சட்டவிரோத ஆலைகளுக்கு (units) அதிக அபராதம் விதிக்கச் செய்வது, ஒரு வரையறுக்கப்பட்ட சிறிய விளைவை மட்டுமே ஏற்படுத்தக்கூடும்.
கடந்த வாரம், இந்திய உச்ச நீதிமன்றம் மத்திய சுற்றுச்சூழல் அமைச்சகத்தின் இரண்டு அறிவிப்புகளை "சட்டவிரோதமானது" (illegal) என்று நிராகரித்தது. இது தொழில்துறை ஆலைகளை (industrial units) அமைக்க, அதன் செயல்பாடுகளை விரிவுபடுத்த அல்லது அவற்றின் உற்பத்திக்கான நடைமுறைகளை மாற்றுவதற்கு அனுமதி அளித்தது. 2006-ன் சுற்றுச்சூழல் தாக்க மதிப்பீட்டின் (அறிவிப்பு) அடிப்படையில் முக்கியமான ‘முன் அனுமதி’ (‘prior approval’) பெறுவது ஒரு கொள்கையாகும். முதலில், மத்திய சுற்றுச்சூழல் அமைச்சகம் இந்த முக்கியமான விதியைப் புறக்கணிப்பது போல் தோன்றியது. இருப்பினும், அவர்களின் செயல்கள் சரியானதாக இல்லாவிட்டாலும், அதற்கு சில காரணங்கள் இருந்தன. மார்ச் 2017இல், சுற்றுச்சூழல் அனுமதிகள் இல்லாத தொழில்களுக்கு "ஒரு முறை" (one-time) அதாவது ஆறு மாத வாய்ப்பு வழங்கும் அறிவிப்பை அமைச்சகம் வெளியிட்டது. பின்னர் 2021 ஆம் ஆண்டில், அமைச்சகம் ஒரு 'நிலையான இயக்க நடைமுறையை' (standard operating procedure) உருவாக்கியது. இதில் சட்டத்தை மீறும் திட்டங்கள், முந்தைய ஆறு மாத காலக்கெடுவைத் தவறவிட்டாலும் பெரிய அபராதங்களைச் செலுத்துவதன் மூலம் சட்டப்பூர்வமாக்க அனுமதிக்கும் ஒரு புதிய விதி இயற்றப்பட்டது.
இந்தப் பெரிய மாற்றங்கள் அனைத்தும் நிர்வாக உத்தரவுகள் மூலம் செய்யப்பட்டன. எனினும் சுற்றுச்சூழல் பாதுகாப்புச் சட்டத்தை (Environment Protection Act (EIA)), 2006 நாடாளுமன்ற மூலம் மாற்ற அமைச்சகம் முயற்சிக்கவில்லை.
ஒன்றியம் அதன் நிலைப்பாட்டிற்கு மூன்று முக்கிய காரணங்களை வழங்கியுள்ளது. அவை, முதலாவதாக, ஐக்கிய முற்போக்குக் கூட்டணி (UPA) அரசாங்கத்தின் கீழ் 2012 மற்றும் 2013ஆம் ஆண்டுகளில் தொழில்துறை திட்டங்களை முறைப்படுத்துவதற்கான செயல்முறை ஏற்கனவே தொடங்கிவிட்டது. இருப்பினும், ஜார்க்கண்ட் உயர் நீதிமன்றமும் தேசிய பசுமைத் தீர்ப்பாயமும் இவற்றைத் தடை செய்தன. திட்டங்கள் முற்றிலும் சட்டவிரோதமானவை என்பதால் மட்டும் அல்லாமல், மாறாக நடைமுறையில் உள்ள சிக்கல்கள் காரணமாக அவை அவற்றை நிராகரித்தன.
இரண்டாவதாக, ஏற்கனவே செயல்பட்டு வந்த ஆலைகளை மூடுவது அதிக தீங்கு விளைவிக்கும் என்று ஒன்றியம் வாதிட்டது. இந்த ஆலைகள் பொருளாதாரத்திற்கு உதவுகின்றன மற்றும் வேலைகளை வழங்குகின்றன. அவற்றை மூடுவது அதிக மாசுபாட்டிற்கு வழிவகுக்கும் மற்றும் இடையூறுகளை ஏற்படுத்தும். செப்பு சுரங்கங்கள் மற்றும் மருந்து நிறுவனங்கள் சம்பந்தப்பட்ட வழக்குகளிலிருந்து ஒன்றியம் சில மேற்கோள்களை வழங்கியது. அந்த வழக்குகளில், சட்ட மீறல்கள் இருக்கும்போது "சமச்சீர்" (balanced) அணுகுமுறை தேவை என்பதை நீதிமன்றங்கள் ஏற்றுக்கொண்டன.
மூன்றாவதாக, ஒன்றியம் ஒரு அமைப்பை உருவாக்கியதாகக் கூறியது. இந்த அமைப்பில், முறைப்படுத்த விரும்பும் ஆலைகள் அபராதம் செலுத்த வேண்டும். இந்த அபராதங்கள் ஆலைகள் முறையான ஒப்புதல் இல்லாமல் செயல்பட்ட காலத்தை உள்ளடக்கும்.
அதன் இறுதித் தீர்ப்பில், "முன்" சுற்றுச்சூழல் அனுமதி பெறுவதன் முக்கியத்துவத்தை நீதிமன்றம் சரியாக வலியுறுத்தியது. இது முந்தைய நீதிமன்ற தீர்ப்புகளின் முக்கிய மையமாகவும் உள்ளது. ஆனால், நீதிமன்றத்தின் நடவடிக்கை சற்று தாமதமாக வந்திருக்கலாம். ஆனால், 2017 மற்றும் 2021ஆம் ஆண்டு அறிவிப்புகளின் கீழ் ஏற்கனவே முறைப்படுத்தப்பட்ட ஆலைகள் இந்த தீர்ப்பால் பாதிக்கப்படாது என்று கூறியது.
பல பெரிய தொழில்துறை ஆலைகள் சட்டத்தைப் பின்பற்றாமல் இயங்கின என்பதால் இது ஒரு பெரிய தோல்வியைக் காட்டுகிறது. இது, பிராந்திய சுற்றுச்சூழல் வாரியங்கள் (regional environmental boards) சட்டங்களை முறையாக அமல்படுத்தவில்லை. எனவே, புதிய அமைப்பின் கீழ் இந்த சட்டவிரோத ஆலைகளை அபராதம் செலுத்தச் செய்வது பயனற்ற செயலாக இருந்திருக்கும் என்று சொல்வது அர்த்தமுள்ளதாக இருக்கிறது.
இந்தத் தீர்ப்பு, எதிர்கால அரசாங்கங்கள் சுற்றுச்சூழல் விதிகளைப் புறக்கணிக்க பொருளாதாரத்தை ஒரு காரணமாகப் பயன்படுத்துவதைத் தடுக்க வேண்டும். மேலும், இது களத்தில் வலுவான நடவடிக்கைகளுக்கும் வழிவகுக்கும்.