முக்கிய அம்சங்கள்:
— இந்தியாவின் மின் கட்டமைப்பு (grid) இந்தப் போக்கை பரவலாகப் வெளிக்காட்டியுள்ளது. ஜூன் 30 வரையிலான தனித்தனி அரசாங்கத் தரவுகள், நாட்டில் புதைபடிவ எரிபொருள் அல்லாத மூலங்கள் (non-fossil fuel sources) அதன் நிறுவப்பட்ட மின்சாரத் திறனில் 50.1 சதவீதத்தைக் கொண்டுள்ளன. இது வெப்பத்தை இடமாற்றம் செய்கிறது என்பதைக் காட்டுகிறது.
— அணுசக்தி, பெரிய நீர்மின்சாரம் மற்றும் புதுப்பிக்கத்தக்க எரிசக்தி உள்ளிட்ட இந்த ஆதாரங்கள் 2015-ஆம் ஆண்டு வரை இந்தியாவில் நிறுவப்பட்ட திறனில் 30 சதவீதத்தை மட்டுமே கொண்டிருந்தன. 2020-ஆம் ஆண்டில் 38 சதவீதமாக இருந்தது. கடந்த ஐந்து ஆண்டுகளில், அதிக சூரிய மற்றும் காற்றாலை மின்சாரம் காரணமாக இது விரைவாக வளர்ந்தது.
— 2015-ஆம் ஆண்டில், பாரிஸ் ஒப்பந்தத்தின்கீழ், 2030-ஆம் ஆண்டுக்குள் 40% புதைபடிவ எரிபொருள் அல்லாத எரிசக்தி திறனை அடைவதற்கு இந்தியா உறுதியளித்தது. 2022-ஆம் ஆண்டில், இந்த இலக்கு 50%-ஆக உயர்த்தப்பட்டது.
— புதிய எம்பர் அறிக்கை, 2025-ஆம் ஆண்டு ஜனவரி முதல் ஜூன் வரையிலான உலகளாவிய மின்சார உற்பத்தியை 2024-ஆம் ஆண்டின் அதே காலகட்டத்துடன் ஒப்பிட்டுப் பார்த்தது. சீனாவிலும், இந்தியாவிலும் நிலக்கரி பயன்பாடு குறைந்துள்ளதாகக் கண்டறிந்துள்ளது. இருப்பினும், இந்தியாவில் இந்த குறைவு தற்காலிகமாகக் கருதப்படுகிறது. அதே, நேரத்தில் சீனாவில் இது ‘அதிக கட்டமைப்பு’ (more structural) என்று குறிப்பிடப்பட்டது.
— பாரிஸை தளமாகக் கொண்ட சர்வதேச எரிசக்தி அமைப்பின் (International Energy Agency - IEA) தனி அறிக்கை, உலகளாவிய புதுப்பிக்கத்தக்க எரிசக்தி இந்த பத்தாண்டு முடிவுக்குள் இரண்டு மடங்குக்கும் அதிகமாக அதிகரிக்கக்கூடும் என்று குறிப்பிட்டது, புதிய சுத்தமான எரிசக்தி திறனில் 80 சதவீதம் சூரிய மின்சக்தியிலிருந்து வரும் என்று எதிர்பார்க்கப்படுகிறது.
— 2030ஆம் ஆண்டுக்குள் உலகளாவிய புதுப்பிக்கத்தக்க எரிசக்தி இரட்டிப்பாகும் என்றும், 80% புதிய சுத்தமான எரிசக்தி சூரிய சக்தியிலிருந்து வரக்கூடும் என்றும் சர்வதேச எரிசக்தி நிறுவன (International Energy Agency (IEA)) அறிக்கை கூறுகிறது.
-புதுப்பிக்கத்தக்க எரிசக்தியில் உலகளாவிய வளர்ச்சிக்கு சீனா தலைமை தாங்கும் என்றும், அடுத்த பத்தாண்டுகளில் இந்தியா 2-வது பெரிய சந்தையாக மாறும் என்று சர்வதேச எரிசக்தி நிறுவனம் கூறுகிறது.
— 2025 ஆம் ஆண்டின் முதல் பாதியில், சூரிய சக்தி மற்றும் காற்றாலை ஆற்றல் மின்சார தேவையைவிட வேகமாக வளர்ந்தது: உலகளாவிய மின்சார பயன்பாடு 2.6% அதிகரித்தாலும், சூரிய சக்தி 31% மற்றும் காற்றாலை 7.7% அதிகரித்துள்ளது. இது உற்பத்தியில் ஏற்பட்ட அதிகரிப்பை விட அதிகமான அளவாகும்
— சீனாவிலும் இந்தியாவில் நிலக்கரியில் ஏற்பட்ட வீழ்ச்சி - இந்தியாவில் தாற்காலிகமானது. ஆனால், சீனாவில் கட்டமைப்பு ரீதியாக: சூரிய சக்தியின் வலுவான உயர்வு 2025ஆம் ஆண்டின் முதல் பாதியில் புதுப்பிக்கத்தக்க எரிசக்தி நிலக்கரி உற்பத்தியை முதன்முறையாக முந்தியதால், உலகளாவிய மின்சாரத்தில் புதுப்பிக்கத்தக்க எரிசக்தியின் பங்கு 34.3 சதவீதமாக உயர்ந்தது. அதே, நேரத்தில் நிலக்கரியின் பங்கு 33.1 சதவீதமாகக் குறைந்தது.
— மின்துறை உமிழ்வுகள் சமன்நிலை அடைந்தன: உலகளாவிய மின்சாரத் தேவை அதிகரித்த போதிலும், 2025ஆம் ஆண்டின் முதல் பாதியில் உமிழ்வுகள் சிறிதளவு குறைந்தன. சீனா மற்றும் இந்தியாவில் தூய்மையான எரிசக்தி வளர்ச்சி மின்சாரத் தேவையைவிட அதிகமாக இருந்தது. இதனால் நிலக்கரி பயன்பாடு குறைந்தது. ஐரோப்பிய ஒன்றியம் மற்றும் அமெரிக்காவில், கடந்த ஆண்டு இதே காலகட்டத்துடன் ஒப்பிடும்போது உமிழ்வு அதிகரித்துள்ளது.
உங்களுக்குத் தெரியுமா?
—2025ஆம் ஆண்டு ஜூன் மாத நிலவரப்படி, இந்தியாவின் மொத்த மின் திறன் 485 ஜிகாவாட் (gigawatts (GW)) ஆகும். புதிய மற்றும் புதுப்பிக்கத்தக்க எரிசக்தி அமைச்சகத்தின் (Ministry of New and Renewable Energy) அறிக்கையின்படி, சூரிய சக்தி, காற்றாலை, சிறிய நீர் மற்றும் உயிரி எரிவாயு போன்ற புதுப்பிக்கத்தக்க எரிசக்திகள் 185 ஜிகாவாட் ஆகும்.
இந்தியாவின் எரிசக்தி நிலை கண்ணோட்டம்
— பெரிய நீர்மின் நிலையங்கள் 49 ஜிகாவாட் மற்றும் அணுசக்தி 9 ஜிகாவாட்டை கொண்டிருந்தன. இது இந்தியாவின் மொத்த மின் திறனில் பாதிக்கும் மேலான புதைபடிவமற்ற எரிபொருள் ஆதாரங்களாக அமைந்தது. அனல் மின்சாரம், முக்கியமாக நிலக்கரி மற்றும் எரிவாயு, 242 ஜிகாவாட் அல்லது 49.9% ஆகும். 2015-ஆம் ஆண்டில், அனல் மின்சாரத்தின் பங்கு 70 சதவீதமாக இருந்தது.
— பசுமை ஆற்றலின் அதிகரிப்பு காரணமாக, இந்த ஆண்டின் முதல் பாதியில் இந்தியாவின் மின்சாரத் துறையிலிருந்து கார்பன்-டை-ஆக்சைடு வெளியேற்றமும் கடந்த ஆண்டின் இதே காலகட்டத்தைவிட ஓரளவு சரிவைக் காட்டியுள்ளது என்று ஒரு புதிய பகுப்பாய்வு வெளிப்படுத்தியுள்ளது.
— முதல் முறையாக, இந்தியாவில் மின்சாரத்திலிருந்து வெளியேறும் கார்பன் டை ஆக்சைடு உமிழ்வு குறைந்தது. சிறந்த வானிலை மின்சாரத் தேவையைக் குறைத்ததால் இது ஓரளவுக்கு ஏற்பட்டது என்று ஐக்கிய ரட்சியத்தின் எரிசக்தி மற்றும் சுத்தமான காற்று ஆராய்ச்சி மையத்தின் ஆராய்ச்சி கூறுகிறது. இந்தியாவின் பாதிக்கும் மேற்பட்ட கார்பன் டை ஆக்சைடு மின்சாரம் மற்றும் வெப்பத்திற்காக நிலக்கரியை எரிப்பதன் மூலம் வருகிறது. எனவே, இந்தத் துறை நாட்டில் உமிழ்வின் மிகப்பெரிய ஆதாரமாகும்.
— குறிப்பாக, கடந்த பத்தாண்டுகளில் எரிசக்தி சேமிப்பு அமைப்புகள் இல்லாத நிலையில் புதுப்பிக்கத்தக்க எரிசக்தியை விரைவாக விரிவுபடுத்துவதில் இந்தியா கவனம் செலுத்துவது, நாட்டின் மின்சாரக் கட்டமைப்பில் அதிகரித்து வரும் உறுதியற்ற தன்மைக்கு ஒரு முக்கிய காரணமாக உள்ளது.
— கோடை மாதங்களில் மாலை நேரங்களில் சூரிய மின் உற்பத்தி குறைந்து தேவை அதிகமாக இருக்கும் போது, மின் கட்டத்திற்கு முக்கியமான அடிப்படை சுமை ஆதரவை வழங்கும் வெப்ப விரிவாக்கத்தைக் குறைப்பதன் மூலம் இந்தப் பிரச்சனை அதிகரிக்கிறது.
— இந்திய அரசாங்கம் கடந்த சில மாதங்களாக கொள்கை ரீதியாக முன்னெச்சரிக்கை நடவடிக்கைகளை எடுக்கத் தொடங்கியுள்ளது. எரிசக்தி சேமிப்பிற்கான உந்துதலும், வெப்ப மற்றும் அணுசக்தி, குறிப்பாக சிறிய மட்டு உலைகள் (small modular reactors) பிரிவை நோக்கி கொள்கை மையப்படுத்தலும் இதில் அடங்கும்.
— பிப்ரவரியில், மத்திய மின்சார ஆணையம் (Central Electricity Authority - (CEA)) எதிர்கால ஒப்பந்தங்களில் மின்வலைய நிலைத்தன்மையை உறுதிசெய்ய சூரிய திட்டங்களுடன் எரிசக்தி சேமிப்பு அமைப்புகளை இணைந்த இடத்தில் அமைக்க ஒரு ஆலோசனையை வெளியிட்டது.
— மின்துறை அமைச்சகம் பேட்டரி சேமிப்புக்கான அதன் நம்பகத்தன்மை இடைவெளி நிதியுதவி (viability gap funding (VGF)) திட்டத்தையும் விரிவுபடுத்தியுள்ளது. ஏற்கனவே, செயல்படுத்தப்பட்டு வரும் 13 கிகாவாட்-மணிநேரத்துடன் 30 கிகாவாட்-மணிநேரத்தை சேர்த்துள்ளது. இதன் மொத்த செலவினம் ரூ. 5,400 கோடியாகும்.