கடும் வெப்பம் மற்றும் தண்ணீர்ப் பற்றாக்குறையால் டெல்லி மக்கள் கடுமையான சூழலை அனுபவித்து வருகின்றனர். தலைநகர் டெல்லியின் சில பகுதிகளில் நேற்று அதிகபட்ச வெப்பமாக 52.3 டிகிரி செல்சியஸ் வெப்பநிலை பதிவாகியுள்ளது. அதனுடன், இந்த வாரம் தண்ணீர்ப் பொதுவிநியோகம் (water rationing) பற்றிய அறிவிப்புகளும் வந்துள்ளன. பெங்களூருக்கு அடுத்தபடியாக இந்தக் கோடையில் வெப்பம் மற்றும் கடுமையான தண்ணீர் பற்றாக்குறையை ஒரே நேரத்தில் அனுபவிக்கும் இரண்டாவது பெரிய நகரம் டெல்லி ஆகும்.
ஜூன் 2019, நகரத்தின் நான்கு முக்கிய நீர்த்தேக்கங்களும் வறண்டு போன சென்னையின் ‘பூஜ்ய நாள் (Day Zero)’ நகர்ப்புற இந்தியாவின் மிகவும் பயங்கரமான தருணம். நாம் தண்ணீர் நெருக்கடியால் மிகவும் பாதிக்கப்படுகிறோம்.
நகர்ப்புறங்களில் குழப்பம் | அனைத்து நகர்ப்புற நீர் கொடுங்கனவுகளுக்கும் பொதுவானது பொருளாதார வளர்ச்சி மற்றும் அதன் விளைவாக கட்டிட விரிவாக்கம். இது குடிமை அதிகாரிகளின் திறனை விட அதிகமாக உள்ளது. இந்த வளர்ச்சியை ஆதரிக்க தனியார் நிறுவனங்கள் விதிமீறலில் இறங்கின. ஆனால், முக்கியமான பிரச்சனைகளை தீர்க்கத் தவறினர் என்பதே குறை.
உண்மையான சோதனை | பருவநிலை மாற்றத்தின் தாக்கத்திலிருந்து இந்தியா தப்ப முடியாது. வெப்ப அலைகள் நீண்ட காலத்திற்கு நிகழும். மேலும், நகரங்களுக்கு இன்னும் நிறைய தண்ணீர் தேவைப்படும். திட்டமிடப்படாத நகர்புற வளர்ச்சியின் சில முடிவுகளை, இயற்கையான பகுதிகளில் கட்டுவது போன்றவற்றை மாற்றியமைக்க முடியாது. உதாரணமாக, 2022ஆம் ஆண்டில், கர்நாடக அரசு பெங்களூரில் உள்ள 40 ஏரிகள் "மறைந்துவிட்டன" (disappeared) என்று மாநில சட்டமன்றத்தில் கூறியது.
மறுசுழற்சி, சிறந்த விருப்பம் | கழிவுநீரை மறுசுழற்சி செய்யும் முதல் இந்திய நகரமாக சென்னை அதன் "பூஜ்ஜிய நாள்" (Day Zero) நெருக்கடியை எதிர்கொண்டது. மூன்றாம் நிலை சுத்துகரிப்புக்கு ‘தலைகீழ் சவ்வூடுபரவல் ஆலைகள் (reverse osmosis plants)’ தொழிற்சாலைப் பயன்பாட்டிற்கான தண்ணீரை மறுசுழற்சி செய்யப் பயன்படுத்தப்படுகின்றன. மறுசுழற்சி நன்னீர் வளங்கள் மீதான அழுத்தத்தை உயர்த்துகிறது மற்றும் நகர்ப்புறங்களில் மோசமான பருவமழையின் தாக்கத்தை குறைக்க அனுமதிக்கிறது. சுத்திகரிக்கப்பட்ட தண்ணீரைப் பயன்படுத்த சில மாநிலங்கள் இப்போது தொழில்துறை மண்டலங்களைக் கட்டாயப்படுத்தியுள்ளன. உலகிலேயே அதிக தண்ணீர்ப் பற்றாக்குறை உள்ள நாடுகளில் இந்தியா 13வது இடத்தில் உள்ளதால் இது ஒரு விவேகமான கொள்கையே.
சாத்தியம் மிகப்பெரியது | 2016-ம் ஆண்டில், சாக்கடை நீரை சுத்திகரிப்பதன் மூலம் பெங்களூருவின் நீர் விநியோகத்தில் இதற்கான சாத்தியக்கூறுகளை இணைப்பது பற்றிய ஆய்வை இந்திய அறிவியல் நிறுவனம் (Indian Institute of Science (IISc)) மேற்கொண்டது. நாட்டில், தண்ணீரின் வருடாந்திர உள்நாட்டுத் தேவையாக சுமார் 20TMC-ல், சுத்திகரிக்கப்பட்ட கழிவுநீர் தேவையில் 80% வரை வழங்க முடியும் என்று மதிப்பிட்டுள்ளது. சராசரியாக, வளர்ந்த நாடுகள் 70% தொழில்துறை மற்றும் நகராட்சிக் கழிவுநீரை சுத்திகரிக்கின்றன. அதேநேரத்தில், குறைந்த நடுத்தர வருமானம் கொண்ட நாடுகளின் விகிதம் 28%ஆகக் குறைகிறது என்பது ஐக்கிய நாடுகளின் கண்டுபிடிப்புகளுடன் ஒத்துப்போகிறது.
மறுசுழற்சியை முன்னேற்றுவதற்கு பெரிய அரசுத் திட்டங்கள் தேவையில்லை. மறுசுழற்சி செய்யப்பட்ட தண்ணீரைப் பயன்படுத்துவதற்கான குடியிருப்பு மற்றும் வணிகத் திட்டங்களுக்கான கொள்கைகளை கண்டிப்பாக அமல்படுத்துவது குறிப்பிடத்தக்க தாக்கத்தை ஏற்படுத்தும். விரைவில், இந்தியா சிங்கப்பூரின் வழியைப் பின்பற்றி, கிராஃப்ட் பீரில் (craft beer) சுத்திகரிக்கப்பட்ட தண்ணீரைப் பயன்படுத்தத் தொடங்கும் என எதிர்பார்க்கப்படுகிறது.