இந்தியா, உலகின் பிற பகுதிகளைப் போலவே, கொரோனா வைரஸ் (coronavirus), ஆழ்ந்த கற்றல் (deep learning) மற்றும் ஒளிச்சேர்க்கையில் (photocatalysis) கவனம் செலுத்துகிறது. கூடுதலாக, இது நானோ தொழில்நுட்பத்தில் (nanotechnology) குறிப்பிடத்தக்க கவனம் செலுத்துகிறது.
அறிவியல் மற்றும் தொழில்நுட்ப முன்னேற்றத்தை அளவிட ஆராய்ச்சி வெளியீடுகள் பரவலாகப் பயன்படுத்தப்படுகிறது. ஆராய்ச்சி போக்குகளை பகுப்பாய்வு செய்வது, கொள்கை உருவாக்கத்திற்கான மதிப்புமிக்க நுண்ணறிவுகளையும் வழங்குகிறது. கடந்த 20 வருடங்கள் மற்றும் கடந்த ஐந்து ஆண்டுகளில் அறிவார்ந்த வெளியீட்டுத் தரவுத்தளமான Web of Science-ல் அதிகம் ஆய்வு செய்யப்பட்ட தலைப்புகளை ஒப்பிட்டுப் பார்த்தால், பல்வேறு நாடுகளில் உள்ள ஆராய்ச்சியாளர்களின் அறிவியல் கவனத்தை வெளிப்படுத்துகிறது.
தரவரிசையில் முதலிடம் பெற்றவர்
’கொரோனா வைரஸ்' (Coronavirus) என்பது கடந்த ஐந்து ஆண்டுகளில் உலகளவில் அதிகம் ஆய்வு செய்யப்பட்ட தலைப்பு மற்றும் கடந்த இருபாதாண்டுகளில் முதல் ஐந்து இடங்களில் இருந்தது. இந்த விஷயத்தில் ஏராளமான ஆவணங்கள் உலகளாவிய அறிவியல் சமூகத்தின் திறனைக் காட்டுகிறது. அவர்கள் தொடர்புடைய அறிவியல் அறிவை விரைவாக உருவாக்க முடியும். இது மக்கள் நெருக்கடிக்கு விரைவாக பதிலளிக்க உதவுகிறது.
இந்தியாவில், 'கொரோனா வைரஸ்' என்பது கடந்த ஐந்து ஆண்டுகளில் அதிகம் ஆய்வு செய்யப்பட்ட தலைப்பு மற்றும் கடந்த இருபதாண்டுகளில் முதல் ஐந்து தலைப்புகளில் ஒன்றாகும். இரண்டு காலகட்டங்களிலும் இது அமெரிக்காவில் அதிகம் வெளியிடப்பட்ட ஆராய்ச்சித் தலைப்பாகும். இருப்பினும், இது வியக்கத்தக்க வகையில் சீனாவின் முக்கிய ஆராய்ச்சி தலைப்புகளில் முக்கிய இடத்தைப் பெறவில்லை. இது எதிர்பாராதது, ஏனெனில் SARS-CoV-2 வைரஸ் 2019-ம் ஆண்டின் பிற்பகுதியில் தெரிவிக்கப்பட்டது. சமீபத்திய பத்தாண்டுகளில் ஒரு பெரிய உலகளாவிய அறிவியல் செல்வாக்கு பெற்ற சீனா, பல்வேறு துறைகளில் உலகளாவிய ஆராய்ச்சிக்கு குறிப்பிடத்தக்க பங்களிப்பை வழங்குகிறது.
ஆழமான கற்றல் (deep learning) மற்றும் ஒளிச்சேர்க்கை (photocatalysis), சூப்பர் மின்தேக்கிகள் (supercapacitors) மற்றும் ஆக்ஸிஜன் குறைப்பு எதிர்வினைகள் (oxygen reduction reaction) போன்ற தூய்மையான ஆற்றல் பகுதிகள் ஆகியவை விரிவாக ஆராயப்பட்ட மற்ற தலைப்புகளில் அடங்கும். ஆழமான கற்றல் என்பது பல அடுக்குகளைக் கொண்ட செயற்கை நுண்ணறிவு (AI) அல்காரிதம்களை உள்ளடக்கியது. அவை உள்ளீட்டுத் தரவைச் செயலாக்குகின்றன. மேலும், மொபைல் ஃபோன்களில் முக அங்கீகாரம் (facial recognition), டிஜிட்டல் உதவியாளர்களில் பேச்சு அங்கீகாரம் (speech recognition) மற்றும் ஸ்ட்ரீமிங் தளங்களில் (streaming services) பரிந்துரை அமைப்புகள் போன்ற பயன்பாடுகளை செயல்படுத்துகின்றன.
செயற்கை நுண்ணறிவு ஆராய்ச்சி உலகளவில் பல்வேறு துறைகளில் AI-ன் வளர்ந்து வரும் முக்கியத்துவத்தில் கவனம் செலுத்துகிறது. சீன ஆராய்ச்சியாளர்கள் AI என்ற தலைப்பில் அமெரிக்காவில் உள்ள ஆராய்ச்சியாளர்களைக் காட்டிலும் இரண்டு மடங்கு அதிகமான ஆவணங்களைத் தயாரித்துள்ளனர், மேலும் கடந்த ஐந்து ஆண்டுகளில் இந்த விஷயத்தில் உலகின் 45%-க்கும் அதிகமான ஆராய்ச்சி வெளியீடுகளை உருவாக்கியுள்ளனர். நாட்டின் முதல் ஐந்து இடங்களில் தலைப்பு இடம்பெற்றாலும் இந்தியாவின் பங்கு குறைவாகவே உள்ளது.
ஒளிக்கதிர் (photocatalysis) என்பது ஒளியுடன் கூடிய இரசாயன எதிர்வினைகளை விரைவுபடுத்தும் செயல்முறையாகும். புதிய பொருட்களை உருவாக்க விஞ்ஞானிகள் இதை ஆராய்ச்சி செய்து வருகின்றனர். தூய்மையான ஆற்றலை உருவாக்குவதையும் நோக்கமாகக் கொண்டுள்ளனர். பசுமை ஹைட்ரஜனை (green hydrogen) உற்பத்தி செய்வதில் முக்கிய கவனம் செலுத்தப்படுகிறது. சூப்பர் மின்தேக்கிகள் (supercapacitors) இரசாயன ஆற்றலைச் சேமிக்கும் வழக்கமான பேட்டரிகளைப் போலல்லாமல், மின்னியல் சார்ஜ் ஆக ஆற்றலைச் சேமிக்கின்றன. அவை அதிக ஆற்றல் கொண்டவை மற்றும் அதிக ஆற்றலைச் சேமித்து, விரைவாக வெளியிடுகின்றன. அவை மின்சார வாகனங்களில் வேகமாக சார்ஜ் செய்வதற்கும் புதுப்பிக்கத்தக்க ஆற்றலுக்கும் பயன்படுகின்றன. ஆக்சிஜன் குறைப்பு எதிர்வினை மின் வேதியியலில் முக்கியமானது, எரிபொருள் செல்கள் மற்றும் உலோக-காற்று பேட்டரிகள் (metal-air batteries) போன்ற மேம்பட்ட ஆற்றல் மாற்று சாதனங்களில் முக்கியமானது. இந்த தொழில்நுட்பங்கள் குறித்த ஆராய்ச்சியில் சீன ஆராய்ச்சியாளர்கள் முன்னணியில் உள்ளனர்.
அமெரிக்காவையும் சீனாவையும் ஒப்பிடுவது
ஒட்டுமொத்தமாக, சீனா அதிக தாக்கத்தை ஏற்படுத்தும் தொழில்நுட்பத் துறைகள் மற்றும் புதிய பொருட்களின் வளர்ச்சியில் குறிப்பிடத்தக்க கவனம் செலுத்துகிறது. இதற்கு மாறாக, அமெரிக்கா மிகவும் மாறுபட்ட அணுகுமுறையை எடுத்து வருகிறது. அவர்கள் பல்வேறு தலைப்புகளில் ஆராய்ச்சி மூலம் உடல்நலம் மற்றும் சமூக நல்வாழ்வை நிவர்த்தி செய்கிறார்கள். குழந்தை வளர்ப்பு, மனித நோயெதிர்ப்பு குறைபாடு வைரஸ், SARS-CoV-2 வைரஸ், குடல் மைக்ரோபயோட்டா மற்றும் திட்டமிடப்பட்ட உயிரணு இறப்பு (programmed cell death (PD-1)) ஆகியவை இதில் அடங்கும். PD-1 பற்றிய ஆராய்ச்சி புற்றுநோய் மற்றும் பிற நோய்களுக்கு எவ்வாறு சிகிச்சை அளிக்கிறோம் என்பதில் புரட்சியை ஏற்படுத்தலாம். நோயெதிர்ப்பு மண்டலத்தின் பதிலைப் புரிந்துகொண்டு கையாளுவதன் மூலம், இந்த ஆராய்ச்சி பெரும் ஆற்றலைக் கொண்டுள்ளது. அமெரிக்க தேசிய சுகாதார நிறுவனம் (U.S. National Institute of Health), நாட்டின் மற்ற அனைத்து சிவில் ஆராய்ச்சி நிதி நிறுவனங்களை (civilian research funding agencies) விட, வாழ்க்கை அறிவியல் மற்றும் சுகாதார ஆராய்ச்சிக்கு அதிக நிதியை வழங்குகிறது. அமெரிக்க ஆராய்ச்சியாளர்கள் வானியல் மற்றும் வானியல் இயற்பியலிலும் கவனம் செலுத்துகின்றனர். ஏனெனில், அவர்கள் நாசா பணிகளால் தயாரிக்கப்பட்ட தரவுகளுக்கு அதிக அணுகலை அனுபவிப்பதால் இருக்கலாம்.
இந்தியாவின் நானோ கவனம்
இந்தியாவின் ஆராய்ச்சி வெளியீடு முக்கியமாக நானோ தொழில்நுட்பத்தை மையமாகக் கொண்டுள்ளது. நானோ திரவங்கள் வெப்ப பரிமாற்றத்திலும், வெள்ளி நானோ துகள்கள் நுண்ணுயிர் எதிர்ப்பு மற்றும் புற்றுநோய் எதிர்ப்பு சிகிச்சைகளிலும், துத்தநாக ஆக்சைடு நானோ துகள்கள் எலக்ட்ரானிக்ஸ், ஆப்டோ எலக்ட்ரானிக்ஸ், மட்பாண்டங்கள் மற்றும் அழகுசாதனப் பொருட்களிலும் பயன்படுத்தப்படுகின்றன.
நானோ தொழில்நுட்பம் குறித்த அதிக எண்ணிக்கையிலான ஆவணங்கள் நானோ திட்டத்தின் (Nano Mission) வெற்றியின் காரணமாக உள்ளது. இந்தத் துறையில் இந்தியாவை ஒரு முன்னணி ஆராய்ச்சி இடமாக மாற்றுவதற்காக 2007-ல் இந்திய அரசாங்கத்தால் இந்த முயற்சி தொடங்கப்பட்டது. ஆழ்ந்த கற்றல், ஒளிச்சேர்க்கை மற்றும் கொரோனா வைரஸ் ஆகியவை மற்ற முக்கியமான ஆராய்ச்சிப் பகுதிகளில் அடங்கும்.
நானோ தொழில்நுட்பத்தின் மீதான இந்தியாவின் முக்கியத்துவம், உடல்நலம் அல்லது காலநிலை தேவைகளை உடனடியாக நிவர்த்தி செய்யாத துறைகளில் கவனம் செலுத்தும் முதலீட்டை அடிக்கோடிட்டுக் காட்டுகிறது. இந்திய ஆராய்ச்சியில் செயல் திட்டத்தை அமைக்கும் செயல்முறை எவ்வாறு செயல்படுகிறது என்பதை கொள்கை வகுப்பாளர்கள் பார்க்கலாம். மாற்றாக, அவர்கள் இந்தியாவின் நிலையான வளர்ச்சி இலக்குகள் மற்றும் ஆற்றல்-மாற்ற இலக்குகளுடன் சிறப்பாகச் செயல்படும் தீர்வுகளை நோக்கி நானோ தொழில்நுட்பத்தை வழிநடத்த முடியும்.
சூர்யேஷ் குமார் நம்டியோ ஒரு மூத்த ஆராய்ச்சி ஆய்வாளர் ஆவார். அவினாஷ் குமார் ஒரு திட்ட விஞ்ஞானி ஆவார். மௌமிதா கோலி ஒரு துணை ஆய்வாளர் ஆவார். இவர்கள் அனைவரும் பெங்களூருவில் உள்ள இந்திய அறிவியல் கழகத்தில் பணிபுரிகின்றனர்.