டிஜிட்டல் பொது உள்கட்டமைப்பு (DPI) தொழில்நுட்பம் சார்ந்த ஆட்டோமேஷனைப் பயன்படுத்துவதன் மூலம் நாட்டை மாற்றியுள்ளது. இது நாடு முழுவதும் சேவைகளை மிகவும் வசதியாக மாற்றியுள்ளது. DPI திறந்த தொழில்நுட்ப தரநிலைகள், ஒத்துழைப்பு மற்றும் ஒருங்கிணைப்பில் கவனம் செலுத்துகிறது. இந்த அணுகுமுறை சிறு வணிகங்கள் பெரிய சந்தைகளில் நுழைவதற்கான புதிய வாய்ப்புகளை உருவாக்கியுள்ளது. இது பல்வேறு தொழில்துறை நிறுவனங்களுக்கு இடையிலான இடைவெளியையும் குறைத்துள்ளது. இதன் விளைவாக, ஒரு காலத்தில் சாத்தியமற்றதாகக் கருதப்பட்ட விருப்பங்களை இது முன்வைத்துள்ளது.
மார்ச் 2024 நிலவரப்படி, குறு, சிறு மற்றும் நடுத்தர நிறுவனங்கள் அமைச்சகம் (ministry of micro, small and medium enterprise (MSME)) MSME துறையில் 40.04 மில்லியன் மக்கள் பணிபுரிவதாக தெரிவித்துள்ளது. இவற்றில் 97.7% பேர் குறு வணிகங்கள் ஆகும். DPI மற்றும் பிற டிஜிட்டல் கருவிகளைப் பயன்படுத்துவதன் மூலம் MSME-கள் பல நன்மைகளைப் பெற்றுள்ளன. இந்த நன்மைகள் தேசிய பொருளாதாரத்திற்கு நேரடியாகவும் கணிசமாகவும் உதவுகின்றன.
ஆதார் அடிப்படையிலான அங்கீகாரம் இந்தியா முழுவதும் உள்ள பல அமைப்புகளுக்கு மையமாக உள்ளது. நாடு முழுவதும் மிகவும் நம்பகமான மற்றும் ஒரே மாதிரியாகக் கிடைப்பதால், இது ஒரு குறிப்பிடத்தக்க கண்டுபிடிப்பாகும். இது வசதியையும், செயல்பாட்டுத் திறனையும் இயக்குகிறது. தொழில்கள் முழுவதும், புதிய வாடிக்கையாளர்களை நம்பகத்தன்மையுடன் அடையாளம் காணவும், தவறிழைக்கும் இடையூறுகளுக்கு எதிராக வணிகத்தைப் பாதுகாக்கவும் ஆதார் எளிதான வழியாக உள்ளது. MSMEகளை தனித்துவமாக அடையாளம் காண அரசாங்கம் உத்யம் ஆதாரை அறிமுகப்படுத்தியுள்ளது. Udyam ஆதார் (Udyam aadhaar) MSMEs அரசாங்க திட்டங்கள் மற்றும் சலுகைகளுக்கான அணுகலை ஒழுங்குபடுத்துகிறது. MSMEகள் மேம்படுத்தும் டிஜிட்டல் பொது உள்கட்டமைப்பின் பாரத் ஸ்டேக்கின் (Bharat Stack of Digital public infrastructure) அடையாள அடுக்குக்கு ஆதார் ஒரு தூணாக நிற்கிறது.
மிகவும் பரவலாகப் பயன்படுத்தப்படும் டிஜிட்டல் பொது உள்கட்டமைப்பு UPI (ஒருங்கிணைந்த கட்டண இடைமுகம்) ஆகும். பணம் செலுத்தும் வாங்குபவர்களுக்கும், பணம் பெறும் விற்பனையாளர்களுக்கும் UPI ஒப்பிடமுடியாத வசதியை வழங்குகிறது. UPI மூலம் பணம் செலுத்துவது வேகமானது, நம்பகமானது மற்றும் MSME-களின் வங்கிக் கணக்குகளுக்கு நேரடியாகச் செல்கிறது. சிறிய பரிவர்த்தனைகளுக்கு, பணம் செலுத்துவதை இன்னும் எளிதாக்க UPI லைட் (UPI Lite) அறிமுகப்படுத்தப்பட்டது.
MSME-களின் வளர்ச்சிக்கான முக்கிய காரணி முறையான கடன் அணுகல் ஆகும். RBI-யால் அறிமுகப்படுத்தப்பட்ட கணக்கு திரட்டி (Account Aggregator (AA)) கட்டமைப்பு, நிதித் தகவல்களை அனைவருக்கும் அணுகக்கூடியதாக ஆக்குகிறது. இது சம்மதத்தின் அடிப்படையில் செயல்படுகிறது, நிதித் தரவை விரைவாகவும் துல்லியமாகவும் பகிர அனுமதிக்கிறது. கடன் முடிவுகளை எடுப்பதற்கு இந்தத் தரவு முக்கியமானது. இந்தியாவில் உள்ள பெரும்பாலான முக்கிய வங்கிகள் மற்றும் நிதி நிறுவனங்கள் இந்த கட்டமைப்பில் இணைந்துள்ளன. அவர்கள் இந்தத் தரவின் வழங்குநர்களாகவும் (FIP) பயனர்களாகவும் (FIU) செயல்பட்டு, அமைப்பை விரிவானதாக ஆக்குகிறார்கள். AA தரவைப் பயன்படுத்தி பல பாதுகாப்பற்ற கடன்கள் வழங்கப்பட்டுள்ளதால், MSMEகள் இதனால் நிறைய பயனடைகின்றன. இந்த யோசனையை சுகாதாரப் பாதுகாப்பு மற்றும் காப்பீடு போன்ற பிற பகுதிகளிலும் பயன்படுத்தலாம்.
MSMEகள் தங்கள் வாடிக்கையாளர்களுடன் இணைவதற்கு DPIகள் உதவுகின்றன. MSMEகள் அதிக சந்தைகளை அடைய டிஜிட்டல் வர்த்தகத்திற்கான திறந்த நெட்வொர்க் (Open Network for Digital Commerce (ONDC)) உதவுகிறது. MSMEகள் தங்கள் பொருட்கள் மற்றும் சேவைகளை டிஜிட்டல் முறையில் வழங்க ONDC ஒரு சமமான களத்தை உருவாக்குகிறது. தேசிய அளவில் அளவிடப்படும்போது, இது MSMEகளுக்கு ஒரு பெரிய மாற்றத்தைக் கொண்டுவரும். NPCI-ன் பாரத் கனெக்ட் தளமும் (Bharat Connect platform) உள்ளது. இது வாங்குபவர்களையும் விற்பனையாளர்களையும் டிஜிட்டல் முறையில் இணைக்கிறது. இந்த தளம் விலைப்பட்டியல் விளக்கக்காட்சி மற்றும் கட்டணங்களை எளிதாக்க உதவுகிறது. இந்த தளங்கள் ஒன்றாக, பல சிறு வணிகங்களை டிஜிட்டல் கருவிகளைப் பயன்படுத்தத் தொடங்க ஊக்குவிக்க முடியும்.
ஒட்டுமொத்தமாக, டிஜிட்டல் பொது உள்கட்டமைப்புகள் (DPI) சிறு மற்றும் நடுத்தர வணிகங்களுக்கு நிறைய உதவியுள்ளன. அவை அடையாள சரிபார்ப்பு, பணம் செலுத்துதல், கடன் வழங்குதல் ஆகியவற்றை எளிதாக்குகின்றன. மேலும் முக்கியமாக, வணிகங்களை நுகர்வோர் மற்றும் பிற வணிகங்களுடன் இணைக்க உதவுகின்றன. இந்தியாவின் டிஜிட்டல் பொது உள்கட்டமைப்பு ஒரு உலகளாவிய முன்மாதிரியாகும். செயற்கை நுண்ணறிவின் (AI) வளர்ச்சியுடன், DPI-ல் அடுத்த கட்ட புதுமை இந்த தொழில்நுட்பத்தைப் பயன்படுத்துவதன் மூலம் வரும். அச்சுறுத்தல் மதிப்பீடு, மோசடி கண்டறிதல், கடன் மதிப்பீடு மற்றும் வணிக நுண்ணறிவுகளைப் பெறுதல் போன்ற பல விஷயங்களுக்கு AI-ஐப் பயன்படுத்தலாம். DPI-களில் இந்தியாவின் வெற்றி, உள்ளடக்கிய தன்மையில் கவனம் செலுத்துவதிலிருந்து வருகிறது. இந்த அணுகுமுறை குறு, சிறு மற்றும் நடுத்தர நிறுவனங்களை (MSMEs) தொடர்ந்து ஆதரிக்கும்.
இந்தக் கட்டுரையை Tally Solutions Pvt. Ltd-ன் பொறியியல் தலைவரும் தயாரிப்புகளின் தலைவருமான நபேந்து தாஸ் எழுதியுள்ளார்.