2021 ஆம் ஆண்டில், இந்திய சுதந்திரத்திற்காக நேதாஜியின் இடைவிடாத முயற்சிக்கு அஞ்சலி செலுத்தும் வகையில் ஜனவரி 23-ஆம் தேதி பராக்கிரம தினமாகக் (Parakram Diwas) கொண்டாடப்படும் என்று அரசாங்கம் அறிவித்தது. சுதந்திர இயக்கத்திற்கு அவர் ஆற்றிய பங்களிப்புகள் என்ன? நேதாஜியின் மரணம் மற்றும் மறைவைச் சுற்றியுள்ள கோட்பாடுகள் என்ன?
2021ஆம் ஆண்டில், ஜனவரி 23ஆம் தேதி பராக்கிரம திவாஸாகக் கொண்டாடப்படும் என்று அரசாங்கம் அறிவித்தது. இந்த நாள் நேதாஜி சுபாஷ் சந்திர போஸின் இந்திய சுதந்திரத்திற்கான இடைவிடாத முயற்சியை கௌரவிக்கிறது. நேதாஜி செய்தது போல், கடினமான காலங்களில் துணிச்சலுடன் செயல்பட மக்களை, குறிப்பாக இளைஞர்களை ஊக்குவிப்பதே இதன் நோக்கமாகும். இந்த ஆண்டு நேதாஜியின் 128வது பிறந்தநாளைக் குறிக்கிறது.
2021 முதல், ஜனவரி 23, நேதாஜியின் பிறந்தநாள், தேசபக்தி உணர்வை ஊக்குவிக்கும் வகையில் பராக்கிரம திவாஸ் (வீர நாள்) என்று கொண்டாடப்படுகிறது.
2021 ஆம் ஆண்டில், கொல்கத்தாவின் விக்டோரியா நினைவு மண்டபத்தில் முதல் நிகழ்வு நடைபெற்றது. 2022ஆம் ஆண்டில், இந்தியா கேட்டில் நேதாஜியின் ஹாலோகிராம் சிலை திறக்கப்பட்டது. 2023ஆம் ஆண்டில், அந்தமான் மற்றும் நிக்கோபார் தீவுகளில் உள்ள 21 பெயரிடப்படாத தீவுகளுக்கு 21 பரம் வீர் சக்ரா விருது பெற்றவர்களின் பெயர்கள் சூட்டப்பட்டன. 2024ஆம் ஆண்டில், இந்திய தேசிய இராணுவ சோதனைகள் நடைபெற்ற இடமான டெல்லியில் உள்ள செங்கோட்டையில் ஒரு நிகழ்வை பிரதமர் தொடங்கி வைத்தார்.
முக்கிய அம்சங்கள்:
1. சுபாஷ் சந்திர போஸ் 1897ஆம் ஆண்டு கட்டாக்கில் ஒரு உயர் வர்க்க வங்காள குடும்பத்தில் பிறந்தார். ஜானகிநாத் மற்றும் பிரபாவதி போஸின் ஒன்பதாவது குழந்தையாக பிறந்தார். 1909ஆம் ஆண்டு ரேவன்ஷா கல்லூரிப் பள்ளியில் தனது இடைநிலைக் கல்வியை முடித்தார். 1913ஆம் ஆண்டு, அவர் தத்துவம் படிக்க கல்கத்தாவில் உள்ள பிரசிடென்சி கல்லூரியில் சேர்ந்தார்.
2. பின்னர் போஸ் 1920ஆம் ஆண்டு இந்திய குடிமை பணி (Indian Civil Services (ICS)) தேர்வுக்குத் தயாராவதற்காக கேம்பிரிட்ஜ் பல்கலைக்கழகத்திற்குச் சென்றார். இருப்பினும், இந்தியாவின் சுதந்திரத்திற்கான தேசிய இயக்கத்தில் சேர முடிவு செய்து ICS-ல் இருந்து ராஜினாமா செய்தார்.
3. 1921-ல், பம்பாய்க்கு (இப்போது மும்பை) வந்த பிறகு, போஸ் காந்தியின் செயல் திட்டத்தைப் புரிந்து கொள்ள அவரைச் சந்தித்தார். அவர் காந்தியை ஆழமாக மதித்தாலும், பதில்களில் திருப்தியடையாமல் கூட்டத்தை விட்டு வெளியேறினார்.
காங்கிரஸ் அமர்வு:
4. 1938ஆம் ஆண்டு, ஹரிபுரா அமர்வில் போஸ் காங்கிரஸ் தலைவராகத் தேர்ந்தெடுக்கப்பட்டார். அவர் சுயராஜ்யத்தை ஒரு "தேசிய கோரிக்கையாக” வலியுறுத்தினார் மற்றும் ஆங்கிலேய ஆட்சியின் கீழ் ஒரு இந்திய கூட்டாட்சி என்ற கருத்தை எதிர்த்தார். 1939ஆம் ஆண்டு, காந்தியின் ஆதரவை பெற்ற வேட்பாளரான மருத்துவர் பட்டாபி சீதாராமையாவை மறுதேர்தலில் சுபாஷ் சந்திர போஸ் தோற்கடித்தார்.
5. போஸ் மற்றொரு செயற்குழுவை அமைக்க முயன்றார். ஆனால், அவர் தோல்வியடைந்ததால், அவர் தனது பதவியை ராஜினாமா செய்தார். ராஜேந்திர பிரசாத் அவருக்குப் பதிலாக பொறுப்பேற்றார். ஒரு வாரத்திற்குள், கட்சியின் தீவிர இடதுசாரி கூறுகளை ஒன்றிணைக்க காங்கிரசில் "ஃபார்வர்டு பிளாக்" உருவாக்க போஸ் முன்மொழிந்தார்.
6. 1940ஆம் ஆண்டு, கல்கத்தாவின் கருந்துளையில் (1756) பாதிக்கப்பட்டவர்களுக்கு அர்ப்பணிக்கப்பட்ட ஒரு நினைவுச்சின்னத்தை அகற்ற பிரச்சாரம் செய்வதற்கு முன்பே போஸ் கைது செய்யப்பட்டார். உண்ணாவிரதத்திற்குப் பிறகு, டிசம்பரில் அவர் சிறையில் இருந்து விடுவிக்கப்பட்டார்.
கருத்தியல் பிளவு
1. காந்திக்கும் போஸுக்கும் இடையிலான சித்தாந்த பிளவை வரலாற்றாசிரியர் சதத்ரு சென் விளக்குகிறார். காந்தி பொறுமையாகவும் சுதந்திரத்திற்காக நீண்ட காலம் காத்திருக்கவும் தயாராகவும் இருந்தார். இதற்கு நேர்மாறாக, போஸ் உடனடி நடவடிக்கை மற்றும் முடிவுகளை விரும்பினார். காந்தி பொருள் முதல்வாதத்திற்கு எதிரானவர் மற்றும் நவீன தொழில்நுட்பத்தை எதிர்த்தார், அதே நேரத்தில் போஸ் தொழில்நுட்பத்தையும் வெகுஜன உற்பத்தியையும் உயிர்வாழ்வதற்கும் கண்ணியத்திற்கும் அவசியம் என்று தெரிந்து கொண்டார். காந்தி ஒரு பரவலாக்கப்பட்ட சமூகத்தை விரும்பினார், நவீன அரசை விரும்பவில்லை. இருப்பினும், போஸ் ஒரு வலுவான ஒன்றிய அரசாங்கத்தை விரும்பினார். மேலும், நவீன அரசுதான் இந்தியாவின் பிரச்சினைகளுக்கு தீர்வு என்று நம்பினார். அகிம்சைக்கான காந்தியின் உறுதிப்பாட்டையும் போஸ் பகிர்ந்து கொள்ளவில்லை.
2. இந்த வேறுபாடுகள் இருந்தபோதிலும், போஸ் காந்தியின் முக்கியத்துவத்தை அங்கீகரித்தார். ஜூலை 1944ல் சிங்கப்பூரிலிருந்து ஆசாத் ஹிந்த் வானொலியில் (Azad Hind Radio) ஒரு உரையின் போது அவரை "தேசத்தின் தந்தை" (father of the nation) என்று காந்தியை முதலில் அவர்தான் அழைத்தார்.
இந்தியத் தேசிய இராணுவம் (INA) மற்றும் சுபாஸ் சந்திர போஸ்
1. இந்திய தேசிய ராணுவம் (Indian National Army (INA)) பிப்ரவரி 17, 1942 அன்று உருவாக்கப்பட்டது. இது, சிங்கப்பூரில் ஜப்பானியப் படைகளிடம் ஆங்கிலேயர்கள் சரணடைந்த இரண்டு நாட்களுக்குப் பிறகு இந்த இயக்கம் உருவானது. INA-வில் பெரும்பாலும் இந்தியப் போர்க் கைதிகள் (prisoners of war (PoW)) இடம்பெற்றிருந்தனர். தென்கிழக்கு ஆசியாவில் நடைபெற்ற தங்கள் பிரச்சாரத்தின் போது ஜப்பானியர்களால் இந்த போர்க் கைதிகள் கைப்பற்றப்பட்டனர்.
2. சுபாஸ் சந்திர போஸ் ஜூலை 1943-ம் ஆண்டில் சிங்கப்பூர் வந்து, 12,000 உறுப்பினர்களைக் கொண்ட ஐ.என்.ஏ-வின் பொறுப்பை ஜூலை 4-ம் தேதி அன்று ஏற்றுக்கொண்டார்.
பின்னர், தனது படைகளுக்கு ஒரு அதிகாரமிக்க உரையாடலானது, "அடிமைப்படுத்தப்பட்ட மக்களுக்கு, விடுதலைப் படையில் முதல் வீரராக இருப்பதை விட மிகப்பெரிய பெருமை, உயர்ந்த மரியாதை எதுவும் இருக்க முடியாது" என்று அவர் தனது படைகளிடம் கூறினார்.
3. இந்திய தேசிய இராணுவத்தை (INA) டெல்லிக்கு அணிவகுத்துச் செல்ல அழைப்பு விடுத்தார். இந்த அழைப்பானது "டெல்லி சலோ" (Delhi Chalo) என்று அழைக்கப்பட்டது. பிரிட்டிஷ் ஆட்சியிலிருந்து இந்தியாவை விடுவிப்பதே இதன் முக்கியக் குறிக்கோளாக இருந்தது. மார்ச் 1944-ம் ஆண்டில், INA இந்தோ-பர்மா எல்லையைக் கடந்தது. அவர்கள் இம்பால் மற்றும் கோஹிமாவை நோக்கி முன்னேறினர். இருப்பினும், "டெல்லி சலோ" (Delhi Chalo) பிரச்சாரம் இம்பால் பகுதியுடன் முடிந்தது.
4. 1945-ம் காலகட்டத்தில், ஆங்கிலேயர்கள் பர்மாவை மீண்டும் கைப்பற்ற தங்கள் பிரச்சாரத்தைத் தொடங்கினர். மேலும், ஐஎன்ஏ மீண்டும் பின்வாங்க வேண்டியிருந்தது. ஆகஸ்ட் 1945-ம் ஆண்டில் ஹிரோஷிமா மற்றும் நாகசாகி மீது அணுகுண்டுகள் வீசப்பட்ட பிறகு, இப்போர் முடிவுக்கு வந்தது.
5. சரணடைவதற்காக போஸ் தனது படைகளுடன் தங்க விரும்பினார். இருப்பினும், அவரது துணை அதிகாரிகள் அவரை வெளியேறும்படி வற்புறுத்தினர். மூன்று நாட்களுக்குப் பிறகு அவர் ஒரு விமான விபத்தில் இறந்தார்.
நேதாஜியின் மரணம் குறித்த கோட்பாடுகள்
1. 1945-ம் ஆண்டு தைபேயில் நடந்த விமான விபத்துக்குப் பிறகு நேதாஜி போஸ் இறந்துவிட்டார் என்று பலர் நம்புகிறார்கள். உளவுத்துறை அதிகாரியான கர்னல் (பின்னர் சர்) ஜான் ஃபிகெஸ், போஸின் மரணத்தை விசாரித்தார். அதன் அடிப்படையில், அவர் ஜூலை 25, 1946 அன்று ஒரு அறிக்கையை சமர்ப்பித்தார். இதில், போஸ் ஆகஸ்ட் 18, 1945 அன்று தைஹோகு இராணுவ மருத்துவமனையில் இறந்தார் என்பதை அறிக்கை உறுதிப்படுத்தியது. மரணத்திற்கான காரணம் இதய செயலிழப்பு (heart failure) என்று குறிப்பிடுகிறது. விமான விபத்தால் ஏற்பட்ட பல தீக்காயங்கள் மற்றும் அதிர்ச்சியின் விளைவாக இது ஏற்பட்டது என்று குறிப்பிடப்பட்டுள்ளது.
2. சுதந்திரத்திற்குப் பிறகு, இந்திய அரசு மூன்று ஆணையங்களை அமைத்தது. நேதாஜி காணாமல் போனது பற்றிய உண்மையை வெளிக்கொணரும் பணியில் இந்த ஆணையங்கள் ஈடுபட்டன.
3. 1956-ம் ஆண்டில், ஒன்றிய அரசு மூன்று பேர் கொண்ட குழுவை அமைத்தது. இந்தக் குழுவுக்கு நாடாளுமன்ற உறுப்பினரும் இந்திய தேசிய இராணுவத்தின் முன்னாள் லெப்டினன்ட் கர்னலுமான ஷா நவாஸ் கான் தலைமை தாங்கினார். சுபாஷ் சந்திர போஸின் மரணம் குறித்து விசாரிப்பதே இந்த குழுவின் முக்கிய நோக்கமாகும். போஸ் விமான விபத்தில் இறந்துவிட்டார் என்று குழு முடிவு செய்தது.
4. 1970-ம் ஆண்டில், போஸ் இன்னும் உயிருடன் இருக்கலாம் என்ற வதந்திகள் பரவின. அதற்கு பதிலளிக்கும் விதமாக, ஒன்றிய அரசு ஒரு புதிய ஆணையத்தை அமைத்தது. இந்த ஆணையத்திற்கு பஞ்சாப் உயர்நீதிமன்றத்தின் ஓய்வுபெற்ற தலைமை நீதிபதியான நீதிபதி ஜி.டி. கோஸ்லா தலைமை தாங்கினார். இந்த ஆணையம் ஃபிகெஸ் அறிக்கை (Figgess report) மற்றும் ஷா நவாஸ் குழுவின் முந்தைய ஆய்வுகளை உறுதிப்படுத்தியது. போஸின் மரணத்தின் முக்கிய உண்மைகள் குறித்த அவர்களின் முடிவுடன் இந்த ஆய்வு உடன்பட்டது.
5. 1999-ம் ஆண்டு, ஒன்றிய அரசு ஓய்வுபெற்ற உச்ச நீதிமன்ற நீதிபதி மனோஜ் குமார் முகர்ஜியை மரணத்தை மீண்டும் விசாரிக்க நியமித்தது. இது நீதிமன்ற உத்தரவைத் தொடர்ந்து செய்யப்பட்டது. போஸ் விபத்தில் இறந்தார் என்பதை நிரூபிக்க வலுவான ஆதாரங்கள் எதுவும் இல்லை என்று அறிக்கை கூறியது. இந்த கண்டுபிடிப்புகள் மே 17, 2006 அன்று நாடாளுமன்றத்தில் சமர்ப்பிக்கப்பட்டன. இருப்பினும், அரசாங்கம் அந்த அறிக்கையை நிராகரித்தது.
6. செப்டம்பர் 2015-ம் ஆண்டில், மேற்கு வங்க அரசு நேதாஜி பற்றிய 64 கோப்புகளை இரகசியமாக வெளியிட்டது. இந்தக் கோப்புகள் பொதுமக்களுக்குக் கிடைத்தன. ஜனவரி 23, 2016 அன்று நேதாஜி பற்றிய இரகசிய கோப்புகளை ஒன்றிய அரசு இரகசியமாக வெளியிடத் தொடங்கியது. இருப்பினும், இரகசியமாக வைக்கப்பட்ட கோப்புகள் கூட 1945-ம் ஆண்டுக்குப் பிறகு நேதாஜி உயிருடன் இருந்தார் என்பதற்கான வலுவான ஆதாரங்களை வழங்கவில்லை.