போர் நிறுத்தத்திற்கான ஐக்கிய நாடுகள் பாதுகாப்பு கவுன்சில் தீர்மானத்திற்கு இஸ்ரேல் செவிசாய்க்க வேண்டும்.
காசா மீதான இஸ்ரேலின் தாக்குதல் தொடங்கி ஐந்தரை மாதங்களுக்குப் பிறகு, 32,000 பாலஸ்தீனியர்கள் கொல்லப்பட்டுள்ளனர். மேலும் 74,000 பேர் காயமடைந்துள்ளனர். காசாவிலிருந்து 90%க்கும் அதிகமான மக்கள் இடம்பெயர்ந்துள்ளனர். ஏறக்குறைய அனைத்து குடியிருப்பாளர்களும் இப்போது கடுமையான பட்டினி நெருக்கடியை எதிர்கொள்கின்றனர். மார்ச் 25 அன்று, ஐக்கிய நாடுகளின் பாதுகாப்பு கவுன்சில் (United nation Security Council (UNSC)) "உடனடி போர் நிறுத்தத்திற்கு" (“an immediate ceasefire”) அழைப்பு விடுத்தது. ஹமாஸ் பிடித்து வைத்துள்ள பிணைக் கைதிகள் அனைவரையும் விடுவிக்க வேண்டும் என்றும் அவர்கள் கோரிக்கை விடுத்தனர். முன்னதாக காஸாவில் உடனடியாக போர் நிறுத்தம் செய்யக் கோரிய ஐக்கிய நாடுகளின் பாதுகாப்பு கவுன்சில் அனைத்து தீர்மானங்களையும் அமெரிக்கா தனது ரத்து அதிகாரத்தைப் (veto power) பயன்படுத்தி நிராகரித்திருந்தது. இந்த முறை பைடன் நிர்வாகத்தின் போர்க் கொள்கையில் ஒரு மாற்றத்தை சுட்டிக்காட்டி, அமெரிக்கா வாக்கெடுப்பில் கலந்துகொள்ளவில்லை.
ஐக்கிய நாடுகள் பாதுகாப்பு கவுன்சிலில் (United nation Security Council (UNSC)) மற்ற அனைத்து உறுப்பினர்களும் தீர்மானத்திற்கு வாக்களித்தனர். இதுவரை போர் நிறுத்தத்தை ஆதரிப்பதற்கு எதிராக இருந்த பிரிட்டனும் தீர்மானத்திற்கு ஆதரவாக வாக்களித்தது. இதனால் கோபமடைந்த இஸ்ரேல் பிரதமர் பெஞ்சமின் நெதன்யாகுவின் (Prime Minister Benjamin Netanyahu) முக்கிய அமைச்சரவை உறுப்பினர்களில் இருவருக்காக திட்டமிடப்பட்டிருந்த வாஷிங்டன் பயணத்தை அவர்கள் ரத்து செய்தனர். போர் நிறுத்தத்தை பணயக் கைதிகளை விடுவிப்பதுடன் தொடர்புபடுத்தக் கூடாது என்ற இஸ்ரேலின் விமர்சனத்தை சீனாவும் ரஷ்யாவும் ஆதரித்தன. 1.4 மில்லியன் பாலஸ்தீனியர்கள் வசிக்கும் ரஃபா (Rafah) மீது இஸ்ரேல் படையெடுப்பதாக தெரிவித்துள்ளது. ஐக்கிய நாடுகள் பாதுகாப்பு கவுன்சிலின் 14 உறுப்பினர்கள் உடனடியாக போர்நிறுத்தம் கோரிய பிறகும் இஸ்ரேல் ரஃபாவை தாக்குவது தவறானது. இத்தகைய தாக்குதல் வன்முறை மற்றும் உயிரிழப்புக்கு வழிவகுக்கும்.
அக்டோபர் 7 அன்று எல்லையில் ஹமாஸின் தாக்குதல் காரணமாக சமீபத்திய போர் தொடங்கியது. இந்த தாக்குதலில் குறைந்தது 1,200 இஸ்ரேலியர்கள் கொல்லப்பட்டனர். இஸ்ரேல் ஆரம்பத்தில் உலகளாவிய ஆதரவைப் பெற்றது. இருப்பினும், ஹமாஸின் நடவடிக்கைகளுக்காக காஸா முழுவதையும் இஸ்ரேல் தண்டித்தது, சர்வதேசக் கருத்தை அதற்கு எதிராகத் திருப்பியது. ஐக்கிய நாடுகள் பாதுகாப்பு கவுன்சில் தீர்மானத்தை பின்பற்றி இஸ்ரேல் போர் நிறுத்தம் செய்ய வேண்டும். அக்டோபர் 7 தாக்குதல் உளவுத்துறை மற்றும் பாதுகாப்பில் ஒரு பெரிய தோல்வியைக் காட்டியது. இதற்கு பிரதமர் நெதன்யாகு முழு பொறுப்பேற்க வேண்டும். பல மாதங்கள் சண்டையிட்ட போதிலும், காசா பெரும்பாலும் அழிக்கப்பட்டது. ஆனால் ஹமாஸ் உள்ளது, பணயக்கைதிகள் இன்னும் சிறைபிடிக்கப்பட்டுள்ளனர்.
இந்த போர் நெத்தனியாகுவின் அரசாங்கத்திற்குள் மிகப்பெரிய அவப்பெயரை ஏற்படுத்தியது. பிரதமர் மிகவும் செல்வாக்கற்றவர். அவரது கூட்டணி கட்சிகளும் தங்களுக்குள் சண்டையிட்டுக் கொள்கின்றன. இந்தப் போர் இஸ்ரேலை மேலும் தனிமைப்படுத்தியுள்ளது. அமெரிக்கா போன்ற நெருங்கிய நட்பு நாடுகளுடனான அதன் உறவுகள் மோசமடைந்து வருகின்றது. ஒரு முடிவு தெரியாமல் போரைத் தொடர்வது இஸ்ரேலின் உள்நாட்டிலும் வெளிநாட்டிலும் உள்ள பிரச்சினைகளை இன்னும் மோசமாக்கும். ஏற்கனவே பாதிக்கப்பட்டுள்ள காஸாவில் மேலும் பாலஸ்தீனியர்கள் உயிரிழக்கவும் இது வழிவகுக்கும்.
திரு நெதன்யாகுவுக்கு இரண்டு வாய்ப்புகள் உள்ளன. முதலாவதாக, அவர் ஐக்கிய நாடுகள் பாதுகாப்பு கவுன்சிலின் ஆலோசனையைக் கேட்கலாம். அவர் போரை நிறுத்தி, அவசர மனிதாபிமான உதவிகளை காஸாவுக்குள் அனுமதிக்க முடியும். சர்வதேச மத்தியஸ்தர்கள் ஊடாக ஹமாஸுடன் பேச்சுவார்த்தைகளை அவர் தொடரலாம். இந்த பேச்சுவார்த்தைகள் அனைத்து பணயக்கைதிகளையும் விடுவிப்பது மற்றும் காசாவில் இருந்து இஸ்ரேலிய துருப்புகளை வெளியேற்றுவது பற்றியதாக இருக்கும். இரண்டாவதாக, அவர் இஸ்ரேலை ஒரு முடிவில்லாத போர் நிலையில் வழிநடத்த முடியும். இது நாட்டை ஒரு கடினமான மற்றும் இருண்ட சூழ்நிலையில் வைத்திருக்கும்.