புதிய குற்றவியல் சட்டங்கள் நடைமுறைக்கு வருவதால், காவல்துறை அதிகாரிகளின் அடிப்படை கடமைகள் எவ்வாறு மாறியுள்ளன? முதியவர்கள் மற்றும் குற்றவாளிகளைக் கைது செய்வது தொடர்பாக மாற்றப்பட்ட சில விதிகள் யாவை? மின்னணு ஆதாரங்களை பாதுகாப்பது பற்றி என்ன கூறுகிறது? மின்னணு ஆதாரங்களை எவ்வாறு சேமிக்க முடியும்?
முதல் தகவல் அறிக்கை (First Information Report) பதிவு செய்வதற்கான விதிகள் என்ன?
ஒரு காவல் நிலையத்தின் ஆய்வாளர், தனக்கு அதிகாரம் இல்லை என்று முதல் தகவல் அறிக்கை பதிவு செய்வதை மறுக்க முடியாது. ஜீரோ எஃப்ஐஆர் (zero FIR) பதிவு செய்வதற்கு அவர் கட்டுப்பட்டவர் என்று புதிய குற்றவியல் சட்ட நடைமுறைகள் கூறுகின்றன. அவர் முதல் தகவல் அறிக்கை பதிவு செய்து, வழக்கை சரியான காவல் நிலையத்திற்கு மாற்ற வேண்டும். இந்த நடைமுறை பல ஆண்டுகளாக பின்பற்றப்பட்டு வருகிறது. பாரதிய நாகரிக் சுரக்ஷா சன்ஹிதா (Bharatiya Nagarik Suraksha Sanhita (BNSS)) இப்போது பிரிவு 173-ன் கீழ் ஒரு புதிய விதி உருவாக்கப்பட்டுள்ளது. முதல் தகவல் அறிக்கை பதிவு செய்யத் தவறினால் பல்வேறு பிரிவுகளின் கீழ் குற்றவியல் நடவடிக்கைக்கு ஆளாகலாம்.
முன்பு போலவே வாய்மொழியாகவோ அல்லது எழுத்து மூலமாகவோ தகவல்களை அளிக்கலாம். கூடுதலாக, புதிய விதிகளின் கீழ் மின்னணு முறையிலும் புகார் அளிக்கலாம். இந்தத் தகவலை அளிப்பவரிடம் காவல் ஆய்வாளர் மூன்று நாட்களுக்குள் கையொப்பம் பெற்று அளிக்கப்பட்ட புகாரைப் பதிவு செய்ய வேண்டும். பெறப்பட்ட தகவலின் அடிப்படையில் விசாரணை செய்யும் அதிகாரியை யாரும் தடுக்க முடியாது. தகவல் முக்கியத்துவம் வாய்ந்ததாக இருந்தால், காவல்துறை அதிகாரிகள் அதை உடனடியாக விசாரிக்கலாம். மின்னணுத் தகவலைச் சமர்ப்பிப்பதற்கான முறையானது, குற்றம் மற்றும் குற்றவியல் கண்காணிப்பு கணினி கட்டமைப்பு (Crime and Criminal Tracking Network and Systems (CCTNS)) வலைத்தளம், காவல்துறை இணையதளம் அல்லது அதிகாரப்பூர்வமாக வெளியிடப்பட்ட மின்னஞ்சல் ஐடிகள் போன்ற அமைப்புகளால் தீர்மானிக்கப்படுகிறது.
ஒளிப்பதிவு (videography) என்ன பற்றி?
காவல்துறையின் நடவடிக்கைகளின் போது பாரதிய நாகரிக் சுரக்ஷா சன்ஹிதா சட்டம் (Bharatiya Nagarik Suraksha Sanhita (BNSS)) ஒளிப்பதிவு செய்யப்படுவதை கட்டாயமாக்குகிறது. பிரிவு 185-ன் கீழ் தேடுதல் நடத்தப்படும் இடங்கள், பிரிவு 176-ன் கீழ் ஒரு குற்றம் நடந்த இடம், மற்றும் பிரிவு 105-ன் கீழ் தேடுதல் அல்லது சொத்தை கைப்பற்றும் செயல்முறை ஆகியவை கட்டாயமாக ஒளிப்பதிவு செய்யப்பட வேண்டும். காவல்துறையின் சிறிய அலட்சியம் குற்றவாளிகளுக்கு சாதகமாக மாறிவிடும். விசாரணை அதிகாரிகளுக்கு மின்னணு சாதனங்கள் வழங்கப்பட வேண்டும். இந்த செயல்பாடுகளை நிறைவேற்ற அவர்களுக்கு முறையான பயிற்சி தேவைப்படுகிறது.
'eSakshya' எனப்படும் கிளவுட் அடிப்படையிலான மொபைல் செயலி, அமலாக்க முகமைகளுக்காக தேசிய தகவல் மையத்தால் (National Informatics Centre) வடிவமைக்கப்பட்டுள்ளது. இந்த செயலி பல புகைப்படங்கள் மற்றும் வீடியோக்களை பதிவு செய்ய அனுமதிக்கிறது. இந்த செயலியைப் பயன்படுத்தி சாட்சிகளின் புகைப்படங்கள் மற்றும் விசாரணை அதிகாரிகளின் சுயப்படத்தை எடுக்கலாம். தரவு ஒருமைப்பாட்டை (integrity of data) உறுதிப்படுத்த ஒவ்வொரு பொருளும் புவி-குறியிடப்பட்டு (geo-tagged) நேர முத்திரையிடப்படுகிறது. 'eSakshya' என்பது இடை-செயல்படக்கூடிய குற்றவியல் நீதி அமைப்பின் (Inter-operable Criminal Justice System (ICJS)) கீழ் ஒரு முயற்சியாகும். பதிவு செய்யப்பட்ட தரவுகள் நீதித்துறை, வழக்கு விசாரணை மற்றும் சைபர் தடயவியல் நிபுணர்கள் போன்ற பிற நிறுவனங்களுக்குக் கிடைக்கும்.
கைது விதிகள் பற்றி என்ன கூறப்பட்டுள்ளது ?
கைது செய்யப்பட்டவர்கள் பற்றிய தகவல்களை காவல் நிலையத்தின் முகப்பு பலகையில் கட்டாயம் வைக்க வேண்டும். பாரதிய நாகரிக் சுரக்ஷா சன்ஹிதா சட்ட பிரிவு 37-ன் படி, இந்தத் தகவலைப் பராமரிக்கவும், முக்கியமாகக் காட்டவும் ஒரு அதிகாரி, குறைந்தபட்சம் ஒரு உதவி துணை-ஆய்வாளர் தேவை. பெயர்கள், முகவரிகள் மற்றும் குற்றங்களின் தன்மை கொண்ட பலகைகள் காவல் நிலையங்கள் மற்றும் மாவட்ட கட்டுப்பாட்டு அறைகளுக்கு வெளியே டிஜிட்டல் காட்சிகள் உடன் வைக்கப்பட வேண்டும்.
பலவீனமான, நோய்வாய்ப்பட்ட அல்லது வயதான நபர்களை கைது செய்வதற்கு கட்டுப்பாடுகள் உள்ளன என்று பிரிவு 35(7) கூறுகிறது. மூன்று ஆண்டுகளுக்கு குறைவான சிறைத்தண்டனைக்குரிய குற்றம் சாட்டப்பட்ட மேற்படி பலவீனமான, நோய்வாய்ப்பட்ட அல்லது வயதான நபர் எனில், குறைந்தபட்சம் காவல்துறை துணைக் கண்காணிப்பாளர் அந்தஸ்தில் உள்ள ஒரு அதிகாரியின் அனுமதி பெற்று, கைது செய்ய வேண்டும். சில சூழ்நிலைகளில் கைவிலங்குகள் (handcuffs) பயன்படுத்தப்படலாம். ஆனால் புலனாய்வு அதிகாரிகள் அவற்றை எச்சரிக்கையுடன் பயன்படுத்த வேண்டும். தப்பிக்கவோ அல்லது தவறான குற்றங்களை செய்வதற்கு முகாந்திரம் இருந்தால் மட்டுமே கைவிலங்குகளைப் பயன்படுத்த வேண்டும் என்று உச்ச நீதிமன்றம் தீர்ப்பளித்துள்ளது.
காலக்கெடு பற்றி
பாலியல் வன்முறையால் பாதிக்கப்பட்ட பெண்ணின் மருத்துவப் பரிசோதனைக்காக, பாரதிய நாகரிக் சுரக்ஷா சன்ஹிதான் பிரிவு 184(6)-ன்படி பதிவுசெய்யப்பட்ட மருத்துவப் பயிற்சியாளர் மருத்துவ அறிக்கையை ஏழு நாட்களுக்குள் விசாரணை அதிகாரிக்கு அனுப்ப வேண்டும். விசாரணை அதிகாரிகள் அதை சம்பந்தப்பட்ட குற்றவியல் நீதிபதிக்கு அனுப்ப வேண்டும். இந்த புதிய சட்டம் குறித்து மருத்துவர்கள் விழிப்புணர்வுடன் இருக்க வேண்டும். பாலியல் குற்றங்களிலிருந்து குழந்தைகளைப் பாதுகாக்கும் (Protection of Children from Sexual Offences Act (POCSO)) சட்ட வழக்குகள் இப்போது குற்றத்தைப் பதிவுசெய்த இரண்டு மாதங்களுக்குள் விசாரிக்கப்பட வேண்டும். இதற்கு முன்னர் இந்திய தண்டனைச் சட்டத்தின் கீழ் பாலியல் வன்முறை வழக்குகளுக்கு மட்டுமே கால அவகாசம் அளிக்கப்பட்டது.
பிரிவு 193(3)(h)-ன் கீழ் புதிய விதியின்படி, ஒரு மின்னணு சாதனத்தின் பாதுகாப்பு வரிசையை விசாரணை அதிகாரி பராமரிக்க வேண்டும். மின்னணு சாதனங்கள் உணர்திறன் மற்றும் சேதமடைவதற்கான வாய்ப்புகள் இருப்பதால் இந்த பராமரிப்பு முக்கியமானது. மின்னணு பதிவுகளின் ஒருமைப்பாட்டை பராமரிக்க அனைத்து காவல்துறை அதிகாரிகளும் தங்கள் திறமைகளை மேம்படுத்த வேண்டும். இந்த கட்டாய விதிகள் காரணமாக சைபர் நிபுணர்களின் பணிச்சுமை அதிகரிக்கும் என எதிர்பார்க்கப்படுகிறது. இந்த பிரிவு 90 நாட்களுக்குள் விசாரணையின் முன்னேற்றம் குறித்து தகவல் அளிப்பவர் அல்லது பாதிக்கப்பட்டவருக்கு தெரிவிக்க வேண்டும்.
பாரதிய நியாய சன்ஹிதாவின் சட்ட பிரிவு 113, ‘பயங்கரவாதச் செயலை’ (‘terrorist act’) பற்றி குறிப்பிடப்பட்டுள்ளது. குறைந்தபட்சம் காவல் கண்காணிப்பாளர் அந்தஸ்தில் உள்ள ஒரு அதிகாரி இந்தப் பிரிவின் கீழ் அல்லது சட்டவிரோத செயல்பாடுகள் தடுப்புச் சட்டம், 1967 (Unlawful Activities (Prevention) Act (UAPA)) கீழ் வழக்குப் பதிவு செய்ய வேண்டுமா என்பதைத் முடிவு செய்ய வேண்டும். வழிகாட்டுதல்கள் எதுவும் சரியாக வழங்கப்படாததால், UAPA-வின் கீழ் பயங்கரவாத அமைப்பாக அறிவிக்கப்பட்டுள்ளதா, விசாரணைக்குத் தேவையான நேரம், விசாரணை அதிகாரிகளின் பதவி, தேவைப்படும் ஆய்வு நிலை மற்றும் குற்றம் சாட்டப்பட்டவரால் ஏற்படும் ஆபத்து போன்ற காரணிகளை காவல் கண்காணிப்பாளர் கருத்தில் கொள்ள வேண்டும்.
ஆர்.கே. விஜ் ஒரு முன்னாள் இந்திய காவல்துறை அதிகாரி ஆவார்.