுப்பித்த தரவை வழங்கும். ஒரு "மாறும்" கணக்கெடுப்பில், தரவுத்தளம் நிகழ்நேரத்தில் தொடர்ந்து புதுப்பிக்கப்படும்.
சில ஆண்டுகளுக்கு முன்பு, ஒரு குழந்தையின் பிறந்த தேதியுடன் மக்கள் தொகை கணக்கெடுப்பு பதிவேட்டை தானாக புதுப்பிக்கும் மென்பொருளை இந்தியா உருவாக்கி வருவதாக கூறப்பட்டது. குழந்தைக்கு 18 வயது ஆனதும், அவர்கள் வாக்காளர் பட்டியலில் சேர்க்கப்படுவார்கள். அவர்கள் இறந்துவிட்டால் பட்டியலில் இருந்து அவர்களின் பெயர் நீக்கப்படுவார்கள்
உலகளாவிய போக்குகள் (Global trends)
“ஆற்றல் மிக்க” (‘dynamic’) தரவுத்தளத்தை உருவாக்குவது முக்கியமான முன்னேற்றமாக இருக்கலாம்.
இருப்பினும், இந்தியாவின் அடுத்த மக்கள் தொகை கணக்கெடுப்பு, நாட்டின் முதல் "டிஜிட்டல் கணக்கெடுப்பாக" (‘digital census’) இருக்கும். இது மக்கள்தொகையின் முழுமையான எண்ணிக்கையை வெளிக் கொண்டு வரும்.
இதற்கிடையில், பல நாடுகள் பதிவு அடிப்படையிலான (‘register-based’) மக்கள் தொகை கணக்கெடுப்பை நோக்கி நகர்ந்து வருகின்றன. மறுபுறம், ஆஸ்திரியா, பஹ்ரைன், டென்மார்க், பின்லாந்து, ஜெர்மனி, கிரீன்லாந்து, நெதர்லாந்து, சிங்கப்பூர், ஸ்வீடன் மற்றும் சுவிட்சர்லாந்து உள்ளிட்ட பல நாடுகள் தற்போது பதிவு அடிப்படையிலான மக்கள் தொகை கணக்கெடுப்புகளை நோக்கி நகர்கின்றன, பதிவு அடிப்படையிலான மக்கள் தொகை கணக்கெடுப்புகள் பெரும்பாலும் அரசாங்க ஆதாரங்களிலிருந்து பயனுள்ள புள்ளிவிவரங்களை சேகரிக்கின்றன. இந்த ஆதாரங்களில் மக்கள் தொகை பதிவுகள், வரி பதிவுகள், வேலைவாய்ப்பு, பள்ளிகள், மருத்துவமனைகள் மற்றும் நகராட்சிகளின் தரவையும் பயன்படுத்துகிறது.
சுவிட்சர்லாந்தில் 5%-10% மக்கள்தொகையுடன் நடத்தப்பட்ட சில நன்கு திட்டமிடப்பட்ட சிறிய அளவிலான மாதிரி ஆய்வுகள் மூலம் இவை பூர்த்தி செய்யப்படலாம். அமெரிக்காவும் இங்கிலாந்தும் கூட பதிவு அடிப்படையிலான மக்கள் தொகை கணக்கெடுப்பை நோக்கி நகர்ந்து வருகின்றன. இந்த அணுகுமுறை செலவு குறைந்ததாகும். உதாரணமாக, ஆஸ்திரியாவின் 2001 மக்கள் தொகை கணக்கெடுப்புக்கு €72 மில்லியன் செலவானது. இருப்பினும், 2011-ஆம் ஆண்டில் ஆஸ்திரியா பதிவு அடிப்படையிலான மக்கள் தொகை கணக்கெடுப்புக்கு மாறியபோது, செலவு €10 மில்லியனாகக் குறைந்தது.
2014-ஆம் ஆண்டில், யுனைடெட் கிங்டம் (U.K.) அரசாங்கம் 2021-க்குப் பிறகு, அடிக்கடி மற்றும் சரியான நேரத்தில் நிர்வாகத் தரவுகளின் புள்ளிவிவரங்கள் 10-ஆண்டு மக்கள் தொகை கணக்கெடுப்பை மாற்றும் என்று அறிவித்தது. பாரம்பரிய கேள்வித்தாள் அடிப்படையிலான முறையைப் பயன்படுத்துவதற்குப் பதிலாக, இங்கிலாந்து மக்களின் அன்றாட நடவடிக்கைகளிலிருந்து தரவை சேகரிக்கும்.
அந்த நேரத்தில், ராயல் புள்ளிவிவர சங்கத்தின் நிர்வாக இயக்குனர், இங்கிலாந்து அரசாங்கம் "சரியான அழைப்பை எடுத்துள்ளது" என்று கூறினார். இது “ஆற்றல்மிக்க பதிவு அடிப்படையிலான கணக்கெடுப்பு" (‘register-based dynamic’) என்று அழைக்கப்படுகிறது. மக்களின் வாழ்க்கையில் ஒவ்வொரு முக்கியமான சமூக, பொருளாதார மற்றும் மக்கள்தொகை நிகழ்வும் மக்கள் தொகை கணக்கெடுப்பு தரவுத்தளத்தில் தொடர்ந்து சேர்க்கப்படுகிறது என்பதே இதன் பொருள்.
சமீபத்தில், இங்கிலாந்தின் தேசிய புள்ளிவிவர அலுவலகம் (National Statistics in the U.K.) அதன் அதிகாரப்பூர்வ புள்ளிவிவரங்களை உருவாக்க கூடுதல் தரவுகளை சேகரிக்கத் தொடங்கியது. இந்த தரவு தனியார் நிறுவனங்களிடமிருந்து வருகிறது. எடுத்துக்காட்டாக, அவர்கள் பல்பொருள் அங்காடி ஸ்கேனர்களிலிருந்து தரவையும், ஆட்டோ டிரேடர் மற்றும் ரயில் விநியோகக் குழுக்களிடமிருந்து கார்கள் மற்றும் ரயில்கள் பற்றிய தகவல்களையும் சேகரிக்கிறார்கள்.
குறிப்பாக, இங்கிலாந்தைப் போல் இல்லாமல், இந்தியாவில் ஏற்கனவே ஆதார் மைய தரவுத்தளம் உள்ளது. சில ஆண்டுகளுக்கு முன்பு, இந்தியாவின் உள்துறை அமைச்சர் வாக்காளர் அட்டை, ஆதார் அட்டை மற்றும் பிற தரவுத்தளங்களை மக்கள் தொகை கணக்கெடுப்பு தரவுத்தளத்தில் ஒன்றிணைக்கும் திட்டத்தை உருவாக்குமாறு அதிகாரிகளிடம் கேட்டதாக கூறப்படுகிறது. இது பல்வேறு தரவுத்தளங்களை ஒருங்கிணைக்கும் முயற்சியின் ஒரு பகுதியாகும்.
பல பதிவேடுகளை இணைப்பது எளிதல்ல. இந்தியாவில், ஆதார், வாக்காளர் நிரந்தர கணக்கு எண், வங்கி கணக்குகள் மற்றும் மொபைல் எண்கள் போன்ற தரவுத்தளங்களை இணைப்பது பொதுவானதாகிவிட்டது. இருப்பினும், இந்த பல்வேறு வகையான "பதிவேடுகளை" சரியாக இணைப்பது ஒரு ஜிக்சா புதிரை (jigsaw puzzle) தீர்ப்பது போன்ற ஒரு பெரிய பணியாகும். இந்த சவால் இருந்தபோதிலும், அதைச் செய்ய இந்தியாவுக்கு போதுமான நிபுணத்துவம் இருப்பதாக நான் நம்புகிறேன். மேலும், கிடைக்கக்கூடிய பல்வேறு பதிவேடுகளின் தரவைப் பயன்படுத்துவதன் மூலம், ஆயிரக்கணக்கான கோடி ரூபாயை சேமிக்க முடியும்.
பொருளாதார நடவடிக்கைகள், கல்வி, எழுத்தறிவு, வீட்டுவசதி, நகரமயமாக்கல், இடம்பெயர்வு, இறப்பு, கருவுறுதல், மதம், மொழி மற்றும் பிற சமூக-பொருளாதார, கலாச்சார மற்றும் மக்கள்தொகை விவரங்கள் குறித்த மதிப்புமிக்க தரவுகளை மக்கள் தொகை கணக்கெடுப்பு கொண்டுள்ளது. திட்டமிடப்பட்ட முறை இந்தத் தரவின் பெரும்பகுதியை உண்மையான நேரத்தில் புதுப்பிக்குமா என்பது நிச்சயமற்றது. ஏதேனும் தரவு காணவில்லை என்றால், சிறிய அளவிலான ஆய்வுகள் மூலம் அதை தொடர்ந்து புதுப்பிக்கலாம்.
ஒட்டுமொத்தமாக, இந்த அணுகுமுறை எதிர்காலத்தில் தொடர்ச்சியான மற்றும் ஆற்றல்மிக்க மக்கள்தொகை கணக்கெடுப்புகளுக்கு வழிவகுக்கும். இந்த கணக்கெடுப்பு நடத்தப்பட்டு விட்டால் டிஜிட்டல் இந்தியாவிற்கு இது ஒரு பெரிய சாதனையாக இருக்கலாம். வரவிருக்கும் மக்கள் தொகை கணக்கெடுப்பு இந்தியாவின் கடைசி முழுமையான கணக்கீடு அடிப்படையிலான மக்கள் தொகை கணக்கெடுப்பாக இருக்கலாம்.
அதானு பிஸ்வாஸ், கொல்கத்தாவில் உள்ள இந்திய புள்ளியியல் நிறுவனத்தில் (indian Statistical Institute) புள்ளியியல் பேராசிரியர்