உலகளாவிய விநியோகச் சங்கிலியில் இந்தியாவை ஒருங்கிணைப்பதற்கு ஏதுவாக, உலகளாவிய தரத்திற்கு ஏற்றவாறு கட்டணங்களைக் குறைக்கின்றன. இருப்பினும் கட்டணங்களை உயர்த்துவதற்கான அழுத்தம் தொடர்கிறது. இந்தியாவின் தொழில் வளர்ச்சி ஏன் போதுமான போட்டித்தன்மையுடன் இல்லை என்பது குறித்த விசாரணை அவசியம் என்று தொழில் மற்றும் உள்நாட்டு வர்த்தக மேம்பாட்டுத் துறை (டிபிஐஐடி) செயலாளர் அமர்தீப் சிங் பாட்டியா புதன்கிழமை தெரிவித்தார்.
பெரிய எஃகு உற்பத்தியாளர்கள், எஃகு கட்டணங்களை கடுமையாக உயர்த்த அரசாங்கத்திற்கு அழுத்தம் கொடுத்து வரும் நிலையில் பாட்டியாவின் இந்த அறிக்கை வந்துள்ளது. இந்தியா சுதந்திர வர்த்தக ஒப்பந்தங்களில் ( free trade agreements (FTAs)) கையெழுத்திட்டுள்ள நாடுகளிலிருந்து எஃகு இறக்குமதி விரைவாக அதிகரித்துள்ளதை மேற்கோள் காட்டி, எஃகு இறக்குமதி கட்டணங்களை 25% வரை உயர்த்துமாறு எஃகு அமைச்சகம் வர்த்தக மற்றும் தொழில்துறை அமைச்சகத்திடம் கேட்டுக் கொண்டுள்ளது.
குறு, சிறு மற்றும் நடுத்தர நிறுவனங்கள் (MSMEs) இத்தகைய நடவடிக்கை கீழ்நிலைத் துறையை பாதிக்கும் என்றும், எஃகு விலை உயர்வு காரணமாக வணிகத்திலிருந்து வெளியேற வேண்டிய கட்டாயத்தில் இருக்கும் என்றும் எச்சரித்துள்ளன. குறிப்பிடத்தக்க வகையில், இறக்குமதி செய்யப்பட்ட எஃகு, உள்நாட்டு எஃகை விட மிகவும் மலிவானது. இது போட்டித்தன்மை குறித்த கவலைகளைத் தூண்டுகிறது. தொழில் மற்றும் உள்நாட்டு வர்த்தகத்தை மேம்படுத்துவதற்கான துறையானது (DPIIT), ஸ்டார்ட்அப் இந்தியா ( Startup India ) திட்டத்தின் கீழ் வணிகங்களை அங்கீகரிக்கும் பொறுப்பில் உள்ளது.
இந்திய எஃகு உற்பத்தியாளர்கள் வெளிநாட்டு சந்தைகளில் பல தடைகளை எதிர்கொள்கின்றனர். இதன் விளைவாக ஏற்றுமதியில் வியத்தகு வீழ்ச்சி மற்றும் இந்தியாவில் எஃகு இறக்குமதியில் பெரும் அதிகரிப்பு ஏற்பட்டுள்ளது. நடப்பு நிதியாண்டின் முதல் பாதியில் இந்தியாவுக்கு எஃகு இறக்குமதி கிட்டத்தட்ட 41% அதிகரித்துள்ளது. அதே நேரத்தில் ஏற்றுமதி 36% குறைந்துள்ளது என்று அரசாங்க புள்ளிவிவரங்கள் தெரிவிக்கின்றன.
புதுமை மையங்களை பரவலாக்க 2ம் நிலை மற்றும் 3ம் நிலை நகரங்களில் தொடக்க நிறுவனங்களை ஊக்குவிப்பதற்கு இந்திய அரசு முன்னுரிமை அளித்துள்ளது.
2ம் நிலை மற்றும் 3ம் நிலை நகரங்களில் உள்ள அனைத்து ஸ்டார்ட்அப்களும் ஸ்டார்ட்அப் இந்தியா திட்டத்தின் கீழ் வரி விலக்குகளைப் பெற முடியாது.