மதம் என்ற துருப்புச் சீட்டைப் பயன்படுத்தி தேர்தல் ஆதாயங்களுக்கான தீவிர தேடலில், முஸ்லிம்களின் மத வாழ்க்கையில் மசூதிகள் மையமாக உள்ளன என்பதை அமைதியாக உணர வேண்டும்.
பிரதமர் நரேந்திர மோடி, தேர்தல் பிரச்சாரத்தின் போது இராமர் கோயில் பற்றி அடிக்கடி குறிப்பிடுகிறார். அதை ஒரு முக்கிய சாதனையாக அவர் முன்னிலைப்படுத்துகிறார். இதன் மூலம் பாரதிய ஜனதா கட்சி தேர்தல் ஆதாயமாக இதைப் பயன்படுத்த முயல்கிறது என்பதையே இது காட்டுகிறது. இராமர் கோயில் பிரச்சினை ஒரு பெரிய பின்னணியின் ஒரு பகுதியாகும். இந்த சூழலில் வாரணாசியில் உள்ள கியான்வாபி மசூதியில் (Gyanvapi Mosque) நடந்து வரும் கணக்கெடுப்பும் அடங்கும். மதுராவில் உள்ள ஷாஹி ஈத்கா மசூதி (Shahi Idgah Masjid) மீதான உரிமைகோரல்களும் இதில் அடங்கும். 2024 தேர்தலுக்குப் பிறகு கோயில்களுக்கும் மசூதிகளுக்கும் இடையிலான மோதல் உருவாகக்கூடும் என்று இந்த பிரச்சினைகள் தெரிவிக்கின்றன.
ஜூன் 2022 இல், கியான்வாபி சர்ச்சையின் போது, இராஷ்டிரிய சுயம்சேவக் சங்கத்தின் (Rashtriya Swayamsevak Sangh (RSS)) தலைவர் மோகன் பகவத், முஸ்லிம் ஆட்சியாளர்களின் வரலாற்று நடவடிக்கைகளுக்கு நவீன முஸ்லிம்களை குறை கூறக்கூடாது என்று நாக்பூரில் பேசினார். ஒவ்வொரு மசூதியிலும் சிவலிங்கம் தேட வேண்டியதன் அவசியம் என்ன என்று கேள்வி எழுப்பினார். மோகன் பகவத்தின் கூற்று நியாயமானதாகவே பார்க்கப்பட்டது. இருப்பினும், அவரது அறிக்கையைத் தொடர்ந்து குறிப்பிடத்தக்க நடவடிக்கைகள் எதுவும் இல்லை.
உத்தரப்பிரதேச முதலமைச்சர் யோகி ஆதித்யநாத், காசி மற்றும் மதுரா குறித்து நிறைய பேசியுள்ளார். பிப்ரவரி 2024 இல் உத்தரபிரதேச சட்டமன்றத்தில் அவர் உரையாற்றினார். இந்த உரையில், அவர் நிலைமையை மகாபாரதத்துடன் ஒப்பிட்டார். கிருஷ்ணர் ஐந்து கிராமங்களைக் கேட்டார். இன்றைய இந்து சமூகம் மூன்று மையங்களைக் கேட்கிறது: அயோத்தி, காசி மற்றும் மதுரா. இந்திய முஸ்லிம்கள் காசி மற்றும் மதுராவுக்கு உரிமை கோருவதை நிறுத்த வேண்டும் என்று அவர் கேட்டுக் கொண்டார். 1980 மற்றும் 1990 களில் அயோத்தி இயக்கத்தின் போது 'அயோத்தி மீது பார்வை இப்போது, இனி மதுரா’ (Ayodhya to Jhanki Hei, Kashi Mathura Baaki Hei) என்ற ஒரு முழக்கம் இருந்தது. அதாவது, அயோத்திக்குப் பிறகு, காசி மற்றும் மதுராவின் மீது கவனம் திரும்பும் என்று பொருளாகும்.
வரலாறு மற்றும் ஜமா மஸ்ஜித்
இந்தியாவின் பழமையான மசூதி கேரளாவில் உள்ளது. இருப்பினும், டெல்லியில் உள்ள ஜமா மசூதி (Jama Masjid) முஸ்லிம் வரலாற்றுடன் ஆழமாக இணைக்கப்பட்டுள்ளது. 1857 கிளர்ச்சியின் போது, இந்த மசூதி மகத்தான நடவடிக்கைகளின் தளமாக இருந்தது மற்றும் காலனித்துவ இராணுவத்தால் தீட்டுப்படுத்தப்பட்டது மற்றும் இழிவுபடுத்தப்பட்டது. செப்டம்பர் 20, 1857 அன்று, பிரிட்டிஷ் வீரர்கள் மசூதிக்குள் ஒரு நெருப்பைச் சுற்றி நடனமாடி தங்கள் வெற்றியைக் கொண்டாடினர் என்பதை நாம் அறிவோம். இது ஒரு இராணுவ முகாமாக கூட பயன்படுத்தப்பட்டது.
மசூதி ஒரு இராணுவ தளமாக இருந்த காலத்தில் பல வெறுக்கத்தக்க செயல்களைக் கண்டது. இந்தியாவின் முதல் சுதந்திரப் போர் என்று அழைக்கப்படும் போரில் முஸ்லிம்களின் பங்கு காரணமாக முஸ்லிம்கள் உயிர் மற்றும் சொத்து இழப்புகளால் பெரிதும் பாதிக்கப்பட்டனர். அவர்களின் தியாகங்கள் இந்துத்துவ வலதுசாரிகளால் அரிதாகவே அங்கீகரிக்கப்படுகின்றன. பல மாதங்களுக்குப் பிறகு, ஜமா மஸ்ஜித் மீண்டும் முஸ்லிம்களிடம் ஒப்படைக்கப்பட்டது. இலிஸ் ஆர், மோர்கன்ஸ்டீன் ஃபுயர்ஸ்டின் புத்தகம், "இந்திய முஸ்லீம் சிறுபான்மையினர் மற்றும் 1857 கிளர்ச்சி," (Indian Muslim Minorities and the 1857 Rebellion) இந்த நிகழ்வுகளையும் முஸ்லீம் அடையாளத்தில் அவற்றின் தாக்கத்தையும் விவரிக்கிறது.
சுவாரஸ்யமாக, 1857 கிளர்ச்சியின் போது ஜமா மசூதியை இடிக்க விவாதங்கள் நடந்தன. 1857-59 காலகட்டத்தில் தி டைம்ஸின் இந்திய நிருபராகப் பணியாற்றிய வில்லியம் ஹோவர்ட் ரஸ்ஸல் இதை வெளிப்படுத்தினார். 1858-9 ஆம் ஆண்டு இந்தியாவில் தனது நாட்குறிப்பில், ஜும்மா மஸ்ஜிதை அழிக்க சிலர் கடுமையாக பரிந்துரைத்ததாக ரஸ்ஸல் எழுதினார். இந்தியாவில் முஸ்லிம் சமூகம் தான் அதிக பிரச்சனைகளை ஏற்படுத்துகிறது என்றார். ஒரு வலுவான நடவடிக்கையில் இஸ்லாத்தின் மரபுகள் மற்றும் கோவில்களை அழிக்க முடிந்தால், அது கிறிஸ்தவத்திற்கும், பிரிட்டிஷ் ஆட்சிக்கும் பயனளிக்கும் என்று ரஸ்ஸல் மேலும் கூறினார்.
டெல்லியில் அமைந்துள்ள ஜமா மசூதி காலப்போக்கில் இந்திய முஸ்லிம்கள் எதிர்கொண்ட போராட்டங்களை கவனித்து வருகிறது. பாபர் மசூதி இடிக்கப்பட்ட 1992 டிசம்பர் 6 அன்று, நூற்றுக்கணக்கான முஸ்லிம்கள் டெல்லி ஜும்மா மசூதியில் கூடினர். அன்று மாலை ஷாஹி இமாமின் (Shahi Imam) உரையை அவர்கள் கேட்டனர். ஜனவரி 22, 2024 அன்று, அயோத்தியில் ராமர் கோவில் திறப்பு விழா அன்று பெரிதாக எதுவும் தெரிவிக்கப்படவில்லை.
2019 நவம்பரில் அயோத்தி சர்ச்சையில் இந்திய உச்சநீதிமன்றம் தனது தீர்ப்பை வழங்கியதிலிருந்து, இந்தியா முழுவதும் உள்ள முஸ்லிம்கள் தங்கள் கண்ணியத்தைக் காத்து வருகின்றனர். இந்த தீர்ப்பு கோயில்-மசூதி மோதலை நிரந்தரமாக முடிவுக்கு கொண்டு வரும் என்று அவர்கள் நம்பினர். இருப்பினும், இந்த விவகாரம் அதன் முக்கிய தலைவர்கள் தலைமையிலான பாரதிய ஜனதா கட்சியின் பிரச்சாரத்தின் ஒரு பகுதியாகத் தொடர்கிறது.
ஜமா மசூதியை புதுப்பிக்க ஐக்கிய முற்போக்கு கூட்டணி (United Progressive Alliance) அரசுக்கு ஒரு முன்மொழிவு செய்யப்பட்டது. வெளிநாட்டு மூலங்களிலிருந்து நிதி உதவிக்கு அனுமதி கோரியது. பாதுகாப்பு காரணங்களுக்காக இந்த திட்டம் நிராகரிக்கப்பட்டது. இதற்கிடையில், இந்துத்துவ வலதுசாரிகள் தங்கள் நடவடிக்கைகளுக்காக உலகளாவிய வளங்களைத் திரட்டும்போது இத்தகைய கவலைகளை எதிர்கொண்டதில்லை. 2021 ஆம் ஆண்டில், ஜமா மசூதியின் நிலை மற்றும் அதன் புனரமைப்பின் அவசியம் குறித்து நாடாளுமன்றத்தில் விவாதிக்கப்பட்டபோது, மோடி அரசாங்கம் அதன் மீது நடவடிக்கை எடுக்க வேண்டாம் என்று தேர்வு செய்தது.
மேலும் முனைப்படுவதற்கான ஆபத்து
முஸ்லிம்களின் மத வாழ்க்கைக்கு மசூதிகள் முக்கியமானவையாக உள்ளது. குபா என்று அழைக்கப்படும் முதல் இஸ்லாமிய மசூதி, நபிகள் காலத்தில் மதீனாவில் கட்டப்பட்டது. தற்போது, இந்துத்துவ வலதுசாரிகள் கோயில்-மசூதி தகராறுகளுக்கு அரசியல், அணிதிரட்டல் மற்றும் நீதித்துறை தலையீடு ஆகியவற்றை அடிப்படையாகக் கொண்ட ஒரு உத்தியைப் பயன்படுத்துகின்றனர். இந்த உத்திகள் டிசம்பர் 6, 1992 மற்றும் ஜனவரி 22, 2024 க்கு இடையில் நடந்த நிகழ்வுகளிலிருந்தும், அதற்கு முன் நடந்தவற்றை அடிப்படையாகக் கொண்டது.
1991 ஆம் ஆண்டின் வழிபாட்டுத் தலங்கள் (சிறப்பு ஏற்பாடுகள்) சட்டம் (Places of Worship (Special Provisions) Act) ஆகஸ்ட் 15, 1947 அன்று இருந்ததைப் போலவே வழிபாட்டு தலங்களின் மத இயல்பை பாதுகாக்க வடிவமைக்கப்பட்டுள்ளது. அரசியலமைப்புப் பிரிவு 370 யை மாற்றுவதை விட இந்த சட்டத்தை மாற்றுவது எளிது. எனவே, இந்த சட்டத்தில் மாற்றங்களை முன்கூட்டியே எதிர்பார்க்க முடியும். கோயில்-மசூதி விவகாரம் மேலும் முக்கியத்துவம் பெற்று காசி மற்றும் மதுராவையும் தாண்டி விரிவடையும். இது மத துருவமுனைப்பை அதிகரிக்கும் மற்றும் இந்தியாவின் வளர்ந்து வரும் மதச்சார்பின்மைக்கு சவாலாக இருக்கும்.
ஷேக் முஜிபுர் ரஹ்மான் வரவிருக்கும் ‘Shikwa-e-Hind: The Political Future of Indian Muslims’ என்ற புத்தகத்தின் ஆசிரியர் மற்றும் புது தில்லியின் ஜாமியா மில்லியா மத்திய பல்கலைக்கழகத்தில் பேராசிரியராக உள்ளார்.