அதிக நிதி ஒதுக்குவதால் மட்டும் அறிவியல் ஆராய்ச்சியை மேம்படுத்த முடியாது.
2025-26 ஆம் தாக்கல் செய்யப்பட்ட வரவு செலவு அறிக்கை அறிவியல் நன்மைகளை அளிக்கக்கூடும். 2033 ஆம் ஆண்டுக்குள் ஐந்து அணு உலைகளை உருவாக்குவதை செய்வதை நோக்கமாகக் கொண்டு, சிறிய மட்டு அணு உலைகளை (small modular reactors) உருவாக்க ₹20,000 கோடியை ஒதுக்குவதாக நிதியமைச்சர் அறிவித்தார். மற்றொரு முக்கிய திட்டம் அறிவியல் மற்றும் தொழில்நுட்பத் துறையின் கீழ் ஆராய்ச்சி, மேம்பாடு மற்றும் புதுமை நிதி (Research, Development, and Innovation fund) ஆகும். இந்த நிதி தொடக்க நிறுவனங்கள் மற்றும் புதிய தொழில்களுக்கு உதவும் என்று எதிர்பார்க்கப்படுகிறது.
இருப்பினும், குறிப்பிட்ட துறைகள் இன்னும் பெயரிடப்படவில்லை. தனியார் நிறுவனங்கள் ஆராய்ச்சி மற்றும் மேம்பாட்டிற்கான நிதி உதவியைப் பெறும். பெரும்பாலும் இந்த நிறுவனங்களுக்கு அரசாங்கத்தால் நிதியளிக்கப்படுகிறது. இந்தியாவின் ஆராய்ச்சி மற்றும் மேம்பாட்டுத் துறையில் தனியார் முதலீடு குறைவாகவே உள்ளது. பெரும்பாலான அறிவியல் முன்னேற்றங்களுக்கு அரசாங்கம் நிதியளித்துள்ளது. ஆனால், தனியார் செலவினம் குறைவாகவே உள்ளது. தற்போது, தனியார் நிறுவனங்கள் ஆராய்ச்சி மற்றும் மேம்பாட்டுக்கு 36% மட்டுமே பங்களிக்கின்றன. 2020-ஆம் ஆண்டில், மொத்த ஆராய்ச்சி மற்றும் மேம்பாட்டுச் செலவு மொத்த உள்நாட்டு உற்பத்தியில் 0.64% மட்டுமே இருந்தது. இது 1995-ஆம் ஆண்டுக்குப் பிறகு மிகவும் குறைவான பங்களிப்பாகும். கடந்த ஐந்து ஆண்டுகளில், வணிக நிறுவனங்கள் அரசாங்க ஆராய்ச்சி மற்றும் மேம்பாட்டு செலவினங்களில் 40% பங்களித்துள்ளன. பொதுத்துறை ஆராய்ச்சி மற்றும் மேம்பாட்டு அலகுகள் தங்கள் விற்பனை வருவாயில் 0.30% மட்டுமே ஆராய்ச்சிக்கு ஒதுக்கியுள்ளன. இது 2020-21-ஆம் ஆண்டில் தனியார் துறையால் 1.46% ஆக இருந்தது என்று டிஜிட்டல் சேவை வரி (Digital service taxes (DSTs)) மதிப்பீடுகள் தெரிவிக்கின்றன.
அரசாங்கத்தின் ₹20,000 கோடி நிதியானது, டிஜிட்டல் சேவை வரியின் மொத்த வரவு செலவு அறிக்கையை ₹28,000 கோடியாக உயர்த்தியுள்ளது. இது கடந்த ஆண்டு ஒதுக்கீட்டை விட மூன்று மடங்கு அதிகமாகும். மேலும், 2023-24 ஆம் ஆண்டில் செலவினத்தை விட ஏழு மடங்கு அதிகமாகும். இது ஒரு நேர்மறையான படியாக இருந்தாலும், இவ்வளவு பெரிய முதலீட்டை சரியாக பயன்படுத்த முடியுமா? என்பதுதான் முக்கிய கவலையாக எழுந்துள்ளது. எரிபொருள், உலோகவியல், மருந்துகள், ஜவுளி, தகவல் தொழில்நுட்பம் மற்றும் உயிரி தொழில்நுட்பம் போன்ற வலுவான தொழில்நுட்பத் துறைகளை இந்தியா கொண்டுள்ளது.
இருப்பினும், முக்கிய ஆராய்ச்சி மற்றும் மேம்பாடு மற்றும் அறிவுசார் சொத்து உருவாக்கம் இன்னும் பலவீனமாகவே உள்ளது. குவாண்டம் கம்ப்யூட்டிங், AI மற்றும் பிற மேம்பட்ட தொழில்நுட்பங்களில் அரசாங்கம் பெரிய திட்டங்களைத் தொடங்கியுள்ளது. இருப்பினும், தேவையான உள்கட்டமைப்பு இன்னும் பலவீனமாக உள்ளது. இந்தியாவில் சிப்தொகுதிகள், குறைக்கடத்தி தொழிற்சாலைகள் (semiconductor fabs), திறமையான பொறியாளர்கள் மற்றும் வலுவான கண்டுபிடிப்பு அமைப்பு போன்ற முக்கிய வளங்கள் எதிர்பார்த்த அளவு இல்லை. இவை இல்லாமல், ஆராய்ச்சி மற்றும் மேம்பாட்டு வளர்ச்சி இலக்குகளை அடைய முடியாது. தனியார் நிறுவனங்கள் இந்த நிதியை எவ்வாறு பயன்படுத்தலாம் பொதுமக்களுக்கு இதன் மூலம் என்னென்ன நன்மைகள் கிடைக்கும் என்பதை அரசாங்கம் விளக்க வேண்டும்.
நிதியை அதிகரிப்பது மட்டும் போதுமானதாக இருக்காது. தற்போதுள்ள, சவால்களை அரசாங்கம் சரி செய்ய வேண்டும். இந்தியாவை ஆராய்ச்சியில் முன்னணி நாடக மாற்ற, வலுவான உட்கட்டமைப்பை உருவாக்குதல், தனியார் கண்டுபிடிப்புகளை ஊக்குவித்தல் மற்றும் நீண்டகால தொழில்துறை ஆதரவை உறுதி செய்தல் ஆகியவற்றில் அரசாங்கம் கவனம் செலுத்த வேண்டும்.