முக்கிய அம்சங்கள்:
நிக்கோபார் தீவுகளில் கார் நிக்கோபார், கிரேட் நிக்கோபார் உள்ளிட்ட ஏழு பெரிய தீவுகளும், பவளப்பாறைகள் மற்றும் மணற்பாங்கான கடற்கரைகளைக் கொண்ட லிட்டில் நிக்கோபார், நான்கோவரி, தெரசா போன்ற சில தீவுகளும் உள்ளன.
தெற்காசியாவில் ஆஸ்திரோஆசியாடிக் மக்களின் (தென்கிழக்கு ஆசியா மற்றும் பசிபிக் பகுதிகளில் பொதுவாக பேசப்படும் மொழிகள்) பரவல் சுமார் 4,500 - 5,000 ஆண்டுகளுக்கு முன்பு தொடங்கியது என்றும், அவர்களின் இடம்பெயர்வு பல விவசாய நடைமுறைகள், தாவரங்கள் பற்றிய அறிவு மற்றும் விலங்குகள் பற்றிய அறிவு ஆகியவற்றைப் பரப்பியது என்றும் முந்தைய ஆய்வுகள் கூறியிருந்தாலும், இந்த பழங்குடியினரின் விரிவான மரபணு பகுப்பாய்வுகள் நடத்தப்படுவது இதுவே முதல் முறையாகும்.
இந்த பழங்குடியினத்தைச் சேர்ந்த 1,559 பேரின் மரபணு பகுப்பாய்வு, தாய்லாந்து-லாவோஸின் நான் (Nan) மாகாணத்தில் வாழும் ஆஸ்ட்ரோஆசியாடிக் மொழி பேசும் Htin Mal சமூகங்களுடன் நிக்கோபாரீஸ் மக்களின் மரபணுவுடன் ஒத்திருந்தது.
"நிக்கோபாரியர்கள் தென்கிழக்கு ஆசியர்களுடன் மரபணு வம்சாவளியைக் கொண்டுள்ளனர். விரிவான மரபணு ஆதாரம் எங்களிடம் இருப்பது இதுவே முதல் முறை" என்று ஆய்வின் முன்னணி எழுத்தாளரும் பனாரஸ் இந்து பல்கலைக்கழகத்தின் மானுடவியலாளருமான ஞானேஷ்வர் சவுபே கூறினார்.
"நிக்கோபாரியர்கள் சுமார் 4,500 - 5,000 ஆண்டுகளுக்கு முன்பு நிக்கோபார் தீவுகளுக்கு குடிபெயர்ந்தனர். சுவாரஸ்யமாக, ஆண்களும் பெண்களும் தீவுகளுக்கு குடிபெயர்ந்தனர்" என்று சௌபே கூறினார்.
இந்த பண்டைய பழங்குடியினரை குறிப்பிடத்தக்கதாக்குவது என்னவென்றால், அவர்கள் இதுவரை, கலப்பு இல்லாமல் உயிர் வாழ்ந்துள்ளனர். இதன் மூலம் ஆயிரக்கணக்கான ஆண்டுகளாக தங்கள் மரபணு தோற்றம், மொழி மற்றும் குறிப்பிடத்தக்க இன தனித்துவத்தை பராமரிக்க முடிந்தது.
டி.என்.ஏவில் சில பகுதிகள் வேகமாக மாற்றமடைந்து மாறுபாடுகளைக் காட்டுகின்றன. அதேசமயம் திடீர்மாற்றத்தின் போது வேறு சில பகுதிகள் நிலைத்து ஆயிரக்கணக்கான ஆண்டுகள் கூட மாறாமல் இருக்கும். பிந்தைய வகையான மரபணு குறிப்பான்கள் மற்றும் மேம்பட்ட தொழில்நுட்பம் இந்த ஆய்வில் மரபணு கடந்த காலத்தை தெரிந்துகொள்ள ஆராய்ச்சியாளர்களுக்கு உதவியது.
உங்களுக்கு தெரியுமா?:
கற்காலக் காலத்திலிருந்து மேற்கொள்ளப்பட்ட எண்ணற்ற பரிணாம ஆய்வுகள் மற்றும் ஆவணங்களில், மனிதர்கள் வேட்டையாடி உணவு சேகரிப்பவர்களாக இருந்து உணவு சாகுபடி, விவசாயம் மற்றும் விலங்கு வளர்ப்பு ஆகியவற்றைக் கடைப்பிடிக்கும் குடியிருப்புகளில் வாழ்பவர்களாக மாறியதாக நம்பப்படுகிறது. ஆனால், நிக்கோபாரீஸ் பழங்குடியினர் வேறுபட்ட பரிணாம வரலாற்றைக் கொண்டிருந்தனர். குறிப்பாக, அவர்கள் வாழ்ந்த விதத்தில் வேறுபட்ட பாதையை பின்பற்றியதாக ஆராய்ச்சியாளர்கள் நம்புகின்றனர்.
நிக்கோபாரிய மக்களுக்கும் அவர்களின் வாழ்வாதார நடைமுறைகளுக்கும் 5,000 ஆண்டுகளுக்கு முன்பிருந்தே தொடர்புகள் உள்ளன என்று அவர்கள் கூறினர். அப்போது, தென்கிழக்கு ஆசிய சமூகம் விவசாயம் மற்றும் விவசாயத்தில் விரிவாக ஈடுபட்டிருந்தது. உணவு ஏராளமாகக் கிடைத்ததால், இந்த சமூகங்கள் செழித்து வளர்ந்தன மற்றும் அவற்றின் மக்கள் தொகையும் வளர்ச்சியடைந்தது. இறுதியில், சில உறுப்பினர்கள் தங்கள் விவசாயத்தை விரிவுபடுத்த புதிய பகுதிகளுக்கு செல்ல வேண்டியிருந்தது. இந்தப் புதிய பகுதிகளில் ஒன்று நிக்கோபார் தீவுகள்.