அண்மையில் வெளியுறவுத்துறை அமைச்சர் ஜெய்சங்கர் பிலிப்பைன்ஸ் சென்றார். அண்டை நாடுகளுக்கு எதிரான சீனாவின் ஆக்கிரமிப்பை அவர் கடுமையாக எதிர்த்தார். இதில், பெய்ஜிங்கின் பதில் யூகிக்கக்கூடியதாக இருந்தது.
2021 டிசம்பரில், அருணாச்சல பிரதேசத்தில் சில இடங்களுக்கு சீனா மறுபெயரிடுவதாக செய்தி வெளியானபோது, சில சமூக ஊடக பயனர்கள் சீன மற்றும் திபெத்திய நகரங்களுக்கு இந்திய பெயர்களை வழங்குவதன் மூலம் பதிலடி கொடுத்தனர். அவர்கள் பெய்ஜிங்கை புஜாங் நகர் (Bhujang Nagar) என்றும் லாசா நகரை லக்ஷ்மண்கர் (Laxmangarh) என்றும் அழைத்தனர். ஷாங்காயை சங்கிபூர் (Sanghipur) என்றும், நாஞ்சிங்கை நந்திகர் (Nandigarh) என்றும், யுனானை யானனாபுரம் (Yananapuram) என்றும், செங்டு புதிய சண்டிகராகவும் (New Chandigarh), ஹூபேயை ஹனுமன்கர் (Hanumangarh) என்றும், குவாங்சோவை காந்திநகர் (Gandhinagar) என்றும் பெயர் மாற்றம் செய்தனர். கோவிட்-19 கட்டுப்பாடுகளின் போது அவர்களுக்கு ஓய்வு நேரம் கிடைத்ததால் சமூக ஊடக ஆர்வலர்கள் இவற்றை கேலி செய்தனர்.
சீனர்கள் தங்கள் முயற்சியின் ஒரு பகுதியாக அருணாச்சல பிரதேசத்தில் உள்ள இடங்களுக்கு பெயர் மாற்றத் தொடங்கினர். இது 2017 இல் ஆறு இடங்களுடன் தொடங்கிய இந்த முயற்சி, பின்னர், 2021ல் மேலும் 15 இடங்களுக்கும், 2023ல் 11 இடங்களுக்கும் பெயர் மாற்றம் செய்தனர். 2024ல், பட்டியலில் 30 புதிய இடங்களை இதனுடன் சேர்த்தனர். இவற்றில் 11 குடியிருப்பு பகுதிகள், 12 மலைகள், நான்கு ஆறுகள், ஒரு ஏரி, ஒரு மலைப்பாதை மற்றும் ஒரு பகுதி நிலம் கூட இதில் அடங்கும்.
சீனாவின் பெயர் மாற்ற முயற்சிகளை இந்திய வெளியுறவு அமைச்சகம் நிராகரித்தது. "இந்திய மாநிலமான அருணாச்சலப் பிரதேசத்தில் உள்ள இடங்களின் பெயர்களை மாற்ற சீனா தொடர்ந்து முயற்சி செய்து வருகிறது. இதுபோன்ற முயற்சிகளை நாம் உறுதியாக நிராகரிக்கிறோம்" என்று வெளியுறவு அமைச்சக செய்தித் தொடர்பாளர் ரந்தீர் ஜெய்ஸ்வால் கூறினார்.
வரலாற்று உரிமை கோரல்களைக் (historical claims) கண்டுபிடித்துள்ள சீனா
சீனா ஓர் அறிவுப்பூர்வமற்ற முறையைப் பின்பற்றுகிறது. இது ஒரு வரலாற்று நினைவாற்றலைக் கொண்ட நாகரிகம். அதன் கூற்றுகள் நீண்ட காலத்திற்கு உள்ளன. உதாரணமாக, 1900 களின் முற்பகுதியில், ஒரு நாவல் பிரபல ஆய்வாளர் ஜெங் ஹீ பற்றி குறிப்பிடுகிறது. நூறு ஆண்டுகளுக்குப் பிறகு, அந்தப் பகுதிகளின் மீது வரலாற்று உரிமையை நிலைநாட்டுவதை நோக்கமாகக் கொண்டு, Zheng He சென்ற பாதைகளை ஆராய சீனா இந்த நாவலை ஒரு அடிப்படையாகப் பயன்படுத்துகிறது. சமீபத்தில், 15 ஆம் நூற்றாண்டில் ஜெங் ஹீ இலங்கைக்கு விஜயம் செய்ததாகக் கூறி, அவர்கள் ஆராய்ச்சிக் கப்பல்களை இலங்கைக் கடற்கரைக்கு அனுப்பினர். இதேபோல், சீனா ஒருமுறை தங்கள் மூதாதையர்களின் கல்லறைகள் அருணாச்சல பிரதேசத்தில் இருப்பதாக வாதிட்டது, அவர்களின் சந்ததியினருக்கு அங்கு வழிபட உரிமை இருக்க வேண்டும் என்று பரிந்துரைத்தது. இந்தக் கூற்றுகள் இப்போது ஆதாரமற்றதாகவும் புனையப்பட்டதாகவும் தோன்றலாம், ஆனால் அவை பிராந்திய விரிவாக்கத்தை நியாயப்படுத்த வரலாற்றைப் பயன்படுத்தும் சீனாவின் இராஜதந்திரத்தை எடுத்துக்காட்டுகின்றன. சீனாவை சமாளிக்க, நாகரிகத்தின் மீதான அதன் கவனத்தை நாம் புரிந்து கொள்ள வேண்டும் மற்றும் திறம்பட பதிலளிக்க வேண்டும். எஸ்.ஜெய்சங்கர் மார்ச் மாதம் பிலிப்பைன்ஸ் பயணத்தின் போது இதை நிரூபித்தார்.
"இந்தப் பகுதி வளரவும் வெற்றிபெறவும் விதிகளைப் பின்பற்றுவதே சிறந்த வழியாகும் என்று நாங்கள் நம்புகிறோம். ஐக்கிய நாடுகள் சபையின் கடல் சட்ட சாசனம் (United Nations Convention on the Law of the Sea (UNCLOS)) 1982 இன்றியமையாதது. ஏனெனில், இது கடல்களுக்கு விதிகளை அமைக்கிறது. அனைத்துத் தரப்பினரும் அதை முழுவதுமாக, எழுத்திலும், உள்ளத்திலும் கடைப்பிடிக்க வேண்டும். பிலிப்பைன்ஸின் தேசிய இறையாண்மையைப் பாதுகாப்பதில் இந்தியா ஆதரிக்கிறது என்பது தெளிவாகிறது" என்று ஜெய்சங்கர் உறுதியாகக் கூறினார். பிலிப்பைன்ஸின் இறையாண்மையை இந்தியா ஆதரிக்கிறது என்று ஜெய்சங்கர் கூறினார். தென் சீனக் கடல் பிரச்சனைகளில் இந்தியா உறுதியாக நிற்கிறது என்றும், பிலிப்பைன்ஸ் கடல் பகுதியில் சீனாவின் உரிமையை நிராகரிக்கும் என்றும், இவை 2016 ஆம் ஆண்டு தீர்ப்பை ஏற்கிறது என்றும் அவர் ஜனாதிபதி பெர்டினாண்ட் மார்கோஸ் ஜூனியரிடம் உறுதியளித்தார். பிலிப்பைன்ஸுக்கு விளைவுகளை ஏற்படுத்தினாலும் கூட, தென் சீனக் கடலில் சீனாவின் ஆக்கிரமிப்புக்கு எதிராக பிலிப்பைன்ஸை ஆதரிக்க இந்தியா தயாராக இருப்பதாக ஜெய்சங்கர் தெரிவித்தார். சீனாவின் ஆக்கிரமிப்புக்கு எதிரான பிலிப்பைன்ஸின் முயற்சிகளில் "பட்டய உறுப்பினராக" (charter member) இந்தியா தயாராக இருப்பதாக அவர் குறிப்பிட்டார்.
இது இந்திய தலைவர்களின் மிகப்பெரிய நடவடிக்கையாகும். இந்தியாவுக்கு ஆதரவாக இல்லாவிட்டாலும், ஐக்கிய நாடுகள் சபையின் கடல் சட்ட சாசனம் (United Nations Convention on the Law of the Sea (UNCLOS)) விதிகளை இந்தியா எப்போதும் பின்பற்றுகிறது. ஆனால், கடந்த ஆண்டு, பிலிப்பைன்ஸ் வெளியுறவு அமைச்சருடன் நடந்த பேச்சு வார்த்தையின் போது, தீர்ப்பாயத்தின் 2016-ம் ஆண்டு தீர்ப்புக்குக் கீழ்ப்படியுமாறு சீனாவிடம் இந்தியா தனது முதல் நேரடிக் கோரிக்கையை முன்வைத்தது. கடந்த வாரம், ஜெய்சங்கர் நேரில் சென்று ஒரு அறிக்கையை மீண்டும் கூறினார். தொலைவில் உள்ள மோதலில் ஈடுபட இந்தியா தயாராக உள்ளது என்பதையும் அவர் காட்டினார். இந்தியாவின் உறுதியான நிலைப்பாட்டிற்கு சீனாவின் பதில் எதிர்பார்க்கப்பட்டது. குளோபல் டைம்ஸ், ஜெய்சங்கரின் வருகை ராஜதந்திரம் மட்டுமல்ல. சீனாவுடன் பிரச்சனைகள் உள்ள நாடுகளுடன், குறிப்பாக நிலப்பிரச்சனைகள் தொடர்பாக இந்தியா கூட்டணி வைக்க முயற்சிப்பதாக அவர்கள் குற்றம் சாட்டினர்.
”தென் சீனக் கடலில் சீனாவுடன் பிலிப்பைன்ஸ் தொடர்ந்து சிக்கலில் இருக்க வேண்டும் என்று இந்தியா விரும்புகிறது. இதன் மூலம் சீனாவின் முக்கிய வளங்கள் பயன்படுத்தப்பட்டு, சர்வதேச அளவில் சீனாவின் நற்பெயர் கெடும். இதனால், சீனா இந்தியா மீது கவனம் செலுத்துவதை குறைக்கும் என இந்தியா நம்புகிறது” என்று சீன அரசு ஆதரவு நாளிதழ் குறிப்பிட்டுள்ளது.
ஜெய்சங்கரின் அறிக்கை அவர் விரும்பிய விளைவை ஏற்படுத்தியது. தென் சீனக் கடலில் இந்தியாவின் தலையீடு சீன-இந்திய உறவுகளுக்குப் பாதிப்பை ஏற்படுத்தும் என்று சீன செய்தித் தொடர்பாளர்கள் மிரட்டல் விடுத்ததால் இது தெளிவாகிறது. இந்தியா மேலும் பிரச்சனைகளை ஏற்படுத்துவதில் சீனா எச்சரிக்கையாக இருக்கும் என்றும் அவர்கள் கூறினர். இந்தியா ஒரு பொறுப்பான நாடு, போர்களைத் தொடங்கும் நாடு அல்ல. அதன் தலைவர்கள் உலக விவகாரங்களில் பொறுப்பான மற்றும் செல்வாக்குமிக்க பங்கைக் கொண்டிருக்க விரும்புகிறார்கள்.
அமெரிக்க ஜனாதிபதி ஜோ பைடனுடனான சமீபத்திய தொலைப்பேசி அழைப்பின் போது, சீன ஜனாதிபதி ஜி ஜின்பிங் அமெரிக்காவுடனான நல்ல உறவுகளுக்கான மூன்று கொள்கைகளை கோடிட்டுக் காட்டினார். 1) அமைதியை மதிப்பிடுதல், 2) நிலைத்தன்மைக்கு முன்னுரிமை அளித்தல் மற்றும் 3) நம்பகத்தன்மையை நிலைநிறுத்துதல் ஆகியவை அந்த மூன்று கொள்கைகளாகும். சீனத் தலைவர்கள் இந்தியாவுடனும் மற்ற நாடுகளுடனும் அதே வழியில் ஈடுபட வேண்டும் என்று இந்தியா விரும்புகிறது. சீனா உட்பட அனைத்து நாடுகளும் சர்வதேச விதிகளை பின்பற்ற வேண்டும் என இந்தியா விரும்புகிறது. இதுதான் மணிலாவிலிருந்து ஜெய்சங்கர் அனுப்பிய முக்கிய செய்தியாகும்.