தற்போதைய நிகழ்வு : இந்த ஆண்டு தொடக்கத்தில் அறிமுகப்படுத்தப்பட்ட அரசாங்கத்தின் ஒருங்கிணைந்த ஓய்வூதியத் திட்டம் (Unified Pension Scheme (UPS)) இதுவரை ஒரு சிலரால் மட்டுமே ஏற்றுக்கொள்ளப்பட்டாலும், பல பணியாளர் சங்கங்கள் இப்போது நவம்பர் 9-ம் தேதி ஜந்தர் மந்தரில் ஒரு போராட்டத்தை நடத்த திட்டமிட்டுள்ளன. பழைய ஓய்வூதியத் திட்டம் (Old Pension Scheme (OPS)) 2004-ம் ஆண்டு தேசிய ஓய்வூதிய முறையால் (National Pension System (NPS)) மாற்றப்பட்டது.
முக்கிய அம்சங்கள் :
அகில இந்திய NPS ஊழியர்கள் கூட்டமைப்பு, மற்ற சங்கங்களுடன் இணைந்து, OPS மறுசீரமைப்பு கோரிக்கையை வலியுறுத்தி ஜந்தர் மந்தரில் போராட்டம் நடத்த உள்ளதாக அதன் தலைவர் மஞ்ஜீத் சிங் படேல் கூறினார். இதே கோரிக்கையை தில்லி காவல்துறைக்கு தெரிவிக்க கூட்டமைப்பு கடிதம் எழுதியுள்ளதாக அவர் தெரிவித்தார்.
அரசாங்க வட்டாரங்களின்படி, செப்டம்பர் 30-ம் தேதி நிலவரப்படி, தேசிய ஓய்வூதிய முறையின் (NPS) கீழ் உள்ள 23.93 லட்சம் பணியாளர்களில் சுமார் 4.5% (1.11 லட்சம்) பேர் மட்டுமே ஒருங்கிணைந்த ஓய்வூதியத் திட்டத்திற்கு (UPS) மாற முடிவு செய்திருந்தனர்.
ஆகஸ்ட் 2024-ல் அமைச்சரவை ஒருங்கிணைந்த ஓய்வூதியத் திட்டத்திற்கு (UPS) ஒப்புதல் அளித்தது. மேலும், நிதி அமைச்சகம் இந்த ஆண்டு ஏப்ரல் 1 முதல் அதை அறிமுகப்படுத்தியது. ஆரம்பத்தில், தேசிய ஓய்வூதிய திட்டத்தின் (NPS) கீழ் உள்ள பணியாளர்கள் ஒருங்கிணைந்த ஓய்வூதியத் திட்டத்தைத் (UPS) தேர்வுசெய்ய காலக்கெடு ஜூன் 30 வரை இருந்தது. ஆனால், மெதுவாக ஏற்றுக்கொள்ளப்பட்டதால் காலக்கெடு இரண்டு முறை நீட்டிக்கப்பட்டது. இது, முதலில், இது செப்டம்பர் 30 வரை நீட்டிக்கப்பட்டது, பின்னர் நவம்பர் 30 வரை நீட்டிக்கப்பட்டது.
பழைய ஓய்வூதியத் திட்டத்தின் (OPS) கீழ், பணியாளர்கள் கடைசியாகப் பெற்ற அடிப்படைச் சம்பளத்தில் 50% ஓய்வூதியமாகப் பெறுகிறார்கள். ஜனவரி 1, 2004 அன்று அல்லது அதற்குப் பிறகு பணிபுரிந்த அனைவரும் தேசிய ஓய்வூதிய முறையின் (NPS) கீழ் உள்ளனர். தேசிய ஓய்வூதிய முறையில் (NPS), ஓய்வூதியம் சந்தையின் செயல்திறன் மற்றும் பணியாளர் முதலீடு செய்த தொகையைப் பொறுத்து அமைகிறது.
பணியாளர்கள் தொடர்ந்து பழைய ஓய்வூதியத் திட்டத்திற்கு (OPS) திரும்பக் கோரி வருவதால், அரசாங்கம் கடந்த ஆண்டு ஒருங்கிணைந்த ஓய்வூதியத் திட்டத்தைத் (UPS) கொண்டு வந்தது. இதில் 25 வருட சேவையை முடித்தவர்களுக்கு ஓய்வூதியமாக ஓய்வு பெறுவதற்கு முந்தைய கடைசி 12 மாதங்களில் பெறப்பட்ட சராசரி அடிப்படை ஊதியத்தில் 50% பணியாளர்களுக்கு உத்தரவாதம் அளிக்கப்படுகிறது.
தேசிய ஓய்வூதிய திட்டத்தின் (NPS) கீழ் உள்ள பணியாளர்கள் ஒருங்கிணைந்த ஓய்வூதியத் திட்டத்திற்கு (UPS) மாறுவதற்கான விருப்பம் உள்ளது. இருப்பினும், பெயர் வெளியிட விரும்பாத பல மத்திய அரசு பணியாளர்கள், சந்தைகளுடன் இணைக்கப்பட்ட தேசிய ஓய்வூதிய முறை (NPS), ஒருங்கிணைந்த ஓய்வூதியத் திட்டத்தை (UPS) விட இன்னும் சிறந்த தேர்வாக இருப்பதாகக் கூறினர்.
அக்டோபர் 7-ம் தேதி ஓய்வூதியம் மற்றும் ஓய்வூதியதாரர்கள் நலத்துறைக்கு சமர்ப்பிக்கப்பட்ட ஒரு பிரதிநிதித்துவத்தில், ஒருங்கிணைந்த ஓய்வூதியத் திட்டத்தின் (UPS) கீழ் ஓய்வுக்கால நிதியானது (superannuation) ஓய்வு பெறும் தேதிக்குப் பதிலாக, தன்னார்வ ஓய்வு (voluntary retirement) பெற்ற தேதியிலிருந்து தொடங்க வேண்டும் என்று அவர்கள் கோரினர்.
உங்களுக்குத் தெரியுமா?
ஒருங்கிணைந்த ஓய்வூதியத் திட்டத்தின் (UPS) முக்கிய அம்சங்கள் :
1. உறுதியளிக்கப்பட்ட ஓய்வூதியம் : இந்தத் திட்டம் 'உறுதியளிக்கப்பட்ட ஓய்வூதியத்தை' (Assured Pension) வழங்குகிறது. இது பணி ஓய்வு அல்லது ஓய்வு பெறுவதற்கு முன், குறைந்தபட்சம் 25 ஆண்டுகள் தகுதிவாய்ந்த சேவைக்காக, கடந்த 12 மாதங்களில் பணியாளர் பெற்ற சராசரி அடிப்படை ஊதியத்தில் 50 சதவீதமாகக் கணக்கிடப்படும். ஓய்வூதியம் குறைந்தபட்சம் 10 ஆண்டுகள் சேவை வரை குறைவான சேவை காலத்திற்கு ஓய்வூதியம் விகிதாசாரமாக இருக்கும்.
2. உறுதி செய்யப்பட்ட குறைந்தபட்ச ஓய்வூதியம் : இந்தத் திட்டம் குறைந்தபட்சம் 10 வருட சேவைக்குப் பிறகு, ஓய்வூதியத்திற்காக ஒருங்கிணைந்த ஓய்வூதியத் திட்டம் (UPS) மாதந்தோறும் ரூ.10,000 ஓய்வூதியத்தை உத்தரவாதம் அளிக்கிறது.
3. உறுதி செய்யப்பட்ட குடும்ப ஓய்வூதியம் : ஓய்வு பெற்றவர் காலமானால், அவரது நெருங்கிய குடும்பத்தினர் ஓய்வு பெற்றவர் கடைசியாக எடுத்த ஓய்வூதியத்தில் 60% பெற உரிமை உண்டு.
4. பணவீக்கக் குறியீடு (Inflation indexation) : தொழில்துறை தொழிலாளர்களுக்கான அகில இந்திய நுகர்வோர் விலைக் குறியீட்டைப் (Consumer Price Index) பயன்படுத்தி மூன்று வகையான ஓய்வூதியங்களுக்கான அகவிலைப்படி நிவாரணம் கணக்கிடப்படும். இந்தக் குறியீடு, சேவை செய்யும் தொழிலாளர்களுக்குப் பயன்படுத்தப்படும் குறியீட்டைப் போன்றது.
5. ஓய்வூதிய நேரத்தில் ஒரு மொத்த தொகை செலுத்துதல்: கிராச்சுட்டிக்கு மேலதிகமாக, ஓய்வூதிய நேரத்தில் ஒரு மொத்த தொகை வழங்கப்படும். இது ஒவ்வொரு ஆறு மாத சேவை முடிந்த பிறகு, ஓய்வூதிய தேதியில் உள்ள மாதாந்திர ஊதியத்தின் (ஊதியம் + DA) பத்தில் ஒரு பங்காக இருக்கும். இந்த செலுத்துதல் உறுதியளிக்கப்பட்ட ஓய்வூதியத்தின் அளவை குறைக்காது.
6. கட்டாய ஓய்வு பெற்ற பணியாளர்களுக்கான ஓய்வூதிய உத்தரவாதம் : கட்டாய ஓய்வு பெற்ற ஊழியர்களுக்கான ஓய்வூதிய உறுதி: ஒருங்கிணைந்த ஓய்வூதியத் திட்டம் (UPS) மத்திய சிவில் சேவைகள் விதிகளின் கீழ் தண்டனையாக இல்லாத அடிப்படை விதி 56 (j)-ன் கீழ் கட்டாயமாக ஓய்வு பெற்ற ஊழியர்களுக்கும் கிடைக்கும் என்று அறிவிப்பு தெரிவித்தது. இருப்பினும், சேவையிலிருந்து நீக்கப்படுதல், பணிநீக்கம் அல்லது ஊழியரின் பதவி விலகலின்போது உறுதியளிக்கப்பட்ட பணம் கிடைக்காது. "இத்தகைய சந்தர்ப்பங்களில், ஒருங்கிணைந்த ஓய்வூதியத் திட்ட விருப்பம் பொருந்தாது," என்று அது தெரிவித்தது.