BSNL இன் ‘சுதேசி’ 4ஜி நிலையை (4G stack) பிரதமர் நரேந்திர மோடி சனிக்கிழமை திறந்து வைத்தார். தொலைத்தொடர்பு தொழில்நுட்பத்தின் (telecom technology) வெவ்வேறு தலைமுறைகள் என்ன?, ஒவ்வொரு ‘ஜி’க்கும் என்ன மாறிவிட்டது? நீங்கள் தெரிந்துகொள்ள வேண்டிய அனைத்தும் இங்கே குறிப்பிட்டுள்ளது,
தொலைத்தொடர்பு உள்கட்டமைப்பிற்கு ஒரு பெரிய ஊக்கமாக, பிரதமர் நரேந்திர மோடி சனிக்கிழமை BSNL இன் ‘சுதேசி’ 4G நிலையைத் திறந்து வைத்தார். இது உள்நாட்டு தொலைத்தொடர்பு உபகரணங்களை உற்பத்தி செய்யும் டென்மார்க், ஸ்வீடன், தென் கொரியா மற்றும் சீனா போன்ற நாடுகளின் விரும்பத்தக்க குழுவில் இந்தியா நுழைவதைக் குறிக்கிறது. இந்த சூழலில், தலைமுறை ஒன்று (1ஜி) முதல் ஐந்தாவது வரையிலான முன்னேற்றம், ஒவ்வொரு தலைமுறை தொலைத்தொடர்பு தொழில்நுட்பம் மற்றும் ஒவ்வொரு 'ஜி' (தலைமுறை) ஆகியவற்றிலும் என்ன மாறிவிட்டது என்பதைப் பற்றி அறிந்து கொள்வோம்.
முக்கிய அம்சங்கள் :
1. 1970களின் பிற்பகுதியில் ஜப்பானில் தொடங்கப்பட்ட 1G ஆனது, மொபைல் தொலைத்தொடர்பு தொழில்நுட்பத்தின் முதல் தலைமுறையாகும். இது குரல் அழைப்புகளை மட்டுமே வழங்கியது. இருப்பினும், இது குறைந்த ஒலி தரம், குறைந்த கவரேஜ் மற்றும் ரோமிங் ஆதரவு இல்லாமல் இருந்தது.
2. தொலைத்தொடர்பு தொழில்நுட்பத்தில் ஒரு பெரிய அடுத்தக்கட்ட பாய்ச்சல் 1991-ல் 2G அறிமுகப்படுத்தப்பட்டதன் மூலம் வந்தது. இந்த தலைமுறையில், 1G இன் தொடரிமக் குறிகைகள் (analog signals) எண்ணிலக்க குறிகைகளால் (digital signals) முழுமையாக மாற்றப்பட்டன.
3. 2G, கோட் டிவிஷன் மல்டிபிள் அக்சஸ் (Code Division Multiple Access (CDMA)) மற்றும் உலகளாவிய மொபைல் தகவல்தொடர்பு அமைப்பு (Global System for Mobile Communication(GSM)) ஆகியவற்றின் கருத்துக்களை அறிமுகப்படுத்தியது. இது பயனர்களை ரோம் செய்ய அனுமதித்தது மற்றும் SMS மற்றும் MMS போன்ற சிறிய தரவு சேவைகளையும் இதில், சுமார் 50 kbps வரை வேகத்துடன் சேவையை வழங்கியது. குரல் அழைப்பில் கவனம் செலுத்தப்பட்ட நிலையில், தரவுக்கான ஆதரவு அறிமுகப்படுத்தப்பட்டது.
4. மொபைல் தொழில்நுட்பம் 2001-ல் 3G சேவைகளை அறிமுகப்படுத்தியதன் மூலம் ஒவ்வொரு பத்தாண்டிலும் தலைமுறையின் முன்னேற்றமாக இருந்தது. மொபைல் இணைய அணுகலுடன் நான்கு மடங்கு வேகமான தரவு பரிமாற்றத்திற்கு உறுதியளித்தது. மின்னஞ்சல்கள் (emails), வழிசெலுத்தல் வரைபடங்கள் (navigational maps), காணொலி அழைப்பு (video calling), இணைய உலாவுதல் (web browsing) மற்றும் இசையை மொபைல் போன்களுக்கு கொண்டு வந்த (music to mobile phones) தலைமுறை இதுவாகும்.
5. அதிவேகம், உயர் தரம், அதிக திறன் கொண்ட குரல் மற்றும் தரவு சேவைகளை உறுதியளித்தது. இது 2010-ல் 4G கொண்டு வந்த வாக்குறுதியாகும். நிலையான 4G ஆனது 3G-ஐ விட ஐந்து முதல் ஏழு மடங்கு வேகத்துடன் வந்தது.
6. 3G உடன் ஒப்பிடும்போது, 4G நெட்வொர்க்கில் உள்ள தொலைபேசிகள் அதன் கோரிக்கைகளுக்கு குறைந்த நேரத்தில் விரைவான பதிலைப் பெற்றது. இதுவே நமது தொலைபேசிகளை கையடக்க கணினிகளைப் போலவே செயல்பட வைத்தது.
7. 5G அல்லது ஐந்தாவது தலைமுறையானது நீண்டகால பரிணாம வளர்ச்சியில் (long-term evolution (LTE)) மொபைல் பிராட்பேண்ட் நெட்வொர்க்குகளில் பெரிய மேம்பாடுகளைக் கொண்டு வந்தது. 5G முக்கியமாக மூன்று அதிர்வெண் பட்டைகளைப் பயன்படுத்துகிறது. அவை குறைந்த, நடுத்தர மற்றும் உயர் தரமாகும். ஒவ்வொரு பட்டைக்கும் அதன் சொந்த பயன்பாடுகள் மற்றும் வரம்புகள் உள்ளன.
8. அதிக செல்லுலார் அலைவரிசை (cellular bandwidth), வேகமான வேகம் மற்றும் குறைந்த நேரத்துடன், 5G 'இன்டர்நெட் ஆஃப் திங்ஸ்' ஐ (Internet of Things) மேம்படுத்துகிறது. இது பல சாதனங்களை ஒன்றோடொன்று இணைக்க அனுமதிக்கிறது. இந்த சாதனங்களை தொலைவிலிருந்து தொடர்பு கொள்ளவும் கட்டுப்படுத்தவும் முடியும்.
9. தலைமுறை ஒன்று (1G) முதல் ஐந்தாவது வரை, தொலைத்தொடர்பு தொழில்நுட்பத்தின் ஒவ்வொரு தலைமுறையும் மனிதர்கள் ஒருவருக்கொருவர் மற்றும் அவர்களைச் சுற்றியுள்ள உலகத்துடன் தொடர்பு கொள்ளும் விதத்தை சிறப்பாக மாற்ற முயல்கிறது. குறிப்பிடத்தக்க வகையில், தொழில்நுட்ப ரீதியாக தற்போது செயல்படும் தொழில்நுட்பம் இல்லை என்றாலும், 6G ஆனது 5G-ஐ விட 100 மடங்கு வேகமான இணைய வேகத்தை உறுதியளிக்கும் மிக உயர்ந்த தொழில்நுட்பமாக கருதப்படுகிறது.
பாரத் 6ஜி திட்டம்
1. 2030-ம் ஆண்டுக்குள் அதிவேக 6G தொடர்பு சேவைகளை அறிமுகப்படுத்த இந்தியா தயாராகி வருகிறது, மேலும் நாட்டில் அடுத்த தலைமுறை தொழில்நுட்பத்தின் ஆராய்ச்சி மற்றும் பயன்பாட்டிற்கு நிதியளிக்க பாரத் 6G திட்டத்தை அமைத்துள்ளதாக கடந்த ஆண்டு அக்டோபரில் பிரதமர் நரேந்திர மோடி வெளியிட்ட தொலைநோக்கு ஆவணத்தில் தெரிவிக்கப்பட்டுள்ளது.
2. இந்தியாவின் 6G திட்டம் இரண்டு கட்டங்களில் செயல்படுத்தப்படும். மேலும், இந்தத் திட்டத்தை மேற்பார்வையிடவும், தரநிலைப்படுத்தல், 6G பயன்பாட்டிற்கான அலைக்கற்றையை அடையாளம் காணுதல், சாதனங்கள் மற்றும் அமைப்புகளுக்கான சுற்றுச்சூழல் அமைப்பை உருவாக்குதல் மற்றும் ஆராய்ச்சி மற்றும் மேம்பாட்டிற்கான நிதிகளைக் கண்டறிதல் போன்ற விஷயங்களில் கவனம் செலுத்தவும் அரசாங்கம் ஒரு உச்சநிலைக் குழுவை நியமித்துள்ளது.
3. தொழில்நுட்ப ரீதியாக, 6G இன்று வரவில்லை என்றாலும், 5G-ஐ விட 100 மடங்கு வேகமான இணைய வேகத்தை உறுதியளிக்கும் மிக உயர்ந்த தொழில்நுட்பமாக இது கருதப்படுகிறது.
4. தொலைநோக்கு ஆவணத்தின்படி, 6G பயன்பாட்டு நிகழ்வுகளில் ரிமோட்-கண்ட்ரோல்ட் தொழிற்சாலைகள் (remote-controlled factories), தொடர்ந்து சுயமாக இயக்கப்படும் கார்கள் (communicating self-driven cars) மற்றும் மனிதனின் உணர்வுகளிலிருந்து நேரடியாக உள்ளீடுகளை எடுக்கும் ஸ்மார்ட் அணிகலன்கள் (smart wearable) ஆகியவை அடங்கும்.
இருப்பினும், 6G வளர்ச்சிக்கு உறுதியளிக்கும் அதே வேளையில், 6G-க்கான ஆதரவு தகவல் தொடர்பு சாதனங்கள் பேட்டரி மூலம் இயங்கும் மற்றும் குறிப்பிடத்தக்க கார்பன் தடம் பெற முடியும் என்பதால், அது ஒரே நேரத்தில் நிலைத்தன்மையுடன் சமநிலைப்படுத்தப்பட வேண்டும் என்று ஆவணம் தெரிவித்துள்ளது.
5. 6G திட்டம் இரண்டு கட்டங்களாக செயல்படுத்த முன்மொழியப்பட்டுள்ளது. முதலாவது 2023 முதல் 2025 வரை மற்றும் இரண்டாவது 2025 முதல் 2030 வரை.
(i) முதல் கட்டத்தில், ஆராய்வதற்கான யோசனைகள், அபாயகரமான பாதைகள் மற்றும் கருத்துச் சான்று சோதனைகளுக்கு ஆதரவு வழங்கப்படும்.
(ii) இரண்டாம் கட்டத்தில், உலகளாவிய சக சமூகம் ஏற்றுக்கொள்ளும் உறுதிமொழி மற்றும் சாத்தியக்கூறுகளைக் காட்டும் யோசனைகள் மற்றும் கருத்துக்கள் அவற்றை நிறைவு செய்வதற்கும், அவற்றின் பயன்பாட்டு வழக்குகள் மற்றும் நன்மைகள் நிறுவப்படும். மேலும் செயல்படுத்தல் அறிவுசார் சொத்துரிமைகள் (IP) மற்றும் சோதனைத் தளங்கள் (testbeds) உருவாக்கப்படும். இது வணிகமயமாக்கலுக்கு வழிவகுக்கும்.
6. பிரதமர் நரேந்திர மோடி அக்டோபர் 2022-ல் 5G சேவைகளை முறையாகத் தொடங்கினார். அடுத்த 10 ஆண்டுகளுக்குள் இந்தியா 6G சேவைகளைத் தொடங்கத் தயாராக இருக்க வேண்டும் என்று அவர் மேலும் கூறினார். 5G அதன் உச்சத்தில் 10-Gbps வரை இணைய வேகத்தை வழங்க முடியும். இதற்கு நேர்மாறாக, 6G ஆனது மிகக் குறைந்த நேரத்தில் 1 Tbps வரை வேகத்தையும் உறுதியளிக்கிறது.